في جيرة الله يازمانٍ مضالي

[أبن نجد]

بسم الله الرحمن الرحيم
http://www.swalif.net/swalif1/ubb/salam.gif
أعزائي جميع الأعضا نقول للجميع تقبل الله منا ومنكم الصيام والقيام وأعاد
الله هذا الشهر الكريم علينا وعليكم أعوام عديده بالخير والمسرات
مامن أحد الا وله ماضي يحن له ويتغزل به ولو كان شقياً به وقته وهذه القصيده
لشاعر يتغزل بماضيه
في جيرة الله يازمان مضالي ********* وعساك يادور السعاده تعودي
ودعتك المولى عزيز الجلالي ********* في قدرة اللي عن هواه محدودي
ويادوروادعتك ومشغول بالي ****** غصب ٍ عليه يالزمان الودودي
ويادورمانسىفيك يوم صفالي ****** لو كان حبل الود جابه عقودي
غالي ولا غيرك على النفس غالي ***** وغلاك مع طول الليالي يــزودي
مفتون في حبك من أول وتالي ****** حتى أنشغل فكري وضاعت جهـودي
وحبك بنفسي منطبع لايزالي ****** ولاني لمن تهواه نفسي جحــودي
وحتى بفرض الله تصور أقبالي ****** وغلطة صلاتي ما جبرها سجودي
وليا ذكرتك يالزمان الجمالي ***** فكري عن الدنيا خذاه الصدودي
تاخذني الذكرى بجو خيالي ***** وأعمر اللي كان قبل مهدودي
وأسبح ببحر الهم والأنشغالي ****** واحلام ليلٍ مالها من وجودي
وليا أنتهيت وشفت حالي لحالي ***** وقفت من بين السهل والسنودي
ويمناي بالصفقه تعلت شمالي ******* وعضيت نابي والحجاج معقودي
وشلون أخفي كل شي جـــرالي ***** والدمع من عيني لوجدي شهودي
فات الأوان وفات عيد أحتفالي***** ولاباقي الا حسرتي واللهودي
ابااتسلى مير ماني بسالي ******* ولو أني اسلى ماعرفت الفقودي
عقب السعادة والهنا والكمالي **** ويومٍ ليا واعد صدوق الوعودي
اليوم في يومٍ من الودخالي ******* وقلبه على يوم صفالي حقودي
وهي هكذا الدنيا حلل وارتحالي**** وبيض الليالي جابن اليوم سودي
( ..... )

------------------
لولاالخطأمحدِعرف واجب الصح(..)