View Full Version : :::::::::::::::: مــســجــل المــرســيــدس ::::::::::::::::
بوعبداللطيف
08-05-2006, 02:40 AM
السلام عليكم :)
صبحكم الله بالخير .. اخبار الشباب ان شالله طيبين :)
بصراحة حاشتني مشكلة واتمنى القى لها حل عندكم يا شباب ..
=========
مشكلتي ياطويلين العمر .. اهي مسجل سيارتي مرسيدس فئة E موديل 2003
المشكلة ان لما اكون مشغل المسجل لمدة تجي 45 دقيقة زيادة شوي اقل المهم حولها :D :D
المسجل يفصل لحاله لمدة 10 إلى 15 دقيقة ويرد يشتغل مرة ثانية .. بصراحة هالشي زهقني :( :(
فإذا في احد حصلت له هالمشكلة .. او يعرف حلها لايبخل علينا ياجماعة الخير :)
اخوكم كثير الطلبات بوعبداللطيف :)
KiNG666
08-05-2006, 05:59 AM
عزيزي انا عندي مرسيدس 2002 S500 يحصلي نفس المشكله وبكثره وخصوصا لما اطلع مطب يعلق لمدة 10 دقايق ويرد يشتغل واعرف صاحبي عنده مرسيدس 2000 وتحصل نفس المشكله واعتقد والعلم عند الله انها مشكله صناعيه في بعض المرسيدسات ولكنها بقله لذالك لم يتم اكتشاف الموضوع وشكرا
cruiser2000
08-05-2006, 08:17 AM
اذا سيارتك على الضمان رجع الوكيل عندكم
غريبة صراحة هالمشكلة !!!!!!!
GMC 95
08-05-2006, 08:33 AM
عندنا كرورلا انقلبنا بها ... وعدلناها ... وما صار شي واشتغلت زي الاول :D
والله عيب يا مرسدس :bomb:
نديم الطيف
08-05-2006, 02:35 PM
يؤ :blink: معقولة هالمشكلة بسيارات مرسيدس :blink: :blink:
والله فضيحة من جددددددددددد لان الاخ King 666 يقول انها تحصل معه ومع زميله بمعنى انها عيب في التصنيع :headshak: :damp:
SnoopY
08-05-2006, 04:35 PM
مرسدس و كاست ؟؟؟ الله يهداكم شباب
1100R
08-05-2006, 04:50 PM
صارت معانا..في نفس السيارة وفي نفس الموديل..بس الفرق ان
المسجل ماكان يشتغل مرة..صلحناة عالضمان وكانت المشلكة من الامبلفاير..انة يسخن
واعرف كذا واحد صارت معاة.. :think:
اعتقد ان مشكلتك نفس الشي..بس في بداية ظهورها :eek:
اما ان المسجل يعلق من مع المطبات فهذي طبيعية وتحصل في كل سيارة بس يعلق 3
ثواني مو 10 دقايق :eek: ----> اقصد السي دي
UAE-Warrior
08-05-2006, 05:51 PM
السلام عليكم
اخوي"بوعبداللطيف" انا كان عندي نفس السيارة وهي E320 2003
وحصلت عندي نفس المشكله وسرت الوكاله وعلى حضك ذاك اليوم جاني فضول ودشيت لين عند الفني وشفته مطلع صندوق اسود صغير من دبه السيارة ويالس يركبله مروحه نفس المراوح مالت الكمبيوتر :think:
سالته شوه المشكله قال انه هذا هو الكنترول مال المسجل وسي دي ... وقال ان حراره الجوى عندنا وايد مرتفعه وفي المانيا مافكرو بهاشي في موديل 2003 بعدهم ماركبو مراوح حق هاصندوق وانه في موديلات 2004 فها مراوح
المهم انه حط مروحه والحمد لله ماشفت المشكله ابدا :D
هذا الي اعرفه والله على واعلم :smart:
وباتوفيق
اخوي"snoopy" المرسيدس اصلن مافيه كاسيت بس بعض الناس يطلبون كاسيت وسي دي وحتى دي في دي :D بس الدي في دي لازم يكون في الصندوق
انا سيارتي كان فيها كاسيت وسي دي :knight: وكنت بركبلها ام بي ثري :banana: بس لازم طلبيه ب 8 الف درهم :cry1:
بوعبداللطيف
09-05-2006, 03:56 AM
مشكورين يا شباب وماقصرتوا .. وشكرا للناس اللي جت تتشمت على المرسيدس :D :D
==============
شكر خاص لك اخوي UAE-Warrior (http://www.swalif.net/sforum1/member.php?u=21379)
بصراحة افدتني كثير .. وبروح اشوف لها صرفة :)
مشكورين ياشباب مرة ثانية :)
IMPALA SS '96
09-05-2006, 06:08 AM
الظاهر ان الشغلة تسخين.... يعني يوم يشتغل فترة طويلة يسخن ويفصل لحماية الدوائر الكهربائية....
بس أساسا عيب على وجه مرسيدس ان يكون في عيب مثل هذا في سياراتهم.....
السلام عليكم
مثل ماقال الاخوان
احتمال الامبلفاير يسخن
ويحتاج بعض التبريد
وصحيح اي امبلفاير اذا ارتفعت حرارته يفصل للحماية
تحياتي
محمد
cruiser2000
09-05-2006, 02:35 PM
السلام عليكم
مثل ماقال الاخوان
احتمال الامبلفاير يسخن
ويحتاج بعض التبريد
وصحيح اي امبلفاير اذا ارتفعت حرارته يفصل للحماية
تحياتي
محمد
اخوي محمد
انا مركب امبليفاير سوني 500 واط على مسجل ال جي
ومشغلنه لمدة تزيد عن الساعتين ولا فصل ولاشي عادي
ممكن يكون شي ثاني تعتقد ؟
IMPALA SS '96
10-05-2006, 03:10 AM
اخوي محمد
انا مركب امبليفاير سوني 500 واط على مسجل ال جي
ومشغلنه لمدة تزيد عن الساعتين ولا فصل ولاشي عادي
ممكن يكون شي ثاني تعتقد ؟
أخي خالد ماله علاقة انت بنفسك قايل أمبليفاير سوني...إلخ...يعني العدة اللي عندك من شركات كبيرة وذات منتجات محترمة...
المشكلة عند الأخ على ما يبدو من مسجل السيارة الأصلي....واللي يجي مع امبليفاير صغيرون :-) شدبلد...
الحماقة في الموضوع انه مسجل مرسيدس .....يعني سيّارة من أفخم شركة يصير فيها مشكلة كذا...:confused: ...أجل ايش بقوا للشركات النص كُم....:mad1:
الله يكون في عونك أخي بس تروح لأي فني مسجلات وهو اللي بيفتيك في الموضوع...
بوعبداللطيف
11-05-2006, 02:14 PM
اخوي IMPALA SS '96 (http://www.swalif.net/sforum1/member.php?u=17227)
شاكرلك مرورك يا الغالي .. وتسلم وماقصرت :)
IMPALA SS '96
11-05-2006, 03:52 PM
:shy: على ايش بس بوعبداللطيف، الله يجزاك بالخير...واحنا آسفين ما قدرنا نساعد بشي....:shy: :shy:
mercedes sportline
12-05-2006, 03:05 AM
مرحبا شباب
أكيد المشكلة من الحرارة
عند اخوي مسجل مرسيدس أصلي نفس اللي يجي بالشبح وكان يشتغل عادي
بس بهالأيام صار اذا شغلت المسجل فترة يسخن الامبليفير ويصير الصوت يوشوش بس اذا طلعنا المسجل شوي لبرة ونوجه المكيف عليه ما يصير شي بس الحمد لله المسجل عاش 15 سنة من غير مشاكل