سوالف للجميع - ساعدونا يا شباب دبي

FaNNaN

12-05-2006, 05:17 PM

السلام عليكم ورحمه الله وبركاته

كيف حالكم اخواني ان شاء الله طيبين ..

بغيتكم في خدمه وان شاء الله تساعدوني .. انا اخوي الحين في دبي وانا مكلمه ابي كم قطعه لسيارتي وابغي اشوف اذا تعرفون محلات تبيع هالسوالف ياليت تعطوني اساميها مع ارقام التلفونات , انا طالب منه زينون لسيارتي عالي وواطي .. ويكون اللون ابيض مب ازرق .. وبعد طالب منه مسجل من نوع بيونير . PIONEER AVH-P6800DVD وهو نوع جديد توه نازل من كم شهر وقلت يمكن نحصله في الامارات ..

ومشكورين مقدما ً يا شباب

cruiser2000

12-05-2006, 05:25 PM

للرفع

اخواني في دبي ياليت تساعدون الريال اذا عندكم خبرة

uae speed

12-05-2006, 10:36 PM

مرحبا أخوي فنان ، بخصوص الزينون بتلقاه في شارع الزينه ، مقابل فندق حياة ريجنسي .. للأسف ما عندي أرقام المحلات ، بس كنصيحه مني خله ياخذ لفه
على الشارع بين المحلات ، وخله يدور على راحته لان الاسعار تفرق وايد من محل لمحل ..

ونفس الشي بخصوص المسجل ، بس اذا بغيت محلات محترمه .. في محل اسمه ساوند اون ويلز على شارع دبي الشارقه ، قريب وايد من وكالة مرسيدس ( قرقاش ) ..
عنده مسجلات حلوه وشغله نظيف ، بس أسعاره غاليه شوي ..

السموحه على التأخير ، واذا بغيت شي ثاني انا حاضر :)

TOP-SECRET

13-05-2006, 12:20 AM

Prelude 4 Life

13-05-2006, 12:38 AM

اخوي تأكد من نوعية شمعة النور في سيارتك قبل لاتشتري الزينون

هل هي H4 والا H7 والا غيره

علشان تركب معاك على طول بدون سيليكون وشغل رخيص :-)

FaNNaN

13-05-2006, 01:27 PM

cruiser2000 مشكور يالغالي عالرفع والمساعده .

uae speed راح اقوله يروح عند هالمحلات وان شاء الله نحصل .. جزاك الله خير يالغالي

TOP-SECRET مشكور حمد عالرفع :)

Prelude 4 Life صحيح ذكرتني بهالنقطه .. سيارتي تستخدم H13 ان شاء الله يحصل هالنوع

جزاكم الله خير جميعا ً وهذا العشم في شباب سوالف :)

اخوكم فنان