سوالف للجميع - مشكلة منو يحلها ؟

LOVE SS

14-12-2004, 01:54 AM

معاي فورد 2001

كروان فكتوريا

امريكي

الموتر فيه مشكلة وماادري بالضبط من وش

والمشكلة بالتلخيص

هي وانا ماشي على السيارة بسرعة 160 ودعست بنزين بسيط عشان اصل ال170 او 180 يرجع ثالث ؟؟؟ مع العلم الدعسه خفيييييييفه مره

واذا كان الموتر بالثاني ودعست دعسه قويه ومشيت يبقى ثاني ويحن وارفع رجلي شوي ويبدل للثالث مع العلم اذا استمريت بعض المرات يبدل على طول وبعضها لازم ارفع رجلي شوي عن الدعسه اما اذا مشيت طبيعي يبدل عااااادي لاكن اذا وصلت 160 بدل بالثالث

وانا محتار ماادري المشكلة من الجير او دعاسة البنزين

لأن بعض المرات اوقف السيارة واحط P تزود سرعة الماكينه وادعس واتهدي على المشكلة من
الدعاسه تعطي بنزين اكثر وانا ماشي ؟ مع العلم انا اول ماشريت السيارة فحصتها عند ميكانيكي وقال
الجير اوكي والدفرنس اوكي لاكن مع استخدامي اليومين هذي طلعت المشكلة وشرااايكم

والسلام عليكم

14-12-2004, 02:09 AM

تبغاني اكدر خاطرك؟

:(

والله ما ودي ...لكن يالله تحمل الي حصل وقل الحمد لله على كل حال ....

القير في طريقة الى التخبيط ......

القير على بدايه التخبيط .......

بالعربي تحتاج الى توظيب للقير

الله يعوض عليك

تحياتي :)

Porsche GT2

14-12-2004, 07:56 AM

الأفضل إنك تروح لمركز متخصص بالقير عشان يفحصونه ..

وأنا للأسف أتوقع زي ما قال الأخ S8 .. لأن نفس المشكلة بالضبط صارت مع خويي معاه كابريس LTZ موديل 2002 ومالها حل غير التوضيب .. :(

والله أعلم ..

HAMANN.de

14-12-2004, 02:15 PM

هلا شباب انا كانت معاي قبل سنتين BMW 735IL والمشكله كانت تجيني طقه(ظربه) احيانا مع التبديله رحت لمكانيكي مع اني ماكنت اتعامل معاه وشيك وقالي السيره يبيلها تغير دفرنش ورحت لميكانيكي ثاني اعرفه غيرلي زيت مع فلتر والسياره رجعت OK

مع العلم ان زيت قير bmw يجي مدى الحياه ومايتغير والوكاله انصحوني بعدم تغيره:confused:

STS4ever

14-12-2004, 03:17 PM

اكييييد جير بس لاتشيل اي هم لان القير مجدد من ترايستار بـ 1800 ريال مع التركيب :laugh: :laugh: وترجع السياره اقوى من قيرها الاصلي بعد وفوق كذا ضمان سنه يعني ريييح بالك ماتكلف كثير
ياشيخ لو معي فورد بعدم قيره كل شهر :D

سلام

LOVE SS

15-12-2004, 01:20 AM

لحظة ؟ معقوله جير

طيب ليه الكلب الميكانيكي يقولي مافيه شي ؟ وهو فلبيني ووورشه كبيره ؟

بس انا بوديها واحد ثاني ,,,وان شاء الله يكون الحل غير كذا

لاكن الجير من ترايستار بأي مكان بالدمام ؟

والظاهر اني بوقف السياره ,,,,,,,,,,بالمعرض واحدها براس مالها وازتها

على قولتهم نبيعها بكلب سرق اهله :D :D :D :D :D

بس صراحة انا اكتب الكلام هذا وانا مقهور

تتوقعون كم تجيب لي السيارة ماشي 100 الف

وامريكي ومواصفاته جلد والمراتب نفخ وريموت وجنوط 2004

كم يسوى ؟؟

لاكن STS4ever الفورد ان شاء الله خلاص اني كنسلته

بدور 560 موديل 90 واريح بالي :D الماني

افضل سيارة استعملتها بحياتي هي 560

بااااااااااي ومشكورين وماقصرتوا وبكره اوافيكم بالاخبار ونشوف الميكانيكي وش يقول