عقلة
03-05-2000, 04:18 PM
كتبها: متوهق
- اسمي مهنق.. ومشكلتي متوهق.
متوهق "بكمبيوتر مجمع".. مجمعه واحد "ياهو" بنغالي يا فلبيني.. ماني متأكد..!
لكنه مجمع يذكرني برنامج قديم اسمه "من كل بحر قطرة" بس البرنامج.. برنامج تلفزيون ماهو (سوفت وير)..! وهالكمبيوتر "رايح فيها" تصدقون انه يهنق حتى من جرس الباب.. (جرسنا جرس مدرسة.. يقوم الجار السابع عشر من احلى نومه..!)..
ويهنق حتى من صوت ديك الجيران.. و"القهر" يوصل الى حده اذا "هنق" الجهاز وتوه ماسك خط الانترنت..
من قلب يا فرحة ما تمت..!
وترجع من أول وجديد "طقاق" مع الأهل(1) لحد "ما يفكون" التلفون.. واذا تجملوا وتركوا الخط.. يبد "الطقاق" مع المقسم والمودم.. وخطوط الجيران.. وشركات الاتصالات بكبرها.. وتبدأ ضيقة الصدر والكلمات اللي ما ودك تسمعها..! مهنق ومتوهق.. بين التجميع والبيت والاتصال..!
- حتى "الأهل (1)" بدو "يشكون" في الوضع وهم يسمعوني من وراء باب مكتبي في البيت.. (مكتبي.. أصلا هو "المقلط" لكن جبت له طاولة من "حراج ابو قاسم" الله لا يهينه.. وصار "مكتبي"..! "الأهل" صاروا يشكون ويطرزون وهم يسمعون الكلام اللي اقوله مع التهنيق ومحاولة الاتصال وبعض اللقطات اللي تطيح عليها العين بالصدفة.. (أي صدفة..؟!".
- وحل التهنيق دائما "عداد الكهرب الله لا يهنيه" كلها اقفال وتشغيل "الطبلون"(2) حق الكهرب و"السستم" يرتب حاله من جديد..!.
صحيح.. ان خير العلاج "الشت داون"(3) لكن ما عرفت إلا متأخر.. حتى اعادة التشغيل صارت ماعاد "تزبن"(4).
من كثر "التهنيق" صدت أحلم في الليل و"اضغط اصبعي في الهواء" ما عاد صارت كوابيس.. صارت حلوم وتقفيل وتشغيل حتى "عفوا تعذر تأسيس اتصال.." صرت تمشي في الحلم قدام عيوني..
وما يخليني افز من النوم الا اذ طلعت لوحة الاتصال.. وذيك الكمبيوترين الصغار اللي في اسفل الشاشة وهي "تغمز"..!!.
لكن من يحصل له وهو "صاحي" لو يتفرج عليهم.. حتى بدون تصفح.. وصياعة في الانترنت..؟!
تهنيقات
- واحد من الربع يدق على بيجر كل ما قدر يتصل بالانترنت.. لكن له كم يوم ما دق.. يا تلفونه مفصول.. يا مكالمته "تتعثر" أو انه ما قدر يتصل بالانترنت من كم يوم..!.
- واحد من الربع أول مرة يدخل "التشات" شاف العالم "مدبكة (6)" ويجوبون بعض بسرعة "خنقته العبرة" وهو يتفرج, كل ما صاد واحد وبيقوله (Hi), راحت (Hi) وانقطع الاتصال.. ولا هنق جهازه..
- واحد ثالث (ماهوب من الشباب).. اتصل بالانترنت "وتكتف(7)" قدام الجهاز ينتظر المواقع.. توصل..
- سامحونا.. هذا أول مرة والفضائح الجاية أكثر..
NetDep@alriyadh-np.com
(1) الأهل يعني الزوجة للتمويه..!
(2) الطلبون: عداد الكهرب..!
(3) الشت داون: تقفيل الجهاز كله مرة واحدة..!
(4) تزبن: تمشي الأمور..
(5) التشات: مواقع للمحادثة المباشرة والنصب أحيانا ..!
(6) مدبكة= شادة حيلها..!
(7) تكتف= جلسة المؤدب بالفصل..!
____________________________________________________________ http://www.alriyadh-np.com/rnet/cartoon.html
------------------
***أزعلوا من عقلة***
oglah@swalif.com
- اسمي مهنق.. ومشكلتي متوهق.
متوهق "بكمبيوتر مجمع".. مجمعه واحد "ياهو" بنغالي يا فلبيني.. ماني متأكد..!
لكنه مجمع يذكرني برنامج قديم اسمه "من كل بحر قطرة" بس البرنامج.. برنامج تلفزيون ماهو (سوفت وير)..! وهالكمبيوتر "رايح فيها" تصدقون انه يهنق حتى من جرس الباب.. (جرسنا جرس مدرسة.. يقوم الجار السابع عشر من احلى نومه..!)..
ويهنق حتى من صوت ديك الجيران.. و"القهر" يوصل الى حده اذا "هنق" الجهاز وتوه ماسك خط الانترنت..
من قلب يا فرحة ما تمت..!
وترجع من أول وجديد "طقاق" مع الأهل(1) لحد "ما يفكون" التلفون.. واذا تجملوا وتركوا الخط.. يبد "الطقاق" مع المقسم والمودم.. وخطوط الجيران.. وشركات الاتصالات بكبرها.. وتبدأ ضيقة الصدر والكلمات اللي ما ودك تسمعها..! مهنق ومتوهق.. بين التجميع والبيت والاتصال..!
- حتى "الأهل (1)" بدو "يشكون" في الوضع وهم يسمعوني من وراء باب مكتبي في البيت.. (مكتبي.. أصلا هو "المقلط" لكن جبت له طاولة من "حراج ابو قاسم" الله لا يهينه.. وصار "مكتبي"..! "الأهل" صاروا يشكون ويطرزون وهم يسمعون الكلام اللي اقوله مع التهنيق ومحاولة الاتصال وبعض اللقطات اللي تطيح عليها العين بالصدفة.. (أي صدفة..؟!".
- وحل التهنيق دائما "عداد الكهرب الله لا يهنيه" كلها اقفال وتشغيل "الطبلون"(2) حق الكهرب و"السستم" يرتب حاله من جديد..!.
صحيح.. ان خير العلاج "الشت داون"(3) لكن ما عرفت إلا متأخر.. حتى اعادة التشغيل صارت ماعاد "تزبن"(4).
من كثر "التهنيق" صدت أحلم في الليل و"اضغط اصبعي في الهواء" ما عاد صارت كوابيس.. صارت حلوم وتقفيل وتشغيل حتى "عفوا تعذر تأسيس اتصال.." صرت تمشي في الحلم قدام عيوني..
وما يخليني افز من النوم الا اذ طلعت لوحة الاتصال.. وذيك الكمبيوترين الصغار اللي في اسفل الشاشة وهي "تغمز"..!!.
لكن من يحصل له وهو "صاحي" لو يتفرج عليهم.. حتى بدون تصفح.. وصياعة في الانترنت..؟!
تهنيقات
- واحد من الربع يدق على بيجر كل ما قدر يتصل بالانترنت.. لكن له كم يوم ما دق.. يا تلفونه مفصول.. يا مكالمته "تتعثر" أو انه ما قدر يتصل بالانترنت من كم يوم..!.
- واحد من الربع أول مرة يدخل "التشات" شاف العالم "مدبكة (6)" ويجوبون بعض بسرعة "خنقته العبرة" وهو يتفرج, كل ما صاد واحد وبيقوله (Hi), راحت (Hi) وانقطع الاتصال.. ولا هنق جهازه..
- واحد ثالث (ماهوب من الشباب).. اتصل بالانترنت "وتكتف(7)" قدام الجهاز ينتظر المواقع.. توصل..
- سامحونا.. هذا أول مرة والفضائح الجاية أكثر..
NetDep@alriyadh-np.com
(1) الأهل يعني الزوجة للتمويه..!
(2) الطلبون: عداد الكهرب..!
(3) الشت داون: تقفيل الجهاز كله مرة واحدة..!
(4) تزبن: تمشي الأمور..
(5) التشات: مواقع للمحادثة المباشرة والنصب أحيانا ..!
(6) مدبكة= شادة حيلها..!
(7) تكتف= جلسة المؤدب بالفصل..!
____________________________________________________________ http://www.alriyadh-np.com/rnet/cartoon.html
------------------
***أزعلوا من عقلة***
oglah@swalif.com