سوالف للجميع - . رائحة غريبة .

يا هاجسي

13-12-2004, 10:32 AM

السلام عليكم ورحمة الله وبركاته

وصبحكم الله بالخير جميعاً

:cry1: إستفسار موجه لذوي الإختصاص..

طبعاً وكبداية السيارة باترول ربع 2004..
:cry1: الخميس اللي طاف طلعت للبرية طلعة يعني خفيفة شوية وبنفس الوقت شنيعة.. فالحاصل إنه بالرملة بنشر علي الكفر كذا مزاج ودلع الظاهر.. بصراحة شديت على الموتر إلين طلعت على أرض صلبة و الحمد لله غيرت الكفر وصار الوضع تمام..
:cry1: إللي ماهو حلو ولا هو تمام إنه فيه رائحة غريبة مثل الحرق ظهرت وصارت قوية.. وللأسف مازالت مستمرة إلى الآن..
:cry1: إللي أبغى أعرفه منكم يا أهل الإختصاص.. وش سبب الرائحة هذه..؟
وهل هي بداية مشكلة..؟
وإن كانت بالفعل مشكلة ماهو الحل..؟
للمعلومية.. أنا مركب فلتر بس..
:cry1: أرجو أن تكون هناك إجابة..
ودمتم بخير جميعاً..

:cry1: يا هاجسي..

bashar_255

13-12-2004, 10:43 AM

يمكن عندك تسريب زيت بريك أو مفحط في مكانك و انت طالع للرصيف و الريحة علقت لداخل :D

اذكر مرة مزاج كذا ارض كبيرة براحة ورا الجامعة مشي على 40 بعدين فضيت القير كسرت الدركسون و عودت شبكته و انا داعس الدوسة حدها عطرت الحارة كلها بـ3 خمسات :D

ثلاث ايام يركبو معاي الشباب : بشار ريحة سمك بالسيارة :mad:

و انا :black:

_z06_z06_

13-12-2004, 05:35 PM

الريحه زي ايش يعني

اذا ان الريحه مشابهه لريحة الزيت يمكن في تهريب عندك

اما اذا ان الريحه تحس انها ريحه كريهه ماتنطاق فهذا اتوقع من الدسك تبع القير اذا كان عادي مو تماتيك

وفي ريحه تطلع من البطاريه لانها انتهت مدتها تبي تغيير اذا مسكت خط وقف وشف البطاريه يطلع دخان منها ولا لا ....
وشم البطاره فيها نفس الريحه عشان تتأكد

وهذا اللي عندي اتمنا من يفيدك من الشباب

وشكرا

infiniti

13-12-2004, 11:02 PM

اذا كانت هذي اول مره تطعس بالسياره غالبا تكون ريحه الكلتش و راح تجلس معاك تقريبا مدة ثلاث او اربع ايام و اذا تبيها تروح غسل السياره من تحت (غسيل بستم) و تروح بسرعه .

و اذا كنت مطعس من قبل فاكيد انك شغلت الدبل الثقيل و شديت على السياره و طبيعي تطلع هذي الريحه لانها تكون اول مره تزيد الحمل على الكلتش و بعدها ممكن تطلع معاك هذي الريحه مره او مرتين و بعد كذا خلاص تختفي .

و نصيحه اذا طلعت الريحه مره ثانيه و انت تطعس حاول انك تخلي الموتر يبرد شوي عشان ما يحترق عندك الكلتش.

A.S.T.Y

13-12-2004, 11:15 PM

احتمال انها ريحة الكلتش نفس ماقال infinti خاصة اذا السيارة ماتدوس فيها او جديدة ..

يا هاجسي

14-12-2004, 02:54 PM

:cry1:

مرحباً بـ الشباب..

وحياكم الله..

قبل كل شئ شكراً لكم على التواجد وعلى الحضور..
وبعد كذا شكراً على إبداء الآراء..
والظاهر مالي إلا الوكالــــة.. أروح لهم وأطلب فحص الكلتش.. والقير بعد.. :cry1:
لذلك يومين إن شاء الله وأبدخلها وأبرجع أقول لكم وش إللي حصل..
مرة ثانية شكراً لكم..
ودمتم بخيــــــــــــر..

:( يا هاجسي..