PDA

View Full Version : مكــــــــــــــتـــــــب الوزيــــــــــــــــــــــــــر ‍‍


صميدع
16-06-2000, 02:25 PM
السلام عليكم ورحمة الله وبركاته:

مافيه الا سلامتكم هالخبر لاهوب سياسي ولاهوب آخر الاخبار بس حسيت أن موقع هالموضوع هنا :) والامر بسيط شكليا لكنه غبن ضمنيا , وهالسالفه شفتها بعيني وسمعتها باأذني , ولا أتهم أي طرف فيها في عرضه والا كرامته ابدا , أعوذ بالله من هالشئ ...

في يوم الاربعاء رحت بعد صلاة الظهر لمكتب وزير موقعه حساس فعلا ماهوب حكي , ودخلت غرفة مدير مكتب الوزير وكان مدير المكتب ماسك في اذنه اليمين تلفون نقال وفي أذنه الشمال تلفون ثابت ,وكان يوجد شخص عربي أتحفظ على جنسيته ...

طبعا سلمت رد المدير السلام وهالعربي كأنه مايعرف وش أنا قلت :) , طبعا عادي جدا , سألني المدير : من أنت : قلت له فلان , قال أتفضل أستريح , وجلست ...

المهم أسمع الكلام أن هالمدير بيسافر لبلد عربيه نيابة عن الوزير :( :( :( لتفقد أعمال تدار في ذلك البلد العربي وتابعه للوزاره السعوديه, هالاجنبي أشوفه مره طامر للتلفون الأبيض , ومره للأسود ومره واقف وراء مدير المكتب ومره واقف عند رأسي :)...

أنا قلت بس الوزير ماهوب فيه وأنا جالس هنا على الخرطي , الا أشوي يوم قام المدير ودخل على الوزير وطلع بسرعه , قلت بس الحمد لله صدناه :) :) :)

قام هالمدير يكلم أخت هالأجنبي يوصفها كيف أتروح للسفاره السعوديه همن أتروح لهالمركز اللي طبعا مدير المكتب(تجاوزا السكرتير)بيروح يتفقده, وكل أشوي وهالأجنبي يقول عطني السماعه أبغى أتكلم معها , المهم عطاه السماعه , قام هالأجنبي يوصي أخته يقول روحي أنتي وبنت أختك وبنت خالتها ((والله ماادري من قال )) الزبده أنهم حموله وحده , طبعا صميدع جالس يطالع هالمسرحيه ...

خلصوا موضوعهم قام المدير يسألني وش عندك ؟ قلت الأمر خاص وأبي أدخل على معالي الوزير , قال لي لحظه :( قلت : طيب :)...

قام يودع هالأجنبي ومع ذلك صار الأجنبي يقول له على شغله ثانيه يبيها منه وقال له المدير: أبشر بس تعال لي بعد أجازة الصيف , وطلع الأجنبي حتى بدون سلام عليكم :) ...

رجع المدير لصميدع , وقال لي الوزير مشغول عنده مراجعة خطابات و....و..... حتى شوف ابي أدخل عليه بمجموعه ثانيه :( ...

قمت من مكاني وأبي أدخل على الوزير وهو يقول لو سمحت لو سمحت , قلت له ماعاد هي (بلحية) لو سمحت , ودخلت على الوزير وجلست خمس دقائق وطلعت , الا مدير المكتب مثل الثور الهائج في وجهي , قلت أسمع يا(أسم قبيلته), الاجنبي يتسدح ويتبطح من اليوم له ثلث ساعه في مكتب وزير دوله , وأنا يوم بغيته ماخليت شغل الا قلت أن الوزير يسويه , أفا والله يالحموله اللي أنت منها, لكن مانيب أشره عليك أشره على الوقت اللي شفتك فيه ...

وعلى قولة عبدالله الفيصل :
خيرك لغيري والعنا والشقا لي :) :) :)

[b]<small><small>[ تم تعديل الموضوع بواسطة &nbsp; صميدع &nbsp; يوم &nbsp; 16-06-2000]