تجمع في البحرين

[B.M.W X5]

بسم الله الرحمن الرحيم

كيف حالكم شباب إن شالله مرتاحين :D

يا جماعة نسمع تجمعات في الأمارات والسعودية ما شالله عنها بس ما نشوف تجمعات حق شباب البحرين مع أنهم وايد في هالمنتدى وفيهم الخير والبركة؟!!!!! :think:

أنا حاب نسوي تجمع لشباب البحرين وفي أي مكان نتفق عليه وفي أي وقت :glasses2:

وينهم شباب البحرين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟






أخوكم الصغير الحميدي :banana:

[راعي الايفو]

تبي تسوي تجمع لشباب البحرين؟
انا هذي الفكرة من زمان كنت افكر فيها ولكن بشكل اوسع

كنت افكر ان نسوي تجمع لكل شباب منتديات سوالف في بلد معين هذا الشي طبعا قبل لا تفتح الجامعه
والحين فتحت جامعتي لذلك لغيت الوضوع لان ما اقدر اسافر لأي بلد
وبصراحه انا اوافقك الرأي
انت برز نفسك وراح نسوي التجمع ان شاء الله

[B.M.W X5]

هلا أخوي راعي الأيفو أنا جاهز للتجمع في أي مكان بس يكون في البحرين :D

وفي أي وقت بس أهم شي نسوي تجمع ونشوف الشباب الطيبة من البحرين

وللعلم أنا طالب جامعة في البحرين وللحين ما بدأ الدوام عندنا :cool:










الحميدي

[bahrainlove]

وأنا موافق بعد

[B.M.W X5]

وأنا موافق بعد

هلا أخوي وحياك الله

بس وينهم باقي شباب البحرين ؟؟؟؟؟؟؟؟؟؟؟؟؟؟؟؟؟؟؟؟

[B.M.W X5]

والله فشله ما رد الا 2 على الموضوع :shy:
شكله الشباب ما يبون تجمع :cry1:

أطلب وبكل أسف من المشرفين التكرم بحذف موضوعي

[sayedco]

لا تخاف احنا بعد نبي تجمع بس مسامحة على التأخير في الرد

لا يخيب أملكم ترى إذا تبون عندي ربع وايد في البحرين بس المشكلة مو مشاركين في المنتدى و مستواهم الكمبيوتري فاشل!!

بس أي وقت تبون آنا حاضر

و أي مكان يكون بس بعد هذا الأسبوع لأنه تعرفون الشوارع زحمة و ما نقدر نطلع عدل
و ذلك بسبب اغلاق بعض الشوارع و آنا محكور بينهم فآقترح يكون:

يوم الخميس بعد إسبوعين

هذا فقط إقتراح و إذا تأكد الإجتماع خبروني ترى باخبر وايد من ربعي يجونكم
و شكراً يا BMW X5 على الموضوع

[B.M.W X5]

هلا وغلا sayedco:

والله أنا ما عندي مانع نسوي تجمع يوم الخميس بس أنا حاب الشباب اللي بيون يكونون أعضاء في منتدى سوالف على الأقل هم المنظمين ومو مشكلة لو وصل شباب ثانيين خير وبركة

وأنا جاهز للتجمع :glasses2:

بس وينهم شباب البحرين ............ ها وش رايكم؟؟؟؟؟؟؟؟؟؟؟؟؟؟؟ نتجمع ولا لأ؟؟؟؟ :D







الحميدي

[180B]

والله انه الفكره من زمان ابي اقولها بس مستحي من قريت عن التجمعات الي طافت

على العموم انته حدد وحنه تحت الخدمه ( التواصل عادتنا )

شوف مته واي وقت وفي وين وحنه حاضرين

وسمحلنه على التاخير

[HAMANN.de]

بما اني من قطر يعني ماقدر اشارك في التجمع :( وبالتوفيق ياشباب

راعي الأيفو : فكرتك في تجمع شباب سوالف رهيبه جدا

[B.M.W X5]

