من تقنع النفس

[هيا]

ـــــــــالشاعر أحمد الكندي رحمة الله عليه


http://www.6rbtop.com//library/resources/a7med-al5ndi/Collection/listen/16872_hi.ram

[زمردة]

من تقنع النفس قنعت لوتعاتبها // ماعاد ترجع كما لاول على العاده

شيء ٍ بلا شفها ماعاد يطربها // اذا انكفت مالها في تركها راده

نفسي على ماكرهت ماني بغاصبها // ماهي على المخدعه والشين معتاده

بالأرض عايش وماشي في مناكبها // والحمد والشكر للمعبود وزياده

ماحد رزقه بيد غيره ويطلبها // الرزق عند الذي يرجونه عباده

خل الهضيمه وتتركها لصاحبها // لو كان عندك بعير ٍ عاجز شداده

من تلدغ اليد في الحفره عقاربها // ماتردها ثانيه والعقرب اسداده

واختار م الهجن سير البعد يطربها // ماتتبع الظل يوم الشمس وقاده

والدار من يوم تتكدر مشاربها // ما للمعيشه بها ذوق ٍ على الراده

ماتدمع العين إلا لها سبايبها // إما وغف أو بها عله ونكاده