شفروليه ،،،،،،،،،،، كامارووووو

[شرخشين2000]

السبور المتألق دائماً ،، شفروليه كامارو ،،

طرحت الشركة أول نموذج له منذ قرابة 23 سنة ليكون منافساً للفورد موستنج ،، لكن الفورد موستنج تغلب عليه في هذه المنافسة لعدة أسباب ،، خفة الوزن ،، صغر الحجم ،، الاختلاف الشاهق في السعر ،، وانتشار الفورد موستنج الواسع في ذلك الحين ،،،،،

تتركز قوة السيارة على محرك 8 اسطوانات شكل V ،، بقوة 305 حصان ،،

السرعة القصوى للسيارة 230 كلم في الساعة ،،

http://autos.yahoo.com/images/CAMARO4.JPG

تحياتـــ الالومينا SS على الطريق ـــــي

[دكتور / مجنون]

^1

طيب ليه ما تسوي مقارنه بينها و بين الموستنج :)

[E55]

305 حصان بس !!

باقي 20 حصان يا شرخشين

حاول تدبرهم من اي مكان وبعدين الحقني :):)

[شرخشين2000]

دكتور مجنون ،، ان شاء الله عن قريب

E55 ،، ما تدري ان هالعشرين حصان تخلّي الـ..... تصفـّي الطبلون ؟؟ يعني كم أكثر حاجة مشيت فيها ؟؟ أكيد 250 كاملة ،، أما الكامارو المسكين 230 وبالموووووت !!

على العموم أنا راح أسوّي مقارنة بين الكامارو والموستنج
ومقارنة ثانية ( انـــت ) اللي بتسوّيها ان شاء الله بين اللومينا SS واللكزس GS 300 أوكي ؟؟

نــــســــر ،، وين المقارنة ؟؟

تحياتـــــ E55 ـــــي

[E55]

الله يهديك يا شرخشين
عاد ما لقيت تقارن اللومينا SS إلى ويا الليكزس GS 300 ؟؟؟
على قولة اخوانا الأسبانيين " شجاب لجاب " :):)

بعدين اللومينا سرعتها محددة الكترونياً بـ 240 كيلو وما تقدر تتجاوز السرعة هذي

إلا بعد ما تفتح الـ Cut off هذا ، وهالشي راح يكلفك ضمان المصنع

يعني ما بعد ما تفتح الـ Cut off اعتبر الضمان لاغي

لكن بتتفاجأ يا شرخشين من الوقت اللي تحتاجه اللومينا عشان توصل للسرعة هذي :)

[شرخشين2000]

طيب كيف أفتح السرعة المحددة الكترونياً ؟؟؟؟؟
من غير ما أروح للوكالة ؟؟

أنا عندي السرعة توقف عند 170 كلم / ساعة ،،
يعني سيارة البلدية تطوفني !!

بعدين عندنا في السعودية اللومينا SS تمشي 250 كاااااملة مثل سلام عليكو !

بعدين اللومينا SS واللكزس GS 300 تعتبر من نفس الفئة تقريباًاًاًاًاًاً

[E55]

عندنا واحد في أبوظبي عنده الجهاز اللي يفتح لك تحديد السرعة لكن مثل ما انت عارف ان السيارات الأمريكية

كلها مزودة بأجهزة كمبيوتر ، وبيبين عليها التغيير في البرمجة ، واذا اكتشفت الوكالة التغيير هذا ، بتلغي الضمان على طول

اما عن اللومينا SS ، فأنا سيارتي تقطع أول ما توصل 240 وسألت صديق لي عنده الكابريس SS وقالي ان عنده نفس الشي

يعني غريبة انها عندكم مب محددة السرعة ، لأني لما سألت الوكالة قالوا انها تجي بهالحالة من المصنع !!

بالنسبة للمقارنة ، صحيح ان السيارتين من نفس الفئة ، لكن في اختلاف كبير بينهم واعتقد ان المقارنة ظالمة بين هالسيارتين

[شرخشين2000]

يعني لازم برمجة !!!!
طيب ببرمجها و بفرّ الديلكو أخليها تمشي 7000 كلم / ساعة

طيب وشرايك بالمقارنة بين اللومينا SS والكرايسلر 300M ؟؟؟

طيب والتضليلة البيضاء ( اللي تتركب على الزجاج ) ؟؟ في منها عندكم كثيييييير ،، بس بغيت أعرف سعرها !