180B :
هلا أخوي ونورت والله الموضوع بس ياخي ما شوف تفاعل كبير من الشباب
وعلى العموم أخونا راعي الأيفو أقترح أن يكون التجمع يوم الخميس بعد سبوعين فعطونا رايكم شباب

HAMANN 5.0:
حيالله أهل قطر وترى ما في مشكلة أذا تبي تجينا البحرين عادي :D
وشاكر لك دعمك الغالي :banana:








الحميدي

[راعي الايفو]

بعد اسبوعين وايد زين
وانا بعد مستعد اشوف لكم ناس للمشاركه في التجمع والربع وايد
شوف بعد اسبوعين اوكي
تعرف الحين شوي زحمه والحين شهر محرم ومعظم الشوارع مسكرة بالبحرين فبعد محرم يعني بعد اسبوعين كل شي راح يصير زي الفل واذا ممكن نكون احنا متواصلين وانا من اليوم راح اجهز للشي هذا راح اخبر بعض الناس علشان يشوفون لنا مكان حلو ونظيف ومافيه مرور ناخذ حريتنا اشوي نقدر على الاقل نفحط :D

[Silver_VR]

مشكوور اخوي B.M.W X5 على الفكرة

وانا مستعد ان اكون معاكم في هذا التجمع .

[RED Chevy]

شرايكم بتاريخ24 لأنه بيكون في دراج وخلو التجمع بالحلبة...

[B.M.W X5]

راعي الايفو:
يا سلام عليك والله أنك عجيب شوف أحنا بنخليك المدير للتجمع :D
وأنا جاهز باللي تبونه :banana:

Silver_VR:
حياك الله أخوي ومشكور

RED Chevy:
والله فكرة نشوف رأي الشباب وأذا وافقوا نقول على بركة الله









الحميدي

[Corvette_Stingray]

انا راح أكون موجود بالكراسيدا :knight:

:D

وانا مع عبد الرحمن ان يكون التجمع يوم الدراج في الحلبة تاريخ 24 :banana:

[B.M.W X5]

انا راح أكون موجود بالكراسيدا :knight:

:D

وانا مع عبد الرحمن ان يكون التجمع يوم الدراج في الحلبة تاريخ 24 :banana:

عجيييييييييييييييييييييب هذا التفاعل ولا بلاش
بس وين الكورفيت نبي كورفيت ما نبي كريسيدا :D
وحياك الله







الحميدي

[B.M.W X5]

طلب صغير من المشرفين أنهم يثبتون الموضوع كم يوم علشان الكل يشوفه
ولهم جزيل الشكر منا :banana:









الحميدي

[Corvette_Stingray]

B.M.W X5 اخاف من العين


لكن يمكن اجيب الكابريس 2005

يمكن مو وعد ..

[waheeed]

مشكور يا B.M.W X5

وان شاء الله نحضر

[B.M.W X5]

مشكور يا B.M.W X5

وان شاء الله نحضر

تنور يالشيخ وتنور المكسيما بعد :D






الحميدي

[180B]

الووووووووووووو :bomb:


مشرفينه ثبتو الموضوع :m:

ولا احنه يعني اهل البحرين ما عندنه واسطه :sss:


اقول مته بيكون وقت التجمع ( عندنه :cry1: جامعه )

[B.M.W X5]

الووووووووووووو :bomb:


مشرفينه ثبتو الموضوع :m:

ولا احنه يعني اهل البحرين ما عندنه واسطه :sss:


اقول مته بيكون وقت التجمع ( عندنه :cry1: جامعه )

أي والله وين المشرفين مو معطينا وجة :bomb:
على العموم الله يسامحهم :cry1:

وبالنسبة للتجمع أخوي الشباب قالوا تاريخ 24/2/2005 يوم الخميس.
شرايك؟؟؟
وترى أنا بعد عندي جامعة بس أول أسبوع عادي ما في ضغط





الحميدي

[Mhh]

مرحبا شباب

اقتراح انكم لاتستعجلوا وتخلوا التجمع يصير اي كلام نبي يكون التجمع مميز

يعني حددوا المكان والموعد قبل بمدة كافية علشان الكل يدري ويحظر :D

نبيه منظم وقوي :banana:

[B.M.W X5]

Mhh:
وأنا معاك أيضا نبي نسوي تجمع ضخم ومحترم بس وينهم الأعضاء ما شوف تفاعل كبير بعدين المشرف محمد الله يصلحة مو راضي يثبت الموضوع بس كم يوم :cry1: :cry1:









الحميدي

[حسن علي]

لا لا مانقدر انجي لان انا ماعندي سيارة ولا خذت الليسن عمري 16

[Corvette_Stingray]

يالله شباااااااااب نبي تجمع خطييير

[180B]

اخاف انتجمع وكل واحد مستحي من الثاني

نيلس كل واحد عند سيارته مب عارفين انتكلم

وقول اخوي اكس فايف انه مب في جامعة البحرين وصارلنه 3 اسابيع من ابتدينه ونه مطقعهم

ومشرفينه ما يبون يثبتون الموضوع


خله على الله

[راعي الايفو]

جامعة البحرين تفتح تاريخ 22/2/2005
والجامعات الخاصه فتحت والجامعه الكنديه صار لها 3 اسابيع بالضبط من فتحت
يعني مو مشكله كلها 4 ساعات احنا ماراح نقعد مع بعض اسبوع
وثانيا ليش تستحون من بعض بنات انتو
اول ما تقابلون بعض بتسلمون على بعض بتشوفون ان كل شي عادي ولا اراديا بتشوف نفسك تسولف مع كل شخص من غير تردد انا جربت هذا الشي بس كان بالكويت وخذ جميع انواع السيارات موجوده وهناك ما اعرف إلا شخص واحد سلمت عليهم واسمعهم يتكلمون بالآلاف وعشرات الآلاف وانا ساكت انا حدي حدي الى 100 دينار :D

[Corvette_Stingray]

اللي يستحي يلبس برقع ويجي ..


قال نستحي قال .. هههههههههه

يالله متى نبي تجمع ..

[B.M.W X5]

180B:
أفاااااااااااااااااا تستحي شنو خليت حق البنات :think:
على العموم خلك معاي أنت ولا تخاف :D

وبعدين أنا طالب جامعة وللحين ما بدأ الدوام.... الدوام يبدا يوم الأثين الأسبوع الجاي
وتحياتي لك أخوي

راعي الايفو:
أنا معاك 100% :banana: وكلامك سليم

Corvette_Stingray:
ياخوي أنت شكلك عندك واسطة عند المشرفين كلمهم يمكن يثبتون الموضوع لأن أحنا مب معطينا وجة :D


وتحياتي للجميع إن شاء الله بيكون تجمع ممتاز وناجح :knight:





الحميدي

[Corvette_Stingray]

انا اقترح اخوي انك تنزل موضوع جديد للتجمع وفيه كل المعلومات عن التجمع الوقت والمكان والبرنامج اللي راح يصير اذا ممكن وتطلب من المشرف حذف هذا الموضوع وتثبيت الموضوع الجديد واحنا راح نطلب بالتثبيت بعد لكن هذي الموضوع يا خوي مخربط ما يسوى التثبيت ..

ننتظر الموضوع الجديد اللي في مكان وزمان التجمع واللي ما يقدر بنغير الوقت عشانه ..

قول تم ..

[B.M.W X5]

.

[B.M.W X5]

وأنا أقترح مكان التجمع يكون صوب الفورملا1
والوقت الخميس الأسبوع القادم أو اللي بعده حسب رغبة الشباب؟

والتجمع طبعا يكون العصر