قصة طرد الدوخي؟؟؟؟؟!!!!!!!!! الحقيقية

[ابو ناصر]

السلام عليكم:
اولا أحب أن احيي جميع أخواني الأعزاء في منتدانا المبارك كل واحد باسمه -لأنه هذاأول موضوع لي وأرجو أن تحصل الاستفادة المرجوة- وايضا لاأستطيع أن أكتم إعجابي بكتابات الأخوة(الزعــ88ـيم,الأعصار,ساميو,صالح العبدالرحمن,العالمي,
vip)ولا يهونون اللي ماذكرت اسمائهم.
وسبب كتابتي لهذا الموضوع أني رأيت بعض الكلام اللي ما يليق على اللاعب الكبير
(أحمد الدوخي)
أما القصة فبدايتها من بداية الشوط الثاني وحسين عبدالغني يحاول استفزاز الدوخي-أروي لكم القصة وأنا كنت قريب من الحدث في الملعب - فقبل طردة الدوخي شاهدتم مخاشنة عبدالغني للدوخي عندما زلق عليه وخرج عن الغطاء الأخضر واصطدم بالحاجز الحديدي الابيض فمنذ تلك اللحظة بدأينزف وجه عبدالغني , فنجح عبدالغي في استفزاز الدوخي بعدها بلحظات عندما قام المدعو بحسين عبدالغني ب(التفل أو البصق)أكرمكم الله في وجه الدوخي ,فأقبل عليه الدوخي ليلكمه بيده!! ولكنه تذكر ان هذه الحركة ليست من اخلاق الهلاليين فأعاد يده الى مكانها , ومر من عنده مرور الكرام سوى لمسة بسيطة جدا من كتف الدوخي لـ(كتف) عبدالغني وليس وجهه, مع نظرات الدوخي له!
فبالله عليكم وإني انشدكم بالله هل هناك قانون ينص على طرد اللاعب اللي يلمس اللاعب الآخر وينظر له نظرات (قد) تجرح شعور اللاعب المنظور اليه؟؟؟؟؟!!!!!!
وخاصة اذا كان يرتدي فانيلة زرقاء....
وفي النهاية اترك التعليق لكم ..
واذا كان أحد لم يقتنع بكلامي فليبين وجهة نظره وأنا برسم الخدمة للرد عليه. شاكرا لكم قراءة موضوعي المتواضع.

[shaheen alhelal]

http://www.swalif.net/swalif1/ubb/salam.gif
اخوي ابو ناصر مساك الله بالخير .
الحكاية واضحة وضوح الشمس عبد الغني ناوي الحركة من بداية الشوط الثاني
لأن الدوخي فتح هاي وي من عنده وهجمات الهلال مركزه قال مالي الا هالطريقة
لكن الشرهة ماهي على عبد الغني الشرهة على المساعد اللي ماعرف يوصل المعلومه والا اذا كان فيه طرد للأثنين جميعا . لكن ما اقول الا هذا قدر الهلال مع الحكام ولا واحد مثل زبرماوي يسرح بالملعب الى نهاية المباراة والله حرام ......لكن سلملي على اللاعبين اللي كتمو انفسهم وانفاس بعض الناس اللي ما نامو من القهر ذيك الليلة .

@@@شـــــــalhelalـاهيــــــــshaheenـن@@@

[المتألق]

ابو ناصر

للأسف الكل شاهد الدوخي ( يعني بصراحة ما تقدر تقول لمسه )

ولو لم يضرب الدوخي حسين عبد الغني .... فهي رد للكرت الاحمر الذي حصل عليه حسين عبد الغني بسسب الدوخي في المربع الموسم الماضي ... وكان سببه أن الدوخي نط على حسين عبد الغني وطاح على الارض .... وعلى طول كرت أحمر


ومعليش ما أدري هل طلع الهلاليين قانون السمح بالضرب .... لا استبعد فقد أخرج الهلاليين **********

[b]<small><small>[ تم تعديل الموضوع بواسطة &nbsp; مراقب 998 &nbsp; يوم &nbsp; 19-02-2000]

[العالمي]

