View Full Version : تجربة S500 /// A M G.... نقد حاد جداً ...
السلام عليكم ورحمة الله و بركاته ,,
بـســـم الله الـــرحمــــن الــرحيم ,,
ما شاء الله ولا حول ولاقوة الا بالله ,,
اخيراً والحمد لله .. جربت المرسيدس بنز S500 بكت AMG كامل ...
جنوط + شكل خارجي ..+ دبات و شكامين ... لتعطيك نفس صوت سيارات الـAMG الحقيقي ,,
طبعاً هذا كله ب 40 الف ريال ,, :)
مثل الي بالصور :
http://www.cars-club.com/gall/albums/userpics/thumb_Img408_Bg.jpg (http://www.cars-club.com/gall/displayimage.php?album=179&pos=1) http://www.cars-club.com/gall/albums/userpics/thumb_Img408_Bg_1.jpg (http://www.cars-club.com/gall/displayimage.php?album=179&pos=2) http://www.cars-club.com/gall/albums/userpics/thumb_Img408_Bg_2.jpg (http://www.cars-club.com/gall/displayimage.php?album=179&pos=3) http://www.cars-club.com/gall/albums/userpics/thumb_Img408_Bg_3.jpg (http://www.cars-club.com/gall/displayimage.php?album=179&pos=4)
السيارة كما تعرفون ,,
5.5 لتر
بقوة 388 حصان !!
و 530 نيوتن يبدأ.. من 2800 RPM......كأن عليها تربو !!
ملاحظة ....... هذي التجربة قمت بها بنفسي ومسؤول عنها 100 % ..
وهي عبارة عن رأي وتعبير شخصي .. لما حصل لي بالظبط خلال التجربة ... من دون أي تمثيل أو مجاملة ... أو تعصب ..... أو زيادة أو نقاصن ....
راح اعطيكم القصة الكاملة من البداية الى النهاية ...
و بدأت قصة التجربة .. حينما ذهبت صباح يوم الاربعاء حوالي الساعه التاسعة او العاشرة .. لوكالة الجفالي في الدمام ...
و الحمد لله دخلت المعرض ... وتم استقبالي افضل استقبال .. ولم يكن يوجد احد غيري في المعرض .. فأخذت راحتي مع المسوؤل عن المبيعات ..
عموماً... انا أتيت أول مانزلت السيارة و أخذت شرح خفيف عنها ..
لكن هذي المرة أتيت للتجربة خصيصاً...
لكي ارى ان كانت السيارة متوفرة أو لأ ...
عموماً... تم تحديد الموعد .. واخبار الوالد ... لأنه هو الي يهمه الأمر ..
وهو متحير بين البي ام الفئة السابعة أو المرسيدس أو اللكزس الجديد ...
و التجربة هي الي راح تقنعة بأي سيارة راح يشتريها ان شاء الله ...
وقت التجربة كان الساعة الخامسة .. وأتينا على الموعد ... وفعلاً... السيارة كانت جاهزة ..
ركبنا السيارة ومن اول احساس تحس بالراحة و الفخامة ...
لأن الكراسي ما شاء الله مصممه بطريقة عجيبة ... فهي رياضية و مريحة ...
وطبعاً السيارة واسعة جداً... او على الاقل تعطيك هذا الاحساس ..
السيارة كانت في مستودع المعرض ... و الطريق مسدود من الامام لذلك رجعنا الى الخلف .. وعلى طول ظهرت على الشاشة الرؤية الخلفية ... وبها خطوط .. تعلمك حجم السيارة بالظبط .. علشان ما تصدم او تحك في ايش شي ...
هذي الميزة عجبتني كثير ...
عموماً.. تحركنا ... وانا كنت بالخلف .. وجالس العب في بعض الازرار الي كانت موجودة ...
اول زر ضغطته كان للفتحة الخلفية ... "البنورما " ..
تستطيع التحكم فيه من الخلف ..
كما يمكنك تحريك الكرسي للامام او للخلف قليلاً.. او سدحه قليلاً :) اذا كنت تبي تنام :rolleyes:
ويوجد زر ايضاً للتكيف .. او للتسخين .. التكيف كان روعة بما ان اليوم الي طلعنا فيه كان شوي حر ,,
عموماً.. بعد ما تعدينا شارع المعرض .. و لفينا الى الشارع الاول ... بدانا نحس بعدم الراحه .. فالسيارة صلبة جداً..... وغير مريحة ..
الوالد جرب الفئة السابعة .. وقال انها افضل في الراحة بكثيييير ,,,
انا اتوقع العادية بدون كت AMG راح تكون افضل ... لأن الجنوط حجمها 19 او 20 ... فلذلك اظن عدم الراحه كان سببه الجنوط :think:
و للاسف .. الوالد كان حاب انه يجرب العادية الي بدون الكت ... لأنه ما راح يركب الجنوط هذي ... فهو يبي سيارة بالظبط مثل الي راح يشتريها ...
و الشي الثاني احنا طلبنا نجرب S350 ... و الي جاء معنا حق المبيعات.. قال انها 350 ... لكن للاسف طلعت 500 بعد ما رجعنا .....
والله يهديه ما كان عنده معلومات عن السيارة .. وبعضها كان غلط .. لكن مو مشكلة .. احنا جلسنا نعلمه بعض الاشياء الي فيها:) :) و أولهم المحرك و التكيف في الكراسي و التلفزيون وغيرها .....
عموماً.... رحنا حي الشاطىء .. وفيه شارع محترم للتجربة ... ففيه دوار .. وفيه
طريق معدوم تقريباً.. وفيه مطبات بجميع الاشكال ...
وذلك لنرى الراحه وكيف راح تتعامل مع مطبات البلد : ..
لكن كما سبق و ان قلت انها لم تكن مريحة ...
حتى الاخ الي جاء معنا .. قال اذا تبي الراحه خذ لنكن :D
الدوار ... السيارة كانت فيه ثابته... لكن للاسف .. السيارة تميل بدرجة مو هينه ...
مع اني كنت اظن ان عليها نظام للموازنة !!
لأن البي ام درجة ميلانها خفييييييييفة جداً. بالمقارنة مع البنز ...
كملنا الطريق .. وجاء طريق ممتاز للتجربة قوة السيارة .. ومن 40 - 120 .. السيارة طارت كأنها صاروخ ... غير صوت العوادم .!!! كان فعلاً روعة ....
طبعا في هذي النقطة كنا نظن ان السيارة S350 على حسب كلام المسؤول .. :sleep:
وقلنا له ما شاء الله بنز تطوروا كثيراً في المحركات .. اذا هذا ال 3.5 .. كيف ال 5.5 وكيف ال AMG 55 و 63 :D
عموماً... خلال المشي و الحواطه على الكورنيش .. لاحظنا صوت و طقه تطلع من تغير القير .. على السرعات المنخفضة ... :bomb:
انا استغربت .. وقلت السيارة كم ماشية !!
العداد كان على 17 الف فقط !!
والله غريبة .. السيارة توها جديدة .. وتطلع فيها اصوات قيور :( الصراحه حرام ,,,,
" لا يوجد اي تعليق من المندوب :D "
كل هذي الفترة الوالد كان يسوق ...
الان جاء دوري :eek:
حطيت القير في الـD.. ومشيت ..
طبعاً كما تعلمون القير علاقي :D و باللمس نقدر نقول تقدر تغير القيور ,,,
عموماً..
اول حاجه حسيت فيها .. ان اول الدعسه اذا ضغطتها ما تتحرك السيارة ... يعني فيها فراغ صغير ...
ما ادري ليه حاطينه .... الصراحه ازعجني اذا وقفت عند اشارة او غيرها ...لأن بعد الفراغ السيارة تفز فزة قوية نسبياً.. كما لو كان الفراغ دعسه لكن فاضية مالها فايدة وبعدين تكمل بعد الفراغ ..
عموماً... وقفت على جنب وقلت للشباب استعدوا ..... ابي اشوف القووووووووووووووووووووووة :knight:
من 0-150 !!!!! قسماً بالله ما حسيت مثل هذا الاحساس !!!!!!!!!!!!
ما شاء الله طياااااااااااااااااااااااااااااااااااااااارة ........ صااااااااروووووووووووخ
قووووووووووووووووووووووووووووووووووووووووووووووة ما تتصورنها .....
مع اني جربت سيارات قوية نسبياً... مثل الكورفتC5 وحتى الكابريس LTZ :D كلهم فوق ال 300 حصان !!!
لكن احساس مثل هذا ما شفت ...
اولاً من القوة الهاااااائلة .. وثانياً من العزم المجنووووووووووووووووووووووووووووون
تحس انك تقدر تسحب بلد كامل و مع ذلك تجيب ال 100 في 6 ثواني :d
مع ان تسارع السيارة هو 5.6 :sss: :blink:
فيا اصحاب اللومينات و و اللاتيمات الرجاء ابتدعدوا 100 كيلو .. اذا شفتوا بنز 500 فما فوق :D
لأنه لا توجد اي مقارنة ...
وهذا بسبب القوة الزائدة والعزم الجبار .....
واهم حااااااااجه هي تغيرات القير السباعي !
الصراحه انا عجبتني جداً..... فالتغيرااااات سرييييييييييييعه جداً و سلسة جداً.. ما تحس فيها تقريباً..
لكن ياليت ماكان فيه مشكلة الصوت الي يطلع :(
المهم .. في نص التجربة ......لاحظت شي غريب ...!!!
وعكس عما سمعت عن السيارة .......!! وقرأت عنها !!!!!
الشي الي استغربت منه ...... هو :
عزل الصوت !!!!!!!!
كان مرررررة تعبااااان ... مع ان السرعة كانت عادية 120 فقط ...
لكن الصوت كان مرة مرتفع ......
لاحظت ان فتحات البنورما كان مزال عنها الغطاء ..
قلت اكيد هذا السبب .....
قفلناها ..... لكن للاسف !! الصوت ما زال مرتفع ....
و لو قارنا السيارة بألتيما ... فعزل الصوت في اللاتيما افضل مرتين على الاقل !!
ممكن هذي تتصرف لأن ذاك اليوم كان متحرك شوي هواء :D
أخيراً... ملخص للتجربة :
السلبيات ...
1- غير مريحة
2- ميلان في اللفات
3- صوت في القير عن السرعات الخفيفة
4- عزل الصوت سيء نسبياً
5- فراغ بسيط في دعسة البنزين .. ليس له اي داعي .. ويسبب مشاكل عند الاشارات او عند اي وقوف ,,
6- سعر مرتفع جداً بالمقارنة بالبي ام ...
فسعر ال S350
379 الف .. وهذي ستاندر
و ال 500
ب480 الف ..
الايجابيات :
1- قوة غير طبيعية
2- عزم جبار جداً..
3- تسارع مجنووووون على سيارة بهذا الحجم و الوزن !!
4- تغيرات القير سريعة و سلسة جداً..
5- شكل يعجب و يبهر الجميع ..
6- ضمان 4 سنوات مفتوح الكيلو ...هذي اول مرة تصير في الجفالي ... فضمانهم معروف انه 3 سنوات او 60 الف كيلو ...
غير مصنف :
1-الدركسون "الطارة" .. خفيفة جداً
2- لايوجد الكثير من الازرار او اشياء التحكم في السيارة في الامام ..
فكلها مجموعة في الشاشة او خط صغير من الازرار ... اما الباقي " من تحت الساعة" فكلها مخبائة بدروج .. او تلاقيها مساحات للتخزين ...
3- انتظار 3 شهور عند طلب مواصفات للسيارة مثل اللون او اي حاجه .. فالموجود كما يطلقون عليه " ستاندر الجفاليS350 " ويأتي بمواصفات عادية نسبياً.,, اما ال 500 غير موجود كلياً... ويجب طلبه
الملخص :D :
السيارة روعة بمعنى الكلمة ... ولا احد ممكن انه ينكر هذا الشيء ...
لكني تحطمت بعض الشيء من الاشياء الي حصلت لي او الي اكتشفتها .....
هذي السيارة اشتريها للأشياء التالية واترك الباقي علشانها ...
1- الشكل + كت الAMG + بنورما...
2- القوة من 5.5 لتر !!
3- تغيرات القير السريعة ....
لكن المشكلة ...
" الحياة الواقعية :D "
1- ما راح ناخذها بكت AMG
2- ما راح ناخذ الـS500..>>> راح ناخذ الـS350
3- هذا يجي ستاندر :sleep:
المهم .. طلبنا تجربة S350 وراح نجربها قريباً ان شاء الله لكي نرى الفرق ,,وان شاء الله يصير فيه فرق(dontno) .. و تتغير وجهة النظر ..|mm|
هذا الموضوع تمت مناقشته في نادي السيارات (http://www.cars-club.com)
http://www.cars-club.com/vb/showthread.php?p=134782
الي حاب يشوف مناقشة هادفه مع صاحب مرسيدس S500
تحياتي ,,
FSM
UAE-Warrior
03-05-2006, 06:12 AM
شكرا على هالتجربه
والله يوفقكم في اختيار السيارة المناسبه
ولو منك مع اني من اشد المعجبين بالمرسيدس اقوووول :cool: اكبر "بي ام دبليو" :D
صراحه معلومات مفيده وانا انصدمت بهلأعطال :think: بس ما استغرب
انا كان عندي مرسيدس اي كلاس 320 موديل 2003 والله الهوندا احسن عنه من ناحية امتصاص الصدمات :mad:
المهم
شكرا وما قصرت وبارك الله فيك
واذا مب مستعيلين على السيارة اتريو اللكسز اليديد شكله مابيسوي سالفه لا حق مرسيدس ولا بي ام :knight:
cruiser2000
03-05-2006, 07:19 AM
والله صراحة انا انصدمت يوم شفت السلبيات معقولة مش مريحة ؟
الزين وضعية الكرسي ممكن تأثر
سؤالي اخوي FSM هل مشيت فوق شارع فيه مطبات وحفر ؟
اذا نعم، كيف كان امتصاص الحفر هل كنت تحس بها أو لا ؟
والله يوفقك في التجارب القادمة وان شاء الله نشوف تجاربك في مجلات عالمية
Be Away Of My Way
03-05-2006, 08:44 AM
الله يدلك على اللي فيه الخير
ولو أن مكان الوالد
ماراح أشتري غير الـ BMW الفئة السابعة
يا ناس تذبحني هالسيارة
مووووووووووووووووووووووت :black:
مع إن صيانتها جداً مكلفه على حد علمي
وعلى كل حال
الله يوفقكم في التجربة القادمة ، ولا تنسانا من الصور
تحياتي
Dr cars
03-05-2006, 08:49 AM
شكرا لك يا أخ FSM
صراحة أنا أحب النقد الموضعي في اي سيارة .صراحة التجربة روعة و عطيتني فكرة عن السيارة و أنا من زمان كنت أقول لازم مرسيدس تغير هذا المحرك القديم و أخيرا غيروه .
العيوب عادية ما عدا الجير غريبة نوعا ما و ممكن تكون حالة خاصة( الله أعلم)
ألف شكر مرة ثانية و خلينا نشوف تجاربك كمان و كمان :-)
Dreams_Maker
03-05-2006, 09:34 AM
اعتقد تجربه ال350 هي الفاصل في الاختيار... خصوصا إذا طلعت نفس هالمشاكل :sleep:
بس مستغرب من سالفة الصلابة على الطريق والميلان وصوت الجير... :sss:
حركة تغير موضع الكراسي الخلفية...هذه اول مره شفتها بالجلوريا :D
وكلام اللي معاكم صحيح..تبي راحه خذ لنكن...هذا واقع :D :D
بس رغم هذا...والله السيارة تسوى....شكلها مثير بالأبيض :banana:
عموماً...الله يوفقكم بالسيارة المناسبة
تحياتي
سيارات التجارب لا تعطيك الانطباع الكامل ............
ممكن ان تكون بها مشكله ........
abumhdi
03-05-2006, 11:59 AM
موضوع جميل ..ونقاط مفيدة ..
وتعليق طيب :-)
لكن اتوقع ( العيوب ) الملاحظة في السيارة التي جربتموها .. مثل عزل الصوت .. قد يكن عيب مصنعي .. لأنهم بيستخدموا عادة السيارة اللي فيها بعض العيوب للتجارب .. الزبائن .
أما من ناحية الميول .. فهذا يعد (شي غريب) .. لأن المرسيدس معروووف بثباته العجيب .!
من ناحية ملاحظتك : انها غير مريحة ( فهو شي مستغرب ) لأن المرسيدس أول مايوصف بالراحة .. لكني اتوقع وصف الراحة من شخص لأخر بيختلف.. حيث بعد الناس تنظر للراحة بطريقة الجلسة .. والبعض ينظر للراحة براحة المقاعد .. وغيرها .!
واما سالفة الفراغ اللي بدعسة البنزين .. :think: .. شي لا يطاق .. مع اني اتوقع انه عيب مصنعي .. واذا كان بجد هي كده .. تكن الحركة مزعجة شوي .. ويبي لها واحد يعتاد عليها .. :p
تعليق حلوو .. ووصف احلى .. :D
شكراً لك ،،
red_RPM
03-05-2006, 12:36 PM
مشكوور علي التجربه
وإنشاء الله يوفقكم وتاخذون السياره اللي علي مزاجكم
السياره فيها هيدروليك؟ لأن إذا فيها ممكن تميل باللفات
وبالنسبه للميلان يعتمد علي طريقة دخول الدوار والسرعه ولفة المقود يعني ممكن اي سياره تميل
بالنسبه للقير بالغيارات السبعه انا عندي نفسه ومافيه اي طقه اللهم التغيير عند تخفيف السرعه ويحصل تخميد للسرعه بالقير فتحس بطقه وهي موطقه ولاشي هي وممكن إزالتها بتغيير السبرنغات في القير وعلي الكفاله
لاتنسي إنها سيارة تست وماشيه 17000 كيلو يعني مثل مشي سياره عاديه 300000 كيلو
لأن الناس ممكن يسيؤن استخدامها طبعا ماقصدكم انتا والوالد عسي الله يحفظه
بس تدري من موظف لي موظف ومن مدير لزبون والله اعلم كيف يستخدمونها
البي أم معروف بسلاسة القياده ويسمونها درايفر كار
بس شكلها راح يتغير بعد سنه او سنتين
وبالتوفيق
uae speed
03-05-2006, 01:07 PM
يعطيك العافيه اخوي FSM على التجربه :)
بخصوص الراحه ، أتوقع مثل ما انت ذكرت بسبب الرنقات الكبيره ..
والتواير اللي عليها رياضيه ، وأعتقد انهم مركبين سبرنقات رياضيه للسيارة عشان كت الـAMG اللي عليها يكون متناسق! طبعاً كلها توقعات ..
بخصوص القير ، مثل ما سمعت من واحد من الشباب ، ان تبديلاته سريعه ورياضيه ..
لذلك اتحس فيه غير مريح .. واتوقع في اوبشن في المرسيدس يخليك تتحكم بنوعية
القياده و قوة القير .. يعني سبورت او عادي ....
السعر طبعاً بدون تعليق !!
على فكره حاول تقنع الوالد ينتظر شوي لين ما ينزلون الـ S 63 AMG :D
شكرا لك عزيزي ، وننتظر المزيد منك :)
MR.FERRARI
03-05-2006, 01:28 PM
بصراحة .................... صُدمت بالتجربة
جميع السلبيات اللي ذكرتها تعتبر مميزات للمرسيدس من حيث الراحة والعزل والثبات
أنا جربت قبل فترة ( إي 240 ) كانت خراااااااااافية جدا راحة متناهية ثبات مبهر عزل رائع لم يصدر عن اغلسيارة أي صوت مع العلم إن السيارة ماشية 115000 كلم
ممكن حسب ما يقولوا الشباب عيوب مصنعية (( وهذي في جميع السايارت بلا إستثناء )) وأيضاً لأنها سيارة تجارب
على العموم مشكور وماقصرت ليه ما تقول للوالد ياخد مازراتي كواتروبورتي ؟
رفجة عرب
03-05-2006, 02:05 PM
صراحة كلامك وتجربتك ونقدك حلوووو .. لكن اتمنى انك تحكم على السيارة بعد ماتجرب ال S350 ..
TOP-SECRET
03-05-2006, 02:29 PM
حسافه والله الـ s كلاس من اعرق السيارات في المرسيدس
وحرام نشوف مثل هذي السلبيات لو شفناها في سيارات بسعر مابين 65 الى 90 الف
بنقول معليه عامل السعر وووو لكن في مرسيدس وسعره 480 الف وهذي المشاكل :think:
الله يوفقكم ياخوي وعلى فكره سعر البي ام دبليو 760LI الـ 12 سلندر نفس السعر تقريبا
راعي الايفو
03-05-2006, 04:01 PM
اولا تسلم عالتجربة الرائعه
ثانيا عن الميلان اسمح لي انا مو مقتنع في كلامك لان احنا عندنا E280 وعند صاحبي S500 موديل 2001 وانا راكب فيهم ثنتينهم والكل عارف ان افضل لفة دركسون و راحه في الفات والمنعطفات هو المرسيدس
عن الرحه او الصلابه تاكد من نظام الهيدروليك
تاكد انه محطوط على سوفت
لان يجي فيه سبورت وهذا يصير خشن ويفضل للسرعات العاديه ويجي فيه سوفت للمشي العادي
على كل الله يوفقكم
1100R
03-05-2006, 04:43 PM
تجربة حلوة وعجبتني صراحتك...
تعليقي على السلبيات:
بالنسبة لتعليق السيارة..يمكن السبب حجم الجنوط..سيارتي جنوطها 17 ركبت سيارة
واحد اعرفة عندة نفس السيارة بس 16 صرحة في فرق..
بس برضو سيارة قمتها 350 واساس المرسيدس المفروض تكون مريحة حتى لو عليها
مقاس 40 :D خصوصا ان الموديل السابق مريح جدا :banana:
اما للفراغ الي في الدعسة فهذا موجود في كل سيارات مرسيدس..بعكس البي الم
الي تقفز معاك من لمسة بسيطة...حتى سيارات اوبل فيها هذا الفراغ وطبعا كل شركة
لها اسلوبها :)
بس جربت الاي كلاس موديل 2003 صراحة كان تباثة حلو..وعزلة الصوتي احلى..
ما اقدر اتفلسف الا لمن اجرب السيارة :D
الشبابي
03-05-2006, 05:54 PM
اخوي FSM ..
تجربة رائعة ماشاء الله .. وشكل السيارة حلو بالكت ...
ومشكلة قساوة التعليق هذي موجود بالمرسيدس حتى الشكل اللي قبله نفس الشئ ، و البي ام من ناحية نظام التعليق افضل بكثير من مرسيدس وعن تجربة البي ام ارسى وانعم من المرسيدس واقل اعطال من ناحية نظام التعليق لأن المرسيدس يجي هيدروليك ممكن يتعطل في اي لحظة اما البي ام لأ ... وحتى لو جربتوا الاس 350 بأصغر مقاس جنط راح تلاحظون القساوة وان كانت اقل ... وجرب ال 745 بجنوط 18 مقاس 245 / 50 / 18 و شوف الفرق الكبير في النعومة ..
بالنسبة للعزل فهذا غريب جدا .. :blink: معقول المرسيدس عزله سئ ؟؟ اذا كان كذا فهذي مشكلة كبيرة ... ماهو معقول ادفع فلوس في سيارة حول نص مليون ريال واخذها بعزل سئ ...
وبالنسبة للميلان هل انت متأكد ان السيارة مزودة بنظام ABC ؟؟
واعتقد قلة الازرار الموجودة في الطبلون ترجع لكون السيارة ستاندرد .. ربما هي 550 ستاندرد ...
والفراغ في الدعسة انا الاحظه دائما في السيارات اللي تنكرف كثير مثل سيارات الايجار واعتقد بسبب كرف هذي السيارة صارت كذا والله اعلم ...
في النهاية احب اقول لك ان المرسيدس اعلى استهلاك من البي ام واغلى بكثير الان بسبب نصب الوكيل والا الاس 550 في امريكا يبدأ من 322 الف ريال ..
واذا كنت الوالد معزم يبي مرسيدس خله ينتظر الى الموديم القادم ، اتوقع يتلافون الكثير من المشاكل ويرخص السعر او ياخذ البي ام او الكزس الجديدة ..
اخوكم الشبابي
سنـاري
03-05-2006, 07:06 PM
تجربة ممتازة جدا لسيارة نحتاج معلومات عنها في المنتدى
اعجبتني طريقة سرد الافكار
لكن "في المستقبل" سيارة فوق 200 الف مستحيل اشتريها
شكرا
ra3y_v8
03-05-2006, 07:17 PM
مشكووووووووووووور على التجربه الي الصراحه اشوفها امثل طريقه للتجريب ...
لكن فيه نقاط استغربت منها ..
اول فئه من مرسيدس تطوف عليها مشكله الهواء والميلان وعدم الراحه..
الصراحه..
استغربت منها :sss:
الهاوي جروب
03-05-2006, 09:08 PM
مشكور ياليتك صورتها لنا
قلق و رجه
03-05-2006, 09:36 PM
(¯`'•.¸§(¯`'.•'´¯)§ ¸.•'´¯)
تجربه اكثر من رائعه
لسيارة تعتبر تحفة فنيه
انا اعتقد لو تجرب سياره ثانيه يمكن تفرق معك
تصدق شاك في السياره اللي جربتها
خاصة العزل ما اتوقع يكون سيئ ابدا
ويعطيكـ الف عافية ومبروكـ مقدما على السياره
(_¸.•'´ ""*`'•.¸_)
ghanim79
03-05-2006, 10:20 PM
مشكور على التجربه الحلوه
اما من ناحيه الراحه بالقياده وسلاسة التغيرات بكل جادره البي ام افضل انا عندي 735 2003 بصراحه سواقتها تفرق كثير عن المرسيدس واول شي تحس فيه بالفرق الدركسون ...
super x1
03-05-2006, 10:30 PM
الله يسلمك على هذي التجربة
بصراحة طريقة كتابتك للموضوع فيها تنكيت هذي طريق عجبتني كثير
المهم
الS500 جبارة عليها محرك دماااار
وانا ما توقعت أنها ما تكون مريحه حسب كلامك لاني أخر S-class ركبتها كانت الفياقرا
وبصراحة السيارة كانت مريحة بالنسبة لي
بس هذي السيارة تعتبر سيارة رسميات مناسبات والمرسدس ال S دايمن يكون ميرح
في المقعد الخلفي
عندي المرسدس S300 موديل 91 ليست مريحة أبدا في المقعد الأمامي, اتحس نفسك قاعد فوق صخرة
بس تسلم على التقرير مرة ثانية
وانشاء الله تجيبوا ألي في خير
BMW 730 أو S 350 بصراحة كلهم أحسن من بعض
تحياتي
EL_3grab
03-05-2006, 10:46 PM
تسلم عالتجربه ..
.. عازليه الهوى بدت من الـCLS .. ومن كلامك الـS تعادت .. :D
يوم مالت السيارة .. قولنا كم كنت داخل الدوار .. أذا فوق الـ100 .. معقول .. بس تحت .. فيها أنه السالفه ..
وأخيرا .. في 760 04 للبيع ماشي 11 .. :D :D :D
تحياتي
UAE-Warrior
شكرا على هالتجربه
والله يوفقكم في اختيار السيارة المناسبه
ولو منك مع اني من اشد المعجبين بالمرسيدس اقوووول اكبر "بي ام دبليو"
صراحه معلومات مفيده وانا انصدمت بهلأعطال بس ما استغرب
انا كان عندي مرسيدس اي كلاس 320 موديل 2003 والله الهوندا احسن عنه من ناحية امتصاص الصدمات
المهم
شكرا وما قصرت وبارك الله فيك
واذا مب مستعيلين على السيارة اتريو اللكسز اليديد شكله مابيسوي سالفه لا حق مرسيدس ولا بي ام
هلا فيك اخوي ,,
المرسيدس روعة بمعنى الكلمة ... خصوصاً شكلها له هيبة كبيرة ... وافضل من البي ام من هذي الناحية .....
وحتى القوة المرسدس اقوى ... لكن الصراحه البي ام متفوقه بأشياء ثانية .... فضلاً عن فرق السعر الشااااااسع ...
وان شاء الله راح ننتظر اللكزس ونشوف ايش عندهم ... لأنا مو مستعجلين
cruiser2000
والله صراحة انا انصدمت يوم شفت السلبيات معقولة مش مريحة ؟
الزين وضعية الكرسي ممكن تأثر
سؤالي اخوي FSM هل مشيت فوق شارع فيه مطبات وحفر ؟
اذا نعم، كيف كان امتصاص الحفر هل كنت تحس بها أو لا ؟
والله يوفقك في التجارب القادمة وان شاء الله نشوف تجاربك في مجلات عالمية
اخوي فعلاً السيارة عكس ما تصورت كلياً.....
واحنا رحنا شارع مليييييييء بالطبات و الحفر .. تحس بكل مطبه ,, وكما قلت .. اتوقع انه من الجنوط ذات الحجم الكبير ...
و تجاربي ان شاء الله راح تعرض في مجلة قريباً.. :sss: :banana:
Be Away Of My Way
الله يدلك على اللي فيه الخير
ولو أن مكان الوالد
ماراح أشتري غير الـ BMW الفئة السابعة
يا ناس تذبحني هالسيارة
مووووووووووووووووووووووت
مع إن صيانتها جداً مكلفه على حد علمي
وعلى كل حال
الله يوفقكم في التجربة القادمة ، ولا تنسانا من الصور
تحياتي
والله شوف ... الوالد الان عاجبته البي ام اكثر .... لكن ان شاء الله نجرب ال 350 و نشوف الفرق ..
و الصيانة في السياراتين ممتااااازة جداً.....
البي ام عندهم عرض جديد ...
5 سنوات صيانة و ضمان .... ما تدفع الا البنزين
المرسيدس 4 سنوات ضمان ... و مفتوح الكيلو ..
Dr cars
شكرا لك يا أخ FSM
صراحة أنا أحب النقد الموضعي في اي سيارة .صراحة التجربة روعة و عطيتني فكرة عن السيارة و أنا من زمان كنت أقول لازم مرسيدس تغير هذا المحرك القديم و أخيرا غيروه .
العيوب عادية ما عدا الجير غريبة نوعا ما و ممكن تكون حالة خاصة( الله أعلم)
ألف شكر مرة ثانية و خلينا نشوف تجاربك كمان و كمان
هلا فيك اخوي .. وفعلاً... النقد في هذي الايام نحتاج له و بقوة .. وأهم شي يكون نقد على اساس و بدون زيادة او نقصان ....
ومثل ما قلت .. حرام تمدح في السيارة وهي فيها مشاكل او خرابات ... وفي الاخير واحد من الزوار يشوف موضوع و يتفاجأ بالواقع ,,, وتكون انت سبب في خسارته ,,
بالنسبة للقير انا استغربت ,, لأن السيارة فعلاً جديدة ... لكن استخدام السيارة ممكن يكون سيء .. لأنها سيارة تجربة ,,, الله اعلم ...
Dreams_Maker
اعتقد تجربه ال350 هي الفاصل في الاختيار... خصوصا إذا طلعت نفس هالمشاكل
بس مستغرب من سالفة الصلابة على الطريق والميلان وصوت الجير...
حركة تغير موضع الكراسي الخلفية...هذه اول مره شفتها بالجلوريا
وكلام اللي معاكم صحيح..تبي راحه خذ لنكن...هذا واقع
بس رغم هذا...والله السيارة تسوى....شكلها مثير بالأبيض
عموماً...الله يوفقكم بالسيارة المناسبة
تحياتي
هلا فيك اخوي ,, والله بالنسبة للصلابة ... فاحتمال كبير انها تكون من الجنوط .. او من الاعدادت للسيارة .. مع انا ما جربنها ...
اما بالنسبة للميلان .. فأغلب الظن ان السيارة ما عليها نظام الموازنة ...
اما بالنسبة للراحه ... فالسيارة غير مريحة ... الى حد معين ... يعي ما راح اقارنها بددسن :D ..
لكن انا دافع 480الف ... لازم احصل شي بالمقابل ,,,
سيارات التجارب لا تعطيك الانطباع الكامل ............
ممكن ان تكون بها مشكله ........
صحيح ... خصوصاً انا ماجربنها وقت طويل ... حوالي نص ساعة ... لكن اعتقد انها كافية بعض الشيء ..
abumhdi
موضوع جميل ..ونقاط مفيدة ..
وتعليق طيب
لكن اتوقع ( العيوب ) الملاحظة في السيارة التي جربتموها .. مثل عزل الصوت .. قد يكن عيب مصنعي .. لأنهم بيستخدموا عادة السيارة اللي فيها بعض العيوب للتجارب .. الزبائن .
أما من ناحية الميول .. فهذا يعد (شي غريب) .. لأن المرسيدس معروووف بثباته العجيب .!
عزل الصوت انا اتوقع انه من البانورما ...
لأني جربت سيارات نفس الموديل .. بفتحه .. وبدون فتحه .... عزل الصوت يفرق كثيييييييير ..
والبانورما عبارة عن فتحتيتن ,,
اما الميل فالسيارة وزنها 2.5 طن ,,, فبدون نظام موازنه ..... فالميلان شي وارد جداً...
اما الثبات فحاجه ثانية ... فالسيارة ثااابته جداً... لأن عليها كفرات ذات حجم كبير جداً... فيعطها grip عالي ...
من ناحية ملاحظتك : انها غير مريحة ( فهو شي مستغرب ) لأن المرسيدس أول مايوصف بالراحة .. لكني اتوقع وصف الراحة من شخص لأخر بيختلف.. حيث بعد الناس تنظر للراحة بطريقة الجلسة .. والبعض ينظر للراحة براحة المقاعد .. وغيرها .!
واما سالفة الفراغ اللي بدعسة البنزين .. .. شي لا يطاق .. مع اني اتوقع انه عيب مصنعي .. واذا كان بجد هي كده .. تكن الحركة مزعجة شوي .. ويبي لها واحد يعتاد عليها ..
تعليق حلوو .. ووصف احلى ..
شكراً لك ،،
صحيح ... الراحه شي نسبي ... وكما ذكرت ... السيارة فيها راحه .. ومن الظلم انا نقول انها غير مرحيه بتااااااااتاً..... لكنها قاسية .. وعكس ما قرات و سمعت عنها ...
اما الكراسي فأفضل كراسي جلست عليهم بسيارة .... فهي مريحة جداً... و رياضية ايضاً...
لكن تعليق السيارة قاسي قليلاً...
و الفراغ انا اول مرة اشوفه بسيارة ..... لكن احد الاخوان ذكر انه يجي في سيارات مرسيدس .. قياسي .... اللهم اعلم ما هذي السياسة ... لكنها لم تعجبني بتاتاً
red_RPM
مشكوور علي التجربه
وإنشاء الله يوفقكم وتاخذون السياره اللي علي مزاجكم
السياره فيها هيدروليك؟ لأن إذا فيها ممكن تميل باللفات
وبالنسبه للميلان يعتمد علي طريقة دخول الدوار والسرعه ولفة المقود يعني ممكن اي سياره تميل
بالنسبه للقير بالغيارات السبعه انا عندي نفسه ومافيه اي طقه اللهم التغيير عند تخفيف السرعه ويحصل تخميد للسرعه بالقير فتحس بطقه وهي موطقه ولاشي هي وممكن إزالتها بتغيير السبرنغات في القير وعلي الكفاله
والله ما ادري اذا السيارة فيها هايدروليك او لأ. ... لكن مبين ان مافيها ... لأنها جالسة تميل ..
اما الطقة ... فمثل ما وصفت .. على السرعات المنخفضة تطلع ....
و اذا تتغير على الكفالة .. يعني خراب فيها ... صح و الا لأ . :D
لاتنسي إنها سيارة تست وماشيه 17000 كيلو يعني مثل مشي سياره عاديه 300000 كيلو
لأن الناس ممكن يسيؤن استخدامها طبعا ماقصدكم انتا والوالد عسي الله يحفظه
بس تدري من موظف لي موظف ومن مدير لزبون والله اعلم كيف يستخدمونها
البي أم معروف بسلاسة القياده ويسمونها درايفر كار
بس شكلها راح يتغير بعد سنه او سنتين
وبالتوفيق
و السيارة فعلاً... للتست ... و الظاهر يعطونها بعض الزبائن ليوم كامل او اكثر ... فممكن الاستعمال الخاطيء اثر عليها ....
و صحيح ماذكرت عن البي ام ... فهم افضل سيارات في متعة القيادة .. :-)
و بالنسبة للشكل .. صحيح انه راح يتغير ... لكنه ما يهم الوالد ... فكل سياراتنا الي عندنا ... تغير شكلهم الموديل الي بعد ...فما تفرق :D
uae speed
يعطيك العافيه اخوي FSM على التجربه
بخصوص الراحه ، أتوقع مثل ما انت ذكرت بسبب الرنقات الكبيره ..
والتواير اللي عليها رياضيه ، وأعتقد انهم مركبين سبرنقات رياضيه للسيارة عشان كت الـAMG اللي عليها يكون متناسق! طبعاً كلها توقعات ..
بخصوص القير ، مثل ما سمعت من واحد من الشباب ، ان تبديلاته سريعه ورياضيه ..
لذلك اتحس فيه غير مريح .. واتوقع في اوبشن في المرسيدس يخليك تتحكم بنوعية
القياده و قوة القير .. يعني سبورت او عادي ....
السعر طبعاً بدون تعليق !!
على فكره حاول تقنع الوالد ينتظر شوي لين ما ينزلون الـ S 63 AMG
شكرا لك عزيزي ، وننتظر المزيد منك
الراحه فعلاً.. كما ذكر و ممكن تكون من اشياء ثانية مثل الاعدادات او غيرها.. الله اعلم ..
اما لقير السباعي فالصراحه من افضل القيور الي جربتها الى الان .. ومع انه سرررررييييييع جداً... الا انه مريح جدً... يعني ما تحس فيه تقريباً ..من سرعته
السعر غالللللي جداً... و الدفعات الجاية ممكن تكون ارخص ...و ال 350 هي افضل خيار :D
خخخخخخخخخخخ اما بالنسبة لل s63 فاغسل يييدك خخخخخخ اذا ال 500 ب نص مليون ... ال63 تطلع بخمسة مليون :D
MR.FERRARI
بصراحة .................... صُدمت بالتجربة
جميع السلبيات اللي ذكرتها تعتبر مميزات للمرسيدس من حيث الراحة والعزل والثبات
أنا جربت قبل فترة ( إي 240 ) كانت خراااااااااافية جدا راحة متناهية ثبات مبهر عزل رائع لم يصدر عن اغلسيارة أي صوت مع العلم إن السيارة ماشية 115000 كلم
ممكن حسب ما يقولوا الشباب عيوب مصنعية (( وهذي في جميع السايارت بلا إستثناء )) وأيضاً لأنها سيارة تجارب
على العموم مشكور وماقصرت ليه ما تقول للوالد ياخد مازراتي كواتروبورتي ؟
اخوي المرسيدس فعلاً مميزاته كثيرة ... منها الراحه و العزل و الثبات ... وهذا ما سمعنها ..
لكن التجربة تثبت غير ...
فالرحاه كما قلت ... كان لها عوامل كثير تأثر عليها...
و العزل ايضاً... اعتقد البنورما كانت السبب ..
اما الثبات .. فممكن فهمتني خطأ...
فهناك فرق بين الميلان و الثبات .....
الميلان هو ميلان جسم السيارة في الدورات و غيرها ...
لكن الثبات هو grip بكل بساطه .. يعني تحس السيارة فعلاً ثابته .. لكنها تميل كثيراً..
عموماً... العيوب ما اظنها عيوب مصنعية ... وما اظن مرسدس تحط سيارتها التجربة وبها عيوب مصنعية !!
اما المزيراتي فما اظنها من الخيارات ...
لأن شكلها شوي بشع مقارنة بالمرسيدس او البي ام .. ثانياً.. لايوجد وكيل لها في الشرقية على حسب علمي ,,
رفجة عرب
صراحة كلامك وتجربتك ونقدك حلوووو .. لكن اتمنى انك تحكم على السيارة بعد ماتجرب ال S350 ..
هذا الي راح يصير ان شاء الله و نشوف الفرق ,,
TOP-SECRET
حسافه والله الـ s كلاس من اعرق السيارات في المرسيدس
وحرام نشوف مثل هذي السلبيات لو شفناها في سيارات بسعر مابين 65 الى 90 الف
بنقول معليه عامل السعر وووو لكن في مرسيدس وسعره 480 الف وهذي المشاكل
الله يوفقكم ياخوي وعلى فكره سعر البي ام دبليو 760LI الـ 12 سلندر نفس السعر تقريبا
والله كانت صدمة قوية بالنسبة لي ... فأنا حجزت التجربة للوالد علشان اقنعه فيها بدل البي ام ...و التجربة خير برهان ....
لكن الصراحه انصدمت بقوة .... الان انا اقوله يحول على البي ام ..... خصوصاً اذا فشلت ال 350 ايضاً.. :cry1:
صحيح ,, ال 760 تقريباً نفس السعر بالظبط .. خبري فيها ب 480 الف .. لكن الفق الوحيد الي فيها بين 760 و ال 750 هي المحرك .. وممكن تطلب المواصفات الي تبيها على ال 740 او حتى ال 730 ,, و بسعر اقل بكثير عن المرسيدس ....
راعي الايفو
اولا تسلم عالتجربة الرائعه
ثانيا عن الميلان اسمح لي انا مو مقتنع في كلامك لان احنا عندنا E280 وعند صاحبي S500 موديل 2001 وانا راكب فيهم ثنتينهم والكل عارف ان افضل لفة دركسون و راحه في الفات والمنعطفات هو المرسيدس
عن الرحه او الصلابه تاكد من نظام الهيدروليك
تاكد انه محطوط على سوفت
لان يجي فيه سبورت وهذا يصير خشن ويفضل للسرعات العاديه ويجي فيه سوفت للمشي العادي
على كل الله يوفقكم
والله هذا الي خطأنا وما شفنها ... الاعدادات ... لكن برضو ... مو المفروش انه تميل مثل كذا . :think:
وان شاء الله في تجربة ال 350 راح نجرب كل شي بالتفصيل ,,
1100R
تجربة حلوة وعجبتني صراحتك...
تعليقي على السلبيات:
بالنسبة لتعليق السيارة..يمكن السبب حجم الجنوط..سيارتي جنوطها 17 ركبت سيارة
واحد اعرفة عندة نفس السيارة بس 16 صرحة في فرق..
بس برضو سيارة قمتها 350 واساس المرسيدس المفروض تكون مريحة حتى لو عليها
مقاس 40 خصوصا ان الموديل السابق مريح جدا
..
فعلاً اخوي.. الجنوط تفرق كثيييييييير حتى سيارتي انش واحد فرق كثير في الرااحه ... فعلشان كذا راح نجرب ال 350 و نشوف الفرق ...
مع ان المقاس الكبير طالع عليها مووووووووووت :eek:
اما للفراغ الي في الدعسة فهذا موجود في كل سيارات مرسيدس..بعكس البي الم
الي تقفز معاك من لمسة بسيطة...حتى سيارات اوبل فيها هذا الفراغ وطبعا كل شركة
لها اسلوبها
بس جربت الاي كلاس موديل 2003 صراحة كان تباثة حلو..وعزلة الصوتي احلى
اما الفراغ الصراحه ما عجبني ,, وما ادري ايش فايدته :blink:
لأنه ازعجي في الاشارات .. :ranting:
الشبابي
اخوي FSM ..
تجربة رائعة ماشاء الله .. وشكل السيارة حلو بالكت ...
ومشكلة قساوة التعليق هذي موجود بالمرسيدس حتى الشكل اللي قبله نفس الشئ ، و البي ام من ناحية نظام التعليق افضل بكثير من مرسيدس وعن تجربة البي ام ارسى وانعم من المرسيدس واقل اعطال من ناحية نظام التعليق لأن المرسيدس يجي هيدروليك ممكن يتعطل في اي لحظة اما البي ام لأ ... وحتى لو جربتوا الاس 350 بأصغر مقاس جنط راح تلاحظون القساوة وان كانت اقل ... وجرب ال 745 بجنوط 18 مقاس 245 / 50 / 18 و شوف الفرق الكبير في النعومة ..
صحيح .. الكت طالع عليها مووووووت فعلاً السيارة تصير شكل ثاني ... واحلى بكثييييير
وكما قلت فعلاً... من تجربة تعليق البي ام انعم و افضل ... وكما تفضلت اقل خربات .. ياما شفنا مرسدسات مسدحه .... تلاقي الهيدرولك خربان ... ومع شورعنا ... احتمالية الخراب وارده اكثر ..
وان شاء الله راح تتم تجربة البي ام تجربة مفصلة و مطولة ... لكني نشوف الفرق...
بالنسبة للعزل فهذا غريب جدا .. معقول المرسيدس عزله سئ ؟؟ اذا كان كذا فهذي مشكلة كبيرة ... ماهو معقول ادفع فلوس في سيارة حول نص مليون ريال واخذها بعزل سئ ...
وبالنسبة للميلان هل انت متأكد ان السيارة مزودة بنظام ABC ؟؟
ا
نظام الميلان والله ما ادري اذا كان متوفر عليها ... انا حسبته انه يجي ستاندر !!
واعتقد قلة الازرار الموجودة في الطبلون ترجع لكون السيارة ستاندرد .. ربما هي 550 ستاندرد ...
والفراغ في الدعسة انا الاحظه دائما في السيارات اللي تنكرف كثير مثل سيارات الايجار واعتقد بسبب كرف هذي السيارة صارت كذا والله اعلم ...
قلة الازرار سببها وجود الكوماندر ... يعني اغلبها استبدل ....
وانا كان قصدي ان السيارة من الداخل بدون ازرار شكلها غير فخم ... حتى المندوب الي معنا ... يقول من الداخل بي ام افخم ..
في النهاية احب اقول لك ان المرسيدس اعلى استهلاك من البي ام واغلى بكثير الان بسبب نصب الوكيل والا الاس 550 في امريكا يبدأ من 322 الف ريال ..
واذا كنت الوالد معزم يبي مرسيدس خله ينتظر الى الموديم القادم ، اتوقع يتلافون الكثير من المشاكل ويرخص السعر او ياخذ البي ام او الكزس الجديدة ..
استهلاك النزين للسيارتين ممتاز نسبياً... لكن اتوقع المرسدس تفوقت على البي ام من ناحية الصرفية و القوة ....
اما السعر ... فمشكلة السيارة هذي انا يجي عليها اللللللللف مليون نظام او ميزة ممكن تطلبها ...
فالسعر يكون على المميزات ... و الجفالي معروف انه يجيب ميزات كثيرة على انها ستاندر على عكس البي ام !!!
سنـاري
تجربة ممتازة جدا لسيارة نحتاج معلومات عنها في المنتدى
اعجبتني طريقة سرد الافكار
لكن "في المستقبل" سيارة فوق 200 الف مستحيل اشتريها
شكرا
هلا بسناري ,,
شكرا على الرد الروعة
:cool:
اما بالنسبة للسعر ... فالسيارة غير مخصصة للشباب ... فهي كبيرة وضخمة جداً... وايضاً غالية ...
بالنسبة لي انا ما اشتريها ... لأن السيارات الصغيرة هي الي تعجبني ,, يعني ال eكلاس ممتاز جداً...
ra3y_v8
مشكووووووووووووور على التجربه الي الصراحه اشوفها امثل طريقه للتجريب ...
لكن فيه نقاط استغربت منها ..
اول فئه من مرسيدس تطوف عليها مشكله الهواء والميلان وعدم الراحه..
الصراحه..
استغربت منها
انا استغرب اكثر !!.. والله ما توقعتها كذا ,,, لكن هذي ميزة التجارب ... انها تطلع الفضايح هههههه
الهاوي جروب
مشكور ياليتك صورتها لنا
والله كان ودي اصور ... لكن ما كان فيه الوقت او المكان المناسب لتصويرها ... فأهم شي كان التجربة ...
قلق و رجه
تجربه اكثر من رائعه
لسيارة تعتبر تحفة فنيه
انا اعتقد لو تجرب سياره ثانيه يمكن تفرق معك
تصدق شاك في السياره اللي جربتها
خاصة العزل ما اتوقع يكون سيئ ابدا
ويعطيكـ الف عافية ومبروكـ مقدما على السياره
راح نجرب غيرها و نشوف الفرق ,,
شكراً على مروركم :)
red_RPM
03-05-2006, 11:34 PM
والله بالنسبه للطقه اللي علي السرعات المنخفضه ممكن تسبب عدم راحه بس لايوجد عطل او شي خربان وممكن بعد فتره تتعود عليها وماراح تلاحظها اومن خلال طريقة القياده إنك تتفاداها
ومثل ماقلتلك يوجد مودفيكيشن علي القير يلغي الطقه او يخففها بحيث ماتحس فيها
وعلي الكفاله
وبالتوفيق
مشكور على التجربه الحلوه
اما من ناحيه الراحه بالقياده وسلاسة التغيرات بكل جادره البي ام افضل انا عندي 735 2003 بصراحه سواقتها تفرق كثير عن المرسيدس واول شي تحس فيه بالفرق الدركسون ...
صحيح اخوي ... انا معاك ... فعلاً الدركسون في البي افضل بكثير ... و يعطيك احساب بثبات و تماسك السيارة ...
EL_3grab
تسلم عالتجربه ..
.. عازليه الهوى بدت من الـCLS .. ومن كلامك الـS تعادت ..
يوم مالت السيارة .. قولنا كم كنت داخل الدوار .. أذا فوق الـ100 .. معقول .. بس تحت .. فيها أنه السالفه ..
وأخيرا .. في 760 04 للبيع ماشي 11 ..
تحياتي
عجيب !! ال CLS فيه نفس المشكلة !؟؟؟
اما الميلان في الدوار كان على سرعة 60 --70 تقريباً..
اما البي ام المستخدم كم علية ... مع ان الوالد ما اظنه راح يشتري مستخدم خصوصاً سيارة بهذي السعر ,,
super x1
الله يسلمك على هذي التجربة
بصراحة طريقة كتابتك للموضوع فيها تنكيت هذي طريق عجبتني كثير
المهم
الS500 جبارة عليها محرك دماااار
وانا ما توقعت أنها ما تكون مريحه حسب كلامك لاني أخر S-class ركبتها كانت الفياقرا
وبصراحة السيارة كانت مريحة بالنسبة لي
بس هذي السيارة تعتبر سيارة رسميات مناسبات والمرسدس ال S دايمن يكون ميرح
في المقعد الخلفي
عندي المرسدس S300 موديل 91 ليست مريحة أبدا في المقعد الأمامي, اتحس نفسك قاعد فوق صخرة
بس تسلم على التقرير مرة ثانية
وانشاء الله تجيبوا ألي في خير
BMW 730 أو S 350 بصراحة كلهم أحسن من بعض
تحياتي
تسلم اخوي على الرد ,,, ومثل ما قلت ... راح نجرب ال 350 و نشوف الفرق ,,,
red_RPM
و الله بالنسبه للطقه اللي علي السرعات المنخفضه ممكن تسبب عدم راحه بس لايوجد عطل او شي خربان وممكن بعد فتره تتعود عليها وماراح تلاحظها اومن خلال طريقة القياده إنك تتفاداها
ومثل ماقلتلك يوجد مودفيكيشن علي القير يلغي الطقه او يخففها بحيث ماتحس فيها
وعلي الكفاله
وبالتوفيق
الطقة خفيفة ... لكن ما تدري ايش ممكن تسبب بعدين ...
عموماً.. مشكور على التوضيح .. :-) و ان شاء الله ما تطلع لنا مرة ثانية :banana:
الشبابي
04-05-2006, 12:05 AM
FSM ...
اذا اعجبتكم صرفية المرسيدس فراح تعجبكم صرفية البي ام اكثر واكثر ... قد لاتلاحظ الاستهلاك لأن تانكي البنزين كبير في كل السيارات الفخمة ..
اخوكم الشبابي
كرمبع
04-05-2006, 12:21 AM
تجربة حلوة ...
بس انا اشوف العيب مش فالسيارة ...
العيب في اللي خلاكم اجربون هالسيارة وهو نوعا ما مش ملم بمواصفات وكيف يعرض السيارة بالاسلوب الصحيح في التجربه...
باختصار: اول مرة اشوف تجربة سيارة بكيت رياضي وجنوط كبيرة اللي غالبا ماتناسب الـAMG الاصلي نظرا لتوافق اسطوانات الفرامل مع حجم الاطار علشان الرساوة...
وثانية بخوص الانعطاف كأن اللي عرض لكم التجربة غير ملم بموضوع النظام الهيدروليكي واكيد علشان الشكل وضعه عالرياضي ... الي القاسي عوضا عن الكومفورت الناعم...
يعني اثناء قرائتي للتجربة اسمح لي اخوي اقولك البائع غير ملم بالتجربة والمفروض تجربة لسيارة مثل هذي المفروض يحطون ناس اكفاء يعرضون تقنية السيارة وليس تعال اركب وسوق واجاهل المميزات والاوامر المجهزة..
اتمنى انك ماتحكم على سيارة من اول تجربة او بالاحرى لازم تلم بمميزات السيارة وتكون عارف الاوبشن كله علشان اجربه وتحكم ....
اتمنى انك تاخذ تجربة مع ملاك هالسيارة مش تجربة مع بائع... وبصراحة معظم البائعين صاوا المجربين اكثر عنهم ملمين باوبشن السيارة .
هذا النقطة اللي ابغي اوضحها:)
والله يوفقكم فالاختيار....
صحيح اخوي.. البائع شوي كان غير ملم بأمور السيارة ... شكلة جديد شوي ,,
لكن في اشياء في السيارة ما لها علاقة بالبائع ,,,,
عموماً.. مشكور على ردك .. وان شاء الله تجربة ال 350 تفرق عن هذي ,,
bashar_255
04-05-2006, 01:07 AM
أقول لنكلن LS بعدين بي ام الفئة الخامسة بعدين يجي الأودي A8 بعدين المرسديس :D <<< ما يحب البي ام الفئة السابعة و السيارات العريضة :eek:
BRABUS
04-05-2006, 01:41 AM
السلام عليكم
من الوصف اللي وصفته عرفت إن السيارة كانت على وضعية (S)
وهي وضعية رياضية والتعليق يكون فيها جامد والسيارة ابدا غير مريحة و تتحرك والقير عالغيار الأول
في وضعية ثانية اللي هي (C)
اللي هو الوضع السلس أو Comfort وفيها يكون التعليق ممتاز والسيارة سواقتها ولا أروع
والسيارة تبدا الحركة فيها على الغيار الثاني أو الثالث حتى انك بتحس ان السيارة 4 سلندر مب 6 أو 8 سلندر
وفي وضعية (M)
اللي يكون فيه ناقل الحركة بتحكم يدوي وأزراره موجوده خلف المقود مثل سيارات الفورملا
أنا عندي الـ S350 بانوراما السيارة سواقتها رهيبة وهي على وضعية (C) وبالنسبة للعزل .. أوافقك الرأي أنا شخصيا انصدمت بالعزل اتوقعته أحسن من الموديل اللي قبله بس للأسف أظن اللي قبله العزل فيه أفضل..
أعرف شخص عنده S500 العادية مش بانوراما ويقول ان العزل أفضل من البانوراما .. ما أقدر أحكم إلا يوم أجرب بس يمكن يكون في علاقة.
مشكور على الموضوع وآسف على الاطالة
نديم الطيف
04-05-2006, 02:53 AM
والله على هالسعر...اشتري 760 فل كامل واتمشى عليه :headshak:
او انتظر كم شهر واشتري لكزس جديد يستمر شكلها معي 8 سنوات قدام :think:
سعرها مبااااااااااالغ فيه واذا بغيت الفخامة على اصولها اشتري BMW
red_RPM
04-05-2006, 08:45 AM
حياك الله وبالتوفيق
وصحيح كلام الأخ كرمبع المندوب المفروض يتفنش
وانا اتفق وياه انا المشتري صار يعلم البياعين شغلهم
وكلام الأخ برابوس صحيح بالنسبه للقير
c comfort
s sport
m manual
والكمفورت سلس وما اتحس بتبديله بس يفترض لمن تشغل السياره تكون علي السي موش الأس
وبالنسبه للأخ العزيز نديم الطيف شكل لكزس نزل 2001 وتغير اشويه2003والأن يتغير في 2007 يعني ستة سنوات
وبالتوفيق
عيناوي كوول
04-05-2006, 09:18 AM
لكل شركة عيوبها في البداية يوم تسوي الشكل الجديد .. بس ما أتوقع من المرسيدس إنها تخلي هذي السلبيات فيها إذا جت من الزبائن ..
سلاام ومشكور أخوي :)
THE PATRIOT
05-05-2006, 04:13 AM
غريب جدا؟؟؟؟؟؟؟؟؟؟
هذي لومينا ولا بنز؟؟؟
لا يصيرون غلطانين وصانعينها بامريكا
والله السيارات الأمريكية افضل
ميكانيكي
05-05-2006, 07:37 PM
سالفة الطقة اللي تجي في الجير على السرعات المنخفضة
هذي مشهورة في المرسدس ..عمي كان عنده 320 اس ..موديل 97
ونفس المشكلة كانت موجودة عنده ايضا ..
اما العزم والقوة ..فهذا طبعا اقل شي نتوقعه من سيارة جبارة مثل الاس 500 ...
بس طالما ان الوالد حاط في باله ثلاث اختيارات
انا شخصيا انصحه ( يلقي نظرة على اللكزس الجديد )
والله يوفقكم
وعلى كل حال..شكرا لك على التجربة الشيقة وننتظر منك اخر الاخبار في الموضوع :D