بدويـــــــــــة

[إماراتي حتى النخاع]

أحبها تلبس برقع و شيلة *** بدوية وأرضها العين ميلاد

سمرا وشيخة بنات القبيلة *** حرة وبأيدها دوم الشداد

بخورها والعود ماشي مثيلة *** وثوبها مخور مع الريح رداد

ريقها شهد صافي تسيله *** حوارة العين ورد الخداد

والنحر شمس تضوي شعيله *** لعيونها البشر ساجد وعباد

شيخة اليازي و قايد فصيلة *** وقلبي صوبها تابع ومنقاد

ويلي منها فارعة وطويلة *** ناحفة العود وخصر جلاد

يالعامري تراها أعيتني الحيلة *** خلها ترحم وتعيد الوداد

أبا تبلغني قربها بأية وسيلة *** هي وردة الدنيا ونور البلاد

قلبي لأجلها ضايع حليله *** فالعين والعوهة وتوام والساد

لي يقرب لها مذبوح يا ويله *** واللي يبعد منها يكويه البعاد

واللي يناظرها تنوربه الليلة *** تسطع له الشمس وتجيه أعياد

حبيبتي الجنة والدنيا الجميلة *** حبيبتي الملح والماي والزاد

أباها لعمري الوقت تهديله *** وأباها لروحي غصب وعناد

لو الزمن ظالم ونفسي عليلة *** والوقت قاسي والناس حساد

بيعود الشجر والعشب للغيلة *** والأرض ما يغطيها الرماد

http://www.alshamsi.net/sh3r/badwiah.html

------------------
أحب الشيخ زايد في فكره وفي معانيــه
وأحب الإمارات أرض وناس وزعــامة
وأحب المها والفرس واليازي في أراضيه
وأهـوى الشعـر وأعشق دروب الكرامة
وأحب البدر اللي تجلى نور في معـاليـه
هذا إماراتي حتى النخاع إلى يوم القيامة

[بنت الأحزان]

أخ اماراتي حتى النخاع http://www.swalif.net/swalif1/ubb/smile.gif
في البدايه أحب أرحب فيك بيننا http://www.swalif.net/swalif1/ubb/smile.gif
ولو أنها متأخرة http://www.swalif.net/swalif1/ubb/smile.gif

الصراحة عندي سؤال ...
موقع اماراتي حتى النخاع (موقعك؟)
تراه ايهبل http://www.swalif.net/swalif1/ubb/smile.gif

وتسلم على الكلمات http://www.swalif.net/swalif1/ubb/smile.gif


------------------
قلنا بنفرح يومين ...
أتاري الحزن ع البابين..
قالوا الحزن شين.. قلت الله يخلي الزين :)

[إماراتي حتى النخاع]

نعـــم أختي العزيزة .. هو موقعي ... وشكراً على كلمات الإطراء الجميلة ..