View Full Version : الى الاخوة في الامارات ...
الشبابي
25-02-2005, 06:20 PM
السلام عليكم ورحمة الله وبركاته
لو سمحتوا اريد معرفة المعارض التي تبيع السكاي لاين ار 34 وبكم اسعارها تقريبيا ...واماكن تواجدها وافضلها اسعار ...
وهل هي الان ممنوعة ؟؟
وهل من الممكن ادخالها للسعودية ؟؟
اخوكم الشبابي
saymyname
25-02-2005, 06:23 PM
السلام عليكم ورحمة الله وبركاته
لو سمحتوا اريد معرفة المعارض التي تبيع السكاي لاين ار 34 وبكم اسعارها تقريبيا ...واماكن تواجدها وافضلها اسعار ...
وهل هي الان ممنوعة ؟؟
وهل من الممكن ادخالها للسعودية ؟؟
اخوكم الشبابي
تصدق هذا السؤال في بالي من زمان :p
جامح 998
25-02-2005, 09:22 PM
الاسعار ممكن تكون 180الف درهم
SLR55
25-02-2005, 10:17 PM
مستحيل توصل 180
إذا كان نضيف و محول يمكن يوصل 120
بس ما يزيد
وعن الأماكن بتحصلها في دبي في العوير
وإنتبه تخلي حد من المحلات يدور على السيارة
إنت دور لأنهم بيضربون الأسعار فوووووووووق
سلاااااااااااام
uae speed
25-02-2005, 11:31 PM
هلا والله أخوي الشبابي ..
انا سألت ولد خالي وقالي سعره موديل 2002 يتراوح بين 120 الى 130 الف تقريباً ..
الاسعار ترى تتفاوت كثيييير طبعاً اذا كانت السيارة محولة لليسار .. او مزوده او نظيييفة .... الخ
وبتلقاهن في معارض العوير .. قسم السيارات الوارده ..
وبعد عندك سوق عجمان للسيارات .. في معرض اسمه ( الرحال ) .. عنده جياتي وسوبرات وكل شي ..
واذا عندك استفسار ثاني حاضرين لك .. :)
تحياتي ..
TOP-SECRET
26-02-2005, 12:07 AM
اخوي الشبابي من فتره مب بسيطه واحد عارض جي تي ار 34 للبيع بس مش محول ومعدل على خفيف موديل 2002 والتحويل يكلف مبلغ تقريبا 4 الاف وكان يبيها ب85 الف لونها نحاسي وعندي صورها لو بغيت تشوفها
وهي قمه في النظافه بس مادري اذا باعها ولا للحين
وبالنسبه لدخول الجمارك على حسب الواسطه الي عندك لان الي اعرفه ان جمارك السعوديه مشددين
وبالتوفيق
الشبابي
26-02-2005, 02:29 AM
اخواني ... saymyname
SLR55
uae speed
TOP-SECRET
شكرا للردود ...
اخوي SLR55
لا ما عليك انا راسل شخص الان هو رايح يشوف شويت حاجات ووصيته يدور على سكاي لاين ..
وصراحة الشخص هذا بيكون مشغول فلو لقيت شخص عنده سياره نظيفه او معرض اسعاره حلوه يصير ارسله للمحل ويشوف الزين عنده واتوكل على الله واشتري ..
اخوي uae speed ...
طبعا هذي الاسعار اللي قلتها للنوعيات المحوله النظيفه ولا ؟؟
انا صراحة ما اهتم باللون كثير داخليا او خارجيا لكن اهم شي تكون نظيفه من ناحية المكينة والجير ويستحسن التيبترونيك وماهي مهمة الجنوط كثير لانها تتغير لكن لازم تكون ار 34 وتوين تيربو ..
اخوي TOP-SECRET ..
السكاي لاين اللي تتكلم عنها وين موجودة ؟؟ بقطر ولا الامارات ؟؟والله لايهينك لو تعطيني الصور حقتها وهل هي اوتو ولا عادي ؟
وما عليك من الجمارك ...
اخوكم الشبابي
TOP-SECRET
26-02-2005, 12:57 PM
اخوي الشبابي للأسف الموقع الي حاط منه الصور انتهت فترته وبالتالي الصور مو طالعه
انا حاولت انزل الصور من موقع تحميل صور مجاني
بس الصور وضوحها قوي جدا وحجمها شوي كبير
وماقدرت انزلها لكنها موجوده على جهازي
اذا تبي تشوف الصور ولا عليك امر ضيفني عالماسنجر وبرسلهم لك
عالعموم هذي مواصفاتها
النوع :Nissan Skyline 34 GTR V-specII
اللون : رمادي
الموديل : 2001
مسجل شهر 6-2004
كلش نيسمو
بوست كنترول
هيدرز نيسمو
السيارة نظيفة وممتازة
على العموم أنا طالب فيه 83 الف
(هذا ايميل الرجال الي عارض السياره للبيع xp_uae@hotmail.com )
السموحه غلطت وكتبة موديل 2002 وهي 2001
والسياره من الامارات مو من قطر
وفيه سوبرا اذا تبغى بعد
تحياتي
TOP-SECRET
26-02-2005, 12:58 PM
بخصوص القير اخوي الشبابي على ما اعتقد ان السياره تنزل بقير عادي فقط ماتنزل بأوتو
والسموحه
الشبابي
26-02-2005, 02:21 PM
اخوي توب سيكرت ...
انا اضفت الايميل على الماسنجر حق الرجال ... وايميلك بعد اخذته من التوقيع ...
والسيارة تجي تيبترونيك من 98 بخمس سرعات ... لكن هذي اللي انت عرضتها اكيد 6 سرعات ولا ؟؟
وماذا عن اللون الداخلي ؟؟
اخوكم الشبابي
TOP-SECRET
27-02-2005, 01:06 AM
اي نعم اخوي الي انا عرضتها 6 نمر قير عادي
وهي نسخه خاصه من السكاي لاين وهي تختلف في بعض الاضافات على الـGTR34 العاديه
وحياك الله اي وقت الماسنجر اخوي اتشرف بك ومشكور على المعلومه لان اول مره اعرفها
والصور جاهزه بس حياك الله :-)
الشبابي
27-02-2005, 05:25 PM
شباب شكرا على تواصلكم معي ..
اخوي توب سكرت السيارة راحت ... ومشكور على جهدك ...
اخوي uae speed ...
الرجال اللي ارسلته راح للعوير والموديلات اللي لقاها قديمة ...
وانا ان شاء الله بارسله لسوق عجمان لمعرض الرحال .. لكن هل مضمون 100% انها موجودة هناك ؟؟
والله لايهينك لو تعرف اي معرض او شفت اي سيارة اعطيني خبر ...
وانا لقيت وحدة بمجلة اوتو ترايدر لكن رقم الجوا يبدأ ب 050 فهل ارقامكم بالامارات مثل عندنا بالسعودية ؟
اخوكم الشبابي
هلا اخوي انا اعطيك الكلام المضبوط عن الاسكاي لاين لاننا شرينا اثنين من هناك للسعوديه
الاسكاي لاين يجي غالي اساسا لكن اغلب اللي موجود في الخليج مسروق وشبه مستحيل انك تلقى واحد موهوب مسروق علشان كذا تلقا سعره نازل
بالنسبه للاسعار اخوي لا احد يقعد يبالغلك فيها لا 130 ولا 100 حتى انا اقولك الاسكاي لاين الار34 كان ماسك سعره لان الشباب كانوا يرغبونه لانه موتر قوي وسهل التعديل وقطعه رخيصه لكن فيه سببين ادت الى نزول سعره الاول انه كثير من اللي حولوا دركسون السياره عانوا من مشاكل طفشتهم في الموتر وبهذا السبب اتجه الكثير منهم الى السوبرا اللي تجي دركسون يسار السبب الثاني ان صدر قرار في الامارات ان السيارات اللي ما اتحولت ما تتسجل في المرور وبالتالي لا يمكن قيادتها هذي من اسباب نزول السعر
اما بالنسبه لدخولها السعوديه ممنوع طبعا بس مو مستحيل يعني لو تعرف احد ممكن يدخلها لانهم ما يدققون الى على الكميات زي الجيوب مثلا لمن يشرونها الشريطيه 20 جيب وكذا
سعر الاسكاي لاين موديل 2000 يتراوح ما بين 55000 الى 6000 حسب النظافه
اما ال 2001 يتراوح ما بين 65000 ريال الى 75000 ريال سعودي مو محول
وممكن تكون محظوظ وتلقا بنفس السعر فيسبك 2
طبعا هالاسعار بعض الاحيان يكون على الموتر تزويد اشياء خفيفه زي كلتش رياضي انتر كولر رديتر فلتر
اما الاشياء المزوده موضوع ثاني
واذا تبي نصيحيتي اخوي اذا حاب الموتر حق سباقات يعني فيه موتر ثاني جنبه حرام تاخذ الار 34 خذ ار33 او ار 32 معدل كامل ما يكلفك نص سعر الار 34 واذا راح عليك شي فيه ما تتحسف
طبعا وجهه نظر شخصيه
الشبابي
27-02-2005, 06:18 PM
اخوي ديزل ...
شكرا على ردك ... انا صراحة عاجبني الار 34 من الداخل شكله افضل بكثير من الار 33 وكذلك شكله الخارجي روعة وممكن يتعدل ويصير احلى واحلى ... وصراحة التقنيات اللي فيه عاجبتني مثل الشاشة ومنفذ الشاشة للكمبيوتر والجير التيبترونيك الخمس سرعات ...
اخوكم الشبابي
والله ما تنلام اخوي بالذات اذا شفت عدادات التيربو على الشاشه
لو ان الاسكاي لاين يجي دركسون يسار او له قطع للدركسون اليسار بدون اي توليفات كان يطلع فعلا مو طبيعي لكن لاسف التحويل مشكلته مشكله
ينطبق عليه مثل الزين ما يكمل
الله يوفقك في اختيار السياره النظيفه ويعطيك خيرها ويكفيك شرها مقدما
uae speed
27-02-2005, 10:27 PM
هلا أخوي الشبابي ..
مثل ما قلت اخوي في معارض العوير أغلب الجياتي موديلات قديمة !
على العموم بخصوص معرض الرحال انا متأكد أخوي لأنه الريال صاحب المعرض متخصص في الجياتي والسوبرات والمارك 2 وهالمواتر ... وعنده مواتر للبيع بمعرضه مسجلة بأرقام أم القيوين ومحوله يسار وخالصة .. يعني جاهزة :)
وهم عنده مواتر سكان يمين اذا بغيت اتحولها يسار وتسجلها بنفسك ..
وبخصوص أرقام الموبايل اذا بتتصل فيه من السعودية فاكتب الرقم 0097150 وبعدين رقمه ..
اما اذا بتتصل فيه من الامارات من موبايل .. ما يحتاج 050 .. على طول اكتب الرقم ..
اما من تلفون ثابت من الامارات دق 050 وبعدين رقمه .. :)
على فكرة المعرض له موقع بالانترنت اسمه الرحال .. سويت بحث وما لقيته .. جرب تدور عليه لأنه عارض كل شي فيه مع الاسعار .. :)
تحياتي لك .. واي استفسار انا حاضر :)