بدون التزويد (( الياباني .. او .. الامريكي ))

[Mr_CoRvEtTe]

السلام عليكم ورحمه الله وبركاته

شباب اذا تحدثا عن السيارات الامريكيه واليابانيه بدون تزويد يعني وكاااااله
مين الاقوى في رايك وخاصه هناك سيارات قويه جدا من الطرفين
الامريكي ... الفايبر و الكورفيت والكمارو وغيرها من السيارات القويه جدا
الياباني ... الايفو و السكايلين و السوبرا وغيرها العديد

في رايك من الاقوى الامريكي ام الياباني (( بدون التزويد ))

http://www.arab7.com/up/file/1109789629671.jpg

http://www.arab7.com/up/file/1109789685468.jpg

http://www.arab7.com/up/file/1109789948271.jpg

http://www.arab7.com/up/file/1109790003326.jpg



اتمنى منكم عدم التحيز .... وابداء الرأي بكل مصداقيه

في نظري اتوقع الامريكي اقوى لان الكورفيت ZO6 و الفايبر ستاندر يكون بقوه 500 حصان
وتصل الى 100 في 3.9 ثانيه فقط ...

ايش رايكم ؟؟

[سنـاري]

شكلا و قوة

افضل الامريكي

[رفجة عرب]

الياباني ..

وبدوون تحيز ..

[Mr_CoRvEtTe]

هلا اخواني مشكورين على المشاركه
انا ما اقصد انت ايش تفضل انا اقصد ايش الاقوى بغض النظر عن كل شي .....

[muh_2000]

الأميركي
V8 500Hp
0to 100 in 3.9 sec

وكل هذا Z06

الحلم الاميركي
والاميركي في نظري

احلى واقوى وهيبه وتميز

[TOP-SECRET]

الياباني والامريكي فيهم قوه جباره وفيهم سيارات اقتصاديه

لكن كل بلد لها سياستها وطريقتها في التصنيع وكل شركه ايضا

الامريكي يعتمد على سعة محرك كبيره وقوه ممتازه مع ضغط منخفض نسبيا

الياباني يعتمد على سعة محرك صغيره وقوه ممتازه وضغط منخفض

هذا بالنسبه للسيارات السبور

لكن انا افضل الياباني

2.8 و 280 حصان و 4.4 ثواني و6 سلندر طبعا قوه جبااااااره وهي للجي تي ار 34

تحياتي

[مؤيد اف1]

الياباني والامريكي فيهم قوه جباره وفيهم سيارات اقتصاديه

لكن كل بلد لها سياستها وطريقتها في التصنيع وكل شركه ايضا

الامريكي يعتمد على سعة محرك كبيره وقوه ممتازه مع ضغط منخفض نسبيا

الياباني يعتمد على سعة محرك صغيره وقوه ممتازه وضغط منخفض

هذا بالنسبه للسيارات السبور

لكن انا افضل الياباني

2.8 و 280 حصان و 4.4 ثواني و6 سلندر طبعا قوه جبااااااره وهي للجي تي ار 34

تحياتي

السكايلاين تون تربو وضغط منخفض يعني؟ :damp:

[TOP-SECRET]

اوووه زين الي نبهتني بالغلط كتبتها:-)

السموحه اقصد ضغط مرتفع نسبيا

[Mr_CoRvEtTe]

شباب السكايلين جي تي ار ... كم حصان توصل ؟؟

[MR-M5]

الياباني الياباني الياباني

[TOP-SECRET]

شلون كم توصل وكاله ولا بعد التزويد ؟:-)

[Mr_CoRvEtTe]

لالا وكاله طبعا

[Corvette_Stingray]

السيارات الأمريكية في الشكل والقوة اذا كنا نتكلم عن الستوك ..

والسيارة اللي اعتبرها قوية هي الكورفيت zo6 c6

حتى الجيب على سبيل المثال الرانجلر 4.0 L

واذا كانت اللنجنفلتر تعتبر ستوك فأرشحها كأحسن سيارة

[TOP-SECRET]

وكاله نفس الرد الي كتبته 280 حصان محدده من اليابان و2.8 لتر واتييب الأميه في 4.4 ثواني اعتقد

[Mr_CoRvEtTe]

يعني الامريكي اقوى

[مؤيد اف1]

شوف..التزويد ماله نهايه مادام عندك فلوس..بس يفرق من سياره لسياره على حسب تكلفة التزويد وعلى حسب قابلية السياره للتزويد وعلى سهولة او صعوبة التزويد

لكني افضل الامريكي لانه اسهل وارخص وبدون تعقيد :D

[Mr_CoRvEtTe]

مؤيد اف1
هلا فيك اخوي بس الموضوع يتكلم عن الاقوى بدون تزويد

[WRX]

Mr_CoRvEtTe
بدينا تحيز :bomb:
عزيزي الموضوع هذا ياليت يكون بدون نقاش لأن اذا دخل فيه النقاش بتدخل فيه المشاكل....
هذا رأي وبحيفك حبيبي :smart:

بس هذا مايمنع اني اشارك........صح ولا لا :-)
والله يا عزيزي انا ما ادري الى الأن
لمن اشوف الـZo6 اقول الأمريكي اقوى
لاكن لمن اتذكر ان فيه اختراع اسمه سكايلان جديد......!
ارجع في كلام :eek:

عرفة ليش ما ادري؟
خصوصاُ اني اتذكر الكورفت يوم كان 365حصان كان تسارعة 4.7
بينما السكايلاين ام الـ280 حصان كان تسارعها 4.4
فا اش رايح يطلع من الجديدة :blink:
ونفس الكلام لو حبينا نقارن الموستينج او الكومارو
مع الأيفو او الدبليو ار اكس....


وبس يعني انا الى الأن ماني داري واذا عرفة انشاء الله اقلك...... :think:


تحياتي لك واتمنى انك ماتزعل مني

[Mr_CoRvEtTe]

WRX

هلا فيك ليش ازعل بالعكس ..هذا موضوع وكل حد يحط رايه فيه


بس اخوي السيارات اليبانيه الجديده توصل 500 حصان

لان الكورفيت zo6 اليديد يوصل 500 حصان ويوصل 100 في 3.9 ثانيه فقط ...

