سوالف للجميع - بين المرسيدس e500 والكرايزلر 300c

ديزل

14-02-2005, 10:18 PM

هلا اخواني كيف الحال والاخبار
ابي مشورتكم لانو صديقي مشوش كثير ما بين الاختيار في شراء كرايزلر 300 سي طبعا معدل جنوط او مرسيدس 500 اي يا ريت تفيدوني
ناس يقولون الكرزلر شكل جديد ومكينه قويه واخرين يقولون ما في مقارنه المرسيدس افضل بكثير

kaser annassr

14-02-2005, 10:57 PM

بسم الله الرحمن الرحيم

السلام عليكم ورحمة الله وبركاته

أخوي اذا الله فاتحها عليك والفلوس ياهزة لا تاخذ غير المرسيدس

وإذا الفلوس قليلة خذ الكريزلر

وهي مشورة شخصية ما دري والله

زورو الامارات

14-02-2005, 10:58 PM

مافي مجال تقارن مرسيدس وبس

ra3y_v8

14-02-2005, 11:00 PM

سعر الكرايزلر بيكون انسب....اذا الe500 الي محصلنه مب معدل توكل وخذ الكرايزلر...يمكن يكون المرسدس اقوى بشوي بس بفرق جزئين من الثانيه...
الكرايزلر مب منتشر...واوسع من داخل...
...انا من رايي الكرايزلر :smart:

TOP-SECRET

15-02-2005, 12:09 AM

اخوي شجاب لجاب اكيد المرسيدس E كلاس الاختيار حتى لو كانت 350 مش 500 يكفي انها مرسيدس والمانيه

وهذا مش تقليل في كرايزلر بس المقارنه الصراحه غلط بكل تأكيد يختار المرسيدس افضل له بمراحل

dbooor

15-02-2005, 12:48 AM

M5_M3

15-02-2005, 01:44 AM

اكيد مرسيدس وبدون مجال للتفكير.

انا راكب ومجرب الكريزلر والمرسيدس وفرق السما والارض .

Porsche GT2

15-02-2005, 04:27 AM

طبعاً مرسيدس ..

يجرب يركب الثنتين ويقارن بنفسه

X_RaYs

15-02-2005, 08:00 AM

مافي مقارنه .. أكيد مرسيدس !!

واذا الرجال مقتدر .. انصحه ينتظر الشكل الجديد ..

علي عبدالله

15-02-2005, 08:11 AM

بدون ماطولها
مرسدس وبدون نقاش :)

WRX

15-02-2005, 11:03 AM

انا افضل السي خصوصاً اذا كانت معدلة
لاكن اذا كان صاحبك يحب التميز ((كم سي معدلة في البلد؟))فا يأخذها السي على طوووووووووول...

اما اذا يدور على اسم وشيك في يدة ياخذ المرسدس....بس بيني وبينك اذا نسيتنى ان هذي مرسدس وهذي كريزلر
انا اشوف ان السي افضل.....
واصلاً الحين الشركتين متحدين يعني ماراح يحس انه راكب سيارة امريكية صدقني كأنه راكب S600

تحياتي

راعي الايفو

15-02-2005, 11:44 AM

خلك في المرسيدس احسن لك اسال مجرب ولا تسال خبير
انا جربت السيارتين وبصراحه المرسيدس افضل بمراحل وثانيا ما تقدر تقرانهم لان المرسيدس فئه مترفه بينما الكرايزلر سيارة عادي يعني تحس انها بس شكل بس جسدها ضعيف في عكس المرسيدس تماما قوة وشكل وجسد متين وسميك

MAYBACH 53

15-02-2005, 11:53 AM

التي تستحق شرائها (مـرسيـدس).

ديزل

15-02-2005, 11:55 AM

اخواني للتنويه المرسيدس اللي يبيه ال E500 مو قئه ال C واظن ان فئة ال E ما هيب متغيره الا في 2009 تقريبا
طبعا صديقي كان ميوله لل كرزلر يقول شكل جديد ويوم شاف يجي عليه جنوط قال رهيب بس ليتكم شفتو شكله يوم شاف ردودكم انواع الالوان وجهه

ra3y_v8

15-02-2005, 03:36 PM

http://img.stern.de/_content/50/70/507027/c300_1.jpg

http://1.im.cz/n/photo/01/50/88samoy-gallery.jpg

http://us.autos1.yimg.com/img.autos.yahoo.com/aic/mercedesbenz_eclass_e500sedan_2005_450x225.jpg

RED Chevy

16-02-2005, 02:42 AM

مقارنة صعبة لكن الكرايسلر هيبة اكثر والe صار منتشر وايد بس يفرق الفخامة الداخلية للبنز بفرق كبيييييير......

الشبابي

16-02-2005, 03:18 AM

خل خويك يا خذ اي 350 فل كامل بكت اي ام جي ...
شكل قوة فخامة هيبة راحة .......اداء استهلاك ...

اخوكم الشبابي

E_TYPE

16-02-2005, 03:47 AM

سي 300 سياره مميزه وEمنتشررر.....وزي ماقالو الشباب الشركتين متحدين مع بعض ...

ديزل

08-05-2005, 09:33 PM

ما قصرتوا شباب بس عندي سؤال ويش الاسرع المرسيدس الاي 500 ولا الكرايزلر 300 سي

SLR

08-05-2005, 09:42 PM

مافي مجااال المرسيدس اكييد...

السي حلو الصراحة وماعليه كلام .. بس على هيئته احس بس سنة وشكله يتخشول هذا الامريكي ...

SLR

SmLo

09-05-2005, 10:18 PM

مرسيدس وبس

رغم إن الكرايزلر مررررررة حلو لكن ولا شي جمب المرسيدس

sayedco

10-05-2005, 11:13 AM

عن تجربتي للكرايسلر 300 ام :

الإستهلاك سيء مع مرور الوقت ( حتى الآن الفل بخمسين ريال يعطيك 320 كم فقط (هذا الإستعمال الخشن أما العادي 350 حدك)

لكن الجديدة هذي محرك هيمي استهلاكها أقل بكثير

الراحة متوسطة ( لكن أحس كأني قاعد في سيارة رياضية )

القوة ممتازة للستة سلندر كيف الثمانية؟؟!!

الفخامة ممتازة

الحرارة حدها توصل الربع

المكيف بارد و ممتاز في الصيف

و التميز طبعاً عندي أنا أهم شي!!

cruiser2000

10-05-2005, 12:16 PM

شوف تاخذ المرسيدس لانه بيدوم معاك ومكينته افضل
ولو حصل E350 بيكون افضل بكثير
لان مواصفاته مع ال 500 نفس الشي بالضبط

وخلك بعيد عن الامريكي ..... ما منه فايده

Saleen_UAE

10-05-2005, 03:22 PM

السلام عليكم

أن عندي لك E500 رصاصي/أحمر خليجي 62000 كيلو متر نظيف وبسعر حلو + شاشه للعلم الشاشه بس في موديل 2004 والسيارة موديل 2003 .

الامير الاحمر

10-05-2005, 03:40 PM

اذا تبغى التميز .. خذلك الكرايسلر ..

ديزل

10-05-2005, 04:15 PM

والله اخوي الوضع ترا يحير الكرايزلر ملفت للنظر وتوا نازل جديد بمحرك جديد وموب متغير الا يمكن بعد فتره وطبعا المرسدس ما يحتاج وموب متغير الا تقريبا في 2008 بس مادري مين الاسرع بينهم . وفعلا الموترين يحيرون .
اخوي بالنسبه للاي 500 كم مطلوب فيه وهل هو بانوراما

560SEL

13-05-2005, 03:40 AM

انا اشوف الكريزلر احلى بكثير

واحد من اصدقائي المقربين معه E500

وبصراحة مايستحق سعره

والكريزلر شكلها احلى

Dentist

14-05-2005, 02:30 AM

مع اعجابي بالكرايسلر الجديده ولكن..

E وانت مغمض!!

فرق الفخااااامة والوكييييييل واعتمادية مرسيدس وسعر البيع ووو... الخ

Saleen_UAE

14-05-2005, 09:07 AM

السيارة مش بانوراما السعر 160000 الف درهم .......................

شباب الي يبي كرايسلر الجديد 2006 6.0 المكينه الجديدة أن حاضر أقدر اجيبه له

تحياتي

ديزل

14-05-2005, 12:04 PM

والله الاي 500 اذا شفت مواصفاته فعلا توقف عنده لكن اذا شفت شكل الكرايزلر وعليه جنوط ارجع اقول الكرايزلر احلا وشكل توه جديد وموب متغير الا بعد المرسيدس مع اني ما اعرف كيف سياسة الكرايزلر في تغيير شكل السياره .
ويالنسبه للاسعار اختلاف كبير طبعا مقارنة بالمواصفات .
وحبيت اعرف اخوي اذا عندكم كرايزلرات 300 سي جديده ومستعمله كم اسعارها .

Saleen_UAE

14-05-2005, 02:07 PM

هلا أخوي ديزل أسعار السيارة تختلف أن بعت 300 سي ب 131000 الف درهم مواصفات أمريكيه يعني شاشه بدون حساسات خلفيه مديل 2004 ماشيه 17000 الف ميل يعني 27200 الف كيلو وبعن قبل أسبوع 300 سي خليجي ماشيه 25000 الف كيلو موديل 05 حساسات بدون شاشه ب 130000 الف درهم بس أذا بتروح دبي بتكون السياره سعره فوق 135000.

بالتوفيق تحياتي لك

ديزل

14-05-2005, 10:44 PM

هلا اخوي هل ممكن تعطيني ايميلك او تلفونك اكلمك اذا موجودات عندكم 300 سي وشكرا

mr.lamborghini

14-05-2005, 11:20 PM

والله انا اشوووووف الكليزلير احلى و احسن و ارخص

تحياتي

Saleen_UAE

15-05-2005, 08:50 AM

ديزل هلا عزيزي السيارة صعب أتحصله في السوق بس أن بعطيك الايميل أذا أنته أمعزم أن أقدر أجيبه من أمريكا

al3in73@yahoo.com