بعد مباريات الذهاب لي كلمة !!!!!

[عيون الصقر]

بصراحة ووالله العظيم وصدقوني ما قدرت أشوف مباراة النصر والاتحاد ولا حتى
مباراة الشباب والأهلي .....
مع إني جالس عند التلفزيون لكن كل ما تذكرت مباراة الزعيم وجابيلو
صديت أخاف تشوه هذه المباريات حلاوة المباراة النهائية الأخيرة .
وسأعيش على ذكرى تلك المباراة الممتعة حتى مباراة كأس ولي العهد المفدى
إن أبقاني الله سبحانه وتعالي على قيد الحياة .
مباراة ما فيها سامي صدقوني مالها رائحة ولا طعم

[الطيب]

http://www.swalif.net/swalif1/ubb/salam.gif

لو أنا منك كان جلست أشوف توزيع السيارات على الحضور http://www.swalif.net/swalif1/ubb/wink.gif

ماعليه ،، هذا شي متوقع ولكن العوض ولا القطيعة دور لك على مباريات في الدوري الأوربي وبعدين هانت كلها كم يوم وينتهي الموسم

_____

أما سامي الله يذكره بالخير ،، وشلون إذا احترف


------------------
ثلاث بطولات هذا الموسم
والقادم أحلى

[عيون الصقر]

مساء الخير يالطيب

بصراحة أنا مجنون أروح لمباراة ما يلعب فيها الزعيم وبعدين لو يقولون لي
تراك تبي تفوز بالسيارة كان قلت لهم أنا أعطيكم سيارة بس مانيب جاي ..
أنا عارف إن الكلام هذا يضيق صدر بعض الناس لكن هذا اللي بالخاطر ...

[محمد الهلالي]

اخوي عيو ن الصقر مساك الله بالخير
انا بعد مباراة الهلال وجابيليو حسيت ان الموسم انتهى وانتظر بس مباراة الزعيم مع الشباب علشان ابيع التلفزيون.

[القبطان]

بالفعل اخي عيون الصقر مباريات الذهاب لم ترتقي للمستوى المأمول لكن نتمنى ان تكون مباريات الأياب افضل ..
خصوصا ان مباريات الأياب سيعود بعض اللاعبين المصابين ..


------------------
Captin_2001@Yahoo.com

[سداح2000]

اخ عيون الصقر،
تكفى تفرج المباريات والله عالم فاضية ماعندهم مباريات

------------------
الاختلاف لا يفسد للود قضية.....

[الطيب]

طيب ماتتوقعون لو المباريات منقولة على الإذاعة يكون احسن

اقصد أن فيه برامج احسن من المباريات

طيب فيه اقتراح ثاني لو تنقل مسجلة في اليوم الثاني


------------------
ثلاث بطولات هذا الموسم
والقادم أحلى

[action]

وش فيك أشغلتنا بموضوعاتك اللي مالها طعم ولا لون
شف حبيبي .... شفت المباراة أوماشفتها.... مايغير شي عندنا ...
وبعدين ليه حاشر نفسك باللي مالك فيه .
على مين تلعبها على مين يابن الناس

أسمحلي هـــذا من بعض ماعندك



------------------
دام عـــــــزك يانــــصر

[عيون الصقر]

أخي العزيز : action

ليه تخلط الموضوعات بعضها ببعض ...

أنا تكلمت عن مباريات المربع الذهبي ولم أخص نادياً بعينه وكل ما في الأمر
إن جمهور الزعيم استمتع بملحمة كروية كان بطلها الزعيم ...

وبعد أيام كنا نتوقع أن نرى مباريات المربع بنفس القوة نظراً لقوة الفرق
ولكن للأسف صارت مباريات باردة ولذ لم أستطع من رؤيتها حتى لا تفسد علي
ذكرى الكرة الحلوة التي أمتعنا بها الزعيم بقيادة سامي أحلى الأسامي ..

لكن الأخ زياد ( وأهديه تحية عبر هذا الرد ) كان يتكلم عن مدرب الهلال
ورئيسه ولذلك قلتله ياخوي يازياد(ليه حاشر نفسك باللي مالك فيه )

أرجو أن تكون فهمت المقصود ولا تظن إني أقصد الإساءة لا لك ولا لزياد
ولا لأي عضو من أعضاء سوالف المحترمين .

[b]<small><small>[ تم تعديل الموضوع بواسطة &nbsp; عيون الصقر &nbsp; يوم &nbsp; 30-04-2000]

[المعدم]

مربع مافيه هلال 000 يصير مثلث ولا في الخيال !!!!

------------------
انا هلالي اخذ الاول 000 واترك لغيري الثاني000
almadm@ayna.com

[الأنيق]

لا تكفى شوف المربع http://www.swalif.net/swalif1/ubb/smile.gif أبوس راسك غير تشوفه http://www.swalif.net/swalif1/ubb/smile.gif

------------------
ولم أرَ في عيوب الناس عيباً ... كنقص القادرين على التمامِ

[الجداوي]

هذا منتهى طموحك يا محمد هلالي ...

غيركم وصلوا للعالمية وانت آخر ما تفكر فيه بطولة الاندية الآسيوية ,,,