أخواني الكرام .. شباب سوالف .. بغيت منكم خدمة .. ما يجيبها إلا رجالها

[Lumina LS]

بسم الله الرحمن الرحيم

أخواني الأعضاء الكرام .. السلام عليكم

في الحقيقة يا شباب سوالف بغيت منكم خدمة إن شاء الله تكون بسيطة وسهلة مع العلم ان الموضوع مهم بالنسبة لي نوع ما لأنه في الحقيقة يخص واحد عزيز علي من الجماعة..

في واحد من جماعتنا قصدني وطلب مني إني أشوف له سيارة "كابريس رويال"

بس ..

مكنسلة ..

يعني سيارة سكراب لا تصلح للاستخدام .


فياريت يا شباب إنكم تعينوني وتساعدوني بانكم تقولون لي وين ممكن القى سيارة مثل ذي وبكم ممكن يكون سعرها علما بأنها مكنسلة .. الرجال يبغي يشتري السيارة وبعدين يستفيد من القطع والأثاث اللي فيها ليستخدمها في سيارته اللي هي من نفس النوع لأن القطع الأصلية غالية جدا جدا ، فهو فكر في هالطريقة لأنها أوفر وأرخص ..

الرجاء يا كواسر سوالف انكم تساعدوني وتساعدون الرجال ترى والله انه رجال طيب وشهم وكريم ويستاهل كل خير .


والسلام عليكم ..

[CAMARO4EVER]

انشاء الله الربع مايقصروون معاك .

[Lumina LS]

مشكور يا camaro4ever

وانا في انتظار ردود الشباب :cool:

[TOP-SECRET]

والله اخوي لو اقدر اخدمك في هالموضوع مابخلت عليك

ان شاء الله الشباب ماراح يقصرون:)

[Yukon GT]

سؤال عالطاير ..

من أي مدينة أنت ..؟؟


رايي بصراحة .. تروح للتشاليح ..

ودور فيها إن شاء الله تحصل فيها ..



تحياااتي

[Corvette_Stingray]

إذا انت في البحرين ما بتحصل كابريس رويال في السكراب :D

ما بتحصله إلا في الوكالة والمعارض او ناس يبون يبيعون :D

طيب ليش ما يشتري قطع غيار أصلية ..

على الأقل يضمن جودتها وصلاحيتها ..

وما يزيد من السعر إلا القليل ..

:cool:

[oil_HKS_lio]

اعتقد تحصل في الرياض

تشاليح الي هنا كثير اروح اشوف قطع ماشفت رويال بس شفت كابرس عادي يمكن ال اس او التي وزد

(تشاليح الي بعد مخطط 91)

اعتقد تحصل في الرياض لئنهم يحبون السرعه

[RED Chevy]

مازظن بتحصل تو الناس عليهصحيح إنتشر بشكل قوي لكن ماتحصل مكنسل وتبي ls كان في واحد مكنسل بس مدري وين وصل أحين:banana:

[HSV-V8]

اخوي Lumina LS ....

تقريبا مستحيل تلاقي كابريس رويال في التشاليح ....

لكن عندي لك طريقة تقدر من خلالها تحصل اي سيارة تشليح تبهاها ....

تروح لوكيل السيارة وتدخل على مدير الورشه وتقولة انا مستعد اني اشتري اي سيارة تجيكم توتل لوست من نوع كابريس رويال ... وحط رقمك عندهم ... وصدقني اول ماتجيهم بكلمونك لان اصحاب التشاليح يخسفون بقيمة السيارة في الارض .... ولو زت على التشليح بالف او الفين بتكون السيارة لك .....

طبعا الطريقة السابقة مش مجربة ... لكن إعتبرة حل مؤقت حتى تلاقي مبتغاااااااك ... :)








تحياااااااااااااااااااااااااااتي ....... :glasses2:

[s_sfs]

انشاء الله الربع مايقصروون معاك .

[Lumina LS]

اخواني اعضاء سوالف الكرام ..

مشكوريييييييييييييييييييييييييييين وما قصرتوا

تصدقون عاد :glasses:

والله اني فخور فخور فخور فيكم وبكم :eek:

الله عطاني اخوة تفزع لي وتشد ظهري وقت الصعاب :banana:

الف الف الف الف مليووووووووووون شكر لك ولفزعتكم ولاهتمامكم بي وبمواضيعي وبمشكلاتي ..

بس ارجوكم سامحوني سامحوني على تأخري في الرد ، وذلك لأسباب خارجة عن ارادتي ..

مشكورين الف مليون مرة .. وعسى الله يخليكم ذخر لي

وعيدكم مبارك .. ولو انها جات متأخرة


السلام عليكم ..