View Full Version : للاهمية لجميع اعضاء الكرام
grandv8
04-03-2005, 01:48 PM
بسم الله الرحمن الرحيم
السلام عليكم ورحمة الله وبركاته
كيف الحال اخواني الكرام والاعزاء.
اخواني الكرام ترددن كثير لااكتب هذا الكلام لكم ولااحب ان اكون السبب او يكون احد من الاعضاء سبب بكل شي.
اخواني لوحظت فترة الي ماقدرت اشارك بالمنتدى صار مشاكل ماله داعي ولااصلا بمواضيع السيارات، حيث ان احد يحب يثير الفتن او المشاكل او عضو جديد مشارك واصلا من قبل كان مطرود ويحاول ان يزعزع مرة ثانية المشكال بين الاعضاء.
وهي تعتبر مشكلة كبيرة اذا لم نكن ندركها بسرعه قبل ان تزيد المشكلة.
واالمشكلة الثانية كثير من الرسائل التى وصلت لي تقول ان صاير مشكلة بالمنتدى،وكثير من الشباب قدرت اسوي لهم شي بسبب مشكلة عندي بالكمبيوتر ولين الحين تنحل ويرجع يخترب مرة ثانية.
انا احب اقول لكم اني اذا قصرت بحق احد او اني ظلمت او اني ماعملت له شي يخبرني وان اخوكم مثل ماانتم اخواني،والمنتدى عايش مثل بيتى ولااقدر افارقه ابدا.
وحتى اني اخترت كثير من الاعضاء لهم القدزة برفع شان المنتدى مالهم من خبرة بجميع انواع المجالات الخبرة بالسيارات والتكلونوجيا والالكترونيات والسمعيات.
وهؤلاء لازم يقدموا كثير مايتمتعوا من خبرة بكل مجال لكل عضو انا اخترت او هو اختار مجال ان يتخصص فيه.
واجوف كثير من هؤلاء الاعضاء قد يأسوا او انهم تضايقوا من اعضاء الجدد او انهم مشغولين بالدراسة او اي عذر لازم اتفهم معكم.
والان قليل من الاعضاء الي ينزل موضوع او يحب يشارك وفي المواضيه الهادفة تجوف رد او ردين او انعدام الرد بالموضوع,اما المواضيع الي لاتهدف بشي من كل المجالات تحصل موضوع وصل لعشرين صفحة وكلام من شكر وثناء ومن غير رد هادف اصلا.
حاب اكون لكم بالوجه اكثر اذا تحبون تحركون المنتدى للاحسن فاانا معكم بكل شي.
اما حاي يكون بهذا الوضع وكثير من الاعضاء يريد الانسحاب بسبب مشكلة او اثارةالقتن فاانا بعد سوف اترك الاشراف ورشحت اثنيين من الاعضاء الي لهم الكفؤ بالمنتدى.
واثنيين او ثلاثة من خبرانا يشاركون ام الباقي لاحس ولاخبر وحتى ومااجوف اي رسالة او خبر منهم عشان يوضحون الامر لي اكثر.
اخواني اذا كنت مقصر او انت مقصر اخبروني وانجوف لين وين اوصل لهي المشكلة ونحلها للاحسن.
ارجوا مشاركة الجميع معا وحتى الخبراء واعضاء القدامه والجدد.
موضوع الي نزله اخونا Mr_CoRvEtTe على هذا الرابط:
* ماهي الاستفاده من المنتدى ؟؟ *
موضوع حلو وجميل بس الي جفته كم واحد رد على الموضوع واكيد بيكون موضوعي نفس حاله بيكون الرد كم واحد فقط.
انا انتظر ردكم وآراكم واقتراحتكم.
اخوكم محمد
:)
TOP-SECRET
04-03-2005, 02:11 PM
السلام عليكم.. :-)
والله انا مابا اكتب رد يخرب الموضوع ويدخلنا في مشاكل
لكن الحلول كلها جدامكم انتو كمشرين بس اتغاضون عنها
المفروض يكون عندك ردع حق الأعضاء لي او حق اي عضو
المشرف لازم يكون صارم بقراراته مو انه يتعاطف مع شخص يكرر الخطأ كل مره
انا مابا ادخل في مواضيع ثانيه لان تعرف وجهة نظري شلون يابوجاسم
ويعطيك العافيه عالكلام الطيب
بالنسبه حق تسميات الأعضاء والخبراء وهالشغلات ترى فيها ظلم مع احترامي للجميع
تحصل عضو ماكمل 2000 مشاركه حاطين له خبير وانا عن نفسي وصلت ردودي فوق الـ6 الاف
ونزلتوا جميع الرتب انا ماكنت اطالب اني ابا تسميه نفسهم او شي من هالقبيل لكن انا من حقي
انك تميز بيني وبين عضو صار له 10 ردود في المنتدى ومثل مايقولون اصابع ايدك مو سوى..
وهذا هو اقتراحي انكم ترجعون مسميات الأعضاء لأن هالشي يأثر في نفسية العضو نفسه
وتقدر مشرفنا تسوي تصويت عشان ترجيع مسميات الأعضاء والرتب وتشوف من الموافق ومن المعترض
والسموحه
saymyname
04-03-2005, 02:45 PM
السلام عليكم
في البداية أحب اوجه تحية خاصة لجميع المشرفين القائمين على قسم السيارات واشكرهم على مجهوداتهم الجبارة
في سبيل انجاح هذا المنتدى المتميز بشهادة الجميع. :-)
طبعا انا سارلي فترة بسيطة فهالمنتدى ومن حظي اني جيت في وقت كثرت فيه المناقاشات
الحادة والجارحة في
بعض الاحيان مابين الاعضاء. :headshak:
المشاكل الي حصلت اعتقد انها تحصل في اي منتدى لكن هناك نقطة غفل عنها المشرفين وهي
عدم توافر مراقبين :confused:
للتعامل مع مثل هذه المماراسات.
وايضا النقطة الي اثارها الاخ TOP-SECRET يعني من الظلم ان انك تشوف عضو له مشاركات كبيرة يالاضافة الى
الاقدمية و يحمل لقب عضو فقط :blink:
نقطة أخرى وهي قسم السيارات بالمنتدى والذي اعتبره الشريان الرئيسى لهذا الموقع وذالك لكثرة اعداد الزوار
والمشاركات به. القسم يحتاج الى اهتمام اكبر من قبل القائمين على الموقع وكونه في اسفل قائمة الاقسام على
الرغم من شعبيته يعتبر تقليلا من شأنه.
بالنسبة للنقطة الي ذكرها grand v8
--------------------------------------------------------------------------------------------------------------------------
والان قليل من الاعضاء الي ينزل موضوع او يحب يشارك وفي المواضيه الهادفة تجوف رد او ردين او انعدام الرد بالموضوع,اما المواضيع الي لاتهدف بشي من كل المجالات تحصل موضوع وصل لعشرين صفحة وكلام من شكر وثناء ومن غير رد هادف اصلا.
--------------------------------------------------------------------------------------------------------------------------------
انا اعاني من هالمشكلة كثييير يعني احيان انزل مواضيع واتفائل بكثرة الزيارات والردود بس بعدين
اتحطم وماأحط مواضيع ثانية لان الردود ماتحمس :(
رجاء أخير وهو توفر قسم Off Topic (مواضيع ليس لها علاقة بالسيارات)
الاقتراح هذا طرحته اكثر من مرة ومالقيت اي رد عليه :(
لو تلاحظون في بعض الاحيان وجود مشاركات (ماابي اذكر اسمائها) تبرز مدى حاجة المنتدى لقسم
للترويح والاستراحة للاعضاء في قسم السيارات.
وعندكم امثلة كثيرة لو تخشون اي منتدى سيارات اجنبي راح تحصلون هذا القسم متوفر
اسمحولي طولت عليكم لكن كنت انتظر هذا الطرح من زمان
تحياتي للجميع...
saymyname :)
الشبابي
04-03-2005, 05:08 PM
اخوي محمد ...
اعتقد ان الاخ توب سيكرت مشاركاته اكثر مننا بكثير مع انه اشترك في عام 2003 ويستحق لقب كبير له ...
وبالنسبة للمواضيع انا كنت افكر انزل موضوع اطلب منكم وضع اقسام اخرى لاني احيانا وغيري من الشباب تجدنا نشطين فترة معينه ونكتب مواضيع كثيرة لكن للاسف المواضيع من كثرتها تنزل للصفحات الاخرى ولا احد يرد عليها واذا كنتم تفكرون تثبتون بعض المواضيع المميزة فستجدون ان الصفحة كلها مواضيع مثبته ...
واعتقد لو جعلنا هناك اقسام مثل السيارات اليابانية و الامريكية والاوروبية و قسم للدعم الفني ومنتدى الافلام ومنتدى عام ستقل المشاكل كثيرا لانك ستجد ان هؤلاك المتعصبين في اقسامهم الخاصة وهكذا ...
واعتقد انها ستساهم في تفريغ شحنة التعصب ...
اخوكم الشبابي
grandv8
04-03-2005, 05:08 PM
السلام عليكم ورحمة الله وبركاته
TOP-SECRET
هلا اخوي حمد
بالنسبة للاعضاء الي اخترت خبراء يدل عليهم حتى ولو انه رده قليل وجديد مسجل حوالى سنة او سنتين ،اما بالنسبة لك اخوي حمد وحاضرين وانت عندك الخبرة كافية واقدر ارشحك كخبير وخبرة كبيرة بالمنتدى.
اما اني اتغاضه عن عضو بالعكس اخوي حمد ،انا شخص مااحب احكم على خص من اول لحظة او انصحه كم مرة مااقتنع بعدين ابحث عن حل ثاني ولين اوقفه عن حده.
مسميات الاعضاء الي مكتوب عضو هذا من عند الادارة ونحن كلمناهم اكثر من مرة واليوم انا بعد بكلهم وبخبرهم ومايصير .
مايحتاج تصويت ولاشي واصلا كل هو تعديلات الاخيرة للمنتدى رجعت المسميات واتم تعيدل المسميات لين الحين.
وان شاء الله بيرجع المسميات للجميع.
saymyname
هلا اخوي الكريم وشكرا على مبادرة الحلوة ونشاطك الكبير.
اخوي عن الغفلة انا مااقدر اتم جالس على المنتدى 24 ساعه اراقب من الي يسوى مشاكل والي يعمل الفتن وفي ناس ماشاء الله جزاهم الله خير مايقصرون يخبروني وفيهم الخير وعلى الاقل يكون التعاون بينا ولاتنسى المشرف نفس العضو الا عنده صلاحية بسيطة عن العضو العادي
بالنسبة لتعديل المسميات وهي من قبل الادارة لازم ترجع المسميات ونحن خبرناهن اكثر من مرة بعد التعديلات للمنتدى.
مشكلة المواضيع المميزة والي يحتاج بع نقاش او فكرة جديدة او تجربة جديدة مانلاقي اي اقبال من الاعضاء يكتفي بالمشاهدة فقط او اثارة الفتن فقط.
وان طرحت هي المشكلة كم مرة بس مااجوف نقاش وصل لشئ.وشكر لكم يااخواني وبارك الله لكم
اخوكم محمد
:)
Corvette_Stingray
04-03-2005, 05:10 PM
هلا والله بمشرفنا الغالي بوجاسم ..
اخوي محمد احنا قد ما نقدر نغض النظر عن اللي يتسببون في الفتن والمشاكل بين الأعضاء وانتوا فيكم الخير والبركة ..
وانا رديت على موضوعك على شان شي واحد بس ..
وهو اني أرجوك انك ما تتنازل عن الإشراف والا راح نقول سلام على القسم ..
صدقني اذا تنازلت عن الإشراف بيخترب القسم ..
حاليا القسم منور بوجودك ولله الحمد واحنا الصراحة بدونك في هذا القسم ما نسوى ..
.. حمد ..
grandv8
04-03-2005, 05:17 PM
السلام عليكم ورحمة الله وبركاته
الشبابي
هلا اخوي ماجد وجزاك الله خير على كل شي من همتك بالمنتدى ونشاطك.
بالنسبة لاخوي حمد شي بسيط وان شاء الله نقدر نخلي خبير مع اخوانه الخبراء.
بالنسبة للمواضيع وخاصة المميزة ونقدر نثبته لثلاثة ايام او خمسة ايام بالكثير وبعدين نقدر الي يجوفه بالمواضيع المميزة وكلها مجتمع هناك من مواضيع رائعه.
اما بالنسبة لعمل اقسام اخرى بيسر ركود لبعض الاقسام بيكون الردود اقل واما المتعصبين فانا ماعندي شي اسمه تعصب الموضوع يقفل ومرات لصاحب الموضوع يثير المشاكل او الي يثير الفتن يوقف على طوول وانا كم مرة نزلت اعلان وهذا كافي .
Corvette_Stingray
هلا اخوي حمد
اي واحد اخوي حمد بيثير الفتن هذا مايحب المنتدى ياتحصله كان موقوف وانطرد وجاي بااسم ثاني وانه صغير وطفل وعقله مايقدر يتحمل اي كلام يتطلع.
ام الاشراف ان خبرت الادارة بس لين الحين مافي رد.
انا حاب اتم معاكم ومرات الظرف العمل والعائلى مااقدر ادخل كثير المنتدى.وان شاء الله نكون على حسن ظنك اخوي
:)
mr.lamborghini
04-03-2005, 05:56 PM
هلا والله بمشرفنا الغالي بوجاسم ..
وهو اني أرجوك انك ما تتنازل عن الإشراف والا راح نقول سلام على القسم ..
صدقني اذا تنازلت عن الإشراف بيخترب القسم ..
حاليا القسم منور بوجودك ولله الحمد واحنا الصراحة بدونك في هذا القسم ما نسوى ..
.. حمد ..
والله انا مع اخوي كورفت لان انتوا قدوتنا بالنتدى و مثل ما قال اخوي كورفت اذا تنازل احد من المنتدى بيخترب المنتدى
و ان شاء الله نكون اخوان جميعا و ما في اي منازعات بين الاخوان بالمنتدى
و السلام عليكم و رحمة الله
اخوكم بو داوود
Mr_CoRvEtTe
04-03-2005, 06:23 PM
مشكور مشرفنا على الموضوع الهادف
TOP-SECRET
05-03-2005, 01:19 AM
السلام عليكم
بوجاسم بالعكس لاتفهم كلامي من هالمنظور انا ماتكلم عن الاعضاء الي بمسيمات خبراء او اني اقلل من قيمتهم
فيهم الخير والبركه والله بس فيه اعضاء من غير ذكر اسماء صار لهم شهور كثيره ولحد الحين ولا رد واحد لهم
ولحد الحين مكتوب جنب اساميهم خبراء .. هذا الشي هو تحفيز للشخص مو انه لو عطته هذا المسمى يكتفي
ان جنب اسمه مختلف عن الباقي وهذا اهم شي ولا يقدم خبرته او معلوماته حق شباب القسم بهذي الحاله
هو مايستحق هذا اللقب..
بالنسبه لموضوع الاعضاء والتغاضى
الغالي كل المنتديات فيها قانون ان فيه انذار للعضو مرتين والثالث طرد
لكن الي نشوفه في القسم هذا بشكل خاص غير
احنا نشوف انذار واثنين وثلاثه واربعه وطول الوقت انذار شفوي
وبعد هذا يعني لين متى بنستمر بالانذارات؟
مشرفنا انا مستعد اقول اسامي احد الاعضاء واذكر المواقف الي صارت فيها مشاكل وتم انذاره انذار شفوي
وانت احسب بنفسك عدد الانذارات:-)
بالعكس انتو كمشرفين والله مو مقصرين وفيكم الخير والبركه
وانا كعضو من حقي اني انتقد وهذا الموضوع للاقتراح وذكر السلبيات
مشرفنا بوجاسم انت عزيز وغالي وتعرف انك اقرب من انك تكون من منتدى
بكلمك بصراحه انت مشرف والله مو مقصر تشوف مشاكل الاعضاء وكل شي لكن تحكمك عاطفتك مع العضو
بمعنى انك اذا شفت واحد اخطأ اكثر من مره تنذره وتنذره وتنذره ولا توقفه عند حده مع احترامي لك يعني
ماتكون صارم مع الاعضاء بالشكل المطلوب
مشرفنا AMG مو مقصر بعد يعطينا كل الاخبار اليديده ومعلومات ونشاطه مشاء الله كبير بس المواضيع الي المفروض
يتدخل فيها بين الاعضاء ويصير صارم معاهم يكتفي بكتابة نص جمله او جمله وحده وينتهي الموضوع
انتو كمشرفين والله انكم قايمين بواجبكم بس موضوع انك تكون شديد مع الي يخطي هذا شي لازم انه يكون
حتى لو معاي انا موافق لو اني اخطيت حتى لو طرد نهائي ...
وانا لو مو قلبي عالقسم والمنتدى ماكنت صريح معاكم بهالطريقه
والسموحه اذا كلامي يزعل
CAMARO4EVER
05-03-2005, 05:44 AM
اولاً مشكور يامشرفنا على الموضوع الهادف فعلاً ...
وثانياً لاتحاول تفكر انك تترك الاشراف تركك للأشراف بيهدم جزء من القسم ..
وعندي اقتراح بسيط يمكن تتقبله او ترفضه . اقترح على ان العضو ماينزل اكثر من موضوعين في
اليوم علشان تكون المواضيع مختلفه ومن اعضاء غير .. وعندي اقتراح للمشرف العزيز الاخ AMG
ليش ماينزل الاخبار في موضوع واحد يشمل ثلاث اخبار جديده عن السيارات . لأن اذا نزل كل موضوع
لحاله راح ينزلون المواضيع وتبقى الاخبار .. << واتمنى من الاخ المشرف اي ام جي النظر في هذه الفكره .. << وجهه نظري ممكن تتقبلها وممكن ترفضها وتبقى اخ عزيز وغالي .
واتمنى رجوع الرتب الى ماكانت عليه . مايصير انا عندي 7.000 رد . نفس اللي توه مسجل . << لأن الرتب لها تأثير معنوي في نفسيه العضو ..
واطلب امنيه ان تتحقق لي من زمان .. وهو فتح خاصيه وضع الصور في التواقيع .. وتحدد الاداره بحجم هذا الصوره ..
مش لازم يكون الحجم كبير علشان لايبطء فتح الصفحه . بس بحجم صغير ماراح يأثر كثير ولا شرايك !!!
وهذا كل اللي في بالي واسف خرجت شوي خارج الموضوع ..
وانا ماكتبت هالشي الا لأني احب مصلحه المنتدى .
تقبلوا خالص التحيات يامشرفينا .اخوكم الصغير كمارو فور ايفير .
Crower
06-03-2005, 10:30 AM
محمد....... رغم اني في المنتدى من سنة 2002 بس انا عندي اسلوب و طريقة في الكلام يمكن انته تعرفها بحكم المعرفه القديمة... اما اني اكتب شي افيد فيه من حولي او اني ما اكتب ابدا.. و هالشي علشان ابعد نفسي عن النقاشات و المواضيع العقيمة, و ثانيا لاني لا ابغي من وجودي هنا رفع عدد مشاركاتي او غيرها من الاسباب, انا هنا للنقاش الهادف, الموضوعي, المنطقي, احب الادلة و البراهين الوقعيه في الكلام و ماحب اللي يبدي رأيه في شي هو ما يعرف عنه اي شي اصلا...... تبغون الصراحة حطوا موضوع يسوى الرد فيه و نحن اول ناس نشارك, اما انه يكون اغلب المنتدى لعرض اخر الصور الحصرية الصراحه انا ما عندي استعداد عن نفسي اضيع وقتي بالرد.......
المرسيدس ولا البي ام احسن
الامريكي و لا الياباني
ملينا ياخي, كل يوم مشاكل و عوار راس من ورا موضوع ما يسوى او عضو و ركزوا معاي : عضو ما ضيع وقته في قراءة الملحوظة اللي تطلعله بعد ما ينزل الرد.( و الله على ما اقول شهيد ).. انا مع المشرفين في ان المفروض يكون للعضو اللي يخالف كذا انذار, بس و بصراحة في ناس يستحقون الطرد من اول مشاركة....
اسمحولي على صراحتي الزايدة بس كلام الحق ما يزعل.... و بالمرة اعتذر من الاخوان لقلة مشاركاتي و اللي تكاد تكون معدومة و ذلك للاسباب اللي ذكرتها و لانشغالي بأمور مهمة جدا في حياتي في الوقت الحالي... و سامحونا
Crower
مشاركاتك في المنتدى مهمه و الحديث ليس موجه اليك انما للأعضاء و الخبراء الذين ينقطعو عن المنتدى لفترات طويلة
أو انقطاعهم كليا وانت ماشاء الله مشاركاتك ثابته في المنتدى
top secret أخي العزيز انت خبير من غير التعريف على ذلك و من لم يعرف ذلك فهو جاهل
مع تحياتي للجميع
وشكرا grandv8 على طرح الموضوع
grandv8
06-03-2005, 04:27 PM
السلام عليكم ورحمة الله وبركاته
=5]اسمحلولي اخواني على التأخير بسبب انقطاع الخدمة عندي :D [/COLOR]
mr.lamborghini
مشكور اخوي بوداود وهذا طيب اصلك وانا احب اتعاون بكل شي معاكم وان شاء الله مااخيب ظن الجميع.
Mr_CoRvEtTe
حياك الله اخي الكريم
TOP-SECRET
انا فاهم عليك اخوي حمد بالنسبة للاعضاء الي مشاركته قليلة انا ارسلت لهم رسائل من قبل يمكن ماحصلت رد الا من كم واحد فقط،الا شوي مرتبط بالدراسة او مضغوط شوي وانا قلت اعطي فرصة اكثر ونستفيد وافيد بعد من هؤلاء الاخوان،انا بجوف اذا رد من بعض الاخوان ونحاول بحث عن خبراء ثانيين وفعالين وغير مضغوطين بكل شي.
اخوي حمد بالنسبة للقانون اول شي انذار وسياستس تغيرت بعد ماصار لي مقلب وكنت طيب اكثر من لازم بسبب اتغاظي لان من طبيعتى الاحترام واخذا رأي الثاني قبل مااعمل واتفهمه بس الحين كم انذار وبعدين توقيف من غير اشعر فقط واي واحد يعترض على هذا يقدر يراسل الادارة بعد.
مشكلة الاعضاء انا صاير معاهم مرشد اجتماعي مب مشرف سيارات مثل مدرس بالفصل لاتسوي كذا وسوي كذا ،يعني هالكلام مايحتاج اقول وبالنسبة لااخونا AMG مب مقصر وانه مرتبط بالمواضيع اكثر وهو معتمد عليه وان شاء الله مايقصر معاي ،واخونا زورو الامارات طالب فك الاشراف عنه بس الادارة بعدها ماوافقة عليه،يعني الوحيد اكثر شي يكون المشكال عليه ،والله يعني ويعين الجميع.
اخوي حمد ان شاء الله ومايصير خاطرك الاطيب وحتى ان سياستى تغيرت لو ان اخترب الكمبيوتر وقت المشكلة الرئيسية،وسياسة تغيرت 180 درجة. :bomb:
CAMARO4EVER
هلا اخوي الكريم
مشكلة المواضيع انا مؤيد فكرتك وحلوة يعني كل واحد ينزل موضوع او موضعين عشان يتعرف عليه الاعضاء اكثر واكثر بسبب ان المشكلة ان باليوم مرات ينزل اكثر من عشرين موضوع وبعدين يروح للصفحة الثانية ونحن مانقدر نقول لكل عضو لاينزل موضوع،المشكلة اخوي ان واحد ينزل موضوع ثاني بعد ان نزل الموضوع الرئيسى بل اسبوع اسبوعين وجاي عضو آخر منزل موضوع انه جديد وهالوقت ان احذفه ولا يقول ليش انحذف الموضوع لان ماسوى بحث عن الموضوع نزل ولا.
بالنسبة للرتب اخوي هي لازم تعدل من قبل الادارة والادارة لين الحين ماحصلت منه رد عشان تعديل الرتب وماادري وين بيوصلون لهي المشكلة،وان شاء الله نتظر الرد منهم.
Crower
هلا اخوي حمد
مع احترامي لك ولخبرتك بالمنتدى واني تشرفت بلقائك مرة وحدة بالتجمع الي صار بالقرب من الشارع امام الجماعه الامريكية بالشارقة وعرفت انك رجل وفاهم بكل شي.
اخوي احمد بالنسبة لمواضيع الي ماله داعي اخي اكتفي بالمشاهدة او غض النظر عنه واكتفي بكتابة موضوع جديد من قبلك او الرد على موضوع يتعلق بالمكانيكا او التزويد.
لان الاخوان انت بتفيدهم ويفيدونك بكل شي.،وان شاء الله نتقبل منك عذرك واكيد معانا اخوي وماتقصر بكل شي.
اما الانذارات ماغليك ان شاء الله هالمرة :bomb:
mr_z
هلا خوي الكريم
شكرا لك اخوي على الكريم على الرد للاعضاء وانا مااستغنى عن اي احد من هؤلاء الخبرة.
وانا بعد ابغي مشاركتم بالمواضيع الي تهدف وتعرف المعنويات بشكل كبير.
اخواني
انا كتبت هذا الموضوع بسبب اعرف شو المشكلة بالمواضيع واريد منكم كل حل واقتراح وان شاء الله مااخيب ظنكم اخواني.
واي من الاخوان يحب يعتذر يقدر يرسل لي على الايميل وانا اتفاهم معاه ،وان شاء الله مانختلف بااي شي.
من خلال الردود تبين لي منهم:
1_اعطاء انذار وثم توقيف من غير اخباره.
2_قلة المواضيع من خبراء بالمنتدى.
3_كثرة المواضيع المكررة ونزول اكثر موضوع لعضو واحد ممايتسبب بوصول المواضيع لصفحات ثانية من غير الاستفادة منها.
اخواني جزاكم الله ونتظر رد وحلول واقتراحة باقي العضاء.
