View Full Version : E..........................5.........................5
شرخشين2000
01-08-2000, 03:37 AM
مرحبا ،،
اخوي E55 بغيت أسأل عن الطبلون الأزرق اللي يركب على الكامري ،، عرفته ؟؟
بغيت اعرف اذا في منه موجود عندكم في الامارات يركب على لومينا 2000 و لومينا 97 ( هاذي لي أنا )
اذا موجود يا ليت تشوف لي الاسعار اذا ما عليك كلافة ،،،
تحياتـــــ للجميع ــــــي
:( والله ما عرفت شو تقصد يا شرخشين :(
هذا يخلونه داخل السيارة ولا خارجها ؟
في شو يستخدم ؟
خبرني بالتفاصيل ومن عيوني
بجيبه لك وحاضرين :):)
شرخشين2000
02-08-2000, 08:23 AM
عرفت طبلون السيارة ( العدادات ) يركب عليه جهاز فيه عدّادات لونها أزرق أو أخضر ،، ينوّر كأنه اللكزس GS 300 عرفته والا أحط لك صوره منه ؟؟
بصراحة ... أول مرة أسمع عن جهاز مثل هذا
في كل الحالات ، أنا بسأل ربعي ، يمكن حد يعرف اللي تقصده وبرد عليك ان شاء الله
UAE_BaBe
03-08-2000, 09:24 PM
عدادات؟؟؟ شو حق تاكسي ...لووووووووول :)
مملوزي
03-08-2000, 09:33 PM
شعنه تطنزين على خلق الله...بس اذا كان حد عنده تاكسي انا بشاركه..لوووووووووووول
دكتور / مجنون
03-08-2000, 11:56 PM
شرشخين قصدك انك تغير ألوان الطبلون مع الخلفيه لي العدادات
انا عرفته ... هذا موجود في السعوديه مو موجود في مكان ثاني ( صناعه وطني ) ( ما شفتوا صاروووخ طاير من شوي ) :)
هذا بس للسيارات الياياني التويوتا و الزحمه الباقيه :):)
شرخشين2000
04-08-2000, 03:49 AM
ما تطلعون من البيت ؟؟ والله غريبة !
ما قد شفتوا كامري طبلونها لونه أزرق ؟؟؟
عداد السرعة وعداد ضغط الماكينة وعداد البنزين وعداد الحرارة وش تسمونها انتم ؟؟؟؟
هاذي تتبدّل بثانية ميناها أبيض ( مثل اللكزس GS 300 ) واذا شغلت النور ،، تنوّر أزرق ،،، عرفتوها الله يهديكم قولوا آآآآمين
أنا قبل لا تنزل عندنا في السعودية جبت حبتين من الامارات على 350 درهم اماراتي ،، وبعتها في السعودية على 600 ،، وتقولون لي ما قد شفتوها !!!
هي أعصابك شوي يا شرخشين
والله اني سألت إثنين من ربعي ومحد منهم يعرف
زين خبرني بالضبط انت من وين اشتريتهم
اذا من دبي ، فأكيد من شارع حياة ريجينسي
ومع اني من ابوظبي ، لكن عشان خاطرك بسير دبي وبسأل
ولا تزعل نفسك :):)
شرخشين2000
04-08-2000, 03:42 PM
انا ما فينيش حاجة أبداً ،، لكن ممكن تجيني حاجة !
تصدّق ،، بيني وبينك ،، أنا جيت الامارات مرتين في مهرجان التسوق ،، لكني ما شفت شباب اماراتي ،، كل اللي موجود أهل الشام ،، وين تتجمعون انتم ؟؟ والا ما تطلعون برّه دايماً بهالديوانيات ؟؟
أنا شريته من محلات لزينة السيارات قريبة من معرض فراري اللي عند كوبري الشارقة اللي في دبي ،، ( الوصف بيودّيك المريخ )
على العموم شف لي التضليلة عشان الشمس حرقتني !
تحياتــــ E55 ــــــي
والله يا شرخش ، شو اقولك ؟
احنا صرنا اقلية في بلدنا ، واللي يطلع منا ييودونه الشرطة ويحطون صورته في الجريدة على اساس انه مغازل
حتى مدهش " مال مهرجان الصيف " ما سلم منهم وحطوا صورته في الجريدة انه مغازل ، يمكن مغازل المذيعة هذي اللي يسمونها باربي
بخصوص التضليلة هذي اللي تقول عنها ، ما ادري انت تقصد المخفي ولا هذي اللي تحطها لما تنزل من السيارة ؟
حدد :):)
شرخشين2000
05-08-2000, 04:05 AM
اللي تكون راكية ارررربعة وعشرين ساعة ،،
المخفي يمكن !!
بعدين ما عندكم هيئة أمر بالمعروف ونهي عن المنكر ،، صح ؟؟
يعني ما في تلشيخ عندكم ؟؟ تدري اذا شافوك مرقـّم وحده عندنا وش يسوون لك ؟؟ ثلاثين جلدة بالسوط مال الحمير ( تكرم ) على الظهر !!!
سهران بشعور
05-08-2000, 07:02 AM
والله زييييين ...