اذا عندك اي معلومه عن الياباني خبرني لاني ما اعرف اي شي عنه بصراحه .

[Mr_CoRvEtTe]

صح نسيت WRX مبروووووووووووووووك على LCD

[Ammaretor]

هلااااا اخوانى
وشكرا يا باشا على المضوع الراءع


اولا:
الامريكى كسيارة انشف و اكثر ثباتا و امنا (فى مغم الامريكانى
و طبعا عزمه اكثر بكثير من اليبانى

اما اليابانى
اكثر اقتصادية و تسارعه افضل(لان سيارتهم اخف ومحركاتهم ضغط عالى)
فتقدر بايفو ان تطحن كورفيت بكل سهولة و لكن الصيانة فى الابفو زبالة(قال كلرسون فى توب جير
لازم للايفو 400 صيانة كل 4000 ميل او كم مش فاكر!!!!)

يعنى كل سيارة لها مميزات

بس انا عن نفسي اجيب يابانى زى الايفو 8 او هوندا اس 2000 مع ان الكورفيت و الموتنج احسن
كسيارة تعيش اكتر و ثباتها افضل و لكن السعر و الاقتصادية تتحدث
فى هذا الموضوع

[WRX]

صح نسيت WRX مبروووووووووووووووك على LCD


الله يبااااااااااااااااارك فيه :-)تراك اول واحد يبارك لي....بالنسبة للسكاي لاين فا والله ناسي كم حصان للأسف
بس لو تنتضرني شوي اشوف لك...


تحياتي

[Mr_CoRvEtTe]

WRX

هلا .... ياريت اخوي لو تشوفلي معلومات عن السيارات اليابانيه مثل عدد الاحصنه والتسارع ..

ويعطيك العافيه

[الشبابي]

انا في رأيي احنا الان في عصر العولمة ولا الامريكي صار امريكي ولا الياباني صار ياباني مثل اول ..
اعتقد المفروض نحكم عليها كشركات منفصلة ...
فبعض السيارات الامريكية بدأت تستخدم محركات رياضية ذات ضغط عالي كالكاديلاك و هناك سيارات يابانية بدأت تتجه لمحركات الضغط المنخفض كنيسان مثلا ..
عن نفسي اعتقد ان السيارات اليابانية تتفوق في اشياء كثيرة ولكن لاتتضح بسبب الفارق الكبير بينها وبين السيارات الامريكية بالسعة .. واعتقد ان السيارات اليابانية تعتمد على التكنولوجيا بشكل كبير فتستغلها احسن استغلال فمثلا تجد ان اداء الكيو 45 والومينا اس اس متقارب جدا لكن تجد ان وزن الومينا 1580 كيلو والانفينيتي 2200 كيلو فارق كبير جدا بالوزن ومحرك الكيو 4.5 لتر و اللومينا 5.7 لتر .......
وهناك على سبيل المثال اس تي اس الرياضي بمحرك 4.4 وبسوبر شارج وبنسبة انضغاط 9.0:1 وبقوة 440 حصان وباستهلاك افضل من الزد او 6 القديم ........








اخوكم الشبابي

[WRX]

هلا .... ياريت اخوي لو تشوفلي معلومات عن السيارات اليابانيه مثل عدد الاحصنه والتسارع .-
---------------------------------------
اذا عن السيارات اليبانية ((غير السكايلاين خذ عندك))فا فيه شوية معلومات عندي عنها
بس المشكلة ان فيه نسخ كثيييييييييييييييير وكل نسخة لها قوتها وتسارعها
لاكن بأعطيك ايه بالتقريب..
عندك الأيفو موجود تقريباً من 264حصان الى 300 حصان
والتسارع من 5.2 الى 4.6 ((طبعاً هنا ماحبيت اني تكلم عن الأيفو بـ 400حصان وتسارع 3.2))
لانها معدلة من شركة برطانية
اما النسخة هذي فهي انواع من الشركة....
وبالسنبة لحبيبتي اللثانية WRًْْْْX
فهي تجي تقريباً بنفس الوقوة والتسارع ولاكن الى اضيف اليها محرك 2.5 للنسخة الأمريكية بقوة 300حصان بالمقرنة بمحرك الـ2.0 للأيفو......

امممممممممممممممم اش كمان
عندك الـ سوبرا والسكايلاين قوتها 280 حصان
وتسارعهما على ما اذكر 4.4و 5.2 على التوالي.....
وبالنسبة للزد الجديد فقوتها 294 حصان
والتسراع في حدود 5.4....

وبس....هذولا الي في بالي الحين...((على فكرة كل الأرقام هذي على ما اتذكر))



وتحياتي لك

[WRX]

على فكرة شبابي
كلامك درر كا العادة........



تحياتي

[Mr_CoRvEtTe]

الف الف الف شكر اخوي WRX

على المعلومات ويعطيك الف عافيه

[WRX]

Holiday Auto reported that the car should weigh in at 1390kg or 3058 pounds. The engine for the Nissan GTR had been decided once the car had finished testing. A VQ32DETT generating an estimated 480ps @ 7,200rpm, 58.0kg/m @ 5,200rpm. The transmission was chosen as well, a 7 speed Getrag sequential transmission, which is sure to be overpowering. The Nissan GTR will be a 2 door coupe, with 4 bucket seats(preferably Recaro).

----------------------
شوية معلومات عن الـR35

ولقيتها في موقع رااااااااااااااااائع لك هذا هو
http://www.r35gtr.com/


تحياتي ((مشاء الله المواضيع هذي اسرع مواضيع توصل للصفحة الثانية!!!))

[مؤيد اف1]

دايماً تحطو السعه عيب في الامريكي :sss: رغم اني مااشوف فيها شي..احسن من التقنيات والتعقيد :p

[Mr_CoRvEtTe]

WRX
مشكووووووووووووووووووووووووووور اخوي بصراحه ماقصرت

[Mr_CoRvEtTe]

مؤيد اف1

بالعكس انا اشوف السعه في المريكي ميزه وايد حلوه .. لانها تخلي المحرك مرتاح اكثر ومايكون عليه وايد ضغط وتطول عمر المحرك ..

