سوالف للجميع - العضوو الكريم انفنتي ولا يهونون الشباب

STronG

05-04-2006, 10:19 AM

السلام عليكم

اول شي حبيت اهنيكم علي هالمنتدي الرائع انا من زمان وانا اتابع هالمنتدي

وهذى اول مشاركه لي ..

انا ادور سياره اعتقد كانت عند العضو الغالي انفنتي السياره نيسان بريميرا

صراحه انا عندي سياره ولكن ابي سياره صغيره حق الدوام والكرف

عندي اسئله للاخ انفنتي وكل من جرب السياره

هل السياره عمليه ؟؟ مكيفها بارد ؟ عزمها حلوو ولا تحن يعني جم يطبق الطبلون

شنو اخر موديل نزل منها ؟؟ واهم شي شلون صرفية البنزين وشاركر لكم تحياتي ..

cruiser2000

05-04-2006, 11:30 AM

اول شي

اهلا وسهلا فيك عضو معانا وان شاء الله تستفيد من جميع خبرات الشباب في كافة المجالات المعروضة في المنتدى

ونتمنى لك الفائدة الكاملة منا

وان شاء الله تفيدنا من خبراتك في مجالاتك المتخصصة معانا

نصيحتي لك

شو رايك تكلم الاخ انفنتين عن طريق رسالة خاصة :)

اشوف المسألة شخية بينك وبينه :)

وانا بصراحة ماجربت البريميرا بس ربيعي يمدحها بس ما سمعت عن مشاكلها

والسيارة 4 سلندر اكيد صرفيتها بتكون ممتازة على قدها
وبعدين لاتنسى انها يابانية بتنفعك حق الكرف
ومعروف ان السيارات المتوسطة الصغيرة شوي ان مكيفها بارد :)

عندي كيا اوبتيما 2004 وصراحة مكيفها ثلج على الساعة 1 - 2 الظهر والحمدلله

بس ترا يعتمد على حالة السيارة وموديلها وكم ستعملها راعيها
هذا في حال انك ناوي على سيارة مستعملة

وان شاء الله افدتك في شي

STronG

06-04-2006, 01:11 AM

هلا اخوي كروزر انا طبعا اتفق وياك الياباني حق كرف واهم شي المكيف وانا اخوك

تدري بجونا الحلو :D والله يخليلك الاوبتيما وانشالله السياره تكون مستعمله من موديل 2000 او 2001

بس انا ابي احد يفيدني اكثر عن هالسياره لان صراحه مالي علم بهاسياره

ياليت تفيدونا .. تحياتي

NisFan

06-04-2006, 01:21 AM

السيارة تجميع بريطاني لكن المكينه والقير ياباني
واخر موديل لها 2002 وكانت اقوى سيارة 4 سلندر في فئتها

الطايش

06-04-2006, 02:41 PM

انا جربت البرميرا قير عادي موديل 2002
الصراحه قويه وتنزل 230 .. قومتها غير طبيعيه.. وصرفيتها حلوه

infiniti

06-04-2006, 03:50 PM

السلام عليكم

اول شي حبيت اهنيكم علي هالمنتدي الرائع انا من زمان وانا اتابع هالمنتدي

وهذى اول مشاركه لي ..

انا ادور سياره اعتقد كانت عند العضو الغالي انفنتي السياره نيسان بريميرا

صراحه انا عندي سياره ولكن ابي سياره صغيره حق الدوام والكرف

عندي اسئله للاخ انفنتي وكل من جرب السياره

هل السياره عمليه ؟؟ مكيفها بارد ؟ عزمها حلوو ولا تحن يعني جم يطبق الطبلون

شنو اخر موديل نزل منها ؟؟ واهم شي شلون صرفية البنزين وشاركر لكم تحياتي ..

هلابك اخوي معنا في المنتدى

:shy:

السياره عمليه نعم عمليه جدا و اعطالها قليله

مكيف بارد و بكل المقاييس و دفع الهواء قوي جدا يعني تشغل المروحه على 1 كأنها على 3 في اي سياره ثانيه .

على طاري العزم انا كانت عندي قير عادي و السياره جباره بمعنى الكلمه و عندي لها مقطع فيديو و انا امشي 245 كم و ال rpm على 7250 و مشوار من الدمام الى الرياض ولا قالت شي.
تسارع السياره جبار و تقدر تقارنها بعزم الالتيما اربعه سلندر.
طبعا السياره اول ما اخذتها بدون اي تعديل كانت تنزل اكثر شي 230 كم بعد تعديلات بسيطه صارت تسحب الى 245 .

اخر موديل نزل منها 2002

صرفية البنزين داخل الديره تمشيك 500 كيلو و اعبيها قل ب 50 ريال تقريبا 4 دينار كويتي

بالسفر على سرعه 160 تمشيك 600 كيلو .

طبعا هذي المقاييس للقير العادي الاوتوماتيك حدها 210 كم و تصرف اكثر من القير العادي بفرق واضح مثلا داخل الديره تمشيك 420 كيلو و بالخط تمشيك 500 كم على سرعه 160.

السياره تجميع بريطاني و المحركات يابانيه بالكامل .

طبعا السياره خفيفه بالوزن و بعد سرعه 140 انت في خطر .

فيها قطعه دايم تخرب تقريبا كل 40 او 50 الف كيلو تبداء تطلع صوت مع المطبات و كل الناس تحسب هذا الصوت من المساعدات و الصوت بالاساس من القاعد المربوطه في الشاسي و تمسك المساعد من فوق في برغي كبير يربط بين قاعده الشاسي و قاعده المساعد هذا البرغي داخله جلده و هذي الجلده تهتري مع بعد فتره و المشكله الجلده تجي كامله مع القاعده سعر القاعده الوحده تقريبا 220 ريال لكل جهه.

غير هذي المشكله ماشفت اي شي يعيب السياره من الناحيه الفنيه .

اي سؤال انا حاضر.

STronG

07-04-2006, 03:10 PM

مشكورين كل الشباب الي ردو علي الموضوع ما تقصروون

خصوصا الاخ انفنتى صراحه وجودك راحه :D

افدتنى بشكل كبير وحمستنى علي السياره

يعطيك الف عافيه ..