تضرب شاورما ماما نورة شو بتذل

[القلب الحنون]

يا شباب ويابنات ...السالفة اللي بتقرونها الحين فيها مواعظ وحكم كثيرة ياليت تحصلون على الفائدة اللي هي اساس كتابتي هاالقصه...

في احد الليالى العاصفة ومن كثر الضباب ماتقدر تشوف كف يدك...اشتهيت شاورما من مطعم ماما نورة اللي في الرياض وانا في الشرقيه (اللي مايعرف مطعم ماما نورة لا يكمل السالفه يروح يدور له على سالفة ثانيه)..قلت ياولد وش تسوي وش تسوي..الا شوي ويذن العشاء ويطلع دادي ويقول: ياولدي يا قرة عيوني وصلني المسجد..قلت: انت تامر ياعمري..المهم وصلته للمسجد وبعدين عيني ماتشوف الا الغبرة والضباب والثلج..هذا كله وش يعني..يعني اني مسكت خط الرياض..
الزبده وصلت لماما نوره على اذان العشاء عندهم.. واللبناني قام يقفل المطعم وخلاص يقول مافيه طلبات الا بعد الصلاة..لكن اخوكم اصر على الطلب وبعد صولات وجولات ولكمات تفهم اللبناني الوضع وشريت شاورما واحده لانه ماكان عندي الا اربع ريال..وعلى البطىء اكلتها..وياسلام..خلصت ماكل وغسلت...ومسكت خط الشرقيه..وانا مشغل اغنية ابونورة ((ليتني ماجيت ليتني رديت))...

صفطت بنص الخط وتيممت وركعتها...ودعست..ويوم بقى خمسين كيلو الا وينسلخ (ينصلخ) الكفر الوراني وتقفل معي والحراره توصل مليون ويقوم اللعن والسب ..بس تعوذت من ابليس وهديت شوي وقلت على مين يابو سمره..واغير الكفر سريع سريع...واعشق وادوس...
وماقال الامام السلام عليكم ورحمة الله وبركاته الا وانا عند باب المسجد...ويطلع دادي ويركب السيارة...ورجعنا البيت وزعل على الله يهديه يقول: ليه ماجبت لاهلك شاورما..قلت بس كذا..وامسك خط الرياض من جديد على تعبية البنزين الاولى..ومايحتاج اكمل السالفه..لان مافيه فايده من الباقي..

باي ,,,,,100كم في الدقيقة



------------------
ارفض الصمت والحوار بيننا خلف الجدار
Mstahter@yahoo.com

[الجمل]

هاهاهاهاهاهاهاهاهاها
كمل

[ولد القصيم]

هاهاهاها
ليه ما جبتلي وحده

------------------
مع تحيات:
ولد القصيم
aziz2001@hotmail.com

[شاهين]

وش نوع السياره؟

[القلب الحنون]

الجمل...التكمله اني مسكت الخط ب ال"R"..

ولد القصيم...والله ذبيت القرطاسه في حوشكم..

شاهين...السياره اف15 فتحتين..

سليمان...لا تكفى..افتك من ابوي ( قصدي دادي) تجي انت..

------------------
ارفض الصمت والحوار بيننا خلف الجدار
Mstahter@yahoo.com

[سليمان.]

القلب الحنون
انت ما جربت عصير الرمان حقهم
والله انه احسن من شاورمتهم.
جربه وبتدعي لي


------------------
كن كالشمعة تحرق نفسها لتضيئ للآخرين

[بروكسي]

http://www.swalif.net/swalif1/ubb/smile.gif

[سوبرمان]

(( يقولون كيف عرفت انه كذبه قلت من كبرها))

والله لو انك سوبرمان ما يمديدك

[b]<small><small>[ تم تعديل الموضوع بواسطة &nbsp; سوبرمان &nbsp; يوم &nbsp; 27-04-2000]

[ترنمنيتر]

:-)
هاهاهاهاهاهاه

------------------
ياصباح خيرٍ مهب معقول * * * هالاوادم حط عـليهـم إكـــس
سـاكـن العليـا يفطر فــول * * * وساكن البطحا كورن فليكس