[RED Chevy]

انا في رأيي احنا الان في عصر العولمة ولا الامريكي صار امريكي ولا الياباني صار ياباني مثل اول ..
اعتقد المفروض نحكم عليها كشركات منفصلة ...
فبعض السيارات الامريكية بدأت تستخدم محركات رياضية ذات ضغط عالي كالكاديلاك و هناك سيارات يابانية بدأت تتجه لمحركات الضغط المنخفض كنيسان مثلا ..
عن نفسي اعتقد ان السيارات اليابانية تتفوق في اشياء كثيرة ولكن لاتتضح بسبب الفارق الكبير بينها وبين السيارات الامريكية بالسعة .. واعتقد ان السيارات اليابانية تعتمد على التكنولوجيا بشكل كبير فتستغلها احسن استغلال فمثلا تجد ان اداء الكيو 45 والومينا اس اس متقارب جدا لكن تجد ان وزن الومينا 1580 كيلو والانفينيتي 2200 كيلو فارق كبير جدا بالوزن ومحرك الكيو 4.5 لتر و اللومينا 5.7 لتر .......
وهناك على سبيل المثال اس تي اس الرياضي بمحرك 4.4 وبسوبر شارج وبنسبة انضغاط 9.0:1 وبقوة 440 حصان وباستهلاك افضل من الزد او 6 القديم ........








اخوكم الشبابي

كلام منطقي كالعادة لكن اضيف انه حتى ماتاخذ على الشركات هالأيام تحسب على الموتر نفسه تشوف كل شركة تتبع عدة سياسات وعندها محركات ظغط مرتفع ومحكرات منخفض ومحركات بشواحن وغيرها بدون وهي شركة وحدة :D

(((( بخصوص اللومينا لاتظن انه دفاع عنها لأنهات شفر بس اتوقع تدري شنو القير لاعب دور كبير في مشيها، لو ينزل لها قير عدل شوف الفرق خصوصاً انه اكثر من 60 حصان تضيع من المحرك على الفلاي ويل والبركة في القير :D )))))

[Mr_CoRvEtTe]

RED Chevy
كلامك صحيح 100 %

[WRX]

موضوع وللللللللللللللللللللللللللللللعة

بس بالنسبة للسعة فا هي سلاح ذو حدين فهي من جهه تزيد عمر المحرك
بس لمن تشوف امريكا المتسيدة العالم تستخدم تكنلوجيا الثمينيات في سياراتها

تتسأل ليش....هذا غباء ولا كسل ...... ولاتفكير لقدام؟؟؟؟


هذي هية وجة النظر,,,,,,,,,





تحياتي

[WRX]

من كلام الشبابي و رد شيفي ومستر كورفت

يعني ان على كذا محد صار يقدر يتعصب ((يحب)) شركة على حساب شركة علشان محركاتها كبيرة او بسيطة او تستخرج اكبر قدر ممكن من اي سحتوت في المكينة!!!
هذا الكلام بعد 10سنوات
طبعاً

[Mr_CoRvEtTe]

WRX
اخوي لو تلاحظ ان امريكا تحاول تبعد التعقيد عن محركات سياراتها وتتعتمد كليا على سعه المحرك وهاذا الشي الي يجعل كل من يفكر في في امتلاك سياره دراج ريس يحول المكينه الى مكينه امريكيه اكثر او اغلب السيرات الدراج عليها مكاين امريكيه حتى اللي البودي مالهم ياباني مثل الزد القديم وغيرها بس عليهم مكاين امريكيه

[WRX]

هذا الي اتكلم عنه
انت تقول تبعد التعقيدات
انا اقول ان ما فيها حيل تدخل في التعقيدات او اقدر اقول انها ناتقدر تدخل فيها......
هذا هو الي مسبب خلاف او اختلاف في موضوع المكينة.......هل هو حسنة ام سيئة؟

والله يستر.....


تحياتي

[AnGlOpHiL]

امممم مرحبا

اذا تتكلم عن ستاندر فأكيد الأمريكي اقوه...اغلب الاحيان!!

اممم ال SKYLINE GTR-34 موديل 2002<<اخر موديل

6 سلندر 2,8 لتر+تون تيربو و قوته الحقيقيه على الداينو = 330 حصان و هذا شي معروف

وزنه 1560 كيلو و اقوه تسارع له 4,6 ثانيه<<<<<دفع رباعي


ال CORVETTE Z06 موديل 2002 <<<نفس موديل السكايلن الي فوق

8 سلندر 5,7 لتر و قوته المعلنه 385 حصان و على الداينو 350 او 340 حصان

وزنه 1413 كيلو و من افضل تسارعاته 4 ثواني

و نفس الشي بالنسبه للربع ميل الكورفيت متفوق و بالنسبه للتوب سبيد تقدر تقول الكورفيت يخلي الGTR-34 مثل الواقف و يطوف عليه سوووووو صارووووخ


طبعا الفايبر نخليه على كتر لانه مافي ياباني يوصل لمستواه



تقدر تقول الميتسوبيشي ايفو و السوبارو امبريزه مالهم منافس قوي من الجانب الامريكي اللهم الدودج نيون SRT-4 طبعا قوتها 230 حصان فقط و تسارعها 5,3 ثانيه و سعرها اقل منهم بوايد.



ملاحضه الياباني دايما يعلن عن قوة لا تتجاوز ال297 حصان لانه الحكومه اليابانيه تمنع.....الخ فنشوف ان السكايلن و السوبرا قوتهم الحقيقيه 330 حصان تقريبا و الهوندا NSX 330-360 حصان تقريبا و كله يطلع على الداينو LOOOOOOL

و بالنسبه للGTR-35 انا اتوقع ان يمكن يوقف بوجه الZ06 لاكن بكل بساطه سطاااخ على قفاه من الفايبر LOOOL


تحياتي

[الشبابي]

اخوي LPE427 ...
الزد او 6 القديمة والتي كان معلن انها تجيب ال 100 خلال 4 ثواني لم تصل الى هذا الرقم ففي تجارب احدى المجلات وصلت الى 4.3 على ما اعتقد ثانيا لاتنسى الفارق في الوزن الكبير والعزم ايضا ...
وسبب الفارق بالخط ان السكاي دفع رباعي ووالدفع الرباعي ضعيف بالخط ...ولو كان الدفع الرباعي فيها مستمر لوجدتها اضعف ولكن الرباعي الاكتروني اخف ...









اخوكم الشبابي

[mr_z]

أنا قريت في مجلة popoular hot rod
ان التيربو و السوبر تشارجر هما وسائل متطورة لرفع وزيادة السعة مع المحافظة على حجم البلوك وبالتالي على حجم المحرك
على سبيل المثال عندنا سيارة فيها تيربو يدخل هواء قدره 300 cu وسعة المكينة الأساسية 145 cu
ولدينا محرك أخر 454 cu فمقدار الهوء والوقود الداخل في المحركين متساوي
ولكن في رأيي محركات التيربو تنتج قوة أكبر لأنها تضغط الهواء في الintake manifold فعندما يفتح بلف الهواء يدخل الهواء بكمية أكبر لأنه مضغوط من قبل التيربو وعندما يدخل المزيج و ينضغط في الcompression stroke و يتم اشعاله في الpower stroke يعطي انفجار أقوى لأن الخليط يكون مضغوط بقوة أكبر لأن السلندر مخصص لكي يدخل كمية بسيطة من الخليط
طيب كيف تدخل الكمية هذه من خليط الوقود والهواء؟؟
الهواء و الوقود قابلين للانضغاط فهما ليسا كالماء لا يقبلان الانضغاط
وعندما يتم ضغط الخليط فيصغر حجمهما ويتحولان الى جزيئات أصغر وكلما زاد القوة الضاغطة على الخليط(وهو يعتمد على نوعية الوقود المستخدم ونسبة الانضغاط في السلندر) زادت قوة الانفجار

[TOP-SECRET]

Mr_CoRvEtTe اخوي شلون تقارن السكاي لاين بالكورفيت وتقول الامريكي اقوى؟؟

السموحه على هالكلمه بس الصراحهى مقارنتك غلط

اذا بتقارن سياره 8 سلندر بتنفس طبيعي لازم انك تقارنها من سياره ثانيه بنفس النظام

وبنفس عدد الاحصنه

مو بسياره 6 سلندر وتوين تيربو

واذا على السيارات هذي فانا اقولك ان الزي او 6 معدل من الشركه على نفس محرك الـC6 بمعنى عام معدل المحرك

واذا بتقارن بهذي الطريقه من السهل اجيب لك سياره تنافس الـC6 ويابانيه وبنص عدد الاحصنه وهي الأيفو المعدله

من الشركه والي تجيب الـ100 في 3.5 ثواني

عشان جذي ياريت لو تكون المقارنه في حدود المعقول وبطريقه صحيحه مش اني اطلع هذي السياره افضل لاني

احبها او اني افضلها على غيرها

انا مستعد اجيب اكثر من سياره امريكيه سبور من 8 اسطوانات واقارنها باكثر من سياره يابانيه من 6 اسطوانات

والسيارات اليابانيه اتفوق عليها في الارقام لكن ماجبتها لان المقارنه غلط

لو حبيت تبدأ صح جيب لنا سياره امريكيه من فئة الأربعه سلندر تنافس الايفو مثلا او الامبريزا واحنا جيب لك منافس لها

ونفس الشي في فئة الـ6 سلندر والـ8 سلندر

بس تحمل تييب لنا 6 سلندر موستنق:-)

تحياتي

[h22accord]

لاتنسوا ياشباب القوانين اليابانية انها اقوى شي 280 حصان وهذا بصير ظلم للسيارات اليابانية وبالخصوص السكايلان فيقول لك ليش احط سعة كبيرة واحنا مو محتاجينها هو صحيح كل ماكان السعة اكبر كل ما ارتاحت المكينة وانطرح موضوع من قبل عن تويوتا سنشوري 12 سلندر وقوتها بس 280 يعني تخيلو لوكان سعة السكاي بدل 2.6 الى 5.6 وش بصير هو كذا وصاير وحش

[h22accord]

عندي لكم سؤال وابيكم تجابو بكل صراحة

لو قلنا لشركة الشفر وشركة هوندا يصنعو لينا كل شركة محرك بشرط يكون نفس عدد السلندرات ونفس السعة وبدون شواحن تعتقدون من الي يفوز ؟؟؟؟؟

[mr_z]

فكره ثانيه يجب توضيحها
عدد السلندرات هو وسيلة لزيادة السعة لا أقل ولا أكثر

فكرة قوة المحركات يعتمد على كمية الوقود و الهواء الداخل في المحرك

سعة المحرك=0,7854 ×bore×bore×piston stroke×عدد السلندرات

ذكرت bore مرتين لأن البور يتربع

[mr_z]

h22accord

أنا أتوقع هوندا لأن تقنيات محركاتها متقدمه

[mr_z]

في حالة محركات بسعات متساوية
فقوة المحرك تعمد على تصميم المحرك وعلى التقنيات المستخدمة فيه وعلى توقيته في الاشعال وفي التوقيت في في فتح البلوف وال duration تبع الكام رفعته للبلف وبالتأكيد تعتمد على نسبة الانضعاط المستخدمة
(رأي شخصي)

[h22accord]

وانا اعتقد كذلك واكبر مثال محرك الs2000

2.0 و240 حصان بفضل نظام الفتك

[مؤيد اف1]

اخوي LPE427 ...
الزد او 6 القديمة والتي كان معلن انها تجيب ال 100 خلال 4 ثواني لم تصل الى هذا الرقم ففي تجارب احدى المجلات وصلت الى 4.3 على ما اعتقد ثانيا لاتنسى الفارق في الوزن الكبير والعزم ايضا ...
وسبب الفارق بالخط ان السكاي دفع رباعي ووالدفع الرباعي ضعيف بالخط ...ولو كان الدفع الرباعي فيها مستمر لوجدتها اضعف ولكن الرباعي الاكتروني اخف ...









اخوكم الشبابي

انت قلتها مجله :D

الشركة توفر احسن ظروف للتجربه اما المجله عطول شغل وجرب :D

[مؤيد اف1]

Mr_CoRvEtTe اخوي شلون تقارن السكاي لاين بالكورفيت وتقول الامريكي اقوى؟؟

السموحه على هالكلمه بس الصراحهى مقارنتك غلط

اذا بتقارن سياره 8 سلندر بتنفس طبيعي لازم انك تقارنها من سياره ثانيه بنفس النظام

وبنفس عدد الاحصنه

مو بسياره 6 سلندر وتوين تيربو

واذا على السيارات هذي فانا اقولك ان الزي او 6 معدل من الشركه على نفس محرك الـC6 بمعنى عام معدل المحرك

واذا بتقارن بهذي الطريقه من السهل اجيب لك سياره تنافس الـC6 ويابانيه وبنص عدد الاحصنه وهي الأيفو المعدله

من الشركه والي تجيب الـ100 في 3.5 ثواني

عشان جذي ياريت لو تكون المقارنه في حدود المعقول وبطريقه صحيحه مش اني اطلع هذي السياره افضل لاني

احبها او اني افضلها على غيرها

انا مستعد اجيب اكثر من سياره امريكيه سبور من 8 اسطوانات واقارنها باكثر من سياره يابانيه من 6 اسطوانات

والسيارات اليابانيه اتفوق عليها في الارقام لكن ماجبتها لان المقارنه غلط

لو حبيت تبدأ صح جيب لنا سياره امريكيه من فئة الأربعه سلندر تنافس الايفو مثلا او الامبريزا واحنا جيب لك منافس لها

ونفس الشي في فئة الـ6 سلندر والـ8 سلندر

بس تحمل تييب لنا 6 سلندر موستنق:-)

تحياتي

المقارنه ماشوف فيها شي مادام انهم سيارات سبورت والسرعه وعدد السلندرات في الامريكي معوضه في الياباني وبزياده بال TT :sleep: وغيرها من 4 كامات ومادري ويش :D طبعا الا4 كامات تفرق ويا سيارات التربو اما سيارات السحب العادي فالفرق مايبان كثير :cool:

[الشبابي]

اخوي مؤيد اف 1 ...
لاتنسى ان تجارب السيارات الامريكية تكون بكفرات سليكس خلافا للشركات الاخرى ...


واذا كنا سنقارن سيارات بسعات متقاربة او متماثله فممكنان تقارن الانفوي بالباثفايندر الجديد فسعة محرك الباثفايندر 4 لترات بقوة 270 حصان وبعزم 291 رطل واستهلاكه 16 / 22 ميل للجالون للدفع الرباعي و الانفوي يستهلك 15 / 20 ميل للجالون للدفع الرباعي وبمحرك سعة 4.2 لتر وبقوة 275 حصان و 275 رطل مع العلم ان كلا من المحركين باربعة صمامات لكل سلندر ...
مع الاخذ بالاعتبار الفارق الكبير بالتسارع بين كلا من السيارتين بالبر وبالخط ...

وايضا ممكن نقارن محرك الكاديلاك السي تي اس 3.6 وبقوة 255 حصان وبعزم 252 رطل وباستهلاك 17 / 27 ميل للجالون و محرك الجي 35 بسعة 3.5 بقوة 260 حصان وبعزم 260 رطل وباستهلاك 20 /27 ميل للجالون والنسخة الرياضية بقوة 300 حصان و 260 رطل كعزم واستهلاك 19 / 26 ميل للجالون .....
سعة اقل و عزم وقوة اعلى واستهلاك اقل .... وهدوء واستجابة الافضل ...






اخوكم الشبابي

[Mr_CoRvEtTe]

TOP-SECRET

انا ما قصدي انت فهمتني غلط ....

بس في سياره يابانيه 8 سلندر ؟؟ (( سبورت ))

السكايلاين 6 سلندر لكن فيه توين توربو من جذي اقارنه بالكورفيت

بس لعلمك اخوي ان في كورفيت ينزل من الوكاله توين توربو بس بعد شوي بحطلك المعلومات عنها وكل شي

انا قارنت الكورفيت 8 سلندر لكن ماعليها شي (( ستاندر )) والسكايلين 6 سلندر لكن فيه توين توربو

افوض ان السيارات اليابانيه بدووون (( توربو )) كيف راح يكون العزم مالها ... اليابانين اعتمادهم على التوربو بشكل كبير جدا والامريكين يعتمدون على قوه المحرك ..

[Mr_CoRvEtTe]

TOP-SECRET

هاذي السياره اسمها
Lingenfelter 427 Corvette TT

وهاذي الصور المعلومات ..

http://www.arab7.com/up/file/1109862722840.jpg

http://www.fast-autos.com/427tt3.jpg


Horsepower Approx. 802hp @ 4600 rpm

1/4 Mile 9.2 secs @ 150mph

0-60mph 2.0 secs

هاذي الكورفيت (( توين توربو ))
:knight:

[WRX]

مشاء الله الصفحة الثالثة....

اول شئ في انتضار المعلومات عن الكورفت توين تيربو

بس بيني وبينك الموضوع فيه ظلم لأن زي ماقال واحد من الشباب هنا موضوع السلندرات ماهو إلا لزيادة السعة يعني لو حبينا نقارن من ناحيت السعة فا نلاقي وحدة 6 لتر والثانيه نصهااااااااا 3 لتر

تعتد ان توين تيربو يعوض الفرق الي يسويه 3 لتر.....!

وغير كذا حبيبي لاتنسى ان الـNSX بنفس السعة تقريباً ((ماني متأكد منها))
والقوة برضوا قريبه منها ولاكن من دون تيربو ((تنفس طبيعي))




وفي انتضارك معلوماتك عن الكورفت.....

[Mr_CoRvEtTe]

WRX

المعلومات موجوده شوفها ...

ومرحبا فيك اخوي .

