T_zone
05-01-2000, 12:01 PM
هلا وغلا
اسأل الأعمى .. إن كان في نومه يشوف..
ليه يصحى ..
واسأل اللي ..
مادرت عنه الهموم ..
اللي درى ان العمر محدود
وان الفرح مهما اختفى موجود..
اسأله ليه ينوم ..
وإن جاوبوك ..
إسألني ليه حنا إفترقنا..
ياصاحبي مابه سبب لفراقنا..
غير اننا جينا في زمن .. ماهو زمننا
ياصاحبي مابه سبب لفراقنا..
غير اننا في حبنا عشقنا الصدق ..
وفي وقتنا وش هو الصدق ..
في وقتنا لجل اللقاء..تكذب
ولجل توصل ماتبي..تكذب
ياصاحبي خذها من جرحي نصيحه..
كانك تبي تآصل..
اكذب ..
اكذب ..
اكذب ..
الصدق في وقتنا أصبح فضيحه..
في وقتنا دايم تهيم في شي .. ماتعرف مداه
دايم تهيم في اللي بعد عن سكتك(1) ..
واللي زهد في محبتك ..
واللي في يدك..ومتحمل جروحك معك ..
مايهمك .. تنساه ..
ولو تقتله..مايَإلمك ..
وبأقدامك تآطى على دماه..
ياصاحبي وقتنا في أوله ضيعنا اولى القبلتين..
وفي آخره اللـه يعلم وش بـ يبقى.
.
في وقتنا صار الغدر شيٍ عظيم..
والوفا ماظنتي ان كان بتدور .. بتلقى..
ياصاحبي في وقتنا اطول مسافة ممكنه ..
تمشيها بين النقطتين ..
الخط المستقيم ..
ياصاحبي في وقتنا وقت الألم..
من يسمعك مهما حكيت ..
من ينصفك مهما شكيت ..
من هو اللي مايضحك ..
اذا ضلتك دنياك وبكيت ..
ياصاحبي في وقتنا مال المشاعر ناس..
ياصاحبي في وقتنا لبعض القلوب إحساس..
ياصاحبي في وقتنا وقت الكلام وقل الفعل..
ياصاحبي في وقتنا لامات أحد
وانتقل لأعلى رفيق .. من طيبنا ..
نحزن عليه..نصلي عليه
نوصل معه للمقبرة..وفي المقبرة ..
غير الدعاء وقولة الـله يرحمه..
مابه كلام .. وندفنه ..
ولا دفناه .. نبكي ..
بدون دموع .. أو بدموع..
المهم بعد مانبكي .. نتركه ونروح ..
تلقانا نقول .. مسكين يافلان مسكين
من دنيتك وش اللي خذيت ..
وبعد باب المقبرة بشبرين ..
واقل من الدقيقة ..
لا من دخل فينا الزحام ..
من طيبنا نضحك ونسمع أغنية ..
لجل نتسلى في الطريق .. بين المقبرة والبيت..
يارب سبحانك ياللي تجير من العذاب ..
قلوبنا وش صابها ..
يارب سبحانك يامن تجير من العذاب ..
في وقتنا غدا بين الحياة والموت ..
وبين البكا والضحك (((شبرين))) و((دقيقه)) و(باب) ..
ويديننا اللي قد حثت في وجه ميتنا التراب..
هي نفسها اللي بعد شبرين واقل من الدقيقه ..
اختارت شريط وحطته لجل تقتل طول
المسافة بين المقبرة والبيت..
ياصاحبي في وقتنا صار الأموات
أحسن بكثير من بعضنا..
في المقبرة على الأقل ميت وندري ..
المشكلة انه متنا وإلى الحين ماندري ..
ياصاحبي في وقتنا ضاع إحترام الموت ..
في وقتنا حكينا ماأكثره وللأسف ..
كل الحكي من غير صوت ..
وإن كان به من صدق واسمحوه ..
يحكي من صوت مانسمعه ..
ياصاحبي قدامنا كان اختيارين ..
يانجاري وقتنا ونكذب ونخدع نفسنا..
يانفترق..لان الفراق في وقتنا هو الصدق
افترقنا..
ياصاحبي كانك تشك في صدق أسباب الفراق ..
دور لك أعمى ..
ولا صحى اسأله إن كان في نومه يشوف ..
ليه يصحى ..
وليه افترقنا ..
لكم التحيه
وشكرا لأخي اللهو الخفي
______
(1) سكتك ... دربك ...
اسأل الأعمى .. إن كان في نومه يشوف..
ليه يصحى ..
واسأل اللي ..
مادرت عنه الهموم ..
اللي درى ان العمر محدود
وان الفرح مهما اختفى موجود..
اسأله ليه ينوم ..
وإن جاوبوك ..
إسألني ليه حنا إفترقنا..
ياصاحبي مابه سبب لفراقنا..
غير اننا جينا في زمن .. ماهو زمننا
ياصاحبي مابه سبب لفراقنا..
غير اننا في حبنا عشقنا الصدق ..
وفي وقتنا وش هو الصدق ..
في وقتنا لجل اللقاء..تكذب
ولجل توصل ماتبي..تكذب
ياصاحبي خذها من جرحي نصيحه..
كانك تبي تآصل..
اكذب ..
اكذب ..
اكذب ..
الصدق في وقتنا أصبح فضيحه..
في وقتنا دايم تهيم في شي .. ماتعرف مداه
دايم تهيم في اللي بعد عن سكتك(1) ..
واللي زهد في محبتك ..
واللي في يدك..ومتحمل جروحك معك ..
مايهمك .. تنساه ..
ولو تقتله..مايَإلمك ..
وبأقدامك تآطى على دماه..
ياصاحبي وقتنا في أوله ضيعنا اولى القبلتين..
وفي آخره اللـه يعلم وش بـ يبقى.
.
في وقتنا صار الغدر شيٍ عظيم..
والوفا ماظنتي ان كان بتدور .. بتلقى..
ياصاحبي في وقتنا اطول مسافة ممكنه ..
تمشيها بين النقطتين ..
الخط المستقيم ..
ياصاحبي في وقتنا وقت الألم..
من يسمعك مهما حكيت ..
من ينصفك مهما شكيت ..
من هو اللي مايضحك ..
اذا ضلتك دنياك وبكيت ..
ياصاحبي في وقتنا مال المشاعر ناس..
ياصاحبي في وقتنا لبعض القلوب إحساس..
ياصاحبي في وقتنا وقت الكلام وقل الفعل..
ياصاحبي في وقتنا لامات أحد
وانتقل لأعلى رفيق .. من طيبنا ..
نحزن عليه..نصلي عليه
نوصل معه للمقبرة..وفي المقبرة ..
غير الدعاء وقولة الـله يرحمه..
مابه كلام .. وندفنه ..
ولا دفناه .. نبكي ..
بدون دموع .. أو بدموع..
المهم بعد مانبكي .. نتركه ونروح ..
تلقانا نقول .. مسكين يافلان مسكين
من دنيتك وش اللي خذيت ..
وبعد باب المقبرة بشبرين ..
واقل من الدقيقة ..
لا من دخل فينا الزحام ..
من طيبنا نضحك ونسمع أغنية ..
لجل نتسلى في الطريق .. بين المقبرة والبيت..
يارب سبحانك ياللي تجير من العذاب ..
قلوبنا وش صابها ..
يارب سبحانك يامن تجير من العذاب ..
في وقتنا غدا بين الحياة والموت ..
وبين البكا والضحك (((شبرين))) و((دقيقه)) و(باب) ..
ويديننا اللي قد حثت في وجه ميتنا التراب..
هي نفسها اللي بعد شبرين واقل من الدقيقه ..
اختارت شريط وحطته لجل تقتل طول
المسافة بين المقبرة والبيت..
ياصاحبي في وقتنا صار الأموات
أحسن بكثير من بعضنا..
في المقبرة على الأقل ميت وندري ..
المشكلة انه متنا وإلى الحين ماندري ..
ياصاحبي في وقتنا ضاع إحترام الموت ..
في وقتنا حكينا ماأكثره وللأسف ..
كل الحكي من غير صوت ..
وإن كان به من صدق واسمحوه ..
يحكي من صوت مانسمعه ..
ياصاحبي قدامنا كان اختيارين ..
يانجاري وقتنا ونكذب ونخدع نفسنا..
يانفترق..لان الفراق في وقتنا هو الصدق
افترقنا..
ياصاحبي كانك تشك في صدق أسباب الفراق ..
دور لك أعمى ..
ولا صحى اسأله إن كان في نومه يشوف ..
ليه يصحى ..
وليه افترقنا ..
لكم التحيه
وشكرا لأخي اللهو الخفي
______
(1) سكتك ... دربك ...