[E55]

شرايك في هالكرايسلر 300 Hemi C

http://izzyshouse.simplenet.com/cars/chrysler/2000/concepts/300hemireartu.jpg

http://izzyshouse.simplenet.com/cars/chrysler/2000/concepts/300hemirear2.jpg

http://izzyshouse.simplenet.com/cars/chrysler/2000/concepts/300hemi.jpg

بمحرك V8 سعة 5700 سي سي وبقوة 353 حصان

تنطلق من 0 إلى 100 كيلومتر في أقل من 6 ثواني

أما الكرايسلر 300 M Special

http://izzyshouse.simplenet.com/cars/chrysler/2000/concepts/300mspecialrear.jpg

http://izzyshouse.simplenet.com/cars/chrysler/2000/concepts/300mspecial2.jpg

http://izzyshouse.simplenet.com/cars/chrysler/2000/concepts/300mspecialside.jpg

اللي أعرفه عنها انها مزودة بمحرك V6 سعة 3500 سي سي مطور من قبل شركة مرسيدس يولد 300 حصان

ما عندي اي فكرة عن تسارع السيارة لكن اتوقع انه ما يقل عن 8 ثواني للوصول إلى 100 كيلومتر

نظراً لوزن السيارة المرتفع مقارنة بالقوة الحصانية ... ولا تنسى انها 6 سلندر بس

يعني ما يكفون :):)

أما الزعيم Lumina SS فيكفيني إني أرويك الصور هذي

http://carpoint.com.au/content/mags/motor/cover/aug01.jpg

http://www.hsv.com.au/images/cars/gts/mm_pic2.jpg

http://www.hsv.com.au/images/cars/gts/mm_pic5.jpg

وللأسف الشديد ، هالسيارة غير متوفرة في الخليج بناقل سرعة يدوي سداسي السرعات

إقرا شو كاتبين عنها

“This is HSV’s moment of truth. The opportunity for the 300 kW GTS to show its wares against the awesome pairing of the E55 and theM5. In Germany, at motoring’s Holy Grail, the Nürbugring Nordschleife.”

بتلاقي اسمي مكتوب في النص

“And the GTS? Well the GTS is quite simply the best Australian performance car ever built - bar none. We’ve cast around for rivals and nothing comes close.”

إقرا هذا بعد

“But the Holden does a bunk. It’s even faster, blowing the Germans away for outright speed.”

نسيت أقولك ... اسم اللومينا الحقيقي هو Holden Comodore GTS

“But it takes only a handful of corners before the apprehension gives way to the Big Grin. The GTS, you see, isn’t just quick in a straight line. It’s quick everywhere.”

وبعد

“The GTS has all the mid-corner speed of the Germans, but doesn’t need as much road under brakes. And it fires out of corners even harder. What’s more, it’s more responsive and easier to drive quickly.”

ويسألوني ليه أحبك حب ما حبه بشر :):)

http://www.hsv.com.au/images/cars/clubsport/club_r8_small.gif

[شرخشين2000]

الأخ شرخشين 2000 عن عمر يناهز التاسعة عشر وشهرين ،، ان لله وانا إليه راجعون ،،

تقبل التعازي في منزل صديق المتوفى الأخ E55 في الامارات العربية المتحدة - أبو ظبي - البيت اللي جدّامه لومينا اس اس

سبب الوفاة ،،،
كان السبب الرئيسي لوفاة المغفور له بإذن الله شرخشين 2000
ان الأخ E55 حط صور لسيارات أفقدت المتوفى عقله بعنف ،، فانفصل المخيخ الاكبر عن المخيخ الأصغر ،، وأدى ذلك الى فوران ماء الرديتر مما سبب في انقطاع خرطوش الماء عند قناة الاثني عشر
وكانت آخر الكلمات التي نطق بها المتوفى :
ياعمري على كح كح ... يا عمري على كح كح .... يا عمري على كح كح الايكو !

[دكتور / مجنون]

ليه كذا يا E55 الله يرحمه شرشخين كان طيب .... :) :) :) :)

اقووول وش رايك تحط صور لفيراري

[شرخشين2000]

شكراً لهذه المشاعر المشجعة على الحياة مرة أخرى !!
بس تبي صورة فيراري ؟؟ غالي والطلب رخيصhttp://izzyshouse.simplenet.com/cars/ferrari/2001/360spiderrear.jpg

http://izzyshouse.simplenet.com/cars/ferrari/2000/360modena.jpg

هاااه ،، كافي والا أزيد ؟؟

[عسل]

هايلكس..غمارة ونص لا هنتم ...:(:)
-------
عســــــــ يعني الانابيب...والمزرعه...والذبايح .. والمره ـــل

[شرخشين2000]

راح أحطها لك في موضوع لحالها

تحياتي

[E55]

ما صارت صور هذي اللي حطيناها لك وسببت لك المشاكل هذي كلها :):)

[شرخشين2000]

ما شفت شي يا عزيزي !!!

[نسر]

أفضل مقارنة مع اللومينا SS هي مع GS300 و إن شاء الله بتشوفون المقارنة خلال الإسبوع هذا إن شاء الله

[نسر]

أقصد مع GS400

[خله على كيفه]

السلام
بدايه بما اني من عشاق القومات بلهجتنا الكويتيه <سباق السيارات> فانا عندي ربع وايد عندهم موستنجات وكماروات
واذا تبون تسون مقارنه سوها عندي يعتبر الكمارو اقوى من الموستينج بالفزه والخط ولكن عندنا الشباب يحبون العبثات
فيضيفون بعض الاشياء الى السياره حتى تصبح على اعطاء قوه اضافيه او الوصول الى سرعه عاليه في زمن قصير وانا حاضر لاي استفسار عن اسماء هذي الاشياء واحنى بالكويت متوفره عندنا جميع هذي الشغلات بس الناس يفضلون انهم يستوردونها من الامارات اولا لانها رخيصه وثانيه تييك يديده مو مستعمله وعلى طاري الموستنج والكماروو اذا كانو اثنينهم ستووووك يعني صافين ما عليهم شي بالقومااا يطلع الموستينج والخط يطير الكمارووو وعلى فكره لومنا2000 ومكسيما يطلعون على الموستينغ مساير بس مو خط اذا انتو فاهمنيني
وانا ما افضل ولا نوع من الي ذكرتهم بالسبورت افضل توين تيربوووو
لانه سرعته تصل الى 325كيلو متر اذا تم اضافه له بعض الشغلات الخفيفه الظريفه :) وانشاء الله افدتكم بجم معلومه
وسلامتكم
_______________
وين البخت وتقول مبخوت
مو اشتغلت حفار قبور
ما شفت احد قام يموت

[شرخشين2000]

مرحبا أخوي خله على كيفه ،،
جيت قبل سنتين مع الاهل الكويت بعد هلا فبراير على طول ،، أنا كنت أبي أروح الامارات مع الشباب ،، بس بدّلت رايي يوم سمعت عن الرابطة اللي عندكم ،، وللاسف رحت الكويت ولا زرت الرابطة ،،

بعدين بغيت أسألك سؤال ،، الـZX280 موديل 83 بكم أحصله عندكم ؟؟

[E55]

شرخش
إنت بعدك مصمم على موديل 83 ؟

أخوي " مخلينك على كيفك " ... أنا مرة صادفني واحد عنده موسنتج

وكان باين من صوت المكينة " صوت طبول واشياء تصفر " انه مركب شغلات خفيفة وظريفة على قولتك

لما سمعت صوت المكينة ، ما حبيت اتحرش فيه ، مع اني ما احب اضيع فرصة مثل هذي :)

[خله على كيفه]

السلام عليكم
اولا برد علىاخوي شرخشين 2000
السياره الي تبيها يسمونها زد بالكويتي نسبه الى اسمها Zx280
ونوع السيارات هذي يوجد عندنا اربع انواع الي ذكرناه والZx260
,Zx240,Zx300
والزد300 الي اي كام او تيربو اذا فاهمني وانا افضل Zx240
لانه شكله صغير وحلووو وقوي واسرع انواع الزداد بعد التيربو طبعا
ادري طولتها بس شسوي لقافه :) وسعر الزد الي تبيه اذا كان نظيف حيييييييل تقريبا سعره ما يتعدى ال1200 واذا كانت سياره بين الشباب عندنا وبينا سعره ما يتعدى ال500 دينار وتلقاه اقل
وفي سيارات نوع الزد عند الشباب بس للاستعراض يعني مفجورررر فجر
تلقاه 250 واقل على حسب نوعه امريكي او ياباني وعلى طاري الرابطه عندنا بالكويت انت تقول متحسف انك ما زرتها وانا اقولك زين انك ما زرتها لانه رابطه بنظم وقوانين بس انت اذا اييت الكويت بس عطني خبر وانا اعلمك والله اخليك تمل من السبورت
وعندنا اشياء غير الرابطه وواونس بوايد من الرابطه مثل شارع المطار وشارع الغوص وصبحان وطريق الخيران وطبعا هذي الاماكن حق سيارات السبورت امثال الموستينج والكماروو والتوينات واما الزداد لها اماكن بعد مثل الوفره الي كل واحد عنده زد بالكويت تشوفه يروح للوفره ولما تدش الوفره راح تلقى فو الالف زد متواجدين هناك واستعراض ووناسه
واما مناطق الموستيج والكمارو الي ذكرته من قبل فانا احبه ليش لانها بالاضافه الا الاستعراض والقومات ومن هالسوالف تصير كبسه دوريات وتصير مطاردات يعني صج تعيش بس اذا مسكوك :) انت عارف شيصير وما تطلع الى بولي امرك بس خلها على الله ادري طولتها بس شسوي كله علشانكم
وسلامتكم.

_________________
وين البخت وتقول مبخوت
مو اشتغلت حفار قبور
ما شفت احد قام يموت

[شرخشين2000]

خلاص ،،،

بعد ما أستلم الراتب ( اللي يسمعني يقول 15 ألف ) بجي على طول الكويت ،، وبشتري زد 280 موديـــ 83 ــــل ،، أبغى أمريكي اللي يجي ثلاث أسيات ،،

طيب والسيارات الثانية اللي عندكم في المعارض ،، أبي سيارة في حدود الـ 15000 ريال مع التصدير والجمرك ،، من هالجدد يعني كامري 94 مكسيما 93 يعني سيارة عشان أكرفها 5 سنوات ،،
تكفى رد علي بسرعة تراني محتاج هالسيارة ضروري مررررة ،،

[E55]

تبي مكسيما 93 وبـ 15000 درهم ؟

ما إلك إلا ...... الشارجة :)

والمواصلات علي ,,, يلله هه ،، تستاهل :):)

لكني ما أعرف كم بيكلفك التصدير

[شرخشين2000]

شوف حبيبي E55 أنا أتكلم عن جد ،، بعدين السيارة ما أباها لي أنا ،، هاذي لواحد أعزه أكثر من نفسي ،، يعني الروح بالروح ،، اذا انت جاد نروح الجمعة الجاي نبيع السيارة ونجيك على طول ،، هاااه ،، واذا موافق رد علي عشان أعطيك رقم التلفون ،،

[خله على كيفه]

يا اخ شرخشين وانا انصحك تروح تشتري السياره من الامارات لانها ارخص من الكويت
قبل كان سعر السياره الياباني عندنه زين بس بعد ما غلوو البنزين الله ياخذهم ويلعن اشكالهم صار الياباني غالي والامريكي
رخيص بصراحه الامارات احسلك بوايد
وسلامتكم.

[E55]

عزيزي شرخش
سعر المكسيما 93 لا يمكن يزيد عن المبلغ اللي ذكرته لك
المكسيما موديل 94 ممكن تحصلها بسعر قريب للـ 15000 ، يعتمد على نظافتها

أنا ما أقدر أقولك إذا هالنوع متوفر الحين ولا لأ في الشارجة لأني من أبوظبي ، يعني بعيد عنهم شوي

وبعدين سوق السيارات المستعملة ينشط مع بداية شهر 9 ، وفي كل الحالات ، حياك الله في أي وقت في الإمارات

[شرخشين2000]

مشكورين يا شباب و ماقصّرتوا ،،

E55 ،، طيب ما عندكم سيارات مستعملة في أبوظبي ،، أنا أبي سيارة حلوة مشدقمة حتى لو حصلت كورولا 94 و فوق ،، أي لون ،، أهم حاجة الدركسون باور ،،

[E55]

شرخشين

شو السيارة اللي تبيها بالضبط ؟؟

في سيارة في هالوقت ما فيها باور ستيرنج !!!!

[شرخشين2000]

E55 ،، قصدي كورولا يعني ،، عشان 93 و 94 ما تجي باور !!

على العموم اذا حصلت كورولا أنا جايك على طول ،، أوكي !