استفسار عن محركين (Doch+QuadCam)

[Google]

السلام عليكم

اخواني شفت واحد سال عن المحرك vTec و بصراحه تحمست و بغيت اسال عن محركين و هي
Doch 16v ووش المقصود بـ16v ؟ و ايش المقصود بـDoch ؟ ووين يصنع ؟ و على اي نوع من السيارات يركب (سؤال لخبراء السيارات)؟

و محرك V6 QuadCam 24 Valve, و ايش هي تقنية هذا المحرك QuadCam و ايش المقصود بـ 24 Valve ؟ ووين يصنع؟ و على اي نوع من السيارات يركب (سؤال لخبراء السيارات)؟

و نصائحكم لمن يملكون هذي المحركات و يبوبن يعدلون على سياراتهم :)

[mr_z]

بالنسبة ل16v يعني 16بلف لأن v=valve
doch ما أعرفها بس اذا كان قصدك dohc=double overhead cam
أما عن صنعها وتركيبها يعتمد على السيارة الي تبي تنقل المحرك عليها و على مساحة منطقة المحرك

[EIPITL]

السلام عليكم ورحمه الله وبركاتة

بالنسبه لسؤالك الاولي



محرك ال Dohc اختصار حق Dual overhead camshafts او Double overhead camshafts
المقصود ب 16 vavle .. هذا عدد البلف في السلندر .. المحرك هذا الي كاتب عنه انت
هو محرك اربع سلندر لان في كل سلندر 4 فلف .. اثنين حق تدخيل الهواء (( intaking air ))
واثنين حق الاخراج .. وعلشان اسهل عليك بحط صورة ماخدنها من موقع

http://static.howstuffworks.com/gif/hemi-pent-roof.gif

هذا تصميم بسيط من موقع Howstuffworks يشرح طريقة عمل محركات الHemi
عملية الاحتراق شفت مدخل ال Fuel ؟؟
هنا يدخل مزيج من الهواء والبترول وفي ها الحالة يكون البستن تحت ولما يدخل المزيج
بعدها يرتفع البستن الى اعلى علشان يضغط المزيج ويقوم البلك بأشعال شرارة ويصير الاحتراق
وبعدها تطلع الغازات من Exhaust

شفت انت ال vavle and spring .. هذا الفلف حق تدخيل مزيج الهواء والبترول .. في سيارات
ال Dohc في كامين و4فلفات .. اثنين حق تدخيل الهواء واثنين حق خروج الهواء (( exhaust ))
بينما ال Sohc اختصار حق Single overhead camshaft

يجي فقط كام واحد ويديرهم بينما الDohc اثنين ..

افترض عندنا Mitsubishi 3000GT VR4
http://www.stealth316.com/images/rtsgt98p3.jpg

هذي السيارة قوتها 320 حصان و24 فالف وDohc وسته سلندر

24 قسمة 6 = 4 فلف (( اثنين حق تدخيل الهواء واثنين حق الاخراج )) في كل سلندر

وهذي تقنية يستخدمونها الناس في محركاتهم .. شوف الVtec شغلته ان يخلي الموتر يتنفس اكثر كيف ؟؟ يتحكم في مده انغلاق الفالفات الي تكلمت عنها وجذي في RPM فوق
يدخل هواء اكثر حق الموتر وبترول طبعا ويصير عزم الموتر اكبر بينما علىrpm خفيف يصير
اقتصادية والفالف مايفتح لمده طويلة نفس مايفتح على rpm اكثر ..

شوف التقنية ؟؟ الحين VTTI و Mivec و VTEC كلهم نفس الشغلة تقريبا ..

[Google]

يعطيكم ألف عافيه اخواني و معلومات مهمة

و الموضوع يرفع عشان تعم الفايده بصراحه انا استخدفت من الاخوان

يعطيكم العافيه