View Full Version : هوندا civic type-r
السلام عليكم اخواني حبيت استفسر عن الهوندا الـ civic type-r لاني شفتها في العديد من سباقات الطرق مع ايفو وزد 350 تون تيربو موستنج كوبرا وسيارات عديده لكن في الواقع اني اتفاجأت بقوتها مع انها بدون تعديل حوالي 200 حصان
فهل هذه السياره تقبل التعديل بشكل سهل وبدون تكلفه عاليه يعني مثلا تركيب تيربو بدون تغيير ما بداخل المحرك كالبساتم وغيره او ان قطع التعديل الخاصه بها رخيصه يا ريت احد يفيدني وموجود مشاركه لي في قسم الفيديو السياره تجرب مع الايفو ومع 350z tt
وهل نزل هالنوع في الخليج ولا لا
وشكرا
Trans-Am RAMAIR
14-02-2005, 06:44 PM
مرحبا
اخوي ديزل اذا قصدك السيفك الي يقوم مع فايبر و كورفيت و سكايلن gTR و زد ووووو الخ..هذا اغلب الاحيان يكون CIVIC SIR و موديل قديم مكينته رخيصه حيـــــل مو ناقص لها اله نيتروز و تعطيك نتايج حلوووووه و خل المكينه تروح بألف داهيه لانها رخيصه لوووول!!
اما الموديل الي قوته 200-216 حصان هذا يعتبر اخر موديل و اهو التايب ار...هذا اخذها من عندي 100% ان مسافة 0-400 متر لا الزد اليديد وله اللومينا بيقدرون عليها و اهي ستاندرد 200 حصان :D :D ...فشرايك اذا عليها تيربو..خصوصا ان وزنها مع كامل المواصفات مافي غير مسجل كاسيت لووول 1300 كيلو بس
عموماً السياره حيل قويه..اما بالنسبه للتعديل..انشاءالله الشباب ما يقصرون
ما قصرت اخوي نعم انا اقصد ال civic type-r ال 200 حصان وانشاء الله الاخوان ما يقصرووووووون
ممكن اعرف السعر كم اذا مستعمله بكم وهل نزلت في السعوديه او دول الخليج او لا
مؤيد اف1
20-02-2005, 02:54 PM
مرحبا..
ردي هذا منقول بالنيابة عن Trans-Am RAMAIR
سعرها يديده 8000..تدفع الف عربون و و توصل بعد 3 شهور تدفع 7000.....مستعمله بالكويت موديل 2003 من 5000-6500 دينار
مواصفاتها فول اوبشن مكيف و مسجل CD و كراسي اطفال و ايرباق بس
تحياتي
رجل المهام الصعبة
20-02-2005, 04:31 PM
مو جودة في الكويت في الوكالة
و الصراحة سيارة صاروخ أرض أرض ما شاء الله
أما التعديل عليها الصراحة ما عندي عنها فكرة
هلا و غلا
اكيد طالما انها هوندا تسوي الهوايل والعجب