مــــــــذكــــــرات

[شجون المحبه]

في اغلب الاحيان كثير من الازواج يفسر الامور والمواقف بكيفه
وبطريقه لابد انها تكون مغايره لتفسير الثاني
وبتفكير يختلف بحيث ان كل واحد منهم يفهم اللي يريده ...

ومن هنا خطر على بالي كتابة بعض مذكراتهم ....

*******
الزوجة : تعبت ولا اعلم ماذا افعل لكي يتفهمني ..ويدرك احتياجاتي ...
ولا ادري ليه صاير زوجي عصبي كل ما زارتنا صديقتي يسلم
من وراى خاطره ويطلع من البيت ..وكل ما اقول له انا رايحه معها مكان
يثور ويعصب علي ...مو عارفه ليه ما يحبها ليش لانها تحبني وتخاف علي ...
المهم اخر مره بصراحه حطني في موقف زي الزفت ...
كانت صاحبتي تبي تنام عندنا عشان اتفقنا نروح بدري الصبح مشوار
وتوفير للوقت بدل ما امر عليها ...الا لما قلت له على صوته ورفض
وقعد يناقش بصوت عالي عشان يسمعها وهي سمعت وطلعت ...
يووووووووووه منه وش اسوي فيه لهالدرجه يغار عليّ من صديقتي ...
وش هالغيره اللي مالها طعم ...

*******
الزوج : وش الله بااااالني فيها تعبت معاها وش اسوي يا ربي مليييييت
وانا المح لك متى رح تستوعب وتحس متى بس ..
وتقول بعد صديقتي احبها لو تعرفين بتقولين حبها برص ..
حجزت وانا اوضح الها وهي مش راضيه تفهم ...كيف اقولها
ان صديقتها ملاحقتني بتليفونات وتبي تكلمني وانا مو عاطنها فرصه ..
وبعد زعلت علي ومو راضيه تكلمني اليوم عشان تبي صاحبتها تنام عندنا..
وانا هاوشت ورفضت ... لااااا هذااللي ناقص بس وتكمل السالفه ....
ما اقول غير الله يهديج يا زوجتي وتفهمين

[قايد الريم]

رهيبه .والله ................؟؟



وين خطرت على بالج هذه الفكره ؟



ماشاء الله عليج




تحياتي

ا ل ر ي م

[شجون المحبه]

جميل جدا انها اعجبتك ...

لان حياتنا جيه اسالي اي زوجين عن اي سالفه
كل واحد فيهم بيقول قصه مختلفه عن الثاني ...

اسعدني تواجدك ....


احتراماتي لك عزيزتي ....:):)

[الحفار]

اللي غايضني ان زوجته تقول غيره مالها طعم

بس تدرين عاد

المفروض انه يصارح زوجته بالشيء هذا

ولا يرضا انها تمشي مع وحده مثل هذي


حتى لو كان واثق من زوجته

بس مايصير يسمح لها تماشي هذي الصديقه

[مجروح]

شيئ طبيعي جداً .
.
.
.
.
.
.
.
.
.
.
.
.
.
.
.
.
.
.
.
.
لأن الكاتبه شجون المبدعة دائماً .

تحياتي اختي .

[شجون المحبه]

هــــلا الحفار ...


لا تصدق القصه تراها من تاليفي ..:):)

بس انا معاك لازم اذا كان هو صادق وما يتخيل ..
انه يقول لزوجته عشان تعرف صديقتها على حقيقتها ...



تحــــيــــاتي لــك

[شرخشين2000]

نسيتي نقطة صغيرونه ،،
إنهم لو تصارحوا من البداية ما كان صار ولا شي من كل هذا ،،

[شجون المحبه]

اشكر لك كلامك ...وتواجدك الدائم ...


احتراماتي لــك اخي الكريم ...:)

[شجون المحبه]

من متى كان المصراحه صفه موجوده
بين الازواج طبعا الا ما ندر ..

المهم اشكر لك تواجدك ...


احتراماتي لشخصك الكريم ...

[khalid99]

جميله جدا ياشجون

وتبين الصراحه هذه حدثت لشخص عزيز جدا

ولكن بصوره مختلفه قليلا

تصدقين لدرجة انها تتصل على صديقتها وتقول بنتي تعبانه

مرة خلي ( ابو فلان ) يمر علينا نوديها للمستشفى

لاني اتصلت بزوجي وجواله ( مغلق ):(

والمسكينه على نياتها: تكفى يا00000 افزع لفلانه

وعندما يصر عليها انه تذهب معهم تقول لا يابن الحلال

وش يوديني للمستشفى بعدين هي بنتها معكم اعتبرها محرم :(

ويوم تركب معه بالسياره الله لايوريك تقول رايحه لعرس:(:(

وهات ياسوالف والرجال واصله معه ( كيس التبن ):(

عموما خوينا ماارتاح لين صارح زوجته بالموضوع

ويالله صدقت كلامه

[شجون المحبه]

اهلين فيــــك ..:)

والاجمل ان الموضوع عجبك ...


بالفعل هنالك الكثير من هم يتعرضون لمثل هذه القصه في الحياه الواقعيه ...
وللاسف تكون دائما من اقرب الناس لديهم ....

واهم شيء ان اخويك قدر يصارح زوجته في الوقت المناسب ..
والزين انها اقتنعت حتى لو بصعوبه لكنها تفهمت ودرت بالسالفه ...


اشكر لك تواجدك الدائم ...

احتراماتي لك ...