معاناة مع الألتيما أحد يقدر يشوف لي حل

[VW-609]

السلام عليكم ورحمة الله وبركاته

كيفكم أهل سوالف ؟؟؟

عندي موضوع وابي اوصله للمسؤولين في شركة نيسان الأم :think: وليس الوكاله ( شركة الجبر )

طبعا اخدنا الموتر وكاله موديل 2005

قير عادي وسته سلندر بدون فتحه بدون زينون

طبعا التدريب كان كالعادة 1000 كلم
اول ايام كانت تمام ومشيها حلو
بس كان فيه حاجه مزعجه :cry1: بالنسبه لي وهي الكلتش احسه غير شكل وخفيف ولين
وفيه حاجه ثانيه في القير :cry1: القير طبعا ست نمر :sleep: والريوس السابعه
المهم فيه فضاوه بعد الخامس يعني لما تبدل من الرابع لين الخامس تتبهدل
وبعد السادس تتبهدل توديه سادس وإذا ماتدري راح ريوس :ranting: تخيل يروح ريوس وانت تمشي على سرعه فوق ال 18 :headshak: شو راح يصير

المهم الريوس المفروض توديه لما ترفع القطعه الي في القير عشان يروح بس في سيارتنا بدون ماترفع يروح عادي

طبعا الموتر دخل الوكاله لصيانه ال 1000 وقلنا لهم عن الكلتش طبعا
يقولون انهم في ال1000 غيرو زيت وفلتر وغسيل محرك و السياره بعد
والكلتش ماسوو فيه شي يقولون ماكو فيه شي :o
وكل هذا في يوم واحد

المهم بعد ال 2000 كلم بدت سالفة الكلتش تزيد و صار لين مره
وديتها على صيانه 5000 وقلت لهم الكلتش
وتم تصليح الكلتش على حساب الضمان وانا شفت الفاتوره وفيها 1440 ريال
واخدتها من الوكاله واول الفتره اوكي وتمشي حلو بس بعدها بأسبوع او اثنين ماذكر الكلتش بدا يطلع اصوات وخاصه لما اطلع مشوار على خط الهاي وي طقطة ورجع خفيف

والله حاله و وبعد فتره وتقريبا قبل اسبوعين دخلت السياره الوكاله لصيانه ال10.000 كلم
وجلست حوالي اسبوعين
ليييييييييييييييييييييييييييش ؟؟؟ :confused:

السبب بسيط :D القير شكله خرف
لأنه دخلتها السبت والأحد اتصلو قالو الموتر خالص صيانه لكن فيه مشكله في القير وهي مشكله قويه ولسه مش عارفين لها حل :( :bomb: وننتظر المهندس يكشف عليها وبنرد عليك خلال فتره
وبعدخمسه ايام اروح لهم يوم الأربعا وكلمتهم وقالو السياره لسه محلها :eek: قلت شنو انا اتعطل لين ماتخلص والمهندس زعل و رفع صوتة عليي وضرب باب السيارة و قال روح اشتكي طبعا انا ماسكتت على الموضوع ورحت لمدير الورشه وكلمتة في الموضوع وقال بيشوف الموضوع والرجال ماقصر معي وكلمهم عشان يشتغلون في السياره ويقولون انهم نزلو القير وصلحوه وجيت وطبعا كله على الضمان المهم استلمت السياره والمهندس جى واعتذر على حركتة وطلعت الموتر

المهم القير احسه ثقيل بس الفضاوه عدلوها و الريوس كذلك

ولكن الكلتش زي ماكان لين وغير شكل :bomb:

طبعا من المشاكل الي صابت الموتر

المكيف للركاب ورا يطلع هواء حار :blink: و في الأمام بارد :cool:

كان في صوت في السسبنشن اليمين الأمامي

وكل هذا عدلوه على الضمان

والمسجل مايشغل اي سي دي صوت :cry1:

والكفر الأمامي اليمين فيه نفخه
والوكالة رفضت تبديله
========================================================

طبعا فيه غيري واعرفهم انا عندهم مشاكل اعظم
في القير و الكلتش والنوافد والفتحه وبعض الأزرار الداخليه

ابي اعرف وش هالسيارات هاذي الي كلها مشاكل

احد عنده فكره عن غيري


وهل احد يقدر يفيدني وين اوصل شكواي

[1100R]

وضرب باب السيارة و قال روح اشتكي

المفروض اول ما سوى كذا كان تعطية بمفك العجل على وجههة عشان يتادب صح :black:

بالنسبة لمشكلتك..اعرف واحد معاة V6 بس اوتو ماقيد اشتكى من شي..

بس سمعت ان في ناس صارت لها نفس المشاكل...اللة يعينك مابقى وكيل عدل في السعودية

الا ابوجميل... :eek:

مالك الا انك تستلم الشركة الام ((نسيان الشرق الاوسط))..

او تشفلك اقرب خواجة شغال في الشركة وتمتحنة تراهم يهتمو بالمشاكل الي زي كذا :blink:

[الشرار]

ياخوي الله يعينك والله ان نيسان سوت مثل ماسوو الشفر جابو للخليج الكابرس واللومينا ومكاينهم قويه وجباره وهذا اللي مخليهم ينتشرون بالرغم من اعطالها ومثل ماقلت لك النيسان معتمده على اللتيما بقوة مكينتها ما هتمت بالجوده ولاتنسا انها امريكيه يعني شي طبيعي انه يطلع بالسياره مشاكل

[infiniti]

:D

للمعلومه كل سيارات نيسان فيها الكلتش خفيف جدا .

و الالتيما و الباترول يجي فيها باكم للكلتش لاحظ اذا طفيت السياره اضغط الكلتش اربع او خمس مرات راح تشوف الكلتش يصير ثقيل و السبب ان دوره الزيت مضغوطه . و اول ما تشغل السياره راح تشوف الكلتش صار خفيف جدا هذا شي طبيعي الا اذا كان الكلتش خفيف على طول حتى و السياره مطفيه هذا شي ثاني معناها ان علبه الباكم حقت الكلتش فيها تهريب هواء.

[بو فهد]

واحد من ربعي عنده 2005 سته سلندر قير اوتو اول مشكله اصوات في السسبنشن بعدين السيارة قامت تتهربد من داخل اقصد تطلع أصوات من الطبلون . الظاهر انه السيارة راعية مشاكل انا انصحك ترسل رسالة للشركة وأطلب منهم تغيير السيارة، ترى ما فيها شي وارفق الرسالة مع الأرصدة حقت التصليح

بالتوفيق انشاء الله

[VW-609]

1100R
انا كنت مسكت اعصابي لحظتها ولاّ كانت بتروح عليه :D

بالنسبه للموقع انا ناوي ارسل بس اخلص شغلي مع الكلية :sleep:

الشرار
اشدعوى عاد حاط على الأمريكي حظه :smart:

infiniti
انا راح اجرب بعد شوي اضغط عليه
بس بقول لك
ياخي الكلتش جايب لي عقده لدرجه انو انا لما امشي احيانا تطفي السيارة :damp: شكيت في حالي ماعرف اسوق وانا متعلم بالأساس على جير عادي :D

infiniti انا افكر اركب كلتش ماركه بس ياخوك الضمان بيورطني
وش رايك لو اشتري واحد واركبه في الوكاله :cool:

بو فهد
هذا انا ناوي اسويه ارسل لهم الأوراق وكل السالفه
وانتظر احد يتعطف علينا ويشوق سالفه هالمواتر

[C6]

السلام عليكم ورحمة الله وبركاته
اخي العزيز طبعا هذا شئ غير مستغرب من الجبر حتى الحمراني ماعندهم سالفة انا ماخرب لي سيارتي الاهو والحمراني :ranting:

بصرف النظر عن الي يصير في الصيانة السيارة ماشية 50 الف ولاغيروا لها بواجي وان ماتقلهم ايش يغيروا مايعملوا شي في السيارة :bomb:

وديتها الحمراني يقولي كلتشك محروق وهو لا محروق ولا شي ورغم كده قلت لهم غيروا وركبوا غلط وبمجرد ما اخذتها اتحرق كل شي حتى الحذاف وجيت صلحتها في الجبر على حساب الحمراني ب6000 ريال وقعد الجبر يركب في الكلتش 4 ايام مهم عارفين يركبوه (تخيلوا :headshak: )

طبعا انا صاروا زي الالف معاي لاني ارسلت شكوى لليابان ايام الحادث حقي مرفق بصور متعوب عليها اخذت واحد من الشباب المعيدين من جامعة البترول وصورلي السيارة وطبع الصورة من طابعة ليزر ملونة من معامل المعيدين في كلية تصاميم البيئة (شغل على مستوى :glasses2: )
وارسلتها لهم بالفيديكس

والله ياشباب ياسفلت فيهم تسفيل بالخطاب لما خليت كل مسؤول في نيسان السعودية يتصل علي حتى الجبر نفسه واعطوني التيما2005 الين لمن تخلص سيارتي واخذولي هي على كار اكسبرس وشغل

المهم هذا العنوان حقهم و لا تتعب نفسك مافي ايميل هذي يقولك عشان يقدروا يخدموك بشكل افضل

NISSAN MOTOR CO.,LTD
Customer Relations Office (Tokyo)

Address: 17-1, Ginza 6-chome, Chuo-ku Tokyo 104-8023, Japan

[البدر888]

افشل وكالات في السعوديه

[NisFan]

الكلتش في اغلب السيارات لما ترفع شوي شوي السياره ما تتحرك الا
بعد ماتشيل ثلاثه ارباع الدعسه
اما في النيسان السياره تمشي من نص الدعسه
يعني يفضل انك تدعس الدعسه كامله علشان تحافظ على الكلتش
فهمتوا شي :smart:
وقير الالتيما الدفعات الاولى في عيب اسمه سلك التعشيق يتغير
ويرجع القير مضبوط

[Ascari]

أخي العزيز


ادخل على موقع نيسان "الشرق الأوسط"... خذ عنوان أو رقم تلفون المركز الإقليمي لنيسان (أتوقع انه في دبي)... وصل لهم السالفه... وشف ايش بيكون ردهم



كان عندنا لومينا وتعبتنا بالمشاكل... لو انها جت على المشاكل معليه ... حتى تعامل الوكيل زفت (وانتم بكرامه)... ياما كانوا بيدفعوني أشياء على الضمان ويقولون لي "مو على الضمان"... وأشياء يصلحونها يومين وترجع خربانه


دخلت على موقع GM في دبي و حطيت رقمي وكلموني بعد اسبوع...


واقولهم السالفه كللللللها من طق طق لسلام عليكم...


قالوا لي أبشر بالخير... كلمني الوكيل بعدها باسبوع... وقال لي تعال ولا يصير خاطرك الا طيب...


رحت عندهم وصلحوا لي كل قطعه صغيره في السياره على حسابهم...




والله يوفقك وينصرك عليهم :D

[E-CLASS]

أنا قرأت إن هناك مشاكل بالسيارة في أمريكا وأغلب المشاكل عندهم في قير السيارة.....

الله يعينك أخوي وأنصحك صلحها وبيعها لانها للأسف سيارة فااااشلة...وتجارب الناس خير دليل...!!

[VW-609]

C6
شكرا على ردك
عندي كذا سؤال
لما ارسلت لهم التقرير والرساله على البريد ؟؟؟ يعني بتطول :cry1:
وش كتبت فيه تذكر :confused: عشان اكتب مثلك واشوف رد ايجابي من الشركة الأم

NisFan
بالنسبه للألتيما الي عندنا ترفعه ثلاث ارباع
وعارف وش قصدك ب دعس الدعسه كامله

Ascari
انا هالوفت اسوي بحث عشان ارسل التقرير الي كتبته كامل

E-CLASS انا والله ماكنت ادري ،،
بس الحين انتظر اي خراب و على طووووول بابيع :think:

[abumhdi]

صلي على محمد ...

وبيعها ..

نصيحه من اخ لأخيه .. اذا تشوف سيارة وجعت راسك من البداية كده .. بيعها وفك حالك .. يمكن تكون منضورة .. أو مالك حض فيها .. !

[نديم الطيف]

الله يعينك على بلواك :headshak:

اتخسر وادفع فلوس على سيارة جديدة (ويمكنها اقساط) واخرتها تسوي فيني كذا...والله غبن :ranting:

[cadyman]

كلم مسؤلين نيسان الشرق الاوسط في دبي وقدم شكوى رسمية موجهه لكارلوس غصن و انشاء الله راح ينحل موضوعك مع الوكيل الزفت

[C6]

انا بعد اسبوع او اسبوع ونص لقيت مدير تطوير الصيانة بالحمراني متصل علي وقالي انه في الشرقية ووده يقابلني وطبعا قاعد يقولي انت بهدلتنا كان المفروض تكلمنا الاول واحنا نحل الموضوع بس ناس ماتجي الا بالعين الحمرا :black:

المهم انارسالتي كانت طويلة (صفحتين) بس بدأت فيها بالتعريف بنفسي وفين اسكن بعدين بالمديح بشركة نيسان وليش انااشتريت السيارة وبعدين عرفته بالوكيل وفي اي بلد واي منطقة وسردت القصة طبعا مع التهزيء في الوكيل ومعاملته وطبعا ارسلتله صور لرقم الشاسيه وطبعا اصلا كنت كاتب معلومات السيارة في الخطاب

[VW-609]

انا بعد اسبوع او اسبوع ونص لقيت مدير تطوير الصيانة بالحمراني متصل علي وقالي انه في الشرقية ووده يقابلني وطبعا قاعد يقولي انت بهدلتنا كان المفروض تكلمنا الاول واحنا نحل الموضوع بس ناس ماتجي الا بالعين الحمرا :black:


تدري انو كلمت الأدراه بالدمام ولا استفدت شي :bomb: ،،،

بس هاليومين برسل لهم الخطاب وبقول لك وش راح يصير دعواتك لنا

abumhdi
زي ماقلت قبل انتظر اي مشكله وبابيعها

نديم الطيف
وش تسوي هذا المكتوب :cry1:

cadyman
تم وانتظر ردي :eek:

[DoDe Ss]

اذا حسيت ان المهندي بس تغيرت ملامح وجهه وسوى فيها زعلان تربيه ..

ما تخليه يسوي كذا :ranting:

[oil_HKS_lio]

الله يعنيك وكلاات السعوديه ونت رايح لهم هليام لاازم تشيل وياك خيشه وتقشر بصل

[C6]

بالتوفيق