View Full Version : كيف أزيل الشموخ الي في السيارة بدون صبغ؟
loolicpolic
02-12-2005, 08:00 PM
أهلين شباب..
اليوم بعد صلاة الجمعة، طلعت وحصلت سيارتي مشمخة من جهة السائق ( الباب الأمامي + الباب الخلفي + الجانب الخلفي للسيارة ) وطبعا التشميخ صار بقطعة حديد حادة..
التشميخ وصل البدي، وأنا ما أقدر أسوي شي غير إني أقول "حسبي الله ونعم الوكيل على الي عملها"، وأصلحها!
بس، هل يوجد طريقة لإزالة الشموخ من غير صبغ؟
يا ليت تفيدوني..
تحياتي..
النجمه الثلاثيه
02-12-2005, 08:52 PM
انا مره كنت بالسياره مسرع و داخل على باركنج والدنيا ليل ٫تفاجأت انه مدخل الباركنج مسكر بسلسلة حديد و ماقدرت اوقف السياره ٫النتيجه السلسله شمخت غطاء الموتور و نصف السقف ٫وديتها البوليش والبوليش نوعين الاول يسمونه واكس والثاني كومباوند ٫طبعا انا عملت التاني لانه افضل واستخدموا معدات كهربائيه للصقل مثل الفرشاه القطنيه الي تدور بالكهرباء والحمدلله شغل نظيف و اسال الله انه يوفقك وان شاء الله اني افدتك
loolicpolic
02-12-2005, 10:10 PM
تسلم أخوي النجمه الثلاثيه.. أنا أول مرة أسمع عن النوع الثاني..
إنشاء الله أحصله عندنا في الدوحة..
تحياتي يالغالي..
Corvette_Stingray
02-12-2005, 11:22 PM
جرب بوليش خشن بالمكينة واذا ما نفع مالك إلا الضبغ
cruiser2000
03-12-2005, 01:27 AM
استخدم بوليش كومباوند
بس ما انصحك تستخدم فرشاه كهربائية وانت مستعجل انا افضل انك تستخدمها يدوياً
ماشي فرق بين اليدوي وبالكهربا
بس اخاف الكهربا تخرب صبغة بدي سيارتك
لان ولد عمي استخدم الكهرباء مرة بس يوم ضربت ليت على البدي كانت مسحات الفرشاة واضحة
بس يعتمد على المحل في النهاية
وبالتوفيق
lumina
03-12-2005, 01:28 AM
اخوي عليك بآل البريك و حول إنك تضغط يوم تحك المكان بقطعة قماش ناعمه و إن شاء الله تختفي الخدشات وانا مجربنها على سيارتي :cry1:
CL-Class
03-12-2005, 11:20 AM
ياريت تعطونا اسم النتج بالانقليزي .... ووين نلقاه ؟؟
loolicpolic
03-12-2005, 02:49 PM
تسلموا يا شباب..
اليوم بحاول آخد لفة على محلات البوليش وأشوف إيش أحسن شي ممكن يشيلهم..
أكيد برد لكم خبر..
تحياتي..
Corvette_Stingray
03-12-2005, 03:37 PM
على فكره نسيت أقول لك شي
بعد ما تضرب المكان بوليش خشن اضربه بوليش ناعم عشان تروح الخدوش الناتجه عن البوليش الخشن :p
الهاوي جروب
03-12-2005, 05:27 PM
والله يااخوان انا اعاني من هالشي الحاره عندنا خدشوها تخديث
ولكن اخواني عندي مشكله غير التخديش بويت سيارتي صارت كلها نقاط بيضه صغيره كيف احلها
loolicpolic
04-12-2005, 12:29 AM
على فكره نسيت أقول لك شي
بعد ما تضرب المكان بوليش خشن اضربه بوليش ناعم عشان تروح الخدوش الناتجه عن البوليش الخشن :p
إنزين يالغالي :-)
تحياتي..
زورو الامارات
04-12-2005, 03:46 PM
ياليت تعطونا اسم البوليش (كومباوند )
بالانجليزي ووين احصله شكلي بضرب الموتر
النجمه الثلاثيه
04-12-2005, 03:55 PM
ياليت تعطونا اسم البوليش (كومباوند )
بالانجليزي ووين احصله شكلي بضرب الموتر
Compound
بالتوفيق أخوي loolicpolic :)
loolicpolic
06-12-2005, 08:44 PM
أهلين شباب..
أنا رحت محل الكريستال الي في الدوحة، وقالي في إمكانية إنو الخدوش تروح.. جنب السيارة بيكلفني حوالي 300 ريال قطري..
إن شاء الله بسويها عن قريب..
تحياتي للجميع..
sayedco
06-12-2005, 10:06 PM
Rubbing Compound
و بالمناسبة لومينا : آيل بريك ؟!!!! :sss:
يشيل الصبغة من الجذور :D
و واحد سووها فيه و صبو على سيارته آيل بريك صارت رصاصية من حمرة و انشال الصبغ
________________
أخوي جرب باليد أحسن أول شي ، اشتر RM و جرب إذا ما فادك بعدين روح المحلات
الآر إم سعره 4 دينار بحريني و مفيد جداً و يبيله كتف قوي >> شوف مثلاً حمد stingray كتفه عرضها مترين كله من ضرب البوليش :D
Corvette_Stingray
07-12-2005, 12:42 AM
sayedco هذي شهادة أعتز فيها :cool: