View Full Version : معلومات للذي يريد ان يشتري سيارة وارد
BMW M8
08-05-2006, 11:43 AM
بسم الله الرحمن الرحيم
السلام عليكم ورحمة الله وبركاته،،،
اخواني الموضوع ربما يكون مكرر لكن احببت ان اضعه للفائدة...
السيارات التي تيجي وارد اليابان و اوروبا ، محركاتها اقوى وافضل من وارد امريكا بكثير .... " قرات المعلومات من عدة مواقع ولا حظت الفرق...
الفرق يكون بالقوة الحصانية و سعة المحرك تيجي اكبر بالوارد الاوروبي....اما الامريكي فاقل....
من ناحية اخرى يتميز الاوروبي بالفخامة المفعمة اكثر من الوارد الامريكي....
كما لاحظت ان الوارد الامريكي ينزل ثمنه بسرعة على عكس الوارد الياباني و الاوروبي....
بعدين الوارد الاوروبي قليل الاعطال و الخرابات ومرغوب اكثر لاسباب كثيرة اما الامريكي مع انتشاره بين الناس لكن ليس موضع ثقة...
هذا والله اعلم ...
شباب الموضوع للمناقشة .... ادلي لنا بما تعرف عن موضوعنا معلومات...
نديم الطيف
08-05-2006, 02:38 PM
وش تقصد بوارد اليابان والمانيا وامريكا؟؟؟ يعني تقصد توريد سيارة معينة من عدة دول مثلاً ياباني وامريكي والماني :confused:
ماني مستوعب :blink: يعني وارد من المانيا وامريكا واليابان يعني وش بتطلع صناعة السيارة :confused: يعني نستورد كوري والا وش تقصد :D
بعدين كيف الوارد الامريكي ينزل سعره :confused: وعلى أية أساس حكمت :confused:
ياليت توضح أكثرر لو سمحت :think:
no_car_yet
08-05-2006, 03:11 PM
يعني تويوتا سوبرا على سبيل المثال تقدر تجيبها وارد المانيا او امريكا او اليابان مستعمل طبعا
وارد اليابان احصنة اقل 280 لكن عزم اكبر و صرفيه و قود اقل من السوبرا وارد امريكا والذي يأتي 320 حصان لاكن مواصفاته اقل
السوبرا وارد المانيا تاتي 340 حصان و مواصفات اعلى من ناحيه الفخامه والسلامه
اعتقد هذا ما قصده الاخ
وإذا في اي شي غلط نرجو التصحيح
BMW M8
09-05-2006, 07:44 AM
اخي نديم الطيف،،
كيف الحال اقصد لة لو اشتريت بي ام دبليو وارد اليابان او النسخة الاوروبية تكون افضل من النسخة الامريكية.... من حيث الفخامة و القوة والاداء ... اما النسخة الامريكية فاقل ... لكن هذا لا ينطبق حتما على جميع السيارات الوارد الامريكي....
اما اخي no car yet فاول شي اقلك ان شاء الله بيكون عندك سيارة في القريب العاجل....
صح كلامك وفهمك للموةضوع لكن بالنسبة للمثال هل انت متاكد منه؟؟؟ ام مجرد ارقام؟
وللمزيد من التوضيح....اتصل على الرقم المجاني 0000000000 و ان كانت الخطوط مشغولة يرجى معاولدة الاتصال .... رضائكم هو هدفنا ... اتصلو بنا الان...
Abu Omar
09-05-2006, 11:15 AM
والله انك صادق
أنا درست الجامعة بأحد الدول الأوربية
تغربت أكثر من ست سنوات حتى يوم اشتغلت بالخارج :cry1: كنت ألاحظ الفرق الشاسع بين السيارات اللي عندهم والسيارات اللي تنزل عندنا بالمملكة
تخيلو حتي الكورولا تختلف سواء بالمحرك أو سواء أنظمة التعليق بل حتى الخامات الداخلية
على فكره الاوربين مايحبون السيارات الامريكي كثير وتلقاها قليله عندهم
زمان عشان صرفيتها للبنزين كانت عاليه ..
بالرغم من نزول محركات امريكيه صغيرة السعه واقتصادية ورغم نزولها بخامات اعلى جودة
الا انهم توارثو عدم تقبلهم للامريكي رغم سعره الرخيص نوعا ما
أرجع مرة ثانية أقول مواصفات الياباني بما فيهم اليكزس اللي تنزل بأسواق أوربا مختلفة عن أسواقنا أو اللي تنزل بالاسواق الامريكية
والحقيقة انه أقل سيارات ممكن تجد فيها فروق هي السيارات الألماني...
الأودي والمرسيدس عندهم ستاندر يمشون عليه مايغيرونه الا قليل حسب الدراسات التسويقه
يعني عندنا ربعنا بالسعودية مايدققون بالمواصفات فممكن يشيلون أوبشن أو اثنين من السياره مايضر ... :mad1:
طبعا هذا بسبب الوكيل اللي يبغى السياره بأقل ثمن من الشركة الام لزيادة ربحه :ranting:
لكن BMW فحدث عن الفروق ولا حرج بدأ من أنظمة التعليق للكوالتي الداخليه والاوبشنز وكذلك الطلاء الخارجى عندهم مقاوم للرطوبة والصدأ أكثر بل حتى المواتير ...اي نعم حتى المواتير :confused:
واحد من اخواي توه كان فاك ال525BMW كان عام 2003يوم شراها زهم على عشان أشوفها..
وقلت له بصراحة أحس بفرق بين هذي واللي كنت أشوفها بالخارج..خوي زعل وقال مستحيل ..كيف هذي BMW مو لعب عيال ..
رحنا نغسلها بالكاركير .. وشوي ونشوف مويه تتسرب مع فتحة السقف
شهرين وباعها مع اني كنت معارضه باعها رخيص والله :(
BMW M8
09-05-2006, 11:26 AM
شكرا اخي احمد على ردك الجميل والرائع و المفعم بالقوة.... وكلامك صحيح مية مية... لا تعليق... وارجو من باقي الاعضاء المشاركة..
سنـاري
09-05-2006, 12:17 PM
انا شخصيا ما راح اشتري سيارة بعد كذا الا وارد من الخارج و خاصة امريكا ... سيارات بنص السعر اللي هنا و انظف بكثير
اما اوروبا مشكلتهم ارتفاع اسعارهم و صعوبة التفاهم معهم لاختلاف اللغة و الثقافة .. حتى في الامور المالية
بخصوص اسواقنا المحلية ما يعرفو يستوردوا الا من امريكا حتى الافراد يسووا الحركة هذه
لكن لو لقينا واحد زي سعود البكر في اليابان و واحد في المانيا حتكون حاجة طيبة جدا
اما فكرة شراء سيارة امريكية من المانيا فراح تكون شبه مستحيلة لوجود الجمارك و ارتفاع العملة و مو معقول انه الامريكان يصنعوا لنفسهم سيارات عادية و اللي برا يصنعوا لهم احسن :headshak:
يعني النتيجة تبغى تشتري سيارة امريكية اشتريها من امريكا ... سيارة اوربية من احد دول الاتحاد الاوربي "ياليت تحددوا الارخص"
اما الياباني ... ما يستاهل اشتري سيارة يابانية من اليابان لاسباب كثيرة اولها اختلاف مكان الدركسون و عدم موافقة المرور عليها و القطع و غيرها ...
Abu Omar
09-05-2006, 01:02 PM
السلام عليكم ورحمة الله وبركاته
تسلم اخوي BMW M8 على ردك الراقي والمهذب
ياليت الشباب اللي جربوا سيارات وارد الخارج خاصة اوربا يعطونا تعليقاتهم
هلا ونعم اخوي سنارى
لاحظ وأنا أخوك المرسيدس المستعمل اللي غر ق المملكة استعمال الماني
انتشر من سنتين وكثير ناس جربوه مرره يمدحونه نظافة شيء عجيب تقل موقف بجراج
انتشر E200 ,E300 S320 مادري بعد فيه موديل يسمونه بالمعارض فرخ الشبح
موديلات 90-2000وأسعارهم مغرية والله
سنـاري
09-05-2006, 02:00 PM
هلا اخوي احمد هاني
انا افضل اجيب سيارة تحت نظري من بلدها قبل ما اخش المعرض و الاقي سيارات محدودة يعني نطاق ضيق للاختيار
اما تجاربنا مع الوارد
فاحنا عندنا معرض كله وارد امريكي
شفر - فورد - تويوتا
و ما نجيب الا سيارات نظافتها فوق 75% ( بدي - مكينة - جير )
BMW M8
09-05-2006, 06:09 PM
اولا: اشكرك اخي سناري على مرورك...
ثانيا: بالنسبة انت قلت انك ما بتشتري سيارة بعد اليوم إلا وارد امريكا ... طيب... نت عارف انو وارد امريكا السيارات التي تستوردها من عندهم ... فيها مشاكل كهرباء وحرارتها دايما على النصف....بعكس الوارد الياباني او الاوروبي... فيمكن تنزيل حرارته للربع...وهذا الذي حاصل بسيارة الوالد البي ام ...او ما جبناها حرارتها النصف..." طبعا عشان في اوروبا الطقس بارد ... بس هني حار...الحين ولما بدلنا الثرموستات الحرارة على الربع وفي اقصى درجات الحراة توصل قبل النصف بشي بسيط..." بس بدون ما تشتغل المروحة...." مروحة الحرارة بقوة"....
وعلى فكرة سيارتنا وارد اليابان.... وقيادتها اكثر من رائعة... السيارة او ما جبتها كانت ماشية 70 الف وهي موديل 90 الحين 184 الف كيلو.... واذكر انا واخوي ترايسنا وياه بورش كاين تيربو من سرعة 60 إلى 140 وبعدين خفينا عشان الرادار وكنا انا وراعي البورش ويا بعض...." غير مجبورين لتصدقو سالفة السباق " بس صحيحة....
" شباب قولوا ما شاء الله " .... واي معلومات انا حاضر....
SALEEN_KSA
10-05-2006, 04:10 AM
سناري ما الاقي عندكم كوبرا؟
IMPALA SS '96
10-05-2006, 04:57 AM
اخوي سناري،
همر H2 نظيف الموديل مو مهم، وماشي قليل20-30 الف كحد اقصى....كم يسوى؟؟
BMW M8
10-05-2006, 08:40 AM
اخي SALEEN_KSA ... ارجو عدم الخروج عن الموضوع ....
اخي IMPALA SS '96.... ارجو عدم الخروج عن الموضوع..
وعلى العموم شكرا على المرور..... :D
سنـاري
10-05-2006, 01:10 PM
اهلا اخوي BMW M8
بالعكس ما واجهنا اي مشكلة في اي سيارة عندنا لا في كهرباء و لا في حرارة
و ما تفرق اذا حرارتها على النص او الثلث اهم شيء انها تكون الحالة الطبيعية للسيارة
و في سيارات تيجي من امريكا و خاصة الولايات الجنوبية بالتحديد تكساس تكون افضل لبيئتنا و مجهزة بعضها بشكمانين بدل شكمان واحد
بس كيف تجيب سيارة المانية من اليابان و هل يكون دركسونها معدل و لا زي ما خرجت من المصنع
و هل تستوردها بنفسك و لا من المعارض تشتريها جاهزة
و كم سعر مرسيدس 2004 S350 - S500
=======
اخواني سالين و امبالا ما عندنا لا موستنجات و لا همرات
BMW M8
10-05-2006, 04:09 PM
اخي سناري العزيز ،،،
انا السيارة اشتريتها من المعرض مباشرة والسيارة مو محولة..انما هي دركسون يسار وعلى فكرة منتشر وارد اليابان بالنسبة للبي ام 7 سيريز... اما المرسيدس فما عندي اي معلومات لو صار عندي معلومات بوافيك بيها بسرعة وشكرا على مرورك....
SVT-COBRA
11-05-2006, 06:36 PM
بسم الله الرحمن الرحيم
السلام عليكم ورحمة الله وبركاته
http://www.swalif.net/sforum1/showthread.php?t=211619
و سلامتكم :sleep: