سوالف للجميع - تعديل السيارات. (ارجو من الجميع المشاركة)

cruiser2000

22-11-2005, 05:13 PM

اخوي

انت تقصد التعديل من خلال الفوتوشوب
ولا على الطبيعة؟

اذا فوتوشوب انا مع وبقوة
السبب: له امال كبيرة في ان يكون المصمم مشهور لدى شركات معينة
ويمكن شي من الشركات يقبلن تصاميمه وجذي استفاد من خبرته

اما على الطبيعة:

ممممم مع

السبب: اذا كان يبى يبيعها مكن يحصل شراي بسرعة

ضد:
السبب: ممممم مال ووقت

sayedco

22-11-2005, 05:28 PM

آنا مع التعديل الشكلي بقوة

يعني الشكل و الجناح و الرنجات و السبويلرات مالها سلبيات و تجمل السيارة كثييييير

المكينة : آنا مو مجرب نفسي ، لكن أظن له تأثير على المكينة و القير و هالسوالف و السيارة من الوكالة مضبوطة لتعطيك القوة اللي تقدر عليها و ما زاد يأثر أكيد لكن كل سيارة و التأثير بقدر معين

و الفوتوشوب آنا أأيد 1000 % لأسباب كثييييييييرة

لكن طبعاً تعديل المكينة بعد يعجبني و ودي أعدل لكن ما في ميزانية :D

lt4_caprice ss

22-11-2005, 05:53 PM

السلام عليكم

أنا مع تعديل محرك السياره لأنهه أيضاً يعتبر فن من الفنون الخاص بالسياره .
مثلاً بإيمكانك تركيب بعض القطع هي تزيد من قوة المكينه وتريحه في نفس الوقت مثل _ (الهدرز و الفلتر الرياضي............)
وللأسف هوناك بعض من الشباب يخطأ في التزويد مثلاً يبداء التزويد وينتهي بالمحرك فقط ولا يدري إنه يجب تزويد ناقل الحركه لكي يتحمل قوة المكينه بإلإضافه إلى الدفرنش .
وبالإضافه يجب تعديل وسائل السلامه في التزويد العالي .
وشكراً

جامح 998

22-11-2005, 06:32 PM

السلام عليكم

اولا -اشكر المشرفين على تثبيت الموضوع.

ثانيا- للعضو cruiser2000 المقصود على الطبيعة.

قلق و رجه

22-11-2005, 08:43 PM

انا اؤيد وباصرار

يعني لها عدة اسباب

اولا التعديل من ناحية المكينة علم بحد ذاته وفن

يعني يبيله تفكير وتخطيط وتنفيذ واختراع بعض الاشياء

وانت قلت اهدار للاموال
حلو

طيب وش رايك اشتري سيارة بنص مليون وهي ما تستاهل مية الف على ادائها بس عشان اسمها الماركه الفلانيه

او اني اشتري سيارة واعدلها من كل النواحي وتصير اقوى واثبت وامن واحلى شكل وكل هذا يمكن ما يتعدى 150 الف

هذا بالعكس يعتبر توفير ويعتبر تفكير اقتصادي ومنطقي

اما تعديل الشكل فانا مؤيد الى حد ما

يعني المبالغه مب زينه

الا اذا كان فيها منافسه وجوائز ومسابقات وفيه شركات داعمه

ويعطيكم العافية

UaE Nightmare

22-11-2005, 09:27 PM

انا مع اخوي طارق

تعديل المكينة يباله دراسه وتخطيط مب بهالسهوله Plug and Play :p

سي يو لييطر

:knight:

uae speed

23-11-2005, 12:03 AM

بالنسبه لي ، تعديل الفوتوشوب فن وموهبه .

اما التعديل على الطبيعه ، بحدوود !
يعني ما احط لي ليتات زرق وخضر وحمر جني ماخذ الدوري والكاس !

التعديل يكون من شركة محترمه لها وزنها واسمها .. أما شغل الصناعية والجبرات
ما يعجبني حتى لو كان شغلهم زين .. بس ما يعجبني :)

حلاته التعديل من oettinger - ABT - AMG - gemballa .....
مب شغل الصناعية ..

تحياتي لكم :)

EL_3grab

23-11-2005, 12:20 AM

اللي يقول .. التعديل مضيعه للوقت والمال .. للأسف ما يقدر هالشيء ..

شباب الللي يعدل ما يفكر السيارة كم تصرف بترول ولا كم بتيبله عقب البيع ..

هذا واحد .. 2 يعني بالعقل .. واحد يعدل سيارته بأضعاف جيمتها .. يسير يبيعها ..

سيارة خذتها بـ60 .. عدلتها بـ120 .. المجموع 180 .. ولا ننسى جيمة الوقت ..

التعديل فن ومهاره ورياضه .. ومب كل حد يفهمله ولا يقدره ..

بدون التعديل .. جان ماشي سباقات رالي ولا جيتي ولا كل هالسوالف .. ولا درفت بعد :knight:

..

موضوع التعديل والتزويد توه ببدايته لنا كعرب ..

.. فشي طبيعي نلاقي هذا الهجوم من الناس اللي ما تشجع ..

تجارة التعديل والتزويد تقدر بـ4 مليار دولار بالسنه ..

ميزانيه دوله شباب .. وهالشي في ازدياد .. مب نقصان ..

فكل واحد ياخذ نصيبه من هاي التجارة .. سواء اللي يبا يتاجر ولا يشتري ..

..

الشبابي

23-11-2005, 02:54 AM

انا مع الشغل النظيف ...
وافضل ان التعديل يكون على محركات كبيرة شوي ... يعني 3.5 وانت طالع لأن هذي المحركات ممكن تسوي شي مع اللي اكبر منها ولها مستقبل في التعديل ...
وافضل التعديل الجاهز لكن ان لم يوجد فأفضل السيارة الالمانية في التعديل لأن ثباتها يخليك ترتاح في السرعات العالية ...

اخوكم الشبابي

SmLo

23-11-2005, 01:02 PM

أنا مع التقطيب وبقوة كمان

في ناس يحطو فلوسهم في كمبيوترات وناس في أفلام وناس في كتب وكل واحد لو هواياتو

لي أنا ما أقطب سيارتي سيارتي وأنا أعبر عن نفسي بيها :banana:

==========

أما التلغيم فأنا أشوف انو الواحد لا يخش في العميق الى بعد ما يمشي بالسيارة سنة بالقليل

-X-

23-11-2005, 03:39 PM

السلام عليكم

انا مع التعديل وبقوووة بعد

هاذي سيارتي اكورد 2005 اي نسمة هوا تلعب فيها على الطريق
نزلتها قريب بقطع اصلية....... مشاء الله الحين اقدر اقول انها ثابتة مو زي اول :smart:
وبحاول اركب سترت بار اذا لقيت . على شان تزيد الرساوة اكثر واكثر
وانا عن نفسي ما اهتم بتعديل المحرك لكن مؤيد لة

جامح 998

23-11-2005, 04:20 PM

السلام عليكم

اشكر جميع الاعضاء الذين شاركوا في الموضوع , ونتمنى المزيد من الردود.

شكرا

opel005

23-11-2005, 04:48 PM

أنا أأيد التعديل بشكل السيارة بس بدون تكلف كثييير ...
وبالنسبه للمكينة أأيد وبقوة :D :banana:

رجل المهام الصعبة

23-11-2005, 05:52 PM

السلام عليكم ورحمة الله و بركاته

شباب في مثل يقول كل شي زاد عن حده انقلب ضده ( مثل عامي طبعا ) :-)

في شغلات اذا ركبتها على السيارة تعطي قوة فقط و في شغلات تعطي قوة و برودة للمكينة و طبعا هذا لمصلحتك انت في الاخر انت اللي راح ترتاح أنا الصراحة مركب على السيارة عند سيستم اكزوز كامل و سستم شوته كامل و السيارة ما شاء الله ما تعرف الحرارة في عز الصيف أقل من الربع و الفزة من أحلى ما يكون .
فأنا مؤيد اذا كان التعديل يفيد السيارة مثل البرودة و الثبات و ليونة المعاون معه
أما ركب و بس لا .

ونأسف للإطالة .

RED Chevy

23-11-2005, 06:45 PM

تعديل اذا على المحرك مابكثر كلام...الشباب كفوا ووفوا...

الشكل مع التعديل لكن أهم شي يكون فيه ذوق، ساعاتتشوف واحد مخسر على موتره آلاف وتعديله يلوع الجبد لو مخليه ستوك أحلى :D

أهم شي الذوق واذا ماعندك فلوس سو شي بسيط مو مبالغ فيه ولا تركب أشياء وايد من بورخوص :knight:

الشبابي

24-11-2005, 01:03 AM

جامح 998 ..
ما ابيك تشكرني بس اذا جيتكم البيت انزل العب معاي ويننج الفين :D ..

اخوي X ...
كل شئ بحقه ... الاكورد حقتك صحيح بتصير راسية ( ماشاء الله ) لكن بتصير اقسى واذا ركبت سترست بار بتصير لفتها ثقيلة وتحس ان حركة السيارة صارت مزعجة مثل سيارات الكارتنج الصغيرة ... لكن الثبات بيصير عالي جدا ...

اخوكم الشبابي

grandv8

24-11-2005, 05:03 PM

السلام عليكم ورحمة الله وبركاته

ماشاء الله الشباب كفوا ووفوا بالمطلوب

تعديلات كثيرة وحسب المحرك والسيارة

اهم شي بالتزويد الثبات والقوة

sayedco

24-11-2005, 05:49 PM

رد آخر شوي مفصل أكثر :

التزويد الميكانيكي في الثبات و البريكات أهم شي عندي

بعدين إذا جا التزويد في القوة كل ما كان أريح للمكينة و لا يأثر فيها أفضل طبعاً

و التزويد في الشكل كل واحد و ذوقه

لكن بعض الأوقات حركات تخلي صبغة السيارة ما تبين من كثر الستيكرات :D

-X-

25-11-2005, 03:45 AM

السلام عليكم

بالنسبة للراحة ...... هي مش زي راحة يايات الوكالة الاصلية لكن ان جيت للحق هي اقسى بشي بسييييييط
لان الي مركبهم انا كويل اوفرز من شركة ارو سبيد اصليات
ومنزل السيارة حاجة بسيطة مو مرة في الارض لا

على كل حال انا لو انزلها اكثر من كذا راح تقل الراحة وبتفرق كثيير لاكن هي مريحتني على الارتفاع الي وزنتها علية حاليا
بالنسبة للسترت بار شكلك بتخليني اهون عنة :cry1: مو مشكلة يمكن اجربة واذا ماعجبني ابفكة
وشكرا لك
وللشباب جميعا

عزيز نجد

25-11-2005, 04:52 AM

السلام
كيف يالشبابي تبغا جامح ينزل وانت تنهزم مني بالعاده ب 4بالقليل و8 بالكثير
(يا حشره) :eek: :eek:

جامح 998

25-11-2005, 04:31 PM

السلام عليكم

اشكر جميع الاعضاء الذين شاركوا في الموضوع , ونتمنى المزيد من الردود.

شكرا

الشبابي

25-11-2005, 06:09 PM

الاخ غزير نجد ...
وين الدليل انك هزمتني 8 ؟؟؟ :o
يا اخي ولا حتى بالاحلام :sleep: ...
الحين فمك انفتح وما قدرت تقول الا يا حشرة .. على العموم زي ما قال الشاعر .. وانا يا حاسدي مسكين بعيد البعد عن ذاتي :D ...

اخوكم الشبابي

Corvette_Stingray

27-11-2005, 09:20 PM

انا في إعتقادي ان تعديل السيارة الخارجي مهم للمهتمين !!!!

اذا جينا للمهتمين للسرعه فإن انسيابية السيارة تكون مهمه جدا فمن الأفضل يتم تعديل السيارة خارجيا لدخول الهواء وخروجه ..

وإذا جينا للثبات فإن تعديل السيارة الخارجي له دور مهم جدا كتنزيل السيارة وتركيب جناح للسيارة .. إلخ .

ومن ناحية الشكل ما أعتقد إن في أحد يرفض ان تكون سيارته متميزه وجميله من ناحية الشكل الخارجي :think:

هذا ردي باختصار شديد :banana:

abumhdi

28-11-2005, 07:01 PM

موضوع شيق ..

انا مع التعديل الذي يجعل السيارة اكثر لطافة وحلاوة .. بحيث يكون مناسب بها ..

ابواب مرتفعة على السيارة المناسبة وطريقة ارتفاعها الألوان المناسبة .. كشافات .. والزوائد اللطيفة ..

وايضاً تعديل الماكينة بحيث تكون قوية بالقطع المناسبة اللي ما تضرها .. وتكون مناسبة للأستخدام اليومي ،،

إلى الاماااام ،،،