يحطون صورتك في الجريده ... بسسسسسس
المرشد
05-08-2000, 12:27 PM
والله زين ثلاثين جلدة.... اكيد محد يغازل عندكم...:)
هههههههههه
ويييييه لو نحن يجلدونهم ربعنا... شو بيصير؟؟؟؟
والله بضحك عليهم و هم ينجلدون
هاهاهاهاهاهاهاهاهاهاها
صدق فضيحة...:)
شرخشين
تسأل عن المخفي؟؟؟؟
موجود في كل مكان
شرخشين2000
06-08-2000, 02:28 AM
السعر كم ؟؟
أبغى اللي لونها أبيض ثلجي ،، عرفتها ؟؟
بغيت أعرف سعرها عندكم ،،
المرشد
06-08-2000, 10:38 PM
انت عطني اسم الشي هذا
هههههه
ماسمعت انه يبيعونه عادي...:)
أول مرة أسمع عن مخفي لونه أبيض ثلجي
الظاهر انك تقصد شي ثاني ياخوي غير المخفي
موجود بالرياض وجده ومكه ياشرخش..وسعره حوالي 3000 ريال سعودي(غالي جدا) اسمه v-cool
---------
عســـــــ ابي اسألك عن اسم المحل ــــــــــل
شرخشين2000
07-08-2000, 04:46 AM
تروح المحل وتشتريها ،، وتجيك في كرتون ملفوفة كأنها طاقة قماش ،، تروح طال عمرك تقص على مقاس الزجاجة ،، بعدين تفتحها ،، يعني تشيل البلاستيك اللي ماسك الغرا اللي عليها ،، وترش عليها فيري مع مويه ( صابون مخفف ) وترشه على الزجاج ،، وتركبها باستخدام قطعة بلاستيك لونها أصفر ،،
وتقصها بمشرط صغير يجيك مجاناً مع التضليلة ،، وش اسمها هاذي عندكم ؟؟ مخفى والا بارز ؟؟
تراها موجودة عندكم من زمااااان وتوها تجي عندنا في الدمام ،، و وصّل سعرها 70 ريال للفة الواحدة ( 3 أمتار )
شرخش.. شكلك من اللي يظللون بالعامه :)
شرخشين2000
07-08-2000, 11:26 AM
أي عامة عسووول تقصد ؟؟
أنا الدوريات صاروا يعرفوني ،، اذا شافوني مضلل ما يوقفوني ويعطوني قسيمة ( مخالفة ) لالالالالا ،، ينادي بالجهاز ،،
يا راعي اللومينا ،، تعال خذ قسيمتك من عند خالد اليوم تدري ليش ؟؟ عشان رقم بطاقتي عندهم من زمااااان ،، صاروا حافظينه زي اسمهم ،، لووووول
كابريس
04-01-2002, 11:44 PM
أنا أبغى أركب هذا الطبلون الي تتكلم عنه ولقيته في منه أزرق وأخضر وزر يخليك تختار الي يعجبك منهم
بس هل هذا يأثر على السيارة؟
بعدين أنا شفته عند ولد عمي على أكورد كوبيه
لكنه معدوم في أجزاء محروقة منه ليش؟؟:D
VERON_aR
05-01-2002, 12:33 AM
BROTHER ....... E55..
wain 3ayish ent...
the thing SHARSHA'7EEN.. 2000.. IS ASKING FOR IS AVALABLE .. LAIT
EL 3ADADAT.. SHY BIL SHARJAH WO DUBAI...
WOOO el MA'7FEEEE... SHY IN ABU DHABI
....JUST GO AND ASK FOR MA'7FEE ABYA'9....THALJEE...
Lorinser
05-01-2002, 01:07 AM
يا شرخشين والله عدنا المخفي الاسود و البني صناعة تايوان بس مادته قوية ويـكــد ..... سعره مايزيد عن 15 درهم بس أنا أخده 10 دراهم وطوله 3أمتار
الالوان الثانية ماعندي فكرة عنها .........
انا الاحظ السعوديين يركبون المخفي في الزجاج الخلفي بس .. جدام فاضي ؟؟؟
اهلين :)
اخوي E55 الاخ أكيد قصده الليتات الزينون الزرق :) :)
تحيااااااااااااااااااااتي
كابريسوه ليش رفعت الموضوع!!!!
يا جماعة هذا الموضوع قديم جداً جداً جداً "حتى أنا ما بعد أسجل في ذاك الوقت في سوالف!!!
وكانوا الشباب يمزحوا مع شرخشين 2000 بس:)
VERON_aR
إنت قريت تاريخ كتابة الموضوع ؟؟
ما أعتقد
FIGO
شرخشين كان يقصد هالعدادات
http://www.tacomaterritory.com/whitegauges.jpg
http://www.westcoastcorvette.com/image/parts/whitegauges.jpg
http://www.projectviper.com/neon/interior/gauge_white.jpg
لكن ما كنت أعرفهم "قبل سنتين"
غريب السيف
06-01-2002, 01:43 AM
هلا شرخشين.........
العدادات اللى تتكلم عنها موجوده بكثره عدنا في دبي
وتنباع في شارع الزينه ..جنب ريجنسي...
بس اكثر العدادات للاكورد والسيفيك ...واللاندكروزر
ومدري الو كان فيه للومينا..بس في هالمكان كل يوم يجيبون شي جديد
وقيمت هالعدادات حوالي 200 درهم
على فكره انا بروح هناك اخر الاسبوع .....اي خدمه يا شباب:cool: :cool:
كابريس
07-01-2002, 05:30 PM
ياشباب ماأحد جاوب على سؤالي:(
تنصحوني اركبها على الكامري ولا لأ؟
سعرها 100 ريال في ريع أبولهب:D
s500l
08-01-2002, 11:32 AM
شوف يا كابريس انا عندي كامري وركبت ذي العدادات من اكثر من سنة ولا انحرق فيها شي
الزبدة انصحك تركبها:D
كابريس
08-01-2002, 06:32 PM
مشكووووووووووووووور
خلاص ان شاء الله بأخلص الإختبارات يوم الثلاثاء وأروح أركبها
بس الضمان مايروح؟:(
s500l
08-01-2002, 08:05 PM
مدري لان و لا مره وديتها