بماذا تنصحوني عند فحص سيارة مرسيدس جير اتوماتيك

[sanaa]

السلام عليكم
شباب
بماذا تنصحوني عند فحص سيارة مرسيدس جير اتوماتيك موديل90 نوع 190
ما هي الاشياء الضرورية التي يجب عليا فحصها قبل شرائي للسيارة
وشكرا

[SLR]

اتاكد من المكينه... والجير وزيت الجير علشان اتعرف ان صاحبه مهتم او لا..

اتأكد من الدفريشن اللي هو اهم شي... واتاكد من الكهربائيات بشكل عام والانوار الاعطال .. واتأكد من رقم الشاسي والمحرك من قبل شرطة دبي او الوكاله..

[1100R]

حل سريع

حط السيارة على وضع الريوسR

اذا شبك بسرعة تعرف ان القير سليم

ولو تاخر بمعدل ثانية الي ثانيتين تعرف ان فية مشكلة :banana:

[uae speed]

حل سريع

حط السيارة على وضع الريوسR

اذا شبك بسرعة تعرف ان القير سليم

ولو تاخر بمعدل ثانية الي ثانيتين تعرف ان فية مشكلة :banana:

الحركه هذي تنفع لكل السيارات ؟ ولا المرسيدس بس ؟

[الهاوي جروب]

ايضا دوس بنزيم واسمع اذا فيه تقطيعات ممكن تكون البخاخات فيها مشكله

[الكبريت]

اضافه للي قالوه الاخوان

شوف الشكمان اذا ينقط مويه فهذي المكينه نظيفه جدا جدا

فيه برضه سقف السياره فيه مكان عشان تحط فيه شبك موجود في اغلب السيارات الالمانيه يجي شكله خطين على اطراف السقف اذا كان الخطين موجود فيها فتأكد انه على استقامه واحده لانه اذا ما كان على استقامه واحده فمعناته انه صادم بها
لانه صعب جدا اذا صدم فيها من ناحية الخطين انه يصلح هذا الخطين.

[sanaa]

اشكركم شباب وانتظر المزيد :knight:

[CL-Class]

عموما المرسدس تستفيد من عداد الطبلون في كشف سلامة القير..

لو تلاحظ في الصوره ( هذا طبلون 300SE بس ماشي على كل الطبلونات في ذاك الموديل )

http://www.w6w.net/upload2/27-11-2005/w6w_200511271332258be57c24.jpg

ركز على عداد السرعه ... هناك شرطة برتقالي جنب سرعة 60 ..... وشرطتين جنب سرعة 100 ... وثلاث شرطات بعد 160
هذي كلها تدل على مكان تبديل التعشيق عند دعس البنزين على الأخير أقولك على الأخيــــر ( على الصاجه ) ( يعني هذي أقصى سرعه يوصل لها كل تعشيقه )
اذا جربتها وكانت التبديلات عندها او حولها بشكل قريب اعرف انه القير سليم وقاعد يبدل في المكان الصحيح

[CL-Class]

بالنسبة للدفرنس حاول تركز وانت ماشي بشويش اذا قامت السيارة تعشق من الأول للثاني وغيره انه مايكون في صوت طقه او ضربه قويه جاية من الخلف ( اذا حصل هذا بشكل قوي اعرف الدفرنس مضروب ) اما الطقه الخفيفه او الدفعه فهو طبيعي

[2k2]

,احسن شيء توديها لجراج معروف وموثوق منه .. وخله يفحص السيارة ع الراحات ...

وبعدها قرر عقب نتيجة الفحص اذا تشتري من عدمه .... :cool:

حظ موفق .... :smart:

[1100R]

uae speed

تنفع لكل السيارات :banana:

[sanaa]

CL-Class جزاك الله الف الف الف خير
وكل الشباب
بارك الله فيكم

وشكرا الف شكر :shy:

[النجمه الثلاثيه]

عندي سؤال بعد


عندي مرسيدس ٣٠٠ اي جير اوتاماتيك لما اركب درايف بدون ما احرك السياره يبدا صوت زنين داخل غرفة القياده واحس بعد انه الماكينه موب مرتاحه ولما ارجع القير لل ٣ الحاله تزيد ولل٢ اكثر لكن الريويس اوكي حد يروم يحدد المشكله
للعلم بدلت زيت الجير والفلتر ووديتها الجراج وما حد عارف؟