تعادل البحرين واليمن 1-1

[TOP-SECRET]

بسم الله الرحمن الرحيم

السلام عليكم ورحمة الله وبركاته

انتهت قبل قليل مباريات قريبه

نبدأ بمباراة البحرين مع اليمن مباراه غريبه عجيبه

من خلال الضغط على اليمن والمستوى المتذبذب للفريق اليمني وظهور المنتخب البحريني بشكل قوي

الا ان المنتخب اليمني يفاجيء البحرين بأنه يخرج متعادلا ً

وانا من وجهة نظري فإن حارس اليمن هو السبب الرئيسي لخروجهم متعادلين

ياريت نشوف تحليل للمباراه بين شباب المنتدى مشاء الله شباب البحرين وايد

[Mr_CoRvEtTe]

مشكور اخوي على الموضوع


طبعا الحارس كان له دور كبير في خروج اليمن بالتعادل وبعد تسرع لاعبين البحرين عشان يسجلون الهدف وضياع الفرص السهله

[وفوووية]

بسم الله الرحمن الرحيم

أنا ما شفت المباراة...

بس الكتاب مبين من عنوانه...

وين منتخبنا الأحمر في خليجي 16...ووينه اللحين...

:cry: :cry:

[CAMARO4EVER]

الحارس اليميني والحكم العماني هما السبب في خروج البحرين متعادله مع اني اعتبرها خساره للمنتخب البحريني ..



و الخساره السعوديه من صالحنا .




تحياتي لك .

[عمرTarga]

لعيونك ياكمارو السعودية خسرت:D

[CAMARO4EVER]

هههههههههه


وترقبوا مباراة السعوديه والبحرين ...

[TOP-SECRET]

مشكورين شباب على الردود والمشاركه

بصراحه كان فيها شد اعصاب حتى بين لعيبة المنتخب البحريني اذا ضيعوا فرصه تحصلهم متنرفزين يبون يسجلون قول بسرعه ويمكن مثل ماقلتوا شباب التسرع هو السبب لكن الحكم الصراحه ماشفت شي في تحكيمه من اي ناحيه اخوي كمارو الحكم العماني ساعد اليمن:think:

وانا اعتبرها خساره للبحرين بصراحه وبالتوفيق للجميع في المباريات الجايه:)

[RED Chevy]

والله فشلونا:mad: لعبهم كان بايخ لأقصى حد وماعندهم عذر عشان يطلعون متعادلين غير إنهم لعبوا بثوارة وبدون تفكير كل واحد قال بنلعب ويا اليمن ضامنين الفوز قاموا يستعرضون يبون يتفنون مافيهم إلا طلال وعلي حسن الباقي كلهم لعبوا بأنانية وثوارة:o

زين إنهم تعادلوا آنا قلت بطلع مسيرة حق اليمن إذا فازوا:corsair:

إن شاء الله يتعدل لعبهم المباراة الياية:)

[CAMARO4EVER]

توب سيكريت .. على الاقل حسب لنا ركله جزاء واحده من الركلتين الجزاء الغير مشكوك فيها وواضحه 100% وحتى المعلق قالها . . .

[هجيرالصمت]

المنتخب البحريني ظهر بصورة مهزوزة وكان التوتر ظاهرا على لاعبيه.....

المشكله الرئيسية في التعادل هو رغبة الاعب البحرين الملحة في تسجيل هدف بأسرع مايمكن حتى ييحسم المباراه بالأضافه للضغط النفسي وهذا جعل المنتخب البحريني يفقد أريحيته التي تعودنا عليها في المباريات وتنسيق الهجمات بين اللاعبين ........

كانت تلك هي أول مباراة للبحرين في البطولة وحتما الامل لازال قائما للبحرين ......

هجير الصمت

[TOP-SECRET]

رد مقتبس من RED Chevy
والله فشلونا:mad: لعبهم كان بايخ لأقصى حد وماعندهم عذر عشان يطلعون متعادلين غير إنهم لعبوا بثوارة وبدون تفكير كل واحد قال بنلعب ويا اليمن ضامنين الفوز قاموا يستعرضون يبون يتفنون مافيهم إلا طلال وعلي حسن الباقي كلهم لعبوا بأنانية وثوارة:o

زين إنهم تعادلوا آنا قلت بطلع مسيرة حق اليمن إذا فازوا:corsair:

إن شاء الله يتعدل لعبهم المباراة الياية:)

والله ياعبدالرحمن يمكن البدايه تكون تدريجيه للبحرين احسن من انها تكون سلبيه وعندكم فرصه كبيره

بس الي انا لاحظته في لعب البحرين الشي الطاغي عليهم هو التسرع والحارس الصراحه 10/10

لولا الحارس يمكن عالاقل 3 سجلوا البحرين

والمباراه اليايه اتوقع انهم بيسوون شي كبير:think:

ومشكور على ردك بس حسين علي بعد ماكان بالصوره المطلوبه واكثر الاوقات يكون في التسلل وياته

ضربه وحطها في الزاويه البعيده بس طلعت برا الملعب:(

تحياتي ومشكور على ردك

[TOP-SECRET]

رد مقتبس من CAMARO4EVER
توب سيكريت .. على الاقل حسب لنا ركله جزاء واحده من الركلتين الجزاء الغير مشكوك فيها وواضحه 100% وحتى المعلق قالها . . .

والله اخوي كمارو انا يوم شفت المباراه ماشفت فيه اخطاء بس بما ان المحللين شافوا الغطات اكثر من مره وقالو فيه ضربة جزاء هذا خطأ من الحكم وخطأ كبير مادري الاتحاد القطري شنو بيتصرف معاه لان سمعت ان البحرين بيتشكون على الحكم العماني:think:

[TOP-SECRET]

رد مقتبس من هجيرالصمت
المنتخب البحريني ظهر بصورة مهزوزة وكان التوتر ظاهرا على لاعبيه.....

المشكله الرئيسية في التعادل هو رغبة الاعب البحرين الملحة في تسجيل هدف بأسرع مايمكن حتى ييحسم المباراه بالأضافه للضغط النفسي وهذا جعل المنتخب البحريني يفقد أريحيته التي تعودنا عليها في المباريات وتنسيق الهجمات بين اللاعبين ........

كانت تلك هي أول مباراة للبحرين في البطولة وحتما الامل لازال قائما للبحرين ......

هجير الصمت

صحيح كلامك اخوي هجير الصمت كان التسرع طاغي على العب البحريني لكن كانت هجمات خطيره جدا لكن ماستغلوها او حاولو يستغلونها لكن الحارس وقف لهم بصراحه تعجبت من مستوى الحارس

وفعلا مثل ماقلت الامل لا زال قائم للجميع وتونا في بداية الدوره

وبالتوفيق للجميع ان شاء الله

مشكور على ردك والمشاركه مشرفنا

[مهوس العين]

:help:

الاحمر يحتاج الى وقفه صارمه فمستواه لا يأهله بتاتا الى صعود الدور الثاني ! فما بالك الحصول على الكاس .. ستريشكو يجب ان يتدخل لان المنافسه قصيره و هناك مبارتين فقط من اجل التاهل .. تلحق او ما تلحق ! :)

[TOP-SECRET]

اخوي مهوس العين انا يمكن عكسك في بعض النقاط

لان مستوى البحرين الي طلع فيه مع اليمن كان قوي وجدا جدا

لكن المشكله ماحالفهم الحظ وفرص كثيره ضاعت منهم والسبب حارس المرمى الي

احرج المهاجمين بمستواه المتطور

لكن اشوفه لحد الان افضل من باقي المنتخبات الي لعبت باستثناء عمان

ومشكور على ردك والمشاركه

[مهوس العين]

اخي الكريم توب سيكريت .. :)

التاريخ لا يعترف بالاداء اطلاقاً فالنتيجه هي الاهم بكل تاكيد , المنتخب البحريني لم يؤدي بالشكل المطلوب و كان عليه ان يخلق فرص تتيح له التسجيل و كما شاهدنا في المباراه لعب مهزوز تماما من قبل الاحمر البحريني فهذا ليس احمر كاس اسيا !!

:)

[TOP-SECRET]

اختلاف في وجهات النظر واحترم وجهة نظرك مشرفنا

[الشهيدة]

الاحمر دخل بغرور وكبرياء

وعمر الغرور مايجيب الفوز

وعموما...اتمنى التوفيق للمتخب اليمني والعراقي والعماني

[TOP-SECRET]

والله اختي للأسف الثقه الزايده مو مطلوبه في كرة القدم وللأسف الاحمر دخل عشان يسجل 3 و 4 و5 مش عشان الفوز وهذا نتيجة الي صار:(

مشكوره عالمشاركه والبتوفيق للجميع ان شاء الله:)

[مهوس العين]

الأختلاف في الرأي لا يفسد للود قضيـه :)

[TOP-SECRET]

صحيح كلامك مشرفنا بس جملتي احسن مع انهم نفس المعنى:D :eek: :D