سوالف للجميع - شوه احسان زينون

saeed-bmw

07-05-2006, 08:35 AM

السلام عليكم ....

كيف الحال شباب عندي سؤال شوه احسان زينون لسياره ؟

ابغي زينون لكزس مستعمل بس وين احصل و كم سعره .......

cruiser2000

07-05-2006, 11:01 AM

تقدر تشوف التشاليح او السكاريب

وتقدر تشتري زينون اصلي من محلات الزينة

سعره 1000 درهم او يمكن اكثر عندكم ولا اقل

راعي الايفو

07-05-2006, 01:39 PM

انت من وين وانا اقولك وين تحصل
انا توني قبل كم 4 ايام مشتري زينون مال لكزس LX470 وركبته وضبط معاي
شريته ب 110 دينار بحريني
الحين موجود بعد مال انفنتي ومال مورانو

انا لما شفت زينون اللكزس كان لونه اصفر ولما فصلته عن العدسه صا ابيض ناصع
يعني اتوقع الزينون مال الانفينيتي نفس شي

Prelude 4 Life

07-05-2006, 09:11 PM

في التجاري افضل شركة هي hella

saeed-bmw

07-05-2006, 09:45 PM

من الامارات ؟؟؟؟

بس كم يعني 110 دينار بحريني اخوي ..............

..DeNaLi..

07-05-2006, 09:57 PM

أخوي إذا تبي نصيحتي

خذلك جهاز زينون كامل نوعيته فيلبس 5100 سعره حدود 2000 درهم يزيد أو يقل شوي

نصيحة مني أخوي

SeSo2003

07-05-2006, 10:20 PM

من الامارات ؟؟؟؟

بس كم يعني 110 دينار بحريني اخوي ..............

يطلع حدوود 1100 درهم

ERT

07-05-2006, 10:27 PM

Hella :-)

الزرعوني

08-05-2006, 01:13 AM

اخوووي سوا مثل ما انا سويت .. رووح السكاريب و دور للسيارات التالية :

نيسان فتك 2003 و ما فوق ..

اللكزس بكل انواعه طبعآ 2001 و ما فوق

الالتيما 6 سلندر 2005 و ما فوق

الافالون الجديدة

الارمادا LE

المرسيدس و البي ام الجديد .. لازم تتأكد من قطعة الكت أوت Kit Out اذا بيركب عندك ولا .. لان الكيت أوت للمرسيدس اتضعف قوة السيارة كثييير .. اذا كانت توزيعة الكهربه لسيارتك قليلة .. ( احنه مجربيين )

و صدقني بتحصله برخص .. يعني ما بيطلع عليك اكثر من 800 درهم .. و يكون وكااله .. افضل من التجاري الجديد .. الزينون كمل عندي سنه و نص و الحمدالله عمري ما اشتكيت منه :)

TOP-SECRET

08-05-2006, 01:39 AM

لخوي شنو نوع سيارتك

وهل تحتاج زينون سيارات معينه لكزس وبي ام ووو يعني من شركتها

ولا زينون هيلا وهذي النوعيه مثلا؟؟

عالبال

08-05-2006, 02:59 AM

الزينون اللي على الباجيروا حلو ورخيص وياباني أصلي

مع المحولات والشمعات بـ 1100 ريال تقريبا ، عالي وواطي

FaNNaN

08-05-2006, 03:13 AM

cruiser2000

08-05-2006, 08:11 AM

ياليت تدلونا على محلات تبيع زنون اصلي في دبي .. انا عندي موستنج 2005 وابغي اركب زنون عالي وواطي لكن ابي شي محترم .. ومعظم اللي اشوفهم هالأيام يجي لونهم ازرق ويلوعون الجبد :D

ولو بغيت زنون مال لكزس مثلا او انفينيتي عادي اقدر اركبه عالموستنج ؟ واقدر احصله في المحلات ولا لازم ندور في التشاليح وحاله ..

ياليت يا جماعه اذا عندكم اسم محل في دبي او الشارقه مضمون تعطوني اسمه ورقم تلفونه .. وجزاكم الله خير

بشكل عام لازم تتأكد من الوصلة kit out مثل ما قال اخوي فووووق

وشوفه هل بيركب ولا لأ ؟

تأكد من السيارات الغير ألمانية عشان ما تخرب كهرب سيارتك

وشوف اذا تبا نوعية تدوم عندك دور لك على زينون أصلي ولا ينصبون عليك ترا الزينون الأصلي
يكون معاه الشمعات مع محولات الكهرب

الاسعار تكون 1000 درهم فما فوق حسب النوعية

انا ركبته على الكيا وكمل عندي سنة و 10 شهور ومازال مثل ماعو وما اشتكيت منه ابد :)

ولله الحمد والشكر :)

الرمحي

08-05-2006, 08:54 AM

أعرف محل كهربائي في أبوظبي عنده زينون مال بورش كايين ورنج الجديد ومرسيدس ML وكلهم مب مستعملين تقريبا ...

يعني أكثر يعطونه الزنون الأصلي مال الوكالة ويبدلونه بنوع أقوى ...

النوع الثاني رووووووووعة بس غااااااالي ...

يكلف 6000 درهم تقريبا ...

أما اللي عنده أظن يبيعهم على 1700 - 2000 درهم ....

اسم المحل بافاريا للسيارات ...

ومكانه في شارع السلام, بجانب بنك الدم ...

مقابل حلويات الأقصى ومطعم الواحة الصيني ...

TOP-SECRET

08-05-2006, 03:46 PM

ياليت تدلونا على محلات تبيع زنون اصلي في دبي .. انا عندي موستنج 2005 وابغي اركب زنون عالي وواطي لكن ابي شي محترم .. ومعظم اللي اشوفهم هالأيام يجي لونهم ازرق ويلوعون الجبد :D

ولو بغيت زنون مال لكزس مثلا او انفينيتي عادي اقدر اركبه عالموستنج ؟ واقدر احصله في المحلات ولا لازم ندور في التشاليح وحاله ..

ياليت يا جماعه اذا عندكم اسم محل في دبي او الشارقه مضمون تعطوني اسمه ورقم تلفونه .. وجزاكم الله خير
اما موستنقات قطر الي يركبون زينون الصراحه :blink: اشكالهم كريهه صدقت والله

ولو بغيت تعرف اذا يركب شوف راس الليت وشوف حجمه وشوف راس الزينون الي بتشتريه

نفس المقاس ونفس الحجم ولا لا

وسمعت ان زينون الفكسار 2006 "فل" يركب عالموستنق بس مب متاكد

ولو بغيته ترى ينباع ب 1700 في المحل الي مقابل محلات الزينه في شارع بوعبود

محل قطع غيار تويوتا ونيسان ناسي اسمه الصراحه

وبالتوفيق

Prelude 4 Life

08-05-2006, 03:57 PM

ياليت تدلونا على محلات تبيع زنون اصلي في دبي .. انا عندي موستنج 2005 وابغي اركب زنون عالي وواطي لكن ابي شي محترم .. ومعظم اللي اشوفهم هالأيام يجي لونهم ازرق ويلوعون الجبد :D

ولو بغيت زنون مال لكزس مثلا او انفينيتي عادي اقدر اركبه عالموستنج ؟ واقدر احصله في المحلات ولا لازم ندور في التشاليح وحاله ..

ياليت يا جماعه اذا عندكم اسم محل في دبي او الشارقه مضمون تعطوني اسمه ورقم تلفونه .. وجزاكم الله خير

اللون يجي على حسب حرارة الشمعة

اذا ماتبي ازرق خذ لك شمعة بحرارة 4300 او 6000 كلفن موأكثر

ال 7000 لونه معقول بس نادر تحصله

اي شي فوق ال 7000 كلفن راح يعطيك لون ازرق يفشل :sss:

انصحك بال 6000 كلفن يعطيك لون ابيض ناااصع :p

الشرار

08-05-2006, 04:29 PM

اخوي يمكن هذي الصور تفيدك وتشرح لك كلام الشيخ Prelude 4 Life

FaNNaN

09-05-2006, 06:24 AM

cruiser2000 .. اخوي ممكن اعرف ايش النوع اللي ركبته على سيارتك ؟ وهل هو للعادي والفل ولا العادي بس ؟ وايش لونه ابيض ولا ازرق ؟ :) وانا اعرف انك تحب التصوير , عندك صور لسيارتك في الليل ؟ :shy:

الرمحي .. تسلم اخوي واذا عندك رقم تلفون المحل تسوي فيني معروف .. وراح نشوفه ان شاء الله

TOP-SECRET .. اي ياخي انا متعقد من هالزينون .. :) مابي اركب نفسه , بخصوص زينون الفكسار يبيله اشيك عليه ..

Prelude 4 Life .. انا سمعت هالمعلومه من قبل .. واكيد راح اشيك على حراره الشمعه .. و 6000 اعتقد احلى شي ..

الشرار .. تسلم عالصور والتوضيح ..

جزاكم الله خير اخواني . . ماقصرتوا وبيض الله وجوهكم ..

american muscles

09-05-2006, 09:50 AM

يا احلى شباب منتدى وانا بعد ابغى اركب زينون انا سيارتي كابرس موديل2005 بس ابي يكون مضبوط ميه ميه انا ركبت من قبل ولاضبط معي ايش تنصحوني اي نوع اركب

الرمحي

09-05-2006, 11:16 AM

هلا بيك أخوي ...

هذا رقم الريال : 00971504148789

اسمه محمد ...

ريال سوري وماشالله عليه فناااااااان ...

قله انك من طرف محمود الرمحي وما بيقصر معاك ...

ويوم تروحله سويلي تلفون ...

تراني ساكن هناك ...

وانشالله نتشرف بلقائك ...

وحياك ...

الماني

09-05-2006, 01:03 PM

اخوي قبل لا تركب اي زينون لازم تعرف نوعية الاضاءة عندك عشان ما يصير اي اختلاف لا في التركيب ولا في توزيع الضوء، ومن الخلال الموقع الي بعطيك اياه تقدر تعرف نوعية اللمبة وتقارنها مع سيارات ثانية.

اضغظ هنا (http://www.sylvania.com/ConsumerProducts/AutomotiveLighting/LampReplacementGuide/default.htm)

وانصحك اخوي تاخذ زينون ابيض بين الـ 4300 الى 5000. ولا تاخذ ازرق لانه ما ينتشر وايد مثل الابيض.

وتحياتي لكم!

راعي الايفو

09-05-2006, 04:22 PM

انا إليخذيته مال اللكزس ماكان يركب يعني يتثبت مكان الاصلي
ولكن سويت له هولدر انتاج وطني
يعني في بعض الكراجات تحط عليه شوي سيليكون وانتهى الموضوع ولا كان صاير شي وهذا عادي ما يضر
ولكن انا سويت له حلقه صغير تركب في الليت نفسه وسويت له هول صغير وثبته مع سكروب من السكاريب الاصليه إلي في الاسطبات والكمبيوتر ثبته داخل الرفرف
يعني خذ اي زينون يعجبك حق اي سيارة من ناحية التركيب لا تخاف اي شي تاخذه راح يركب ولكن عليك تنتبه الى قوة الاضاءة وقوة الكهرباء المحتاجه للاضاءة