Z350 vs Mustang GT 2005

[red_RPM]

السلام علبكم
قرأت عدد فبراير لمجلة إيفو
وكان فيها مقارنه بين الزد والموستنغ الجديد جيتي
يبدو أن الزد تغلب علي الموستنغ في كل شي ماعدا القومه من صفر لي ميه
حيث أن الأفضليه كانت للموستنغ
علي كلامهم أن الزد أفضل من ناحية الصناعه والجوده والثبات ومتعة القياده
ولكن يظل صوت الموستنغ احلي من الزد

تخياتي

[red_RPM]

تحياتي لوول

[®Lumina ss 2002]

اتمنى اني اجرب قومه مع الموستنج 2005 :black:

[ديزل]

والله يا خوي الموضوع حلو للنقاش اثنينهم قريبين من بعض بس حبيت اعرف اتفوق الموستنج فقط في القومه ولا في القومه والخط وبالنسبه للزد ميزته انه نازلتله تعديلات على المكينه كثيره منها التون تيربو اللي يوصله لل 380 الى 400 حصان بدون تعديل قطع داخل المكينه واتوقع ان الموستنج بعد بينزله تعديلات كثيره و بتكون المنافسه بينهم قويه جدا

[red_RPM]

حياك الله
والله السيارتين احلي من بعض
المقارنه كانت بين سيارتين ستوك
بالنسبه للخط صارحه الحين ماعندي الأرقام للسيارتين
وإنشاءالله راح أجيبهم قريبا علي بكرا
بالنسبه للتعديل , طبعا متوفر للسيارتين وبكثره وقد يكون الزد أكثر بحكم أنه صارله مده نازل
تحياتي

[300C]

الموستنج مليان له تعديلات
والموستنج اسمه احلى واقوى

[Corvette_Stingray]

أهم شي في السيارات الرياضة التسارع من 0 إلى 100

[®Lumina ss 2002]

:eek: :D

[WRX]

تصدقون اني استني هذي المقارنة من فترة...................!

أهم شي في السيارات الرياضة التسارع من 0 إلى 100
--------------------------------

اكثر شئ يرفع ضغطي لمن اشوف قومة بين سياراتين فا تطلع الأولى وبعد شوي ترجع ورى وترجع وترجع الين ماتختفي...

بس تصدقون غريبة لأن الموسيتنح حوالي 330 حصان والزد حوالي 295 ((فيه فرق حلو!))
عموماً السيارتين قمة في الروعة بس بالنسبة لي ((لو خيرت في الاحلام بين الأثنين))
اضن اني بأخذ المسوتينج!




وتحياتي لكم.

[red_RPM]

السلام عليكم
كم وعدتكم بالنسبه لبعض المعلومات الإضافيه
بالنسبه للتسارع من صفر لي 60 ميل بالساعه
الزد 5,5 ثانيه
الموستنغ 5,2 ثانيه
بالنسبه للسرعه القصوى
الزد 148 ميل/ساعه
الموستنغ 149 ميل بالساعه
علي كلام المحرر إنا الزد بالقياده أونس بكثير من الموستنغ وذلك لوجود تعليق خلفي منفصل بالزد
الموستنغ علي حسب تعبيره إنها سياره صالون بشكل رياضي , أما الزد فهي رياضية الشكل والأداء
تحياتي للجميع

[ديزل]

قرات في احدى المنتديات الاجنبيه عن قومه بين الزد والموستنج وذكر فيها قائد الزد ان الموستنج راح عنه لمسافه سياره تقريبا بعدين تقلصت المسافه بينهم عند القير الثالث والرابع للزد واصبحت المسافه تقريبا الزد عند الرفرف الخلفي للموستنج واستمر الموستنج جدام وللمعلوميه اثنينهم كانوا جير اوتوماتيك
بس ما ادري عن الجير الجديد العايدي للموستنج هل النسبه الخامسه فيه فيها عزم ولا تعتبر over drive

[red_RPM]

الظاهر هذا فرق الواحد ميل اللي في السرعه القصوى

[saleen]

هلا شباب مو الخبار

والله ما اعتقد انه الزد يتقارن مع الموستانج لان الموستانج
له اسمه ومستحيل الزد يطلع في الخط لان الموستانج اكيد اقوى


شوف كم الخط عند الزد
وشوف الخط عند الوحش موست

[ديزل]

هلا اخوي وحياك محد قال ان الزد يروح في الخط والموستنج فعلا اسم لا يستهان فيه والسمعه اللي كونها قديمه وحافظ عليها حتى بداية التسعينات لكن الموديل اللي قبل 2005 ما حظي بسمعه قويه زي اللي قبله لكن اتوقع الان رجع اقوى من الاول ولا ننسى بعد ترى الزد اسم عريق وكبير

[TOP-SECRET]

معلومات ممتازه جدا بس يبقى فارق الوزن لصالح الزد وفرق سعة المحرك وعدد الاسطوانات لصالح الموستنق

بالنسبه لي اشوف الزد مستوها ممتاز مقارنه بالارقام الموجوده

مشكور ويعطيك العافيه

[red_RPM]

السلام عليكم
بالنسبه للأوزان
الزد 1525 كجم
الموستنغ 1584 كجم
نسبة القوة للوزن
الزد 184 حصان للطن
الموستنغ 194 حصان للطن
وبالنسبه للسمعه ,السيارتين
سمعتهم طيبه
تحياتي

[King 4x4]

أدائهم اثنينهم في السيركت كيف ؟ (أتحدى الموستنج يفوز في النقطه ذي)

وثاني شيء حتى الامريكان يقولون ان الزد أفضل.

وهذا الدليل :

http://www.automotiveforums.com/vbulletin/showthread.php?t=324917&page=2&pp=15

http://www.sportscarforums.com/archive/index.php/t-750.html

http://www.zcar.com/forums/read.php?f=5&i=137373&t=137373

http://www.automotiveforums.com/vbulletin/showthread.php?t=320881

[red_RPM]

والله بالنسبه للحلبات فإنا أداء الزد أثبت ومهاجمتها للمنحنيات أقوي وأشرس
بكثير من الموستنغ
علي حسب كلام المحرر
يبدو أن السيارات الأمريكيه صممت للمشي في خط مستقيم فقط وذلك لأن أغلب الخطوط الأمريكيه مافيها لفات
علي عكس الخطوط الأوربيه اللي كلها منحنيات وأكواع
تحياتي