مسكين اللي ماله حظ :(

[جدله]

مسكين اللي ماله حظ ،

يقولون اذا قام لك حظك باع لك واشترى لك ،

والا المسكين عبدالله الجمعان اخترق دفاع الاتحاد ومر بين اثنين وجاب قول ما يجيبه غيره الا كل 10 سنين مره وبالاخير اقرى واحد يقول ان التمريرة ذهبية اي ذهبية اي خرط فاضي، فيه احد يعطي الكورة لواحد قدامه 4 مدافعين ويسمونها ذهبية، لكن ما نقول الا الحظ.

والثاني ابتلش بالكورة قام عطاها افضل لاعب هلالي لو ما لعب الا خمس دقايق وقام هذا وشاتها بكل فن وعقل وحرفنه ومن برا خط المنطقة، رجعوا يقولون التمريرة ذهبية وين العقول وين العيون ، لكنه الحظ ياصاحبي.

الهدفين هذولي سجلهما هداف الهلال بدون منازع ( عدوا انتم كم سجل من بعد عودته من الايقاف) عبدالله الجمعان اللي خلا حارس الاتحاد ماينام الليل والحقيقة 90 % من تصويباته دقيقة على المرمى، والثاني سجله اللاعب المبدع دائماً نواف التمياط واسئلو الخوجلي عن نواف وهدفه العالمي بالنصر اللي سجله بالراس اللي لو سجله غيره كان يسولف به سنين.

واللي مضيع 10 بلنتيات هو اللي يمدح ويردح له ... يالله مانقول الا ارزاق!!

بعد هذا كله المدح يروح لسامي صاحب التمريرتين الذهبيتين، والله لو كنا بالمنتخب كان فهمت ان الموضوع انه هلالي، لكن كل الدعوى هلال بهلال ليش التفرقة هذي ؟؟؟؟

________________________

ابو الجدايل




[b]<small><small>[ تم تعديل الموضوع بواسطة &nbsp; جدله &nbsp; يوم &nbsp; 15-04-2000]

[العالمي]

ايه صح تمريره من نصف الملعب للجمعان اصلا هو ناويها للطف بس جت للجمعان عشان الهواء مع الهلال !
كذلك هدف نواف هو قاصدها للدوخي بس مدري وشلون جت لنواف كله من الحظ http://www.swalif.net/swalif1/ubb/smile.gif

--------
قبل فتره تقول لماذا كل هذا الاهتمام بالكره والآن نشاهد منك تعصب ضد نجم عالمي http://www.swalif.net/swalif1/ubb/smile.gif
-----
فعلا الامر كان واضح بين الذي يبحث عن الشهره وبين الذي يكتب لتعبير عن شيء !
------

------------------
ليس كل مايلمع ذهب !
--
ردد الجمـهور سامي ... وجاب القول سامي
وانتشى جمهور الازرق وحققنا البطولة

[الطيب]

احاول ادور رد ولكن خسارة

http://www.swalif.net/swalif1/ubb/smile.gif


------------------

بطولتان هذا الموسم
والقادم احلى

[CAMRY]

صح لسانك يا اخوي العالمي
صح يا ابو جدله انت كنت من المعارضين وبقوه من الكوره والحين انت راجع علشان تقول لنا ها الكلام
اخي الكريم: صدقني انك غير مؤثر في الوسط الرياضي وصدقني الهلال بالف خير واذا كنت من المعارضين ضد فنان الكره السعوديهة رضيت ام ابيت نعم هو فنان الكوره السعوديه سامي الجابر وصدقني سامي اذا ما جاب قول صلح قول ولا سبب بلنتي لهلال........ سا مي الجابر المباره السابقه صلح الهدفين وسبب بلنتين..............
فما اروعك يا سامي ما اروعك ما اروعك........
وللعلم يا اخ جدله الكوره الهلاليه لا تكتمل ولا تزين الا بسامي الجابر

[ابو ناصر]

ياقاهرهم يا سامي http://www.swalif.net/swalif1/ubb/smile.gif

------------------
للموت أشجع سام ولاأصير ضده
لو غيري كل الناس قالوا نعاديه

[آهات]

لله درك يا سامي
http://www.swalif.net/swalif1/ubb/smile.gif http://www.swalif.net/swalif1/ubb/smile.gif



------------------
الصبر مفتاح 14

تحياتي
أخوكم آهات

[جدله]

راح اردعلى العالمي لان الباقين داخلين يردون عشان يزيدون عدد مواضيعهم http://www.swalif.net/swalif1/ubb/smile.gif

اخو يالعالمي اول شي خل نتفق على نقطة،

انا ما قلت لا تتابعون الكورة انا قلت لاتعطون الناس اكبر من حجمهم لان واحد يقول " بعهد سامي الميمون" والثاني يقول ان الهل الرس سيذكرون زيارة الهلال جيلاً بعد جيل !!! واذا وصلنا الى هذا الحد من تمجيد الناس قد نصل مرحلة " شرك المحبة" وانا معي علم اني لو تكلمت بهالنقطة من زمان كان جاني ناس مثل اللي صفوا يردون تحتك واللي ردودهم فوقي الحين وبيقولون لي يعني انت تكفرنا ، وانا ما اكفر احد لكن اعتقد ان محبة اللاعبين في قلوب بعض الناس قد تصل الى انه يزاعل اخوه او صديق له عشان لاعب وانت تذكر قصص لمشاكل حدثت بسبب الكورة واولهاالطلاق واحياناً قتل كما في البلاد الكافرة ، وهل تضمن ان العدوى لن تصلنا منهم كما وصلنا القزع ولبس السلاسل وغيره !!!!

وعشان كذا عد الناس اللي سبوني الحين عشان سامي وتعرف ليش اقولك لازم اننا مانرفع الناس اكبر من حجمهم !!!!

النقطة الثانية،

يا خوي العالمي انا ما تكلمت عن تمريرة صحيحة ، انا تكلمت عن تمريرة ذهبية، هل تعتبر تمريرة حتى لو كانت من الصين ذهبية اذا كان بينك وبين المرمى 4 مدافعين ؟؟؟

هذا السؤال اللي ابي له جواب

التمريرتين صحيحات لانها راحت للاعب هلالي وليس اتحادي وكان المفروض انها تجعل اللاعب يواجه المرمى منفرداً بدون دفاع حتى تسمى ذهبية!!!

ياخوي اذا انتم متأكدين ان سامي لاعب كبير ليش تكبرون كل شي يسويه حتى لو كان صغير؟؟؟ ياخي انتم كذا تصغرون فيه واي واحد يشوف التمريرتين ويسمع كلامكم يبي يفكر بواحد من اثنين يا انه ما شاف المباراة المقصودة او انكم تحاولون تنفخون لاعب باي طريقة!!!

على فكرة انتم كذا تدمرون لاعبين الهلال، واسألو النصراويين وش استفادوا من تمجيدهم لماجد طول هالسنين ؟؟؟ ولا شي راح ماجد وهم عايشين على ذكراه لا اكثر ولا اقل.

[الحساوي]

انا واعوذ بالله من كلمة انا اسال الاخ جدله سؤال واحد فقط

{ من مرر الكره للجمعان ومن مررها للتمياط }

اجب ولي تكمله معك

[CAMRY]

يا جدله ........
الكوره مهي لك وحدك الكوره للجميع........
وما دام معجبين بسا مي كثير لا تحاول صدقني جمهور الهلال كثير وجمهور سا مي اكثر......... فاعذرني محاولتك فاشله بالاحباط بسامي دورلك لاعب ثانيغير سامي يا شاطر

[آهات]

يا حليلك يا جدلة http://www.swalif.net/swalif1/ubb/smile.gif اجل نبي نزيد مواضيعنا http://www.swalif.net/swalif1/ubb/smile.gif
عالعموم ودي اسألك سؤال وترد علي بصراحة
انت شايف مباراة الجمعة؟ وش رايك في مستوى سامي؟

------------------
الصبر مفتاح 14

تحياتي
أخوكم آهات