[WRX]

اش الشغل السرييييييع هذي

انا كنت متوقع انك بتحط هذي....
بس معلومة على الطاير السيارة هذي سبق وشفت برنامج عنها في قناة دسكفري
هية معدلة على فكرة من شركة اسمها Lingenfelter ((لاحظ اسم السيارة))

والشركة هذي مالها صله بـGM
وكمان اذكر ان كان فيه منها نسختين وحدة تنفع للأستخدام اليومين
ووحدة للريسات بس.....


تحياتي

[WRX]

شوف حبيبي هذا الكومارو معدلة وعروضة للبيع في موقعم

http://www.lingenfelter.com/images/roper1.jpg

http://www.lingenfelter.com/images/Roper2.jpg


وفيه سيارات مرة روعة في موقعهم معروض للبيع

http://www.lingenfelter.com/


تحياتي

[Mr_CoRvEtTe]

ايووووووووه

والنوع الثاني Lingenfelter Corvette 500TT

[WRX]

يمكن انا بصراحة ما اعرف اش اسمها

بس الي اعرفه انها خلتني اتعب نفسياً يوم شفتها

حاجة بكى بكى بكى

((انا من غير اذا شفت كورفت في الشارع اتعب نفسياً))

فما بالك لمن اشوف كورفت 900حصان!!!







تحياتي لك

[TOP-SECRET]

المقارنه ماشوف فيها شي مادام انهم سيارات سبورت والسرعه وعدد السلندرات في الامريكي معوضه في الياباني وبزياده بال TT :sleep: وغيرها من 4 كامات ومادري ويش :D طبعا الا4 كامات تفرق ويا سيارات التربو اما سيارات السحب العادي فالفرق مايبان كثير :cool:

اخوي مافيه شي اسمه معوض فيه سعة محرك كبيره توصل 6 لترات تجي وتقارنها بمحرك 2.8 لتر؟؟

بالعقل شلون تصير هالمقارنه

وبالنسبه للتيربوات هذي تعتبر سياسه للشركه .. الشركه كبيره وتقدر انها تصنع سياره بنفس هذي السعه ومن غير شواحن و280 حصان بس هي سياستها في صناعة محرك هذا النوع من السيارات بهذي الطريقه

بعدين انت تقول معوضه الحين انت لو قارنت لك موستنق 8 سلندر مع سكاي لاين 6 سلندر بشواحن بتقول ان هذي السلندرات معوضه للشواحن :confused:

الصراحه استغربت من ردك مع احترامي لوجهة نظرك بس المقارنه مثل ماقلت لك ماتصير بالكلام

يعني مثلا الحين انت تقول سبور ضد سبور

يعني الحين احنا بنقارن بالاسم ولا بالمحرك؟

اكيد بالمحرك مش باسم السياره عشان جذي المفروض تكون المقارنه عادله

8 سلندر ضد 8 سلندر
6 سلندر ضد 6 سلندر
4 سلندر ضد 4 سلندر

مع الأخذ بالاعتبار اذا السياره مع شواحن او من غير شواحن

شي ثاني اخوي انا كان ردي بخصوص كلام الاخ مستر كورفيت ان الامريكي اقوى على كلامه

لان الزي او 6 اقوى من السكاي لاين وكتبة له هذا الرد وقلت له المقارنه غلط واذا حسب المقارنه

بهذي الطريقه يقدر يجب الزي او سكس لان مزود من الشركه وبنجيب له مثل الايفولوشن

نسخه خاصه نزلت وتجيب الـ100 في 3.5 ثواني وكتب المشرف عمر موضوع عنها

لكن من الاساس المقارنه مب صحيحه مع احترامي طبعا لكاتب الموضوع

تحياتي

[TOP-SECRET]

TOP-SECRET

انا ما قصدي انت فهمتني غلط ....

بس في سياره يابانيه 8 سلندر ؟؟ (( سبورت ))

السكايلاين 6 سلندر لكن فيه توين توربو من جذي اقارنه بالكورفيت

بس لعلمك اخوي ان في كورفيت ينزل من الوكاله توين توربو بس بعد شوي بحطلك المعلومات عنها وكل شي

انا قارنت الكورفيت 8 سلندر لكن ماعليها شي (( ستاندر )) والسكايلين 6 سلندر لكن فيه توين توربو

افوض ان السيارات اليابانيه بدووون (( توربو )) كيف راح يكون العزم مالها ... اليابانين اعتمادهم على التوربو بشكل كبير جدا والامريكين يعتمدون على قوه المحرك ..

اخوي عيل ليش تقارن اذا مافيه من الأساس سياره سبور يابانيه 8 سلندر :smart:

واذا السكاي لاين فيه توين تيربو عشان جذي تقارنه بسياره سبور امريكيه 8 سلندر

اوكي ليش ماتقارنه بالموستنق اليديده :m: مب هي 8 سلندر و325 حصان و4.6 لتر

شوف على كل هذا ارقام السكاي لاين اقوى من الموستنق الجديده عشان جذي انت

ماقارنتها معاها :sss: واكتفيت تحط لنا سياره من اقوى السيارات الامريكيه وماكتفيت بهالشي

بالعكس يبت لنا الزي او 6 الي هي معدله من الشركه وحتى ولو بتقارن عالاقل قارنها مع الـC6

مع ان حتى المقارنه مع الـC6 غلط بس في اقل الأحوال اتيي ستوك من الوكاله

ومافيها اي تعديل عشان تكون نسخه رياضيه بحته..

ومعلومه بسيطه بس الفرق بين الزي او 6 الي قارنتها بالسكاي لاين والـC6 الجديده 100 حصان بالضبط

:confused: :blink:

ليش ماتقارن الموستنق الجديده مثلا بالسكاي لاين

مع انها اكبر عدد احصنه وسعة المحرك اكبر وعدد الاسطوانات اكبر وتتوفر فيها كل مقومات المقارنه

المتوفره في الكورفيت :-)

السبب واضح طبعا وياريت لو تعطينا السبب اخوي :sss:

والسموحه اذا كلامي يزعل ولا شي عزيز وغالي بس شي في قلبي وقلته :smart:

[مؤيد اف1]

اكيد بتقارنو باضعف السيارات :sss: دام في ياباني وفي سوالف دايماً الياباني افضل :sleep:

[مؤيد اف1]

حتى السعه سياسه :D

ولا تقول

كل شي يسووه اليابانيين سياسه اما الامريكان لااااااااااااااا ماعندهم سياسه اصلا :eek:

[mr.lamborghini]

امريكيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

جكجكجكجكجكجكجكجكجكجككجكجكجكجكجك :knight: :knight: :knight: :knight:

[TOP-SECRET]

الامريكان خلو سياستهم في العراق:>

ولا في السيارات من جنبها خخخخخ

[مؤيد اف1]

:sleep:

[WRX]

هدوووووووووووووووووو شباب

تروا الموضوع من اول يقول اش السيارة الي تفضلها وبس.....((من دون نقشات مالها داعي....))

هدوووووووووووووووووو اخزو الشيطان......:-)

[مؤيد اف1]

هدوووووووووووووووووو شباب

تروا الموضوع من اول يقول اش السيارة الي تفضلها وبس.....((من دون نقشات مالها داعي....))

هدوووووووووووووووووو اخزو الشيطان......:-)

الله يلعن الشيطان :D


بس اذا التعصب اعمى بدرجة انه حلال على اليابانيين التوين تربو وحرام السعه على الامريكان ويش تسوي في هالحاله :eek:

[TOP-SECRET]

شفيكم انا قلت الرد الاخير بس مزح لا اكثر ولا اقل:-)

مؤيد انا ماقلت حلال وحرام انا ردودي مفهومه وطريقة ردودي مفهومه ماقدر ارجع اكتبها بطريقه تفصيليه اكثر

عشان جذي ياريت لو تعيد قرأتها بعدين تحللها بشكل صحيح مش تحليل غلط

انا ماحللت وحرمت والحلال والحرام مو موجود في عالم السيارات واحنا مو في موضوع ديني

احنا في موضوع عن السيارات وانا اكتب ردودي بطريقه عاديه ووجهة نظري في الموضوع

اقتنعت او ما اقتنعت هذا شي خاص فيك انا مالي دخل فيه بس وجهة نظري اكتبها

انا قلت لكم من قبل ليش ماتقارنون السكاي لاين بالموستنق الجديد مع ان جميع العوامل المتوفره بالكورفيت متوفره

بالموستنق الجديد

* سعة محرك اكبر من السكاي لاين
* عدد احصنه اكبر من السكاي لاين
*عدد اسطوانات اكبر من السكاي لاين

وهذي العناصر الثلاثه موجوده في الكورفيت..

انتو جبتوا اقوى سياره امريكيه وقلتوا يالله قارنوها مع السكاي لاين والموضوع الحين انحصر بينهم

مع ان المعروف ان الـLS2 هو الجيل الجديد من المحركات وياريت لو يذكر لنا احد الاخوان محرك الجي تي ار 34

الي هو RB 26 من متى موجود؟:-)

تحياتي

[mr_z]

أنا كتبت كذا رد عن بعض المفاهيم بس الظاهر ان الموضوع فاضي

[مؤيد اف1]

أنا كتبت كذا رد عن بعض المفاهيم بس الظاهر ان الموضوع فاضي

:D صدقت

[الشبابي]

السكاي لاين مخصصة للسوق الياباني ولذلك هي لاتتجاوز ال 280 حصان كما ان نيسان ارادت وضع سيارة بحجم صغير باستهلاك معقول ولذلك هي نازلة في بريطانيا واليابان ...
لكن الزد هي للسوق الامريكية واعتقد عزمها وتسارعها بدون شواحن جدا طيب خلال 5.4 ثواني ...









اخوكم الشبابي

[الامير الاحمر]

بشكل عام .. افظل الامريكي .

[TerroRx7]

بس الظاهر ان الموضوع فاضي

كالعاده
نقاشات سوالف ما نطلع منها بنتيجتين
- الهواش
- تكتشف انك في منتدى سوالف للفلسفه مو للسيارات :D

[Mr_CoRvEtTe]

شباب الموضوع طلع عن الهدف ماله ..

شباب ليش دائما في سوالف المواضيع والنقاشات تنتهي بهذا الاسلوب .. المفروض اننا نكون افضل من كذا في كثير من الاموور لاغن اغلبنا اعضاء قدامى ولنا خبره في هذي الامور .. ولازم نعمل الى الامام حتى نطور كل شي في المنتدى ومن خلاله راح نطور المواضيع ونطور كل شي ولازم نعطي الرائي بكل مصداقيه ..

[h22accord]

قارن السكاي مع الكمارو 6سلندر هههههههههههه
ما هيبه الكفالير احلى منه تصير

[WRX]

مع احترامي لك مستر كورفت انت الي بديت المناقشات....

ولو خليته زي ماقلت لك ((افضل السيارات الـ.................لأن...................)) وخلاص غلق الموضوع
كان افتكيت من مناقشات مالها داعلي....


على العموم تعودنا ووالف شكر برضوا على الموضوع

[Crower]

أسمحولي على التعقيب البسيط و اتمنى محد يزعل من كلامي, و خصوصا صاحب الموضوع.
هناك عدة نقاط أحب أشرحها و اتمنى من الاخوان أنهم يفهمون معنى الكلام:
1- أسم الموضوع او الهدف منه أساسا عقيم مع كل احترامي لصاحب الموضوع, أللي فهمته انه صاحب الموضوع معتبر ان القوة هي كل شي و هي المقياس للحكم على السيارة و يشاركه في ذلك بعض الاخوان
أقتباس من صاحب الموضوع :في نظري اتوقع الامريكي اقوى لان الكورفيت ZO6 و الفايبر ستاندر يكون بقوه 500 حصان
وتصل الى 100 في 3.9 ثانيه فقط ...
بنرجع لهذي النقطه فيما بعد ان شاء الله, بس قولي انه الهدف من الموضوع عقيم أساسا لانه اليابانيين لهم نظرة مختلفة لموضوع القوة, و الامريكان لهم نظرة اخرى, و لكي نحكم بكل موضوعية لازم يكون في تشابه في الظروف او العوامل اللي على اساسها يتم الحكم و مثل ما نعرف لا يوجد هذا التشابه بين المدرستين.

2- القوة ليست معيارا يمكن الحكم من خلاله, لسبب بسيط هو انك لا تستطيع استخدامها ان لم تستطع السيطرة و التحكم بها على ارض الواقع.... و خير مثال هو الكورفيت و الفايبر و الترانس و الكمارو, لانه مستحيل من ارض الواقع في هالسيارات انه ما يكون في ويل سبين (انزلاق الاطارات) في التسارع, يعني لم تتم الاستفادة من القوة, و العكس صحيح في اغلب السيارات اليابانية اللي تركز على هالشي سواء من انظمة الدفع الرباعية او من خلال تقنيات اخرى منها الديفرنشل محدود الانزلاق او من انظمة الكلتش ( الزد 350 خير مثال).

3- نقطة مهمة اوقفتني و هي اعتبار ان الفايبر هو من اقوى السيارات و غيره من الكلام, ورغم انه المنطق يقول انها من افشل السيارات على كل المستويات و خصوصا المحرك, اول شي 500 حصان من 8 ليتر و على تقنيات اليوم يعتبر شي قمة في التخلف, اعطالها كثيرة نسبيا لمن يدعى ان تصميمها بسيط و بعيد عن التعقيد, تزويدها مكلف, و غيره الكثير.

4- المدرسة اليابانية ما تهتم بالقوة بقدر ما تهتم بالتماسك و القدرة على استخدام القوة , و السبب في صغر سعة محركاتهم هو التوزيع المثالي للوزن و الاستهلاك المنخفض للوقود, على العكس من المدرسة الامريكية اللي تعتبر السعة هي كل شي و المحركات الكبيرة هي اللي عليها اقبال من قبل عشاق السيارات و اعتقد بأن خير مثال هو ان رياضة السيارات المفضلة لديهم هي الدراق ريس.

5- لكل نوع من السيارات عشاقه و بالنسبة لي بغض النظر عن السيارة و القوة يبقى لكل نوع عشاقه و استخدامه الخاص به, و لو تشابهت الاذواق لبارت السلع.....

في الختام اعتقد بأن افضل محركين بالنسبة لي هم
من اليابان: 2JZ-GTE ذلك لقدرة االمحرك الكبيرة و عمليته اللي صعب ان يجاريها اي محرك على الرغم من عمرها الكبير نسبيا ( 13 سنة)
من امريكا :LS1 لانها خفيفة, و لها قدرة كبيرة

[h22accord]

صدقت يا Crower وهذا كنت الي بقوله بس سبقتني :banana:

بس لو يدخل الاوربي في المنافسة لاالياباني ولا الامريكي ولكل دولة اتجاهتها ورغباتها

[linkin park]

شباب
بدون تحيز
وانا متأكد من هالشي
دائما
في القوه

1-أوروبي
2-أمريكي
3-ياباني
4- الكوري والماركات الاخرى

وبصراحه كل سياره ولها ميزاتها وقوتها
فيه سيارات يابانيه اقوى من الامريكيه وفي سيارات امريكيه اقوى من الالمانيه وفيه سيارات المانيه واروبيه اقوى
من الامريكيه واليابانيه
وطبعا ما نستهين بالبلدان الثانيه مستقبلا راح يطلعوا مواهبهم
وهاذا كل مافي الموضوع

[مؤيد اف1]

قارن السكاي مع الكمارو 6سلندر هههههههههههه
ما هيبه الكفالير احلى منه تصير

عادي نقارنهم بس بنحط تون تربو :eek:

[TOP-SECRET]

عادي نقارنهم بس بنحط تون تربو :eek:


المقارنه ماشوف فيها شي مادام انهم سيارات سبورت والسرعه وعدد السلندرات في الامريكي معوضه في الياباني وبزياده بال TT :sleep: :cool:


:smart: :smart: :smart:

[الشبابي]

ياشباب ...
الله يهديكم ليه لما تفكون موضوع تتجهون فقط الى السيارات الرياضية ؟؟
خلونا ايضا نقارن السيارات العادية ...
ومهو اذا صار مشاكل او ما عجبك راي الاخر قلت الموضوع سئ وصاحبه فيه كذا وكذا ..








اخوكم الشبابي

[مؤيد اف1]

:smart: :smart: :smart:

خير؟

شكلك منت فاهم الموضوع :sleep:

[TOP-SECRET]

خير؟

شكلك منت فاهم الموضوع :sleep:

:cry1: لا :cry1:

:smart:

[oil_HKS_lio]

TOP-SECRET


افوض ان السيارات اليابانيه بدووون (( توربو )) كيف راح يكون العزم مالها ... اليابانين اعتمادهم على التوربو بشكل كبير جدا والامريكين يعتمدون على قوه المحرك ..

السلاام عليكم

الامريكان يعتمدون على سعه المحرك

[oil_HKS_lio]

شفيكم انا قلت الرد الاخير بس مزح لا اكثر ولا اقل:-)


مع ان المعروف ان الـLS2 هو الجيل الجديد من المحركات وياريت لو يذكر لنا احد الاخوان محرك الجي تي ار 34

الي هو RB 26 من متى موجود؟:-)

تحياتي

تقريبا الRB26 من موديل 90 الى 2002
احسن الاوقات فيه جاب4.6 بقوه محدده من اليبان 280(الاصل 320)
وهاذا عنده انجازات كثيره رهيبه في تعديل
ننتضر المحرك الجديد للجيل الجديد سكايلان R35

VQ32 المحرك مزود بتون تيربو قوته 480 ب6 سلندرات سعه 3.2 لتر على شكل V

http://www.ksgarage.jp/Japan/vq32dettpic1.jpg

http://www.nissan-arabia.com/vb/attachment.php?attachmentid=7642&stc=1

[مؤيد اف1]

تحس المكينة تعقيد ومضغوطه على حالها :D

[chevy4ever]

الامريكي اقوى
صحيح في تقارب في التسارع
لكن بعد الميه لين الميتين يفرق كثير لصالح الامريكي
وبعد الميتين الامريكي يقول للياباني سلم على البدوان