ابو ناصر .. تبي الصراحه الدوخي يستاهل الطرد http://www.swalif.net/swalif1/ubb/frown.gif
صح الدم اللي نزل من فم عبدالغني مو من الدوخي لكن الدوخي ضرب غبدالغني ضرب متعمد !! وهذا بحد ذاته يستاهل الطرد http://www.swalif.net/swalif1/ubb/frown.gif
--

الدوخي بعد ماطرد وخرج الملعب اخذ يبكي بكل قوة وعرف أنه مخطىء

------------------
ردد الجمـهور سامي ... وجاب القول سامي
وانتشى جمهور الازرق وحققنا البطولة

[ابو ناصر]

شكرا لكم يا إخواني:
اولا ابي اعلمكم انه من اهم اسباب انضمامي لكم في هالمنتدى الرائع علشان ابين لكم حقيقة رأيتها بعيني, وانا ماأقول انكم ما تشوفون او انكم(عميان) بالعكس هذي وجهة نظركم وأقدرها, (( إن أريد إلا الإصلاح مااستطعت)).

وبالنسبة لك ياأخوي المتألق وكلامك عن المباراة (العام الماضي)وتراها مباراة مرت عليها سنة ,وموضوعي هذا يتكلم عن مباراة قبل امس الأربعاء , وإذا كان ودك نتناقش فيها فنفرد لها موضوع خاص بها يا (المتألق) الغالي ..
اما أنت يا(العالمي)المحبوب فما ادري وشلون ابرد على واحد مثلك له اسمه العالي في هالمنتدى العالمي ! لكن ابيك تسمحلي ولا تاخذ بخاطرك مني .
اما قولة انه الدوخي ضرب عبدالغني وأنه يستاهل الطرد فاسمحلي فيها!!
لأنه ربي يسر اني كنت قريب من (الحادث)! علشان ابين الحقيقة , وأنا رأيت المباراة مسجلة من أكثر من قناة. وكانت جميع اللقطات من بعيد وغير واضحة بحيث ان المشاهد ما يقدر يبني حكمه عليهاوهي كانت مجرد (لمسة)لمسة لااكثر ولا أقل .
وفي الختام لاأنسى اني اشكر اخوي SHAHEEN ALHILAL
وعساكم ان شاء الله اقتنعتوا؟؟؟
--------------
للموت اشجع سام ولا أصير ضده لو غيري كل الناس قالوا نعاديه

[العالمي]

هلا والله ابو ناصر بالعكس ردك يفرحني أكثر ،،

انا بصراحه شفت الطرد على الاوربت من خلال الكاميرا الخاصه فيهم وشفنا الضرب واضح ! ...
عزيزي ابو ناصر : الدوخي حتى بعد ماطرد لم يعترض ولم يتفوه على الحكم بأي شيء ! وهذا دليل على انه يستاهل الكرت الاحمر ..
--
وبصراحه الدوخي كاد يضيع علينا البطولة هذي بسبب تصرف أحمق منه مع انه لاعب خبره وكبير لكن اتمنى يكون هذا الدرس جيداً لاحمد الدوخي http://www.swalif.net/swalif1/ubb/smile.gif

------------------
ردد الجمـهور سامي ... وجاب القول سامي
وانتشى جمهور الازرق وحققنا البطولة

[الموسيقار]

عزيزي ابوناصر:
مساك الله بالخير ومبروك البطوله..وفعلآ كان الهلال الاجدر بها
اما مايخص الطرد..فمن وجه نظري كانت سليمه 100%
واستفزازات عبدالغني لم تكن مبررآ لما فعل..فقد كاد يفقد فريقه البطوله
واوجد ثغره واضحه بعد خروجه..ولاننسى ان فريقه كان متقدمآ 2/0 اي
يفترض ان يكون اكثر هدوء بالاضافه الى خبرته الدوليه
والملاحظ ان الاثنين ورغم انهم زملاء في المنتخب إلا ان المشاكل تبدء منهم في كل
مباراه...ولا استثني احدهم دون الاخر
اما عن استفزازات عبدالغني فكان بسبب ضعف الحكم ولنا وقفه اخرى معها
مع تحيـــ الموســـــيـــــقــــــار ـــــــات

------------------
ضابط الإيقاع

[vip]

هلا ابو ناصر ومرحبا
واحب اقولك بدايتك قويه اخوي

لا نعترض على طرد الدوخي ولكن نعترض لماذا لم يطرد الشيحان بنهائي كاس فيصل بن فهد وبحركه اشنع ؟‍‍‍‍‍!!!

تقبل تحياتي وموضوع جدير بالمناقشه

[ابو ناصر]

السلامم عليكم:
ومعليش اني تأخرت في الرد لكن ظروف خاصة وعدت وعسى الله لا يبعدني عنكم مرة ثانية .... آمين
وتراني اعتز بكلامك ياالـ VIPــغالي ,أما أنت يالعالمي المحبوب فأنت قلتها بنفسك انه لم يعترض على الحكم وهذي هي أخلاق الهلاليين المعروفة عنهم وهل تتوقع من واحد في قمة غضبه من طرده من المباراة اللي ما راح تتكرر له الا بعد قرن ان كان انه من الحيين ويعتذر من اللي تسبب في ذلك بكل روح رياضية هلالية,هل تتوقع من اللي سوى كل هذا انه يقوم بضرب لاعب اصلا ماهو في حاجة خروجه لأنه اصلا ماهو مضايقه بالعكس المستفيد من هذا كله هو عبدالغني وفريقه(المهزوز) .
وبعدين كلامك يا الموسيقار الحبيّب انك شفت الطرد وأن الدوخي يستاهله ميه بالميه فأنا اقولها-واسمحلي فيها- انه مايستاهلها ثلاثة آلاف بالميه وهذا شيء انا متأكد منه.... تمام ياشباب اسمحولي افصل لكم(الحادث) ولا تملون مني.
الآن الدوخي كانت اعصابه هاديه ومرتاح شيء أكيد فريقه متقدم بهدفين والسيطرة له,عكس عبدالغني اللي فريقه مهزوم وعليه ضغط نفسي كبير جدا جدا
وكلكم شفتوا وشلون الدوخي كان(مهبّل) بعبدالغني طول المباراة ..صحيح
والآن لما يضربك واحد(بوكس)فانك راح يرجع وجهك للجهة العكسية من مكان الضربة والا لا. وعبدالغني لما ضربه-فرضا- كان لابد انه يطيح الى الخلف , وانتم شفتوا انه رمى نفسه للأمام مع انحراف بسيط جدا الىجهة جنبه الأيمن... فكيف يكون ذلك ؟ والا عبدالغني له نظرية خاصة!!
وبعدين ترا الحكم كان له رأي في البداية ولكن لما رأى حكم الخط الدم على وجه عبدالغني نادى حكم الساحة وقال له كلام آخر!! اذا قرار الحكم مبني على الدم اللي على وجه حسين ,وكلكم متفقين انه هالدم ما كان سببه الدوخي.والا وش رايكم يا اخواني الأحبة؟
وترا قالها الدوخي ((والله اني مظلوم في الطرد..)) ولولا الحياء من الله اني احلف باسمه الأعظم في امر دنيوي مثل هذا والا ان كان حلفت ان الدوخي مايستاهل الطرد ابدا..وما بعد حلف الدوخي شيء..
واسمحولي اني أخذت من وقتكم الثمين... وشكرا للجميع

[الموسيقار]

عزيزي ابوناصر:
الدوخي مر من امام عبدالغني ورفع يده اتجاهه..هل كان بقصد السلام او التهنئه. ان كان كما ذكرت انه اراد ضربه ثم تراجع..فلماذا لم يتراجع بدون
رفع يده على عبدالغني..وان كان تراجعه بعد ان رفع يده لضرب عبدالغني
فهذا خطئه والقانون لايحمي المغفلين
ان ترفع يدك على لاعب اخر وبدون كره..ثم نقول انه تراجع؟ تراجع عن ماذا؟
طبعآ تراجع عن ضرب اللاعب ضربه قويه والنتيجه لمسه او ضربه خفيفه لاتذكر
وبرأيك ان هذا لايستحق الطرد.
اتمنى ان لا ندافع عن الخطأ حتى وان كان اللاعب المفضل لدينا
وكل مانكتبه ونقوله لايعفي الدوخي عن الخطأ
مع تحيـــــــ الموســـــيــــقـــــار ــــــات

------------------
ضابط الإيقاع