شو هالغبار اللي في القسم

[E55]

وين الشباب ؟
وين المشاركات ؟
وين المواضيع الجديدة ؟
وين نسر وبوغازي وشرخشين وعشاق الكامري :) والباقيين كلهم وين ؟؟

[سردال]

يا اخي والله ما أعرف شو أكتب في السيارات! كل ما أحط موضوع، ما أحد يرد عليه، وبعدين ما في مشاركات وايد! المكان لازم أيغبر، شو أقتراحاتك عشان أنحرك المكان شوي! :)

[E55]

مرحبا أخوي سردال
لو كل واحد فينا يكتب عن السيارة اللي عاجبته بيتحرك القسم
لو كل واحد فينا يكتب ليش هالسيارة عاجبته بيتحرك القسم
لو كل واحد فينا يحط صورة السيارة اللي عاجبته بيتحرك القسم :):)

بعدين ، إنت إذا كتبت موضوع ، كأنك تذكر معلومة ، ولباقي الأعضاء حرية التعليق على هذه المعلومة

يعني مب مهم إن الباقيين يردون عليك ويقولون :
يا سلام ، والله الموضوع حلو مشكور

لأن المفروض إحنا ما نكتب اللي نكتبه عشان الباقيين يشكرونا .. لأ
إحنا نكتب أي معلومة عن أي شي جديد أو قديم

يعني أنا لو سألتك عن سيارتك اللي تستخدمها الحين ، ممكن تكتب لي موضوع عن مواصفاتها ورأيك فيها ؟

هذا بحد ذاته راح يحرك القسم

تحياتي لك أخوي وبانتظار مواضيعك

[أبو غازي]

الاخ سردال ...
مو شرط إننا نرد علي الموضوع .. المهم عدد قراء الموضوع
أما أننى أكتب موضوع عشان الردود؟؟
عزيزي
أنا كنت راح أقول كلام واجد لكن إي 55 .. ما قصر عطاك المفيد :):)

ولا تنسي يا إي 55 المدارس بدأت عندنا في السعودية
يعنى شرخشين2000 ما راح يدش النت
لأنه عند آخر سنه في الثانوية
الله يوفقه .. ويوفق الجميع

[سردال]

والله صدقتوا! بس أقول، تراني لا أسوق ولا عندي سيارة ولا حتى أحلم فيها، بس واحد معجب بالسيارات! تبغوني اكتب عن سيارات البيت! عدنا بيك أب، وانيت يعني! :)

ولا يهمكم! راح أكتب وقريب إن شاء الله

[زورو]

سردال .....
ما علية يا اخوي ان شاء الله بتكبر و بتسوق السيارة اللى في خيالك و تتمنى انك تحصل عليها .....

انا متاكد انه كل واحد فينا عنده سيارة يحلم انه يمتلكها و انا واحد منكم و سردال انت فاهم قصدي صح ;)

http://www.zorro.com/shared/ringlrg.gif

[سردال]

إلا فاهم! فاهمك يا زورو ;) بس تصدق، حلمي ألحين في سيارة صغيرة! ما يعدي سعرها عن 50000 ألف، وخصوصاً سيارة فولكس فاجن غولف.

[E55]

الأخ سردال

إذا ناوي على غولف V5 ، حاول تدبر لك 15 ألف زيادة

وترى الموتر يستاهل :)

لكن إنتوا يالمطاوعة إستخدامك للسيارة فيه نوع من الشدة :) وهالنوع يباله دلع شوي

يعني يباله تشييكات ، ولما تشغله الصبح لازم تعطيه دقيقتين عشان يسخن ومن هالسوالف

:) تراني أمزح :)

[سردال]

:) والله ضحكتني! أخوي، مو كل المطاوعة يتعاملون بعنف مع سياراتهم، صدقني أزعل جداً يوم أشوف ملتزم وما يحافظ على سيارته، هذا تناقض، :) وصدقني أزعل إذا شفت سيارة خربانة أو مستعملينها غلط، والله حرام، الإنجليز في بلادنا يحافظون على سياراتهم 10 سنين وتم صاحية :)

:)