أريد برنامج KAZAA وعندي مشكله في تنزيله !!

[Corvette_Stingray]

السلام عليكم يا أخواني في قسم الكمبيوتر ..

من فتره أبحث عن برنامج KAZAA سواء القديم أو كازا لايت ..

لكن مو قادر أنزل البرنامج على كمبيوتري ..

لما انتظر التنزيل بعد فتره تطلع لي هذه العبارة ..

Error Downloading P2P Networking

The installer has failed to download the required component: “P2P Networking”.
Please make sure that you are online and not being blocked by a firewall then:

Download P2P Networking from here and install it. 1
Continue 2

أرجوا مساعدتكم لي و جزاكم الله خير ..

[uae speed]

وعليكم السلام هلا والله اخوي :)

العبارة اللي تطلع لك تقول : لازم تتاكد انك online .. و يمكن عندك فاير وول مسوي بلوك على الكازا ..

الحل انك تسكر الفاير وول اذا كان عندك .. وتكون متصل بالانترنت اثناء التثبيت ..

[Corvette_Stingray]

شنو الفاير وول واشلون اكنسله ؟؟

[WRX]

السلام عليكم

اول شئ عيوني كرفت ما انصحك بالكازا ابداً وفيه برامج الأن افضل منه بمرااااااااااااااااحل.....


وبالنسبة للفايروول اعتقد ان ما عندك برنامج منفصل اتوقع انه فايروول تبع سيرفرس باك 2
بس ياليت تقلي الحين انت الويندوز الي عند سيرفر باك 1 او 2 ؟؟؟


وغير كذا انت شغال على شبكة ولا شابك المودم على جهازك على طوووول؟؟؟


ويالله تحياتي لك...

[Corvette_Stingray]

ما فهمت شي :D

اذا ممكن تعطيني رابط أحسن من كازا اذا عندك أو تقول لي سو جذي روح هني وانا حاضر لك ..

[uae speed]

الفاير وول مثل جدار ناري او حماية لجهازك يمنع اي شي يشوف انه خطر على الجهاز ..

وانت يوم نزلت الكازا ، الفاير وول اعتبر ان الكازا خطر على الجهاز ، لان الكازا برنامج مشاركة ملفات يعني ناس يحملون من جهازك .. وانت تحمل منهم .. مع ان الكازا ما فيه شي ..

الحل هو انك تسكر الفاير وول .. تدخل لوحة التحكم control panel وتسوي off للفاير وول ..

وبس .. حاولت اني ابسط الشرح قدر الامكان :)

[WRX]

شرح عسسسسسسسسسسل يا عسل....!

عيوني زي ما قلك سبيد حاول تقفلة وبعدين جرب هذا البرنامج
http://www.seekar.com/areslite20.exe

انا اخترته لأن يحل مشاكل كثير زي الي عندك...:-)