View Full Version : الهريفي شخص ضد دولة
محمد الهلالي
15-03-2000, 04:17 AM
اتمنى الا يعتبر اخواني النصراويين موضوعي هذا تدخل في خصوصياتهم فانا هنا اتكلم عن فهد الهريفي الشخص المواطن السعودي بغض النظر عن انتماءه .
فالهريفي اصبح محل لتهجم الكتاب الصحفيين واعضاء شرف النصر فهناك من يصفه بعديم التربية وهناك من يصفه بأبشع من ذلك .
الجميع اصبح ضده نعم الهريفي اخطأ لكن لماذا يريدون ان يضعوا قوانينهم ويتحكموا في مستقبل اللاعب فحسب علمي ان الهريفي هو المسؤول الأول عن اسرته فلماذا يريدون طرده من النادي وقطع رزقه وهم يعلمون انه لامصدر له الا الكره.
وماحكاية هذا التحقيق فلا اظن ان اللاعب قتل او سرق حتى يكون هناك تحقيق في الموضوع.
صدقوني يا اخوان ان مايعانيه الهريفي من ضغوط نفسيه شيء لايطاق ولاتتحمله الجبال فمابالكم بشخص ضعيف مثل الهريفي لاحول له ولاقوة في مجابهة هذا الطوفان.
اخواني النصراويين الأعزاء
فهد الهريفي مهدد بالطرد اكثر من اي وقت مضى وعلى قولة المثل قطع الأعناق ولا قطع الأرزاق وحب الجماهير النصراوية وتعاطف الجماهير الأخرى معه بعد حماية الله هي فقط من سيحميه من كل هذا فانظروا لها من الناحية الأنسانية فالهريفي انسان قبل كل شيء.
مسيك بالخير
لو تشوف عدد مواضيعي بتدري اني مسجل عشان ارد عليك بس.
فهد الهريفي من اللاعبين اللي شاهدته يلعب طول سنينه بالملاعب يعني طول ما هو يلعب انا اشوفه - واقرى عنه واسمع اخباره من المقربين له.
فهد افضل صانع لعب مر على المملكة - حتى لو اعترضوا الهلاليين - فهو افضل من المصيبيح وفؤاد بمراحل بس فهد مشكلته اسمها عبدالرحمن بن سعود بكل بساطة.
الهريفي يحب الفلوس وهذي طبيعة الانسان لكنها في فهد بزود شوي وعبدالرحمن عنده الفلوس اللي ترضي فهد.
بإيعاز من عبدالرحمن ، فهد كان يسوي مشاكل بالمنتخب لسببين ، الاول عشان يرجع للنصر والثاني حتى ما يصاب مع المنتخب ( وهذا يسحب على الثنيان ايضاً).
فهد كان يسوي المطلوب واكثر، وفعلاً يرجع بايقاف شهر وهي مدة مشاركة المنتخب، او اساساً ما يضم عشان مشاكله.
فهد حس انه خسر كثير بهالاسلوب لكن كله يهون عند رصيد البنك.
في فترة من الفترات التزم الهريفي ، ولا عاد يبي عبدالرحمن ولا فلوسه لكن ما زال يحب الكوره وكثرة الطق تفك اللحام وفعلاً انفك لحام الهريفي تحت مطرقة عبدالرحمن.
الهريفي لوحده ( واقولها وانا صادق بلحاله) جاب الدوري 1414 والدوري 1415ولا تقولون معه ماجد ، دوروا ماجد وش سوى بدوري 1413.
عشان كلام وتصريح صحفي من الهريفي انقلب عبدالرحمن 180 درجة ضده وما كان يبغاه يلعب بدورة الخليج ولا بالآسيويه لولا امر جاء من سلمان بن عبدالعزيز، عضو الشرف الأساسي بالنصر.
ساءت العلاقات جداً بعد ضياع الآسيويه، والمتهم الاول بضياعها فهد.
لم يكن اعتزال الهريفي يكفي لرد كرامة عبدالرحمن بعد ان ارغم على ضمه للآسيويه، وانما عزم ان ينهي مستقبله الكروي،
وبنفس السيناريو يلعب الهريفي في السوبر رغماً عن عبدالرحمن وبامر من سلمان ويسجل الهدف الذي جعل النصر يفوز بالكاس ويتأهل لكأس العالم.
ويزيد غضب عبدالرحمن ويتألق الهريفي في كأس العالم، على الاقل بنظر سلمان.
*** لايهمك احد الهريفي ما عنده ضغط نفسي ولا شي واذا الله كاتب شي فهو بيلعب غصب عن عبدالرحمن لان طلال بن بدر مسنود من سلمان والهريفي نص ملايينه من سلمان عن دوري 1414 و 1415 ***
الهريفي لو عنده شوي من عقل محيسن والله ان يبكون النصراويين يوم اعتزاله لكن هذا الحال الشي ما يكمل ابد.
لو بغيت تعرف سلطة سلمان على النصراويين ، تابع كل خبر يقول " تكفل بها عضو شرف كبير رفض الكشف عن اسمه"
ترى هذا هو سلمان بن عبدالعزيز.
الحساوي
15-03-2000, 11:55 AM
شباب مايصير انا بزعمي سلمان هلالي والله مايصير اسف الامير سلمان اعطوني ادله0
بس ترى بوخالد معاه حق هذا تلفظ بالافاظ اكثر من بذيئه 0 بس لوجأت من غير بوخالد كان زين بس الشكوا لله
[b]<small><small>[ تم تعديل الموضوع بواسطة الحساوي يوم 15-03-2000]
ماتوقع احد بيصير ارحم على اهل الهريفي مثله..
دامة عارف انه في ناس يتصيدون اخطائة ليش هو من بين اللاعبين اللي يغلط؟؟؟
لا وليته نقول غلط في لحظة كان فيها معصب رجع بعد المباراة يقول ان التغيير من مكالمة هاتفية من الرياض طبعا يقصد عبدالرحمن بن سعود وهو اكثر الناس عارف ان هالكلام غلط ولا لو عبد الرحمن بيدة قرار كان مالبس الهريفي فانيلة النصر مو يكتفى بتغيير في اخر مباريات البطولة...
وسبق للهريفي بعد وحدة من البطولات انه اتجه مع الفريق لبيت عبد الرحمن بن سعود وما صدقنا ان الخلافات بدت تنهي من بكرة يصرح في الجريدة يقول انا جيت عشان خاطر شخص عزيز علي وبس....
الهريفي فية عناد لو توزع على ديرة كان كفاهم وزيادة وحاط راسة براس عبد الرحمن بن سعود ناسي الفرق بين ولد الملك والي جاي من بيشة.
وكل هاللي فية الهريفي هو اللي سعى له بنفسة يعني ماكان يدري انه يصرف على عايلة بعد هالتصاريح وهالتحديات؟؟
عزيزي جدلة انا ما كذب كلامك لكن فية شي اسمة منطق
عزيزي تويكس
وهل في كلامك ما يناقض كلامي ، انا قلت لك ان الهريفي زعل مع عبدالرحمن
بسبب تصريح صحفي، الهريفي يعاند اذا سانده سلمان ويرتخي اذا ما لقى
الرئيس الفعلي للنصر (سلمان) بجنبه، الحاصل ان الهريفي انتهى وما يقدر
يعطي اكثر مما اعطى والظاهر ان سلمان بيخليه للزمن وخصوصاً بعد حظور صائب
اللي سلمان تكفل بعقده.
هذا والله اعلم
يا اخ جدله بعد التحيه
رجاء لا تدخل اشخاص بعيدين كل البعد عن الرياضيه !!!!
وين سلمان والهلال والنصر والاهلي بالله لا تجيب كلام لمجرد انك تقوله ترى عارفين وش سلمان بن عبدالعزيز وايضا عارفين من اللي يدفع فلوس النصر باسم عضوء .. والله عارفينه ويمكن ما جاء على بالك او ما عندك خبر وصاير لبس بالموضوع ..
بس الله يهديك تدخل كحيلان ابوفهد باشياء بعيد عنها لا ما نوافقك ولا نؤيدك !!
------------------
انام ملء جفوني عن شواردها
ويسهر الخلق جراها ويختصم
جدلة من جدك انت ان سلمان لم نصر ولا هلال ؟؟؟؟
لا وسلمان بن عبد العزيز بيترك مشاكل امارة الرياض ويحل مشكلة الهريفي وعبدالرحمن بن سعود؟؟؟ يعني كلام مو منطقي ...
وبعدين اذا قالوا اعضاء نصراويين رفض الكشف عن اسمه اعرف الخبر هذا فبركة و مكاننة في الصفحة كان فاضي فقالوا نمشي سوق الجريدة؟؟
ولا على كثر صفقات النصر هالسنة (ماشاللة) جب لي صفقة وحدة تكفل فيها عضو رفض ذكر اسمه ؟؟الاعضاء اللي يدعمون معروفين .
بعدين كل اللي يدهمون الندية حتى الوليد بكبرة تتوقع يدعمون ليه كله عشان يشتهرون ويصير لهم جماهيريه حتى ان بعضهم يتفق مع ادارة النادي يقول اعلنو اني دعمتكم بمليون وهو ما دفع الا ميه كله عشان شهرة
.....وتقبلو تحياتي TWIX@swalif.com
الحساوي
16-03-2000, 02:14 AM
أخي محمد تلقيت بريد وشكرا للطفك واجابة لسؤلك نعم انا من هناك فأي خدمه0
بالنسبه لموضوعك ممتازولكن0000
لكن ماذا انا اقول لك:0
اولا - من يكون الهريفي مع احترامي لشخصه ومستواه ومشجعيه وانا من ضمنهم ولكن اقصد من يكون حتى يصبح ضد دوله واي دولة تقصداخي محمد لم توفق بالعنوان حتى لو كان قصدك واعتقد انه كذلك للاثاره0
ثانيا - هل هؤلاء يمثلون الدوله لا والله اعز واكرم الدوله ورجالها فهؤلاء يمثلون انفسهم حتى انهم الآن لايمثلون رأي اخواننا جماهير النصر0
شكرا لسعة صدرك وجميع الاخوان