اشرب كرك وخل الراس صاااااحي !! صوور

[uae speed]

مراحب شباب وبنات قسم الطرائف ..

انا ضيف من قسم السيارات ، حلفت والله ما تقومون تسلمون :D خلوكم مرتاحين :D

المهم هل تعلمون ما هو الكرك ؟

الجواب في الصور التاليه وهي من تصويري :D

هذا المحل في الشارقه ، وهو معروف عند شباب الشارقه :)

http://www.alamuae.com/upload/Folder-5/1125833372_karak1.jpg

http://www.alamuae.com/upload/Folder-5/1125833591_karak.jpg


وهذا الشاي العجيب في خورفكان ، المنطقة الشرقية من الامارات :)
شفتوا الادمان وين وصل :D

http://www.alamuae.com/upload/Folder-5/1125833652_karak-3ajeeb.jpg

http://www.alamuae.com/upload/Folder-5/1125833673_karak-cup.jpg

وهذا الي في كورنيش الممزر في دبي ، وهذا دوم زحمه عنده !
شوفوا كيف !

http://www.alamuae.com/upload/Folder-5/1125834471_karak5.jpg


الكرك باختصار هو شاي حليب بخلطه هنديه عجيبه .. يخليك الكرك صاحي طول اليوم ..
واللي يشربه مرة وحده بيدمن عليه يوميا مثلي ..
وهو منتشر في الامارات وقطر وعمان .. ومن مميزات الكرك انك يوم توقف عند الكفتيريا ..
تنزل جامة موترك ، وتأشر للعامل بصبعك عن عدد اكواب الكرك اللي تريدها :D
وهو بيفهمها على طول نظرا لخبرته في هذا المجال العميق :D
وقيمته نص درهم ، وفي بعض الاماكن الاخرى بدرهم :damp:

شكرا لكم وانتظروا الجديد مني قريباً :)

[bohusni]

الله يلعن ابو اليوم اللي شربت فيه شاي كرك :ranting:

كل ما اشوف كلمة يوجد لدينا شاي كرك

على اي مطعم اقول للرفيق اسمع يا بتعملي شاي يا بخليك شباتي :D

[mr.lamborghini]

كل هالزحمة بس علشان شاي كرك :D


تسلم حبيبي

[grandv8]

السلام عليكم ورحمة الله وبركاته

جيب واحد كرك رفيق :D

تسلم والله يارفيق

:banana:

[sayedco]

جيب واحد كرك رفيق :D


و واحد ساني حق آنا رفيق :D

**
آنا قلت في البداية هاي مشروب خطير :D
**

[uae speed]

بو حسني : ولك ليش يا زلمة :D
الشباتي حلاته الصبح الفجر ، ويا الكرك طبعاً :D

مستر لمبرقيني : الكرك هو المشروب الرسمي عندنا :D

قراند : جيب نص درهم ارباب :D

سيدكو : جيب واحد درهم ارباب ، كيفي برفع السعر مثل ما رفعوا اسعار البترول :(

[هلاليه]

خخخخخخخخخخخخ
صح الكرك مشروب خطير جدا........أزيد عن الريد بول :D

[SLR]

اظافرك طواال قصهن :ranting:

وشوقتني للجاي....

[جاسم]

منورنا طال عمرك وهذا قسمك ومحلك حياك الله باي وقت

لوووووووووووووووووووووووووووول لا تخاف مهب قايمين

شكلك انت مدمن على هالشاي

عاد درز لنا على المنتدى لجل نوزع على الاعضاء نشوف يعجبنا او لا

واحنا بعد ننتظر جديدك

وتحياتي لك

[عقاب]

بصراحة انا مدمن شاي كرك
كل يوم بعد المغرب اروح كفتيريا قريب من بيتنا تراه يسوي شاي عجيب

لكن ما احن تلك المطاعم الضيقة في الحارة الصغيرة وتشوف الذباب عامل خلية نحل والهندي المتصبب عرق يدعك العرق بملابسة وقطرات تنزل على الخبز ويلفها من السندويشات

والله مسخره

[HAMANN.de]

انتوا ماشفتوا اللي عندنا في قطر شلون عليه زحمه انشالله راح انزل موضوع عنه قريب مع الصور

[سدرك]

شكله يصلحلي
انا راعي شاهي

[B.M.W X5]

والله شوقتوني للشاي هذا :think:

طيب طرشو لنا واحد شاهي عينة للبحرين نحللها ونرد لكم خبر بعدين :D

في أنتظار الشاي :D



تحيات الزعيم :glasses2: