إستشارة وإستفسار عن الأسعار وخبر حصري

[RED Chevy]

السلام عليكم ورحمة الله وبركاته

شباب أول شي نبدي بالخبر الحصري اللي ماظن حد منكم درى عنه:D

تويوتا أفالون الشكل الجديد بالكامل موجودة بالبحرين نسخة وحدة بس للمعهد الياباني للتكنلوجيا أو شي هاللون...


الموتر أقدر أقول عنه طفرة في التصميم ومتميز جداً ومافي مقارنه بينها وبين القديمة من داخل قمة في الفخامة والأناقة والتطور:black:

الشكل الخارجي فيه كثير من اللكزس gs الجديد اللي بتكلم عنه أحين، فيها بعض الملامح من الموديل القديم لكن بشكل راقي وجميل وأعطيها 10/10 إذا نزلت:black:

اللكزس GS اللي أقدر أقول عنها تحفة فقط لاغير:cool: سيارة قمة في التطور والتكنلوجيا ضاربة ألف فيها والفخامة حدث ولاحرج والأناقة الخارجية والداخلية توب وآنا بنفسي ركبتها وشغلتها طبعاً بدون مفتاح"" سمارت كي" ومواصفاتها لايعلى عليها بس باقي تجهزون نفسكم وتستعدون عشان تقدرون تستحملون روعة جمالها لما تشوفونها:p :eek: :black:

______________________________________

أحين نرجع لقصتنا القديمة :

شرايكم بالGS ناخذه أول الالبي إم 5 أو مرسيدس E اليت لو تعطونا أسعار البي أم في السعودية وقطر إذا ماعليكم أمر ضروري عشان نحدد السيارة اللي بناخذها لأن البي أم أسعاره نار هني ال520 ب19:shock2:

[bashar_255]

البي ام مديلات كم تبي؟

لأن عندي فكرة عن بعض المديلات :rolleyes:

[الشبابي]

هلا اخوي ريد شيفي ...
بالنسبة للخبر الحصري وبما ان ريد شيفي مدح سيارة يابانية لا وتويوتا بعد فمعناته ان الجي اس والافالون حتكون حاجة محصلتش ...
بالنسبة للاسعار فالمرسيدس كان يبدأ من 137 الف قبل ارتفاع اليورو اما الان بحدود 150 هذا لاقل نوع اي 200 الظاهر ...
الجي اس الجديدة بحدود 170 الف على كلامهم ...
البي ام ماعندي فكرة عن اسعارها لكن اول كانت 190 الف لل 530 بدون فتحت سقف والفل ب 205 لكن ارتفعت مع اليورو بحدود 20 الف ريال ...
















اخوكم الشبابي

[RED Chevy]

هلا والله بالشباب:

bashar_255 : البي أم لو نحصل ال530 يكون ممتاز لكن بكم بيكون وهل الصيانة المجانية معه أو لا لأن هني قال لنا ال530 مع الصيانة 5 سنين ب213للفل أوبشن طبعاً وال525 ب192 وهم الفل هذولي أبي أسعارهم إذا ممكن:help:


الشبابي : هلا والله، عن اللكزس ترى صج الموتر فوق مستوى الإعجاب وقلت حق المندوب هناك كلمة في ويهه، قلت له آنا أحتقر شي إسمه لكزس لكن إذا بحترمها إحترامي بيكون بسبب هالسيارة:cool:
موتر موطبيعي قمة الروعه والأناقة والتطور ومواصفاته توب التوب مقابل سعره الجيد( ماحدد لنا لكن قال 18 تقريبا! زايد قاصر)، المرسيدس مع اني أموت فيه لكن أحاول أخليه آخر خيار لأن أسعاره فوق وايد والوكيل حرامي تودي له الموتر يرد ناقص أغراض السيرفس تدخله يطلع لك علل يضرب عليك كم ألف زود:mad: من جذي أحاول أخليه بعيد شوي، آخر مرة سألنا قال ال240 إيليجانس بدون شاشة ب180 يعني ناخذ الgs كامل المواصفات بنفس السعر ويمكن أقل بعد!!!
البي إم حلو لكن من داخل بايخ وشكله هم بايخ لكن مواصفاته حلوة ومعه صيانة 5سنوات:rolleyes:

شفنا الطوارق وكان قمة في الروعه والمواصفات قال لنا ب17 للفل أوبشن سته سلندر لكن عيبه الوحيد وكيله الزفت وتقدر تقول باقي السيارات أساميها أقوى من ناحية الرزة:D

آنا أنتظر الكادي STS لأنه بيكون تقريباً بنفس مواصفات اللكزس والسعر مقارب والشكل روعه بعد وبينزل بنفس الفترة، ننتظر بعد الML إذا نزل على شهر واحد يمكن تتجه الأنظاتر له:D

[TOP-SECRET]

الـ525 خذه ولد خالتي ب170 الف ريال قطري فل اوبشن

الـE يبدأ من 148 الف للـE200 والـE320 اعتقد سعره 180 او 190 طلعه رفيجي والـE500 سعره 220 الف

وبالنسبه للخبر اكيد بما انك مدحت التويوتا الافالون بيكون تحفه والـGS بسئل عنهم متى بينزلون رسمي وبكم اسعارهم وفالك طيب

[AMG]

مشكور على الخبر الحصري بس كان بيكتمل بوجود الصور :help:

[RED Chevy]

رد مقتبس من TOP-SECRET
الـ525 خذه ولد خالتي ب170 الف ريال قطري فل اوبشن

الـE يبدأ من 148 الف للـE200 والـE320 اعتقد سعره 180 او 190 طلعه رفيجي والـE500 سعره 220 الف

وبالنسبه للخبر اكيد بما انك مدحت التويوتا الافالون بيكون تحفه والـGS بسئل عنهم متى بينزلون رسمي وبكم اسعارهم وفالك طيب

حياك الله يالغالي، المرسيدس ماظن تفرق الأسعار كثير لكن البي أم هو المشكلة الفرق كبير إذا كان ال525 ب170:banana: ومشكور مقدماً يالغالي

[RED Chevy]

رد مقتبس من AMG
مشكور على الخبر الحصري بس كان بيكتمل بوجود الصور :help:

لما شفت الأفالون قلت هذي وقت التصوير لكن إن شاء الله المرة اجلاية باخذ الديجيتال معاي يمكن السبوع الياي:black:

يكون سوالف أول موقع تنزل فيه صور الأفالون الجديدة بالعالم:p

[Supra_Rider]

من وين طالعة الشمس اليوم

ريد شيفي يمدح تويوتا:OO:

هذي الساعة المباركة يا وليدي:laugh:

دامنك مدحتها اكيد بتكون شيء خيالي و ننتظر وصولها على احر من الجمر

احنا بعد كنا ناوين على BMW الفئة الخامسة لان سحرها لايقاوم

لكن بعد كلامك ننتظر هالسيارتين و نشوف

[RED Chevy]

رد مقتبس من Supra_Rider
من وين طالعة الشمس اليوم

ريد شيفي يمدح تويوتا:OO:

هذي الساعة المباركة يا وليدي:laugh:

دامنك مدحتها اكيد بتكون شيء خيالي و ننتظر وصولها على احر من الجمر

احنا بعد كنا ناوين على BMW الفئة الخامسة لان سحرها لايقاوم

لكن بعد كلامك ننتظر هالسيارتين و نشوف


:D تعرفوني آنا من زمان حيادي أقول الزين زين والشين شين:laugh: :D :D

الشي اللي يستاهل نقول عنه لكن بصراحة هذي ممكن تكون أول سيارة يابانية أعشقها بجد( اللكزس مو الأفالون:D ) لكن شنسوي تظل تويوتا:p


غريبة محد جاب لي أسعار البي إم:(