اخوكم
محمد
mr.lamborghini
06-03-2005, 05:14 PM
العفو مشرفنا AMG على الموضوع الرائع و الله يعطك العافيه
اخوكم
بوداوود
mr.lamborghini
06-03-2005, 05:23 PM
:D قصدي :D grandv8
أبوالزين
06-03-2005, 07:03 PM
والله انا مع اخوي كورفت لان انتوا قدوتنا بالنتدى و مثل ما قال اخوي كورفت اذا تنازل احد من المنتدى بيخترب المنتدى
و ان شاء الله نكون اخوان جميعا و ما في اي منازعات بين الاخوان بالمنتدى
و السلام عليكم و رحمة الله
اخوكم بو داوود
وأنا مع كورفت :)
TOP-SECRET
07-03-2005, 12:17 AM
السلام عليكم
والله بوجاسم انتمنى هالشي منك الغالي وانت فيك الخير والبركه وحتى عمر مو مقصر في المواضيع الزينه
والمعلومات وانا ما اقول ان من غير اخبارهم يعني مثلا
انذار اول وبعدها ترسل رساله خاصه للي عطيته انذار
انذار ثاني ونفس الشي
لو تكرر هالشي منه اما يتوقف او انه يطرد على حسب حجم المشكله الي سببها
انا اتكلم مو اني افرض هالشي بالعكس انتو الي بيدكم كل شي بس هذا القانون هو الي عند الجميع في المنتديات
والسموحه والله يوفقكم وانتو والله ماقصرتوا معانا
saymyname
07-03-2005, 02:14 AM
السلام عليكم
رجاء أخير وهو توفر قسم Off Topic (مواضيع ليس لها علاقة بالسيارات)
الاقتراح هذا طرحته اكثر من مرة ومالقيت اي رد عليه :(
لو تلاحظون في بعض الاحيان وجود مشاركات (ماابي اذكر اسمائها) تبرز مدى حاجة المنتدى لقسم
للترويح والاستراحة للاعضاء في قسم السيارات.
وعندكم امثلة كثيرة لو تخشون اي منتدى سيارات اجنبي راح تحصلون هذا القسم متوفر
اسمحولي طولت عليكم لكن كنت انتظر هذا الطرح من زمان
تحياتي للجميع...
saymyname :)
مدري انا يمكن خامس او سادس مرة اطرح هذا الرجاء ومافي اي جواب عليه سواء بالرفض او
الموافقة :(
واتمنى انكم تضعون قسم ثالث بالاضافة لقسم الفيديو ايا كان هذا القسم ولو كان لمدة شهر
على سبيل التجربة وبعد انتهاء فترة التجربة راح نطلع بنتايج اتمنى انها تكون ايجابية.
لكم تحياتي
grandv8
07-03-2005, 04:53 PM
السلام عليكم ورحمة الله وبركاته
mr.lamborghini
حياك الله اخوي مرة ثانية :D
racing_guy
جزاك الله خير اخي الكريم :)
TOP-SECRET
ان شاء الله اخوي حمد واكيد وفيك الخير وجزاك الله خير :)
saymyname
مع الاحترام الشديد لمقترحك الجميل ،مااظن قسم ثالث بيفيد لان انا دمجت قسم الفيديو مع سباق السيارات ومااجوف غير ردود قليلة ومواضيع عن السيارات شبه معدمة جدا بالقسم وناس تحمل الفيديو بدون ماتقول حتى شكرا لصاحب الموضوع.
واكيد بيكون ركود بقسم الثالث وانا قدمت اقترح فيما سبق بس لقيت رد انه ماله داعي ان يكون هناك فرع ثالث لقسم السيارات.
وشكرا لكم اخواني وماتقصرون
اخوكم
محمد
:D
قلق و رجه
07-03-2005, 10:52 PM
مشككور على هالموضوع المهم
وهذا يدل على اهتمامك بالاعضاء ورغباتهم
انا مشترك من زمان بس مشاركاتي قليلة بسبب اني ما احب اجامل كثير واحب ان يكون لردي اهمية او اضافة
وعلى المطلوب منك هو شي واحد الصرامة الصرامة هذا اهم شي
وثاني شي تقدير المواضيع الزينة
وياليت يكون هناك اجتماع ثاني لان الاجتماعات الاولى اوقاتها ما ناسبتني خاصة اخر لقاء لانكم حطيتوه في نفس توقيت التل المرعب
وعلى العموم ما ابي اكرر لان الاعضاء شرحو االي ابي اقولة بس انشالله اوعدكم بمواضيع مفيدة وممتعة انشالله
grandv8
08-03-2005, 05:49 PM
السلام عليكم ورحمة الله وبركاته
اخوي الكريم هلا بك
اخوي انا احترك كل واحد معانا بالمنتدى واي شي انا اقدر عليه بسوي لكم ان شاء الله.
اما بخصوص التعديل او الحزم لبعض الاعضاء ان شاء الله اكيد في حل ثاني وان شاء الله بينحل.
اما خصوص التجمع الوقت واحد ميقدر يجي الايوم الخميس ولاتنسى ناس عندهم اشغال او كليات ويوم الخميس هو يوم الوحيد.
اما بالنسبة للتجمع انا اي وقت موجود بس الشباب اكيد لازم نخبرهم ونحدد متى يبغون.
شكرا لك اخوي
سنـاري
08-03-2005, 10:33 PM
انا شايف انه المنتدى ممتاز و من احسن ما يكون
و الاعضاء الجدد ممتازين حركة طيبة في المنتدى
و اللي شايف انه المنتدى اقل من مستواه مو لازم يشارك
و اتمنى من الجميع محاولة تقبل الاراء المختلفة و المواضيع التي لا تناسب اذواقهم
و ليجعلوا نظراتهم ايجابية نحو الغير
و لاتنسوا انه معانا اعضاء من كافة الطبقات العمرية
لازم نفهمهم و نحاول ندعمهم و نساعدهم
بخصوص المشاكل
انا اشوف انها شيء طبيعي جدا
و حلها بسيط جدا
بخصوص قسم off topic's
انا اشوف انه اللي عنده اي موضوع من هذه النوعية يطرحه هنا في هذا القسم
و علمي سلامتكم
سنـاري
08-03-2005, 10:57 PM
و بخصوص الادارة اقول :
مافي داعي لتضيق الخناق على الاعضاء
و التمييز فيما بينهم
الرسائل الخاصة ممنوع
قسم الاقتراحات ممنوع الاطلاع عليه
ارفاق صور ممنوع
توقيع اكثر من 500 حرف ممنوع
التسجيل بالدعوات و هذا احد اسباب الانتكاس في اعضاء بينسحبوا و يتوقفوا لازم تعوضوا هذا النقص بفتح باب التسجيل
و الدليل على كذا في بعض الاقسام قسم كامل مواضيعه نفسها التي كانت قبل شهر ... اذا ما فائدة اققال التسجيل
بصراحة : القرارات هذه ... قرارات عشوائية و مستندة على اراء شخصية
و الله اعلم
grandv8
09-03-2005, 07:51 PM
السلام عليكم ورحمة الله وبركاته
سنارى
شكرا اخوي سنارى على الاطراء منك وهي الواقع الي صاير الحين بالمنتدى.
اما سياسة المنتدى الجديد لااعرف اين ستوصل بحلول هي المشاكل من الرسائل الخاصة او ارفاق الصور وشغلات ثاني.
انا كتبت لهم الموضوع وتم الرد عليهم شوف يتم الحل عن قريب،وهالكلام انا اسمع من تم تغير المنتدى.
والله يعين ويعين الجميع.
وشكرا لك
linkin park
11-03-2005, 01:55 AM
لو تكلمت ما اسكت
بس الموضوع بيطول ويحتاج فتره عشان يتفهم كل واحد
ويعرف خطأه
هالموضوع يصلح البعض
تسلم يا مشرفنا على سرد الموضوع
grandv8
11-03-2005, 01:33 PM
السلام عليكم ورحمة الله وبركاته
linkin park
حياك الله اخي الكريم وبارك الله لك ،واخي قول الي بخاطرك نحن نستمع ونعين ونعاون بكل شي ان شاء الله،نحن اخوان اصلا ولايفرق بينا السيارات.
والحمد الله هناك اخوان وحبايب وعلى قلب ويد وحدة.
وشكرا لك اخي وكثر الله من امثالك.
اخوك محمد
:)
linkin park
12-03-2005, 12:22 AM
العفوا مشرفنا هاذا واجبنا
وبصراحه اذا انت تنازلت عن ادارة المنتدى
بتوقف حتى انا بعد عن انزال المواضيع بهالمنتدى
واعتقد الشباب ما راح يرتاحون الا مع المشرف الي بدأو معاه المشوار وتعلموا واستفادوا منه
وانشاء الله افادوا
ولا ايش رايكم شباب
:cool: