استعراض للسيارات المعدلة بالقطيف بترخيص من الامارة وتنظيم من المرور

[أكورد]

القطيف - جعفر تركي

ينظم مرور القطيف استعراضا للسيارات المعدلة بكورنيش الشبيلي خلال الايام القليلة المقبلة. وتأتي اقامة الاستعراض بعد النجاح الكبير الذي حققه في محافظات المملكة حيث صدرت موافقة امارة المنطقة الشرقية على اقامته اثر اقتراح تقدمت به ادارة مرور القطيف.


http://www.alyaum.com/issue/page.php?IN=12012&P=1


نتمنى من أي شخص لديه معلومات عن التجميع ان يزودنا بها

وكمان لاننسى

هلا هلا ياشباب بالتصوير



بس غريبة وش جاب القطيف بالشبيلي " تحت جسر البحرين"
يعني

معقولة مافي أماكن في القطيف !!!


بس اختيار موفق بإن يكون في الشبيلي ، أروع شاطئ بالخليج العربي :)

[saymyname]

طيب ليه ماخلوه مرور الخبر !! لان الشبيلي بالخبر :m:

اهم حاجة ان الموضوع مرخص :D

[SeSo2003]

اهم شي ما يكون في رطوبه مثل التجمع الي راح في الشبيلي

[cruiser2000]

بالتوفيق

بس لازم يعني يقررون المكان بالضبط على شان يحصلوا شباب معدلين سياراتهم

وياخذون الجو بعين الاعتبار


شاركوا معاهم شباب ولا تنسون التصوير الممتاز

[الارهابي]

ان شاء الله يدقهم تسونامي :D

[abumhdi]

دام انه مرخص .. جاي .. يعني جاي :knight:

بس اهم شي قولو لنا اليوم والوقت .. مشان نرتب حالنا ..

هذه الاخبار الطيبه ..

ولله لو كال مابين مده .. يعملو تجمعات مرتبة .. لمى من القهر الشباب فحطو بالشوارع :-)

[Prelude 4 Life]

ان شاء الله يدقهم تسونامي :D



:lol: :lol:

[bashar_255]

فيه منطقة اسمها الشبيلي بالقطيف بآخر الناصرة بعد الكورنيش اللي تروحو له و بعد جسر تاروت

ما اعرف اوصف عدل :think:

المنطقة سميت في البلدية الآن بحي الزهرة و هي منطقة مدفونة من البحر بعد ما قطعوها و باعوها جت أرامكو قالت ممنوع تبنو لأن فيها بترول :D

[saymyname]

فيه منطقة اسمها الشبيلي بالقطيف بآخر الناصرة بعد الكورنيش اللي تروحو له و بعد جسر تاروت

ما اعرف اوصف عدل :think:

المنطقة سميت في البلدية الآن بحي الزهرة و هي منطقة مدفونة من البحر بعد ما قطعوها و باعوها جت أرامكو قالت ممنوع تبنو لأن فيها بترول :D

انت بتوصف العنوان ولا بتقولنا تاريخ المنطقة :D

[FSM]

مو هذا التجمع الي كان مقرر انه يكون اليوم ؟؟؟

انا رحت كورنيش الناصرة و ماشفت احد :bomb: