العميد ... المبتسم ... أبو الفياصل

[B.M.W X5]

السلام عليكم ورحمة الله وبركاته

كيف حالكم شباب :)

الحمد لله بدأ سوالف يرجع لسابق عهده

وقسم الطرائف من الأقسام الحيوية والمهمة وفيه كثير من المشاركات

بصراحة أنا لحالي ما أقدر أشرف عليه خصوصا وأن عندي ألتزامات وعندي دورة في الصيف

أحتاج احد منكم يصير معاي مشرف :)

مابي أسمع أعتذارات ومبررات .... رجاءاً رجاءاً

ولا ترى أنا بنفسي بعتذر عن الأشراف في القسم

بو مكتوم الله يجزاه خير عطاني الصلاحيات أني أختار مشرف معاي وأنا بختار منكم وحتى لو ثنين مو مشكلة

شنو المشكلة أذا صرنا 3 مشرفين :D

الزائر لقسمنا بحس أن القسم مهم وعليه زحمة ولا ما حطوا 3 مشرفين عليه :D

[ابو الفياصل]

مرحبا ياالغالي...

مشكور على الترشيح..


لكن اذا تتذكر اني كنت اول مشرف لقسم الطرائف من انفتح المنتدى.. وجلست فتره طيبه.. لكن ما طلعت منها باي شي غير الكلام الجارح والانتقاد وأخيراً الإقصاد..:)



كان ودي اخدمك واساعدك.. لكن صدقني بجانب هالشي ظروفي اقوى منك ومن المبتسم..:)

واعذرني على الاعتذار :)


عبدالله

[المبتسم]

والله بصراحة ..
انا ايضا اشكرك على ترشيحك لي .. وعلى ثقتكم الكبيرة والغالية :)

لكني والله مشغول جدا مع الدوام هذا الصيف ..

دوام ملكي .. من 6 الصباح ل 6 المغرب :shock2:

وما راح اقدر أوفق بين الاشراف وبين العمل ..والحمدلله مع ذلك ادخل المنتدى واحاول اتواجد بقدر المستطاع ..

أعتذر منك اخوي مرة اخرى :)


تحياتي..

[ابداع2004]

مابقى الانت يالعميد شكلها في راسك والعين عليك :D

تحياتي محمد الهاجري0000

[افكر كثير]

معليش يا شباب ( المبتسم وابو الفياصل والعميد )

بما ان اخوكم الحميدي محتاج لكم معاه بلاشراف فاعتقد انكم توافقون حتى لو انكم مشغولين .

يعني القسم توه ماتحرك مثل زمان . تقدروا تداوموا شفتات بالقسم ولا خفارات اللي يعجبكم .


خلاص اخوي الحميدي الشباب كلهم موافقين .


لاحد يجي يرد ويقول وش دخلك انا بصراحه صديق المشرف الحميدي وجيت افزع .


قولوا تم .


خلاص تم .


مبروك عليك يالحميدي هذا الفريق المدمر . :D

[ابداع2004]

حتى اخوي الحميدي ماهو مبين الله يهديه 000وماشاءالله عليك اخوي افكر ابتدت الواسطه ماتدريت انه الشباب يسمعون كلمتك والله قدها بس اتمنى انهم يردون :D

تحياتي محمد الهاجري0000

[افكر كثير]

محمد وينك ياخي

ارسلت لك رساله وانا اخوك وما رديت وخدمة الرسائل الخاصه فيك بالمنتدى مقفله .

ابي ردك بالله عليك


اخوك افكر كثير .

[ابداع2004]

اخوي افكر كثير ردي تعرفه ان شاء الله ولايهمك بس الرسايل الخاصه شغاله تو ذا الحين مشيك عليها 00الله يحفظك00

تحياتي محمد الهاجري00

[افكر كثير]

انا ارسلت لك رساله وتوني اشيك على الرسايل بالمنتدى طلعت شغاله كانت مقفله قبل شوي معاي .

