مرسيدس

[دكتور / مجنون]

شباب بغيت اسأل عن سيارات مرسيدس ..

بغيت مرسيدس بقيمه 120000 ريال لكن جديده

ما ادري فيه مرسيدس بهذا السعر !..! :)

[شرخشين2000]

اذا تبي يمكن تحصّل الفئة C الجديدة بس مو بكامل المواصفات

تجي طيس مو جنوط ( رنقات ) وتجي فرش مخمل وأربعة سلندر وما تجي زنون

يعني رح عبداللطيف جميل وخذلك كامري GTX بـ 85000 ريال أحسن لك


شرخـــــ أتغشمر وياك ــــــشين

[دكتور / مجنون]

طيب .. و اللكزس 300GS كم سعرها

[المرشد]

السلام عليكم

مرسيدس فءة سي... هي بنفس السعر... و عجيبة من وجهة نظري..:)
من ناحية الشكل..بس ماعرف عن الامور الداخلية من ناحية المكينة و غيره...:)

[E55]

بالنسبة لي

الناس اللي تشتري مرسيدس الفئة C تشتريها عشان اسمها بس

ولا شو فيها يستاهل هذا المبلغ

يعني معقولة أدفع 120000 على سيارة بمكينة 4 سلندر ؟؟؟؟

[المرشد]

السيارة ... فيها فخامة... فيها تلفزيون..:)
تلفون..:)
هذا الي شفته في الصورة...:)

بعدين المرسيدس مب الاحسن في كل شي...

[الشرقاوي]

انا رايي من رأي الاخ E55

اذا عندك 120 الف ريال اشتر فيها كابريس SSاصرف لك:)

[شرخشين2000]

أقول ،، خذ لك لومينا اس اس أحسن

والا لأ يا راعي اللومينا اس اس ؟؟

تحياتـــ E55 ـــي

[E55]

المرشد
السيارة اللي تقصدها انت جيمتها 150 أو 160 ألف درهم ويمكن أكثر

خبرني ، على شو ؟

وبعدين وين بتي الفخامة في سيارة حجمها يزيد على حجم الهوندا سيفيك بكم سنتيمتر !!!!

شرخشين ;)
عن الإحراج ياخي :):)

بصراحة ، اللومينا اس اس صفر من ناحية فخامة التجهيزات الداخلية ، خاصة اذا كنت مهتم بالشي هذا

انا عن نفسي عجبني شكلها الخارجي ، و مكينتها

يعني سيارة وزنها 1550 كيلو ، وقوة محركها 325 حصان ( قل اعوذ برب الفلق ) :)

هذي هي الأشياء اللي أنا اهتم لها ، لكن في غيري يهتمون جداً بفخامة التجهيزات الداخلية ، يعني اللومينا ما تناسبهم

[شرخشين2000]

معليش E55 ما قصدي أحرجك ،،

تحياتــ E55 ـــي

[نسر]

المرشد ..
إنت شفت في صورة الـفئة C تلفزيون و تلفون و أنا شفت في صورة للسيارة بولو من فولكس واجن تلفزيون لكن يوم رحت للوكالة قالوا ما عندنا تلفزيون حتى في الباسات ... و اللكزس المواصغات الأمريكية و الأوروبية يوجد فيها تلفون و تلفزيون لكن عندنا لايتوفر منها إلا التلفون ....

[شرخشين2000]

من جدّك يا نسر تسمّي اللي عندنا بالسعودية سيارات ؟؟
قم بس قم ،، شكلك ما شفت فلم ماسج ان أ بوتول !!
فيه كامري جديده الاسطب اللي ورا كله أحمرررررر مو برتقالي زي اللي عند حلاتنا ،،

بعدين كل المواصفات اللي تبيها تحصلها برّه أما عندنا لا تقرّب ،، يكفيك الفرق بين الـ VX-R السعودي ،، والخليجي

فرق السما عن الارض ،،،

تحياتـــــ للجميع ـــــي

[E55]

أحياناً نقص المواصفات يكون بسبب الوكيل مش المصنع

الوكيل هو اللي يطلب المواصفات اللي يبيها ويعتمد في الشي هذا على شيئين

أولاً .. الأشياء اللي يهتم لها المشتري
ثانيا.. الربح اللي بيحصله الوكيل

وطبعاً الوكلاء يطلبون أقل المواصفات عشان يضمن انه يحصل السيارة بسعر منخفض

وبالنتيجة ،،، يزيد ربحه عن كل سيارة يبيعها