View Full Version : هل هناك مزاد للوحات المميزه في المنطقة الشرقيه ؟؟
STS4ever
11-05-2006, 04:39 AM
سلام عليكم
صباح الخير
شباب هل يقام مزاد للوحات المميزه بشكل اسبوعي في الدمام مثل اللي حاصل في الرياض كل اثنين من كل اسبوع ؟
اذا كان فيه ياليت تقولون لي اي يوم في الاسبوع ووين موقعه
وياليت ياشباب اذا احد يعرف شروط المزاد يفيدنا بها
يعني مثلا الفحص الدوري والاستماره والبطاقه وشيك مصدق ووشو بعد ؟؟ وهل اخذها وانقلها على طول بشكل مباشر ولا تاخذ وقت
باختصار اللي يعرف عن الموضوع اي شي ياليت يفيدنا
شاكر لكم ومقدر
نديم الطيف
12-05-2006, 02:18 AM
الله يوفقك ياخوي بس ترا فيه كلام كثير انه اللوح السعودية بتتغير يعني حرام تخسر فلوسك على لوحة وبعد فترة يتغير النظام بكبره :headshak:
Ascari
12-05-2006, 03:20 AM
بسم الله الرحمن الرحيم
المزاد في المنطقه الشرقيه في الدمام فرع مرور حي العدامه... هو الرئيسي في المنطقه الشرقيه والكل يعرفه ... موقعه على بداية شارع ابن خلدون
وقت المزاد كل يوم أحد بين صلاة المغرب والعشا
تروح قبلها بيوم تشوف ايش اللوح اللي بيسوون عليها المزاد.. واذا بغيت وحده منهم تجي يوم الأحد
تدفع 500 ريال دخول... اذا اشتريت لوحه بسعر معين يخصمون منه 500 ريال حقت الدخول... واذا ما اشتريت شي يرجعون لك ال 500 ريال
أهم شي بطاقة أحوالك اذا تبي تسجل اللوحه باسمك
اما اذا تبي تسجلها باسم غيرك الظاهر لازم ورقه أو كفاله ... مو متأكد
ما تحتاج استماره ولا فحص ولا شيك ولا شي
قيمة اللوحه تدفعها كاش عندهم
ووقت شراء اللوحه ما يبون أي معلومه عن السياره... اهم شي يسجلونها باسمك ويعطونك وصل عليها
بعدين في أي يوم (لا تتعدى شهر) تجيب البطاقه الجمركيه حقت السياره والوصل حق اللوحه وتخلص المعامله وتستلم اللوحه في نفس اليوم... طبعا هذا اذا السياره جديده
اما اذا تبي تغير لوح سيارتك الحاليه ما ادري كيف طريقتهم... بس دق عليهم واسأل...
بس ما اتوقع انها بتاخذ وقت...
بالتوفيق :)
STS4ever
13-05-2006, 12:51 AM
هلا اخوي نديم
هي فعلا بتتغير اللوحات قريب بس ياخوي عندي لوحة جنااان ههههه رموزها ماتصلح ابد وابي اغيرها قلت اروح المزاد افضل ومايهمني لو تتغير بعدين اهم شي اغير اللوحه هذي :)
وبعد يقولون الحين المزاد صار ميت بعد خبر تغيير اللوحات يعني على الكلام هذا اسعار اللوحات بتكون معقوله
شاكر لك ومقدر
هلا اخوي Ascari كفييييت ووفيييييت الله يعطيك العافيه وعلى مااذكر شروطهم اول كانوا يطلبون شيك مصدق بس على كلامك شكله الغي
طيب ياشباب احد يعرف وين يقام المزاد في الرياض ومتى بالضبط ؟ لاني طالع يوم الاحد الرياض عشان هالموضوع خصوصا فياليت تقولون لي وين يقام المزاد فقط ومتى وقته
واسف ياشباب ثقلت عليكم
ومشكووورين على ردودكم الحلوه
SeSo2003
14-05-2006, 10:54 PM
اتوقع كل يوم ثلاثاء بعد صلاه المغرب
في الدمام المرور الي قبال الصناعيه نهايه شارع بن خلدون