الله يعطيك العافيه الظاهر قلبناها سوالف في موضوع الحميدي الله يستر لا يطردنا من المنتدى . :D

سوري يازعيم . :help:

[ابداع2004]

لايهمك اخوي افكر كثير الزعيم منا وفينا :) ونمووووون :D

تحياتي محمد الهاجري000

[العمــ^_^ـــيد]

انا ارشح اخونا ابداع للأشراف :glasses:

[افكر كثير]

العميد :shock2:

وينك ياخي مسوين عليك بلاغات الله يصلحك .

انا اطلبك طلب انك ترجع للاشراف وان شاء ماتردني وانا اخوك .

اخوك افكر كثير .

[ابداع2004]

اخوي العميد هذا اخونا افكر كثير يطلبك هالطلب اتمنى انك ماترده 00

تحياتي محمد الهاجري000

[B.M.W X5]

أشكر صديقي أفكر كثير على جهوده الكبيره في المنتدى :)

وأنا قلت مب راد إلين يردوا الشباب على الموضوع كلهم :D

والله ياخي أنصدمت الصراحة :mad:

ترى مثل ما ذكرت أذا ما في أحد معاي بالأشراف أنا بعتذر بصراحة

يا جماعة عندي دورة راح أتبهدل فيها يعني أذا قدرت أدخل المنتدى نص ساعة في اليوم أنجاز :31:


الأخ أبداع أذا يحب يصير مشرف فهو يستاهل والله :)

تقبلوا مني خالص الأحترام والتقدير

[SAUD33]

تبغوا مساعدة ؟؟
ترى حاضرين .

[B.M.W X5]

تبغوا مساعدة ؟؟
ترى حاضرين .

يا هلا الغالي :)

ودك تصير مشرف على الطرائف معاي؟؟

أذا عندك الوقت الكافي أخوي وعندك رغبة بالأشراف خلني أكلم الأدارة وأشوف رايهم وأرد عليك

بس أول أكدلي أذا تبي ولا لأ :)

[SAUD33]

يا هلا الغالي

ودك تصير مشرف على الطرائف معاي؟؟

أذا عندك الوقت الكافي أخوي وعندك رغبة بالأشراف خلني أكلم الأدارة وأشوف رايهم وأرد عليك

بس أول أكدلي أذا تبي ولا لأ

الحميدي

المهمة التكليفية هذه صعبة حيث يجب علينا متابعة ما يدور على الساحة
( أقصد سوالف ) أولاً بأول , ولكن اعضاء ومشرفي وإداريي سوالف فيهم الخير والبركة لذلك عندما
يبدأ الإنسان مرحلة جديدة ومن البداية فهو حتماً سيعرف كيف يدير الأمور ويتصرف أحسن تصرف , بارك الله فيكم ووفقكم وأعانكم على هذه المهام الجديدة المناطة لكم .

تقبلوا فائق الود والإحترام من أخوكم الكبير .

[B.M.W X5]

المهمة التكليفية هذه صعبة حيث يجب علينا متابعة ما يدور على الساحة
( أقصد سوالف ) أولاً بأول , ولكن اعضاء ومشرفي وإداريي سوالف فيهم الخير والبركة لذلك عندما
يبدأ الإنسان مرحلة جديدة ومن البداية فهو حتماً سيعرف كيف يدير الأمور ويتصرف أحسن تصرف , بارك الله فيكم ووفقكم وأعانكم على هذه المهام الجديدة المناطة لكم .

تقبلوا فائق الود والإحترام من أخوكم الكبير .

جزاك الله خير على الدعاء :)

بس ما ودك تصير معانا مشرف ؟؟ :)

[SAUD33]

انا أدير عدة مواقع لذلك أعتذر لك عزيزي .

وايضا سوف اكون معكم لو رايت شيئاً ما يريد التحرير أو لفت النظر
فسوف لن أتخلى أو اتأخر في إخباركم .

[افكر كثير]

بارك الله فيك ياسعود والله فيك الخير .

[B.M.W X5]

انا أدير عدة مواقع لذلك أعتذر لك عزيزي .

وايضا سوف اكون معكم لو رايت شيئاً ما يريد التحرير أو لفت النظر
فسوف لن أتخلى أو اتأخر في إخباركم .


ما تقصر الغالي :)

جزاك الله خير