View Full Version : تقيمي عن تجربه مع صيانة سماكو (وكيل فليكس وأودي وبورش) بالمنطقه الشرقيه - الخبر
دكتور / مجنون
30-11-2005, 07:56 PM
السلام عليكم :)
بشهر 4 من عام 2005 شريت Audi A4 1.8T من سماكو بالخبر وكانت المعامله من احسن مايكون حتى يوم تأخر تسليم السياره.. عطوني التست درايف كار (سياره التجارب) من الاربعاء الى السبت الى ما استلم السياره يوم السبت)
من شهر 4 الى قبل 3 ايام .. استخدمت السياره وكانت جيده بل ممتازه (احلى ياعربي) ولكن بالصيف وبالحر الشديد بدأ ظهور شقوق على صبغ الكبوت (بالبدايه كان على شكل شمخ.. قلت يمكن واحد حك الكبوت بمفتاح او قلم) ولكن بدا يكبر ويصير على شكل كسر.. وبدا يكبر ويكبر
قلت خليني انبهم عليها على تشييك 15 الف (اللي هو اول تشييك).. مرت الايام وفي اخر اسبوع برمضان.. اختفى زيت بور الدريكسون فجأه!!!! رحت لهم وماقصروا... اخذوا السياره على طول وحطوا فيها زيت واخذتها... واخذت موعد بعد العيد على اساس الصيانه والكبوت وشويه مشاكل جانبيه
رحت لهم بعد العيد ودخلت السياره وكانت ماشيه 13300 الف..
قلت لهم
1- صيانه 15 الف
2- صبغ الكبوت (على الضمان)
3- تغيير ايرباج الدريكسون... انفتح الجلد من الزاويه (يعني شئ بسيط لكن كل شئ تحت الضمان)
4- الكرسي اللي جنب السايق.. انشق من اعلى ظهر الكرسي من الخلف شق بسيط !!!
5- الشنطه صارت خبله.. احياناً اعاني مشكله بتقفيلها واحياناً تقفل بشكل طبيعي
6- اسفل باب اللي جنب السواق .. طلع من مكانه بشكل طفيف
قالوا يبغى لها من 7 الى 10 ايام بالصيانه
طبعاً استأجرت سياره بـ 60 ريال باليوم
بعد مرور 8 ايام اتصلت عليهم وكان يوم اربعاء.. وقلت لهم وش صار على السياره؟؟ قال ماخلصت وراح تخلص يوم الاثنين
قلت هذي اكثر من 10 ايام!!!
قال زحمه على فرن الصبغ!!!
قلت المهم تخلص السياره الاثنين
يوم جاء يوم السبت.. قلت بنفسي خليني اطلع واشوف السياره عشان اذا بقى شئ فيها... انبههم عشان تخلص على موعدها المتأخر (اللي هو يوم الاثنين)
رحت للوكاله ومالقيت السياره بالصيانه.. وكانت الساعه 5 المغرب .. ويوم سألت احد الموظفين اللي خارجين من الدوام.. قال السياره واقفه بالحوش من الظهر
اتصلت يوم الاحد عليهم وقلت وش صار على السياره... قال ثواني
وبعد مرور 7 دقايق تقريباً قال باقي التلميع..
انا استغربت.. كيف السياره واقفه بالحوش وباقي التلميع!!
يوم الاثنين رحت لهم ولقيتها واقفه بالحوش واخذتها ولكن الغبار اللي عليها ماهي وقفه يوم واحد.. شكلها واقفه من يوم السبت!! يعني كلام الموظف صحيح والسياره خالصه يوم السبت
لكن الى الان ماني متأكد اذا استنتاجي اذا صحيح او لا
اخذت السياره ومادفعت ريال واحد (كلها على الضمان)
1- السياره ماصار لها صيانه والحجه انها ماوصلت 15 الف كيلو
2- الكبوت انصبغ وتلمع
3- الكرسي و الايرباج ماسوا فيهم شئ وقالوا قطع الغيار بالطريق (يعني طلبوها وينتظرون وصولها)
أ- اجزاء الكرسي راح توصل بعد شهر واحد :(
ب- الايرباج بعد 3 اشهر والحجه ان الايرباج فيه مواد متفجره ولازم يتابعون الطلب مع الدفاع المدني
4- اسفل الباب صلحوه
5- الشنطه وصلحوها
تقييمي لهم هو 6 من 10 فقط و الاسباب كالتالي
1- عدم توفر قطع الغيار (خصم 2 نقطه)
2- تأخر الموعد (اخذوا 13 يوم) علماً موعدهم الاصلي طويل وهو من 7 الى 10 ايام على صبغ كبوت وشويه اصلاحات بسيطه (خصم 2 نقطه)
3- اتساخ الجزء الاوسط من المرتبه الخلفيه للسياره و بعض مقابض البيبان والدركسون وارضيه السواق واللي جنب السواق بأيدي و أرجل عمال الصيانه (علماً اني مدخلها التلميع قبل العيد وكانت نظيفه جداً ولكن عدمو الدنيا علي) (خصم 1 نقطه)
4- ماطالبوني بريال واحد وكل شئ بالضمان تم تطبيقه عند الصيانه من صبغ واصلاحات اخرى على حسابهم (اضافه 1 نقطه)
لو بأشتري أودي -علماً السياره روعه جداً ومافيها اي مشاكل تقنيه او ميكانيكيه- مره ثانيه بعد كم سنه... اعتقد اني راح استبعد الوكاله من راسي اللا اذا تغيرت الامور بعد انضمام المملكه بمنظمه التجاره العالميه وصارت فيه وكالات اخرى للأودي بالسعوديه
والسلام مسك ختام
دكتور / مجنون
30-11-2005, 08:01 PM
هذا أول تعامل شخصي مع وكالات السيارات بالمملكه .. فما اعرف كيف باقي الوكالات واسلوبهم مع العملاء
السلام عليكم
سيارتك حلوة بس الله يعينك على الوكيل....
والله قلي اخوية مرة على هرجة اُمنت فيها بعدين....((لاتشتري حاجة من عيال الشربتلي)) :p
ويالله الله يعينكم...
سنـاري
30-11-2005, 08:45 PM
اعجبتني طريقة سردك للموضوع و تنظيمك له
ياليت كل المواضيع بهذا الوضوح و هذا التحليل الرائع
و الله شجعتني على الاودي
والله يعطيك خيرها و يكفيك شرها
1100R
30-11-2005, 09:08 PM
عندي تعليق بسيط
واضح ان اغلب المشاكل الي حصلت ناتجة من انك توقف السيارة
في عز الشمس :black:
حاول توقفها في ظلة وتضللها عازل حراري وانشاللة اضمنلك ماترجع المشاكل الي صارت
لك
بالنسبة لساماكو:
وكيل سئ وغالي في نفس الوقت (لاخيرة ولا كفاية شرة))
تصور واحد من الشباب عندة باسات صيانة 50 الف كلفت 3200 ريال مع ان السيارة
ماتشتكي من شي :ranting: :ranting:
مع صيانة 50 الف للبي ام تكلف 2400 ريال
:smart:
ولعلمك :
اغلب وكالات السيارات نفس طقة ساماكو الا حوالي 3 او 4 وكالات
وحسب ماهو متعارف افضل وكيل:
عبد اللطيف جميل بلا منازع
وفي شركات يمشي حالهم ((خدمتهم طيبة بس لاتصل الى مستوى ابو جميل))
مثل التوكيلات العالمية والناغي والجفالي
دكتور / مجنون
30-11-2005, 11:11 PM
صحيح.. بالصيف كنت اوقف السياره بالشمس لأن المواقف مافيها ظل او مظلله!! بس ماتوقعت تطلع هذي المشاكل البسيطه من اول سنه... لكن قضاء وقدر
نرجع لموضوعنا... السيارات ممتازه لكن في مشكله وحده بالوكاله
1- الصيانه صغيره جداً لحجم المبيعات وبسمعه السيارات
2- قطع الغيار غاليه...
طبعاً الوكيل جاب السيارات بدون زينون والى الان مااعرف ليه!!! ويوم سألت عن الزينون قالوا بـ 11 الف ريال كامل من الالف الى الياء
المشكله انها سعرها الف دولار بامريكا (يعني لو قالوا يورو مرتفع.. باقول حتى على الامريكان) يعني مااعرف ليه هذا الفرق الشاسع بالسعر..
اعتقد اني راح اشتريها من امريكا واشحنها.. مااتوقع سعرها راح يوصل نص سعر سماكو!! والتركيب راح اركبه عندهم :D
SeSo2003
01-12-2005, 12:01 AM
الله يساعدك عليهم
الله يستر صاحبي وحده سيارته تشييك 15 الف اودي a4 2006 من امس الثلاثاء وقال تخلص الخميس الصباح
كان ما يصر لنا مثل الي صار لك وانستلمها بعد اسبوع
EL_3grab
01-12-2005, 12:09 AM
كل المشاكل .. من توقيف السيارة بالشمس ..
حرام عليك موديل 2005 .. تفكك القطع وتشقق الصبغ والجلد .. ها كله من الحرارة .. بنقول درجه الحرارة كانت 40 .. داخل السيارة توصل 60+ .. تستوي مثل الفرن .. ومع الحرارة وعقب تركب تشغل المكيف على 18 .. كل شي يتمدد وعقب ينكمش مرة وحدة .. مما يؤدي الى التفكك ولا الأرتخاء ..
HaKeM
01-12-2005, 01:35 AM
العيب ليس في الوكالة فقط وانما العيب في السيارة
اودي مشاكل بلا نهاية
وسعرها مستعمله نازل
:headshak:
مؤيد اف1
01-12-2005, 01:47 AM
حلوه الايرباج فيه مواد متفجره :D
يعني الي يصير له حادث ويطلع الايرباج بيطلع من السياره مقطع..هذا اذا طلع :D
والله حاله..
الله يعينك عليهم..وين حماية المستهلك في السعوديه :sss:
دكتور / مجنون
01-12-2005, 02:30 AM
الله يساعدك عليهم
الله يستر صاحبي وحده سيارته تشييك 15 الف اودي a4 2006 من امس الثلاثاء وقال تخلص الخميس الصباح
كان ما يصر لنا مثل الي صار لك وانستلمها بعد اسبوع
اذا السياره مافيها مشاكل.. راح تخلص في 3 ايام.. لكن اذا طلع فيها شئ او شئ.. الله يعينكم :)
بعدين اذا صاحبك بالخبر.. وش لون سيارته؟؟ السماوي؟
كل المشاكل .. من توقيف السيارة بالشمس ..
حرام عليك موديل 2005 .. تفكك القطع وتشقق الصبغ والجلد .. ها كله من الحرارة .. بنقول درجه الحرارة كانت 40 .. داخل السيارة توصل 60+ .. تستوي مثل الفرن .. ومع الحرارة وعقب تركب تشغل المكيف على 18 .. كل شي يتمدد وعقب ينكمش مرة وحدة .. مما يؤدي الى التفكك ولا الأرتخاء ..
ياخي وش اسوي.. جامعتنا مافيها مواقف مظلله للطلاب.. يعني توقف بالشمس :( اما بالبيت فلها موقف مظلل... المشكله بس بالجامعه
العيب ليس في الوكالة فقط وانما العيب في السيارة
اودي مشاكل بلا نهاية
وسعرها مستعمله نازل
:headshak:
من جد لا تعليق :knight:
حلوه الايرباج فيه مواد متفجره :D
يعني الي يصير له حادث ويطلع الايرباج بيطلع من السياره مقطع..هذا اذا طلع :D
والله حاله..
الله يعينك عليهم..وين حماية المستهلك في السعوديه :sss:
حقيقه سالفه المتفجرات هذي مابلعتها... لكن انا ماعندي حجه عليه .. لأني ماني فاهم بالشغله!!! وصعب اتفاهم بشئ انا مو فاهم فيه اصلاً :think:
العيب ليس في الوكالة فقط وانما العيب في السيارة
اودي مشاكل بلا نهاية
وسعرها مستعمله نازل
:headshak:
اصلا بالعكس , السياره حلوه وجيده ومواصفاتها :cool: وودي اخذ اودي a4 الجديده
محمد دريهم
01-12-2005, 11:19 PM
ما أدري ليه أحس ان السيارة مصدومة ومبيوعة ،،
بدليل مشاكل الإيرباق والتشققات ،،
ماصارت أودي هذي بصراحة .
HaKeM
02-12-2005, 12:00 AM
ert
مثل البيجو مشهورة بمشاكلها الأودي نفس الشي
واسأل اصحاب الأودي
Hakem
اتصدق البيجو عندنا في الامارات ماشيه السوق اتحصلها بالهبل وخاصه 307 , ومشاكلها بسيطه او القطع قد استهلكت , اما الاودي غير وخاصه وكاله الاودي
في دبي يعني ماشاءالله شغلهم من احسن ما يكون لكن $$ , عندي فولكسواجن
جولف موديل 2001 ما شتكت منها والحمدالله بس اللهم كهربا المروحه والكمبرسر
والانوار داخل السياره نور او الليت المكيف :p
الشرقاوي
02-12-2005, 01:21 AM
ياخي سلملي على عبداللطيف جميل يصلحون السياره بس المشكله دايم قطع الغيار شهر ونص :D
انا موضب قير ES300على الضمان ويكلف 13000ريال بس ماقصرووو :D
بس قعدت عندهم السياره شهر ونص عشان القطع :sleep:
دكتور / مجنون
02-12-2005, 01:56 AM
ما أدري ليه أحس ان السيارة مصدومة ومبيوعة ،،
بدليل مشاكل الإيرباق والتشققات ،،
ماصارت أودي هذي بصراحة .
كيف مصدومه ومبيوعه؟؟ مافهمتك بصراحه!!!
اذا ماهي اودي برايك... اجل وش صارت؟؟ تيرسل :sleep:
ert
مثل البيجو مشهورة بمشاكلها الأودي نفس الشي
واسأل اصحاب الأودي
ماادري كيف قلت مشاكل... طيب مب احسن من مشاكل السيارات الثانيه اللي تجي بالمكينه والقير؟؟؟ :confused:
ياخي سلملي على عبداللطيف جميل يصلحون السياره بس المشكله دايم قطع الغيار شهر ونص :D
انا موضب قير ES300على الضمان ويكلف 13000ريال بس ماقصرووو :D
بس قعدت عندهم السياره شهر ونص عشان القطع :sleep:
انا بديت اركز على لكزس وخدماتهم عند عبداللطيف جميل وكيف شكاوي اصاحب السيارات!! :-)
أبو حسين
02-12-2005, 05:24 AM
أتمنى من الأخ صاحب الموضوع أن يخبرني عن مشورته مع سيارة الأودي بحيث أن اللي فهمته أن العيب من الوكيل وليس السيارة فأرجوا منك إخباري هل السيارة كثيرة التحمل أن أنها سيارة فقط فخمة وباقيها الله بالخير؟؟
وشكرا!!
دكتور / مجنون
02-12-2005, 04:32 PM
أتمنى من الأخ صاحب الموضوع أن يخبرني عن مشورته مع سيارة الأودي بحيث أن اللي فهمته أن العيب من الوكيل وليس السيارة فأرجوا منك إخباري هل السيارة كثيرة التحمل أن أنها سيارة فقط فخمة وباقيها الله بالخير؟؟
وشكرا!!
سؤالك عام
يعني كيف كثيرة التحمل؟؟ يعني تبغى تفحط وتشقح مطبات وتدعس!!!
يعني تبغى تعامل السياره كأنها كامري.. تضرب سلف وخلاص؟!
اذا هذا قصدك بكثيرة التحمل.. فما انصحك عليها... لأنك لازم تمشي فيها صح.. اذا شفت مطب... وقف عنده وامشي عليه صح... لازم تحمي زي ماهو موجود بكتالوج السياره... توديها الصيانه كل 15 الف كيلو
انا اعامل السياره عادي... احمي الصبح والاوقات البارده واسوقها مثل الناس العاديين (يعني لو سافرت برا وشفت الناس كيف تسوق.. فسواقتي مثلهم.. ماهي سواقه عرب :))
وادوس بالسياره وامشي كل اسبوعين على طبلونها مره وحده
بالمختصر.. اذا تبغى السياره كأنها كورولا او كامري او سوناتا او اكورد او صني او ماكسيما او اي سياره من هذي السيارات الصغيره اللي مافيها الكترونيات.. فما انصحك تشتري سياره فخمه خير شر.. بدايه من افخم سيارات اليابان لكزس وانفنتي الى الكادليك الى السيارات الاوروبيه بشكل عام :)
والسلام مسك ختام
أبو حسين
02-12-2005, 06:15 PM
السلام عليكم أخوي مجنون وشكرا على المساعدة..
يا مجنون أنا مشاويري ليست كثيرة..بس اللهم روحة ورجعة من الجامعة غير كذا المشاوير التحلية بأوقات الليل يعني ماراح أعاني من مشكلة الحرارة..والكراج بيغطيها من الشمس وأيضا لست راعي خطوط يكفي اللاندكروزر الله يخليه لنا..وأزيدك من الشعر بيت أني لست راعي كرف وإستعمالي نظيف جدا ..
يعني تقول إن السيارة بتقعد معي من غير مشاكل؟؟
وشكرا جزيلا..
دكتور / مجنون
02-12-2005, 06:51 PM
السلام عليكم أخوي مجنون وشكرا على المساعدة..
يا مجنون أنا مشاويري ليست كثيرة..بس اللهم روحة ورجعة من الجامعة غير كذا المشاوير التحلية بأوقات الليل يعني ماراح أعاني من مشكلة الحرارة..والكراج بيغطيها من الشمس وأيضا لست راعي خطوط يكفي اللاندكروزر الله يخليه لنا..وأزيدك من الشعر بيت أني لست راعي كرف وإستعمالي نظيف جدا ..
يعني تقول إن السيارة بتقعد معي من غير مشاكل؟؟
وشكرا جزيلا..
تقريباً حياتك مثل حياتي .. شبه تعيسه :knight:
مشاوير الجامعه و الكورنيش بالليل..
هممممممم.. اذا السياره عاجبتك فتوكل على الله .. لاتخاف من المشاكل لكن لاتنسى المبالغ اللي راح تدفعها اوقات الصيانه مقارنه بالسيارات الثانيه (مهما ارتفع السعر .. ماراح يوصل لاسعار البي ام و المرسيدس)
Pure_Intimidation
02-12-2005, 07:04 PM
انا ليه فتره افكر بلبورش, بس خايف من صيانتهم! احد عنده بورش و جرب؟
abumhdi
02-12-2005, 07:50 PM
اعجبتني طريقة سردك للموضوع و تنظيمك له
ياليت كل المواضيع بهذا الوضوح و هذا التحليل الرائع
و الله شجعتني على الاودي
والله يعطيك خيرها و يكفيك شرها
نعم .. نعم ..
امس كنت بالوكالة وعجبتني الفلكس الـ GTI >> لكن عيبها الوحيد السعر مائة وخمسة آلاف ريال .. بس كلامك نوع ما يخوف ..
يمكن اغير رأيي ..!
دكتور / مجنون
02-12-2005, 09:21 PM
نعم .. نعم ..
امس كنت بالوكالة وعجبتني الفلكس الـ GTI >> لكن عيبها الوحيد السعر مائة وخمسة آلاف ريال .. بس كلامك نوع ما يخوف ..
يمكن اغير رأيي ..!
يمكن آخر جملة تلخص موضوعي بالكامل
لو بأشتري أودي -علماً السياره روعه جداً ومافيها اي مشاكل تقنيه او ميكانيكيه- مره ثانيه بعد كم سنه... اعتقد اني راح استبعد الوكاله من راسي اللا اذا تغيرت الامور بعد انضمام المملكه بمنظمه التجاره العالميه وصارت فيه وكالات اخرى للأودي بالسعوديه
الله يعينك اخوي ...
و الوكالات اغلب تعالمهم كذا ..
عموماً... ان اشوف ان عبداللطيف جميل - قسم لكزس .. هو الافضل بلا منازع ........
لا وكالة بي ام .. الناغي .. و لا مرسيدس ..
CoRolla_04
03-12-2005, 02:11 PM
اذا السياره مافيها مشاكل.. راح تخلص في 3 ايام.. لكن اذا طلع فيها شئ او شئ.. الله يعينكم :)
بعدين اذا صاحبك بالخبر.. وش لون سيارته؟؟ السماوي؟
:think:
لا والله لونه احمر
واعدونا الخميس الصباح تخلص ونروح ليهم وما سوو فيها شي قالو لنا تعالو السبت الصباح والسياره جاهزه ونشوف ويش يصير معاهم
grandv8
04-12-2005, 06:53 PM
السلام عليكم ورحمة الله وبركاته
ماشاء الله عليك اخوي تقرير حلو منك لسيارتك واكيد سمعت الشركة من سمعت السيارة.
الجودة والصيانة اهو شي.
ونتظر بقية الاخوان يعملوا بهي الطريقة عن جميع سياراتهم
شكرا لك اخوي مرة اخرى
:banana:
الكبريت
04-12-2005, 11:50 PM
قبل سنتين كان عندي اودي T T
بصراحه ماكنت مواضب على الصيانه لكن صيانتهم غاليه
انا مشيت فيها 36 الف كيلو دعس وتفحيط وكل شيء يخطر على البال
لكن الحق يقال اني ماشكيت منها خلال الفتره اللي كانت معي مع العلم اني كنت خاف من التيربو اللي فيها لايخرب .
انا ليه فتره افكر بلبورش, بس خايف من صيانتهم! احد عنده بورش و جرب؟
والله يفرق من بورش الى بورش
يعني بالنسبه لبورش كاريرا فقطع غيارها رخيصه تخيل انها ارخص من اوبل اوميغا لكن المشكله في اليد العامله اللي تصينها يعني القطعه تكلفتها رخيصه لكن تركيبها غالي جدا لكن اذا تبغى تسوي لها صيانه بسيطه زي اقمشه فرامل وغيرها انصحك انك ماتروح الوكاله فيه ورش خارجيه في جده لهم خبره كبيره في البورش وعلى فكره الكاريرا سياره عمليه .
اما بورش تيربو وGT3 و التون تيربو فقطعها غاليه جدا .
CL-Class
05-12-2005, 11:10 AM
اخوي بالنسبة للمشاكل اللي طلعتلك ماتشوف انها كثيره شوي علي سياره جديده ؟؟
مجرد سؤال بس ... لاني استغربت شوي وعلى حسب كلامك ان سواقتك ماشالله مرتبه
دكتور / مجنون
05-12-2005, 01:25 PM
اخوي بالنسبة للمشاكل اللي طلعتلك ماتشوف انها كثيره شوي علي سياره جديده ؟؟
مجرد سؤال بس ... لاني استغربت شوي وعلى حسب كلامك ان سواقتك ماشالله مرتبه
اخوي.. وش دخل سواقتي بالمشاكل اللي طلعت...
مالها أي علاقة بالاساس ..
صبغوا الكبوت
حطوا زيت على قفل الشنطه
صلحوا اسفل الباب
وباقي شغلتين وانتظر قطع الغيار فقط!!
ماهي مشاكل ميكانيكيه ولا تقنيه!!! :sleep:
CL-Class
05-12-2005, 02:00 PM
ياخي افهمني ... سواقتك ماقلت فيها شي قلت انها مرتبه ورايقه
سؤالي اقولك
بالنسبة للمشاكل اللي طلعتلك ماتشوف انها كثيره شوي علي سياره جديده ؟؟
يعني حكاية البويه ومن اولها والايرباق؟؟؟ والله حرام يصير كذا
دكتور / مجنون
05-12-2005, 03:52 PM
ياخي افهمني ... سواقتك ماقلت فيها شي قلت انها مرتبه ورايقه
سؤالي اقولك
بالنسبة للمشاكل اللي طلعتلك ماتشوف انها كثيره شوي علي سياره جديده ؟؟
يعني حكاية البويه ومن اولها والايرباق؟؟؟ والله حرام يصير كذا
ولاتزعل فهمتك ..
عادي ياخي ... يامافي سيارات تدخل الوكاله بعد شهر بسبب قير او مشاكل اكبر من مشاكلي او تلقاها محروقه :eek:
760IL
06-12-2005, 01:28 AM
مشكور على موضوعك الصريح