مطلوب ارائكم في جيب نيسان ولا تيوتا

[خليجي]

السلام عليكم ورحمة الله وبركاته

يا شباب والله اني محتار بين هالموترين نيسان 2009/2008
او كلوزر 2009 جي اكس او جي اكس آر كلهن خليجات البريمي ؟؟

الكل وقف بوجهي في النيسان بس انا ابي النيسان لانه خفيف ويشق هالطعوس وللصيد ما يحتاج

والكلوز نصبه وموتر وينشد فيه الظهر لكنه ثقيل يعني اكلمكم في قص الطعوس ثقيل ما يقص
بس مركبه اريح من النيسان ؟؟

وش رايكم ؟؟

[علي عبدالله]

الكروزر افضل من ناحية المواصفات والراحة
خصوصا الشكل الجديد فيه تحسينات كثيرة

والكروزر الحين في الشكل الجديد يعني تاخذه للمستقبل ..
لكن النيسان للحين على الشكل القديم من سنوات.. ماينفع

هذي وجهة نظري .. والموضوع يرجع لك ولذوقك قبل كل شي :glasses:

[ابو محمود]

اذا اعطيت الباترول 9 من 10

فانا اعطي لاند كروزر 100 من 10

تويوتا سياره رائعه لابعد حد

[نار الشوق]

ماعندي خبرة بالسيارات كثيير، لكن انصحك بمقارنة خدمات مابعد البيع فهي اهم من وجهة نظري

من ناحية
1- توفر قطع الغيار
2- مراكز الخدمة
3- الضامان