View Full Version : أبيات تتكلم عن شخص غالي وعزيز على قلب الغرام
هذه الأبيات تتكلم عن شخص غالي وعزيز على قلبي …جاني يوم من الأيام يشكي ويبوح عن حبه لإنسانه في نظري ما عرفت الحب ولا تستاهله…ودار بينا حوار حاولت من خلاله أبين له غلطه وإن احساسه مجرد انجذاب للكلام الحلو لا أكثر ولا أقل وإن الأخلاق هي زينة البنت الحقيقية…ورفضت مساعدته بالرغم من مكانته العاليه عندي…وقلت له
جيتني تشكي وتنوح وتقول
يا الرضيعه أنا في حبي امعذور
من شفتها طحت واقف وإنسحرت
كد وحسنٍ وكلامٍ معسول
لا حشى ما هي من البشر
هي ملاك مصور بهيئة بشر
قمت يا خوي تعدد وتوصف في الحسن
والأخلاق إنت نسيته ولا تناسيته
قال آه من غدر الأيام
يا الرضيعه لها مع غيري سوالف
بس أنا شايل وراضي
صدقيني معي راح تصير انسانه جديدة
قلت يا خوي كنت أنا بيك رافعه الرأس
وكنت لي مثل القمر دايم الدوم ضاوي
يا خوي بعد وصفك وزينك ما هقيت
تغرك الدنيا ببنت عينٍ ورمشٍ كالهنوف
تسرح وتمرح وتتمخطر ولا العروس
وينك عن الأخلاق والبيت العفيف
وينك عن الأخلاق ولا إنت إمهووس
تسهر وتشكي وتهيم في حب الهنوف
سالبه عقلك وهي على غيرك تلوف
يا حسافه على طيبك وأصلك يا العزيز
ضايع بهوجاس وأحلام وغرام
عايش بذكرى وويلات وعذاب
وهذا كله لأجل عينك يا الهنوف
أطلب وآمر إنت يا الغالي تمون
بس هنوفك ما لها في عوايدنا مقام
أعتذر على الإطاله
------------------
مع تحياتي: غرام الليالي
دمعة شوق
19-02-2000, 06:11 AM
أختي غرام
صح ألسانج والله ما عليج زود وكلامج في محله
------------------
اذا كان الحب ضعفا , فهو ضعف القلوب العظيمه
أشكرك أخ دمعة الشوق
------------------
مع تحياتي: غرام الليالي
الفلاسي
19-02-2000, 07:51 AM
مرحبا .. كلامج جميل و في محله .. لكن بصراحة هذي مش ( أبيات ) هذي خاطرة ... الى الأمام .. http://www.swalif.net/swalif1/ubb/smile.gif
تحياتي
------------------
ليس هناك عمل صعب..... بل الصعب أن لا نفكر في عمل
أشكرك فلاسي على ردك والنصيحة...ونورت سوالف...وأنا بصراحة ما استغنس عن تشجيعك ونصايحك http://www.swalif.net/swalif1/ubb/smile.gif
------------------
مع تحياتي: غرام الليالي
الأخت غرام
فعلا موقفك رائع .. والأخلاق هي الاساس الصحيح لبداية علاقة صحيحة
لتكوين اسرة ووجود ابناء وحياة ..
احيكي على هذا الموقف ..
جميله هذه الابيات ..
T_zone
19-02-2000, 02:54 PM
هلا بغرام ..
تصرفك عين العقل .. أهنيك ..
وبالنسبه للنص .. أبدعت في صياغة الفكره ..
تحياتي لك http://www.swalif.net/swalif1/ubb/smile.gif
بنت الأحزان
19-02-2000, 04:33 PM
صباح الخير والمسرات ... http://www.swalif.net/swalif1/ubb/smile.gif
ماشاءالله عليكي يا غرام...
فن النثر متغلغل فـ العروق... http://www.swalif.net/swalif1/ubb/smile.gif
وإنشاءالله للأمام دايماً ... http://www.swalif.net/swalif1/ubb/smile.gif
------------------
The door to friends’ hart is always open. **
الصديق عند الضيق إن خنته صانك، وإن صنته زادك :)
أشكرك أخ حبوب على هذا الإطراء وأي وحده في مكاني راح تقول الشيء نفسه
------------------
مع تحياتي: غرام الليالي
مشكور أخ T_zone وما قصرت والحمدلله إني نجحت في توصيل الفكرة
------------------
مع تحياتي: غرام الليالي
صباح النور على البنور
هلا وغلا وكل تباشير السعادة والترحيب لك يا بنوتة الأحزان http://www.swalif.net/swalif1/ubb/smile.gif
ومشكوره على الإطراء هذا بس من ذوقك http://www.swalif.net/swalif1/ubb/smile.gif
------------------
مع تحياتي: غرام الليالي
make_up
20-02-2000, 03:32 AM
اه يا الغرام كم عانيتي وعانوا منك ....ما تعرفين اتسامحين علشان يسامحون ويرجع كل شي لمكانه....طبعا انتي عارفه شو انا اقصد http://www.swalif.net/swalif1/ubb/frown.gif
------------------
المعارضةجداً
بقايا جروح
20-02-2000, 05:35 AM
هلا اخت غرام..
صح السانج وكلام رائع..
بس شوي كان ينقصه الوزن..
على العموم انتي المفروض اكثر وحده توقفين معاه..
مادام هو يستاهل وغالي..
------------------
من يشتري قلبٍ همومه ملايين...
ويبيعني قلبٍ من الهم خالي..
أتمنى لو أقدر make_up هذا الشيء خرج من استطاعتي وكرامتي ترفض تسامح وتنسى رغم المعزه والمحبه http://www.swalif.net/swalif1/ubb/frown.gif
------------------
مع تحياتي: غرام الليالي
[b]<small><small>[ تم تعديل الموضوع بواسطة غرام يوم 19-02-2000]
أشكرك بقايا جروح
وأنا فعلاً ما راح أتخلى عنه لأن مو من عادتي أتخلى عن إنسان محتاج لي http://www.swalif.net/swalif1/ubb/smile.gif
------------------
مع تحياتي: غرام الليالي
اعتقد الواجب ما نتخلى عن اللي محتاجين لنا ؟
غرام الكلام صحيح و المعاني حزينة حزينة ----- ليه ؟
تقديري لك و السموحة للمداخلة
------------------
اللي ماله أول
شي اكيد ماله تالي !
أشكرك أخ صفوق وبصراحه مداخله حلوه
أما عن التخلي صدقني أنا حاولت أساعده قد ما أقدر وما تخليت عنه
أما الحزن
لا تسألني عن الحزن
صار كل ليله معاي
يسهر معاي يصحى معاي
حتى دموعي صارت له عطر
حزني حزن قلب مجروح
آه يا جارح القلب
ما تهون إنت الحزن
ولأجلك حياتي
أضحت مليانه حزن
إنت معاي وأنا معاك
صرنا حبايب للأبد
عشرة عمر...حتى الفرح
عيى يكمل وابتعد
وإنت الوفي..آه يالحزن http://www.swalif.net/swalif1/ubb/frown.gif
------------------
مع تحياتي: غرام الليالي