View Full Version : E55 على طاري المقارنة ،، المقارنة غير عادلة 100 %
شرخشين2000
24-08-2000, 04:03 PM
تحياتي لك أخوي E55 ،،
وعلى طاري ذيك المقارنة تراني أرسلت لهم وقلت لهم ان المجلة هضمت حق الكامري مع أنها جابت GTX لكن السيارة اللي دخلت المقارنة كانت كامري GTX V6 موديل 99 وليس 2000 :):)
و الدليل القاطع على هذا الكلام ،، أن الدركسون ومقبض الجير بلون أسود وليس على لون ديكور السيارة :):)
بعدين قطع الفيبر جلاس اللي على الكامري تجارية مو أصلية ،، لأن شكل هذه القطع الاصلية يختلف تماماً ،، بعدين وش هالكامري العنابي ؟؟ جابو أحلى لون للمكسيما ،، وأخس لون للكامري ؟؟ وش رايك أنت ؟؟
من ناخية الرساوة رح وجرّب ،، بعدين ياخي يكفيك انه مكتوب عليها من الخلف
T O Y O T A C A M R Y
أخوي شرخشين
خلني أوضح لك شي
أنا لا من عشاق سيارات نسيان ولا من محبي التويوتا ولا لي إهتمام في اللومينا حتى ( مع إنها سيارتي الحالية )
أنا لا أحكم على السيارة بعواطفي (لأنها سيارتي أو سيارة حد من أهلي) لا ...
السيارة الزينة أقول عنها زينة حتى لو كانت "لادا" والسيارة الفاشلة أقول عنها فاشلة حتى لو كانت بي أم (وينك يا حمد)
يعني إذا ممكن ، نخلي عواطفنا على جنب ، قبل لا نحكم على السيارات.
بعدين بخصوص الموديل ، أعتقد إن المواصفات "الأساسية" للسيارة ما اختلفت بين 99 و 2000 وهذا كله من الوكيل "بخيل" اللي
ما رضى يعطيهم سيارة جديدة :)
أما عن اللون ،، معاك حق ... لكن لا تنسى إن في مثل هالمواضيع اللون مب مهم ، المهم هو النتيجة النهائية للمقارنة:)
أما عن اللي مكتوب ورا ، فهذا إثبات على إنك متيم بالتويوتا وهالشي يخليك غير مؤهل للحكم على السيارات
خاصة إذا كانت سيارة من تويوتا طرف فيها ،، لازم تكون محايد يا شرخش
مثل حكام مباريات كرة القدم :):)
شرخشين2000
26-08-2000, 03:32 AM
أنا مش متحيز ،، أنا إنقلابي ،، ( جيب على غفلة ) :):)
E55 يوم رحت تغير بطارية لسيارتك ،، شحنوها والا غيروها أول مرة ؟؟
شحنوها صح ،، وقالوا السيارة جاهزة ،، أما التويوتا يركبون الجديدة والقديمة يعطونك إياها في كرتون ،، تروح المحرقة وتبيعها بـ 5 ريال ،،
يكفي خدمة الوكيل عزيزي ،، بعدين انت شفت سيارة الجوكر على ما أظن و هي مدعومة ،، اسبوعين والسيارة في البيت !!
تبيني أتحيز لشي غير التويوتا ،،
تويوتا وبس ،، والباقي كبدة بالجبن من بوفية السعادة !!
إحنا نتكلم عن السيارة ولا عن خدمة الوكيل !!!
وبعدين شو دخل بطارية سيارتي في هالموضوع !!
وأنا قلت لك ، إنهم وبطلب مني بدلوا البطارية بوحدة جديدة
أنا أراهنك إنها لو كانت تويوتا ، كانوا بيشحنوها ويقولولي : سلم لنا على AC Delco ويخلونها واقفة بره الوكالة :):)
تستلمها ولا ما تستلمها ، إنت بكيفك :):)
وبعدين مرة ثانية لا تدخل سوالف قبل الريوق الله يخليك :):)
:) تحيــ شرخشين التويوتاوي ــاتي :)
شرخشين2000
26-08-2000, 03:17 PM
توني جاي من الدوام ،، يعني توني متعشي BIG MAC ههههههههه
على طاري الوكلاء للسيارات في المملكة ،، عبداللطيف جميل أفضل وكيل على مستوى مجرة درب التبانة ،، واللي هو وكيل تويوتا و لكزس
تحياتــــ HOLDEN GTS ـــــي
شرخشين
عندي لك سؤال
كيف توصلت للنتيجة اللي ذكرتها بأن عبد اللطيف جميل أفضل وكيل على مستوى درب التبانة
وين راح وكيل UFO ؟
عندهم السيارة تضرب خط من مجرة لمجرة بدون أي مشاكل;)
ولو انه موضوع قديم ولقافة
لكن انا اخذت الوصلة الي كتبها E55
واحب أقول ان
أفضل وكيل في الصيانة بالسعودية هي
لكزس (حقت عبداللطيف جميل )
وفي نفس الوقت
اخس وكيل في الصيانة بالسعودية هي
تويوتا (حقت عبداللطيف جميل)
واسأل مجرب
تعبوني كثير لكن بعد ماهددتهم بالتجارة صاروا معاية اخر حلاوة
وسلم لي على بالبيد
أما عندنا في الإمارات
أحسن وكيل = ( للأسف ،، لم ينجح أحد )
أخس وكيل = ( الكل بدون استثناء ، ما عداوكالة الفيراري لأني ما أعرف حد عنده فيراري ) :)
إلا إذا قرر محمد بن سليم يرد على اتصالاتي ، بخبركم بعدين عن وكيل الفيراري في الإمارات