معارض دبي للسيارات و اسعارها

[سنـاري]

بسم الله الرحمن الرحيم

احبتي الكرام


السلام عليكم و رحمة الله و بركاته





حبيت اسألكم عن موقع سوق السيارات المستعملة في العوير على شبكة الانترنت

لأني ناوي اشتري - في شهر سبتمبر 2006 - 3 سيارات

و سمعت عن هذا السوق الواقع في دبي كثيرا

فياليت تعطوني الموقع باللإضافة الى رأيكم هل اشتري السيارات من امريكا ام من الامارات مع العلم ان سعر الشحن يبتدئ من 2500 دولار للسيارات السيدان

و السيارات هي


دودج رام 1500 كبينة و نص او اثنين موديل 2004 - 2003


مرسيدس S 350 - 500 - موديل 2003 - 2004


لكزس ار اكس 330



و هل لديكم مواقع لمعارض اخرى سواء خليجية او امريكية



:cool:

[EL_3grab]

طويل العمر ..

معرص العوير .. على شارع الأمارات .. بجنب سوق الخضرة والفواكه بدبي .. وعلى تقاطع شارع الأمارات .. دبي - العين ..

سوق الخضرة ومعارض العوير يفصل من بينهم شارع دبي - العين ..

وسلامي

[بوخالد]

تفضل يالغالي
http://www.usedcars.ae/Arabic/Default.aspx
والسموووحه

[EL_3grab]

للحين مب قادر أفهم الخريطة :D

http://213.131.64.89/ContentPics/Sh-Zayed-arabic.jpg

[bujassim]

اسعار السيارات في العوير نوعاً ما غالية
و معظمها مستوردة من امريكا
اذا تعرف حد من امريكا، استوردها من هناك ارخص لك الفرق 7-15 الف حسب السيارة و المواصفات

جرب معارض ابوظبي، بنظري السيارات اللي هناك انظف و ارخص،،

انسى معارض سيارات الشارقة، معظم مدعوم دعمة قوية (متكمسلة خارج الدولة و مستوردة كسكراب و تتصلح داخل الدولة ثم تنباع) و اسعارها غالية مقارنة بجودة السيارة

بالنسبة لي افضل السيارات من ناحية النظافة و السعر (معارض ابوظبي -شارع المطار)
بالنسبة للتنوع في الماركات دبي لكن الاسعار غالية ونته و شطارتك (الشراء من الهنود مضيعة للوقت، لانهم بخلاء اذا نقصتهم الف تعتبر نفسك ربحان)

الشارقة، بصراحة انطباعي عنها سيء للغاية، كنت ادور على كذا سيارة و من 10 سيارات لقيت 6 منهم مدعومة و الايرباج مش شغال
هذا ليس بالضرورة بس سألت كذا واحد اكد لي ان كثير من السيارات في معارض الشارقة اما مسروقة او مدعومة و مصلحة داخل الشارقة


العنوان و الموقع ، عطوك اياه الشباب و ما قصروا

[راعي الكورفت C6]

أخ سنـاري معارض دبي غالية شوي
يعني الدودج كبينة ونص أو إثنين مو فاكر
المهم دودج الصغير 1500 م2004 ماشية حوالي 9000 ميل على كلام
صاحب المعرض بــ (إمسك قلبك) ــحوالي 160000 ألف

أما معارض أبوظبي معظم المواتر ملعوب فيها

أم الشارقة معظمها مدعومة ومصلحة

أنصحك تدور من الجرائد عن أشخاص يبيعون تحصل بسعر مناسب ونظيف بعد


أما عن نفسي حصلت لاندكروزر م2001 8سلندرات رقم2 بدون جلد وهيدروليك
بــ96.500 ألف ونظيف جدا والموتر مو مدعوم بالمرة ولا مصبوغ

:banana:

[سنـاري]

من امريكا اجل ارخصلي بكثيير بالنسبة للدودج

و المرسيدس افكر من المانيا

ام اللكزس فسعره جديد معقول 130 - 170 الف

فلو لقيت مستعمل 2005 فل اوبشن 110 مثلا حلو

[غريب السيف]

السلام عليكم سناري

بالنسبة للدودج ...اخوي راعي الكورفت يقصد الSRT-10 مش ال 1500

ال1500 كبينتين موديل 2003 في حدود ال 70 الف درهم وال 2004 ممكن اتحصل بحوالي 80 الف حسب النظافة والاستخدام ومعظم الانواع الموجودة فئة slt رقم 2 بس فل اوتو ...وفيه بعض الدوجات تكون وارد امريكا والمعارض توفر لك السيارة بالطلب

انشالله اكون افدتك اخوي سناري

[راعي الكورفت C6]

أخوي غريب السيف أنا أقصد

http://members.lycos.co.uk/hadi12/q11.jpg
http://members.lycos.co.uk/hadi12/q12.jpg

السيارة السوداء في جهة اليسار
:knight:

[غريب السيف]

هلا اخوى راعي الكورفت
هذي اللى في الصورة نوع SRT-10 وهذا النوع سبورت وعليه محرك عشر اسطوانات نفس محرك الفايبر ودفع خلفي وسعره جديد من امريكا 46 الف دولار

بس اخوى سناري مايريد هالنوع ...هو يبغي ال 1500 العادي اللى محركه ثمانية سلندر 5,7

وشكرا

[سنـاري]

يا عيني عليك يا غريب السيف

فاهمني ميه ميه

:cool:

[CL-Class]

مرسيدس S 350 - 500 - موديل 2003 - 2004

:cool:




على فكره .... ياشباب الامارات الطيبين .... بكم أسعار المرسيدس ال500- 2004 عندكم ؟
عندنا تنباع من 190 الى 200 ألف
فياريت واحد يعلمنا