مراسلين سوالف السيارات ....؟؟!!

[grandv8]

السلام عليكم ورحمة الله وبركاته

اخواني الكرام

الموضوع هذا انا طرحته من قبل ولاقى اقبل كبير من الشباب بالحصول على اسم مراسل وتناقشنا فيه ،لامانع ان نناقشه مرة ثانية معاكم.

الفكرة هي نبغي مراسلين بكل الوطن العربي والخليج.

يعني كل منطقة بالامارات نرشح واحد ان يكون مراسل لسوالف ونكتب له مراسل سوالف من دبي على سبيل المثال.

والشروط الانتساب ان يكون مراسل :

1 _ لدية كاميرة ديجتيل على الاقل 3. 0 ميغابكسيل لوضوح الصور او على الاقل يكون اقل لمانع .

2 _ حجم الصور تكون صغيرة وواضحة للكل يعني 800*600 .

3 _ المواضيع الي يحصل عليه اي خبر جديد بالمنطقة الي فيه من تجربة او حدث او معرض او افتتاح او قدوم سيارة جديدة او سيارة جديدة لموديلات اجدد لم تصل السوق وهكذا.

4 _ وضع اسم الشخص او شعار سوالف او اسم المراسل على الصور لكل المراسلين.

5 _ الي له المستطاعه والتصوير والتغطية يرشح نفسه وان شاء لله نكون على حسن ظن الجميع.

بالتوفيق اخواني الكرام

اخوكم محمد
:D

[قلق و رجه]

والله الفكره حلوه لكن ترى تطبيقها مب بهالسهوله

وخاصة الطلاب

على العموم انا مستعد اغطي الحلبة وهذا اللي اسوية دايم لكن ما اشوف ردود ابدا وهذا اللي يخليني افكر اني اكون مشاهد فقط في المنتدى

ويعطيكم العافية

[WRX]

السلام عليكم

هلا حبيبي محمد...

اممممممممم على كذا يبغالي انا كمان اصير مراسل :think:
لأن انا الوحيد على ما اعرف من مدينتي هنا.... :p


اوكي انا مستعد بس فيه مشكلة وحدة بس
وهي ان ماعندنا سيارات مميزة كثير ((ممكن اعدلك كل الي موجودة اذا حبيت)) + مافيه احداث كثيرة تستاهل تصير....

غير كذا انا مستعد... :p

ويالله نشوووفكم

[uae speed]

هلا بوجاسم ، بالنسبه لي ان شاء الله بكون مراسل من دبي :)

بس لازم نكون عدة أشخاص ، يعني انا بروحي ما بقدر اغطي كل الفعاليات في دبي ..

تحياتي .

[cruiser2000]

انا مستعد اكون مراسل العين . . . . . . .

[sayedco]

آنا لو كانت عندي كاميرا ما كان يحتاج تقولون لي جان صورت كل شي :(

لو حصلت كاميرا أكيد راح اكون مراسل بعد إذنكم :p

[mill_955]

مافي مشكله اصير مراسل :cool:

[جداوي كول]

والله يجي بالاددددددددددب

طيب اقلك انا اصلن ابغ اشتري الكمره من اوووووول
فمره وحده حمستني
خليني انشالله اروح اليوم سوني
وانشالله ما عندي شي

بس لازم واحد يشاركني من جده :damp:
ولا ما في احد
:blink: :blink: :blink:

[UAEnos]

حاضرين يا بو جاسم اعتبرني مراسلكم من بوظبي .. وبإذن الله احاول تغطية كل حدث داخل مدينة بوظبي ..


وان شاء الله اكون عند حسن ظن الجميع :)

[EL_3grab]

هههههههه .. أقول لو برشح عمري لمراسل عيمان .. بس المشكله عيمان ما فيها شي يخص السيارات ..

صح .. مرات يسوون عندنا الـAuto cross .. وهاي السنه كان في رالي عيمان .. الصراحه كان ودي اشارك بالأستيشن مالي ... خخخخخخخ ..

وبيفتحون صاله فطيم يديدة بتكون تويوتا والماركة اليديدة .. هاينو ..

وها اخبار السيارات في عيمان في سنه .. خخخخخخخخ

تحياتي

[راعي الايفو]

انا عندي اقتراح في هالمجال بعد
وهو ان يكون لكل منطقه مراسلين اثنين يعني اذا غاب الاول يكون الثاني موجود اوممكن ان الاثنين يتفقون مع بعض وانا مستعد اكون مراسل بالبحرين بشرط ان يكون معاي شخص ثاني لان انا انشغل كثير وخاصه انا اخلص من الجامعه الساعه 4 العصر عادةً يعني
يوم السبت والاحد والثلاثاء اخلص الساعه 4 العصر
الاثنين والاربعاء اخلص الساعه 1 الظهر
الخميس والجمعه الاجارة الرسميه

الكاميرا إلي عندي سوني 5.5 ميجا بيكسل سايبر شوت
وعندي كايمرا ثاني سوني بعد واذا ماخاب ظني انها في حدود ال 4.0 ميجا بكسل

وقبل لا تصوتون لي علشان اصير مراسل <<< واثق من نفسه الاخ
خلوني اول شي اجرب نفسي وراح اسوي موضوع راح اكون انا المراسل فيه واذا شفت نفسي اقدر خلاص راح اقولكم انتخبوني <<مصدق نفسه
وكلها كم يوم وراح انزل لكم موضوع جميل جدا

[opel005]

فكررة حلووووة

ماعندي مشكلة اصير مراسل لسوالف

بس المشكلة تنقصني الكاميرا .. اذا ماعندك مانع بكاميرا ال K750 اللي صورت بها الاكورد 2006 ... انا ماعندي مانع

[grandv8]

السلام عليكم ورحمة الله وبركاته

قلق و رجه
البداية صعبة وبعدين بتسير سهله اخوي طارق.
انت ماشاء الله مب مقصر بتغطية الحلبة.
واكيد شي رد والواحد يصبر شوي.
ان شاء الله اذا حاب تكون اول واحد برشحك انت اخوي

WRX
هلا والله اخوي
بالنسبة للتصوير مب شرط يكون سيارة مميزة
اي حدث اخوي من سيارة اثرية او حادث لاسمح الله وكالة جديدة
لقاء مع احصاب السيارات يعني اشياء كثيرة اخوي

uae speed
هلا اخوي عبدالله
فيك الخير اخوي عبدالله اكيد واحد مايلحق نحاول نسووي اكثر من مراسل لكل منطقة بها احداث كثيرة وتغطيات كبيرة.

cruiser2000
تسلم اخوي بالوليد وماتقصر

sayedco
الحل تشتري كاميرة وتجرب وتصير مراسل واحلى شي.
والي تقدر عليه تسوي،وانا اقدرك اخوي وجزاك الله خير

mill_955
ماتقصر اخوي وفيك الخير واهم شي الاحداث

جداوي كول
هلا والله بالواد سلطان اخبار كويس
نبغي همتك اخوي بشراء كاميرة حلوة على ذوقك.
ماتقصر ان شاء الله،اذا اشتريت نعينك اول جداوي

UAEnos
ماتقصر اخوي بوشهاب وفيك الخير ان شاء الله

EL_3grab
هلا اخوي
كيف عيمان مافيها شي بالعكس
روح الصناعية وجوف التزويد هناك وروح المعارض روح قبال اصحاب السيارات المزودة
روح برد عيمان ،يعني تقدر تسوي اشياء وايد؟

راعي الايفو
اقتراح حلو اخوي واكيد على الاقل يبالنا مراسلين او اكثر حسب المنطقة او الحدث او التعاون بين الاعضاء .
انجوف وحاضرين اخوي وماتقصر

opel005
حياك الله اخوي وماتقصر
كاميرة سوني اريكسون تصويرها حلو وواضح،مهم تكون الصور واضحة وجميلة اخوي.
جزاكم الله خير اخواني
واي واحد حاب يرشح نفسه وقادر انه يكون مراسل يخبرني على الرسائل خاصة ونتفق معاه.

[Prelude 4 Life]

انا باصير مراسل متنقل...

الشارقة - دبي - السعودية :D

[EL_3grab]

هلا خوي .. ودي .. بس ما أقدر ..

أنا أحين عايد الثانوية .. وامتحانات نص السنه 17 12 .. وعقب اظني بيحرموني من النت لين ما اخلص الثانويه .. خخخخخخخ

شو نسوي ..

أنا بسوي اللي اقدر عليه .. أن شاء الله

[2k2]

مشكور أخوي محمد . على هالفكرة الأكثر من رئعة .. والتي ستزيد من فاعلية هالقسم من المنتدى بشكل أكثر من رائع ...

بس حقيقة عن نفسي أعتذر لارتباطي الدائم بعملي ... :m:

بس فالكم طيب .. راح أسوي اللي أقدر عليه ... :shy:

[grandv8]

السلام عليكم ورحمة الله وبركاته

Prelude 4 Life
ماشاء الله عليك اخوي وحياك الله اخوي

EL_3grab
الله يعينك اخوي بالتوفيق
الي تقدر عليه انت تسويه

2k2
حياك الله اخوي
الله يعينك وان شاء الله انت ماتقصر بعداخوي

جزاكم الله خير اخواني

[abumhdi]

انا نفسي اخدم المنتدى بعيوني ..
وانا من هواة التصوير .. واي حدث يكون نزودكم به .. لكن خوفي ضغطي بالعمل يشغلني أو اكون مقصر .. فيكون ( وشي مش حلو اُدمكم ) على قولة اخونا المصريين ..

جوالي 6630 على قولتهم ( الفارس أو المدمر ) .. اتوقع يكفي بالغرض .. ! وإلا .؟
انا عن نفسي اشوف تصويره حلو ..


وشكري لك دائم اخوي الغالي أبو جاسم لأهتمامك بالمنتدى الرائع ولأفكارك النيرة ،،

تحياتي لك
اخيك
أبو مهدي

[grandv8]

انا نفسي اخدم المنتدى بعيوني ..
وانا من هواة التصوير .. واي حدث يكون نزودكم به .. لكن خوفي ضغطي بالعمل يشغلني أو اكون مقصر .. فيكون ( وشي مش حلو اُدمكم ) على قولة اخونا المصريين ..

جوالي 6630 على قولتهم ( الفارس أو المدمر ) .. اتوقع يكفي بالغرض .. ! وإلا .؟
انا عن نفسي اشوف تصويره حلو ..


وشكري لك دائم اخوي الغالي أبو جاسم لأهتمامك بالمنتدى الرائع ولأفكارك النيرة ،،

تحياتي لك
اخيك
أبو مهدي


هلا اخوي بومهدي
انت ماتقصر دووم وفيك الخير

بالنسبة لكاميرة الجوال ومرات ماتطلع واضحة الي ماتقرب لشي.
وخاصة بالليل ماتطلع واضحة

لو كانت بكاميرة ديجتيل تكون احس

جزاك الله خير
:D

[blue206]

وانا مستعد للتطوع للمساعدة في جدة مالم اكن مشغول واتمنى ان اقدم مايرضي الاعضاء والمنتدى.
الاخ جداوي كوول ممكن تسجل بريدي للتواصل في حال وجود اي فعاليات :
balbaid206@hotmail.com

[UaE Nightmare]

مشرفنا بو جااااسم

والله انا بحااااول اغطي لكم بعض الفعاليات في مدينة العين- بوظبي




سي يو لييطر

:knight:

[الامير الاحمر]

مرحبا

انا حاظر اني اكون مرسل السلطنة


بس المشكلة اني خارج للدراسة
في مصر
وللأسف ماعندي وقت اغطي فعاليات الي تصير هنا


:(

[grandv8]

السلام عليكم ورحمة الله وبركاته
blue206
جزاك الله خير اخوي
اذا تقدر تقدر تجوف الموضوع بالاعلى والشروط

UaE Nightmare
ماشاء الله عليك اخوي وليد وحلو بعد تقدر التغطية مع خالد واحمد

الامير الاحمر
حلو تكون مراسلنا من مصر اخوي عامر

بالتوفيق اخواني

[الامير الاحمر]

مرحبا اخوي جراند


اولاً . . . انا ماعندي كاميرا ديجيتل !!


راس مالي كاميرة موبايلي سوني اريكسون 2.0 ميجا بيكسل


بعدين انا هاليومين مو مستقر بالسكن

ومتنقل من سكن الى سكن


بعدين القاهرة ما شاء الله كبيرة


وماعندي اي فكرة عن تجمعات السيارات الي تصير هنا :(



وثالثاً . . .

انا طول الوقت مشغول

يا بترتيب اوضاعي في السكن


او اذاكر :(

فأنشاء الله اذا استقريت في مصر

وشريتلي كاميرا ديجيتل


وعرف القاهرة وكل ضواحيها واماكن تجمعات الشباب . . .


من عيووووني الثنتين اكون مراسلكم


وانشاء الله افيدكم بقدر المستطاع

بحكم دراستي في مجال الاعلام والصحافة >>>>>>>> فرحان وايد بتخصصه :D


وانشاء الله خير

:-)

[grandv8]

السلام عليكم ورحمة الله وبركاته

تسلم اخوي عمار وجزاك الله خير

الكاميرة الي بجوالك تصويره حلو وواضح

وان شاء الله اذا استقرت وتعدل وضعك اكيد ماتقصر

بالتوفيق اخوي
:D

[FSM]

السعودية -الشرقية- الدمام و ما حوليها :D ,,
سوني 3.2 ميجا بكسل ..

[جداوي كول]

وانا مستعد للتطوع للمساعدة في جدة مالم اكن مشغول واتمنى ان اقدم مايرضي الاعضاء والمنتدى.
الاخ جداوي كوول ممكن تسجل بريدي للتواصل في حال وجود اي فعاليات :
balbaid206@hotmail.com








ok